15 July 2025 bodo news. ABSU, Kokrajhar, bullet train etc etc news. ~ Bodoinfo.com

दिनै 15 जुलाइ 2025 मंगलबार साननि मोननैसो गोनां खौरांफोरजों दिनैनि सानखौ नोंथांमोना जागायदो।

1. मोनसे सोमोनांथाव जाथाय, सिबिसुला नार्जारी मुंनि सासे 26 बोसोर बैसोनि सेंग्राया समबारनि बेलासिनि 3 रिंगायाव ककराझार जिल्लानि सिङाव थानाय देबोरगाव फाक्रिगुरि गामियाव थानाय गावसोरनि न'आवनो गावनि आंगो बिफा अनिल नार्जारी (50) खौ बुथारनायनि अजद होदों।

गिबि रिपर्टनि बायदिब्ला, बे जाथाया बेलासिनि 3 रिंगासोआव जादोंमोन, जेब्ला सिबिसुलाया गावनि बिफाखौ उन्दुबाय थानाय समाव रुवाजों गाग्लोबदोंमोन, जायनि फिथाय महरै लोगो लोगो बिफानि जिउ गोमायो।

नखरनि खाथिनि सुलुंनि बायदिब्ला, सिबिसुला, जाय मोनसे समाव साइ क'कराझारआव फोरोंथाय लादोंमोन आरो बोरला गावनायाव रायजो थाखोनि बादायलायनायाव गेलेदोंमोन, खौरां मोन्नाय बायदिब्ला बियो डिप्रेशनजों जुजिगासिनो दं आरो बिखौ ड्राग्सनि जेआव गोग्लैनायनि सन्देह खालामनाय जादों।

दायनिगिरिखौ हमनानै लांनाय जादों आरो नायबिजिरनाया सोलिगासिनो दं।

रायजोनि गं 7 रायजोआरि मुलुगसोलोंसालिफोरनि भाइस चेन्सेलरफोर थिसननाय जादों।
रायजो बेंगिरि लक्ष्मण आचार्य बिथाङा फोसावथायनि गेजेरजों भाइस चेन्सेलरफोरखौ थिसनदों
ड. हितेश डेकाखौ नगाव मुलुगसोलोंसालिनि भाइस चेन्सेलर महरै थिसनदों
बिबुंगोरा ज्योतिप्रसाद सइकियाखौ जगन्नाथ बरुवा मुलुगसोलोंसालिनि भाइस चेन्सेलर महरै थिसनदों
प्रफेसार महादेव पातगिरिखौ शिवसागर मुलुगसोलोंसालिनि भाइस चेन्सेलर महरै थिसनदों
प्रफेसार मुकुल बराखौ साहा लखिमपुर मुलुगसोलोंसालिनि भाइस चेन्सेलर महरै थिसनदों
प्रफेसार तारिणी चन्द्र डेकाखौ बंगाइगाव मुलुगसोलोंसालिनि भाइस चेन्सेलर महरै थिसनदों
बिबुंगोरा निरन्जन रयखौ गुरुचरण मुलुगसोलोंसालिनि भाइस चेन्सेलर महरै थिसनथाइ होदों
प्रफेसार गणेश चन्द्र वारिखौ ककराझार मुलुगसोलोंसालिनि भाइस चेन्सेलर महरै थिसनदों

3. रेल बिफाना रबिबाराव फोसावदोंमोन दि बियो दावबायारिफोरनि रैखाथिखौ बांहोनायनि थांखिजों हादोरनि गासैबो दावबायारि दाब्बा आरो इन्जिनफोराव सि.सि.टि.भि. केमेरा फज'नो प्लेन खालामदों। सिगांनिफ्रायनो सायख'जाखानाय माखासे ट्रेनफोराव सि.सि.टि.भि. खान्थिनि आनजादारि मावथांखिफोरनि मोजां फिथायनि उनाव बे थिरांथाखौ लानाय जादोंमोन।

बावैसो मिरु रेल मन्थ्रि अश्विनी वैष्णव आरो रेल रायजो मन्थ्रि रवनीत सिंह बिट्टूनि दैदेन्नायाव मोनसे गोजौ थाखोनि जथुमाव भारतारि रेलवेखौ 74,000 दाब्बा आरो 15,000 इन्जिनफोराव सि.सि.टि.भि. केमेरा फज'नो गनायथि होनाय जादों। बे जथुमाव रेलवे बर्डनि गोजौ थाखोनि मावख'गिरिफोराबो बाहागो लादोंमोन।

गोदान बिथांखिनि बायदिब्ला, मोनफ्रोम दावबायारि कचआव मोनब्रै सीसीटीवी केमेरा फसंनाय जागोन, जायखौ दावबायारिफोरनि गावारि खोथाखौ रैखाथि होनायजों लोगोसे सरासनस्रा जायगानि थांलाय-फैलायखौ नोजोर होनो थाखाय मोनफ्रोम हाबग्रा दरखंआव मोननै फसंनाय जागोन। मोनफ्रोम इन्जिनआव मोनद' केमेरा फज'नाय जागोन: सिगां, उनथिं आरो खाथियाव मोनसे, लोगोसे मोनफ्रोम केबिनाव मोनसे केमेरा आरो मोननै माइक्र'फन फज'नाय जागोन।

रेलवे मावख'गिरिफोरा बुंदोंमोन दि बे खान्थिखौ सा रेलवे नेटवर्कआव जाफुंसार आनजाद नायनाय जादों। बिथाङा बुंदोंमोन दि बे आगाननि थांखिया जथायनाय दायनिगिरि हानजाफोरजों लोगोसे दुथांफोरनि हाबाफारिफोरखौ होबथानाय आरो बिसोरखौ हमनाय।

4. दुलाराय बर' फरायसा आफादा (ABSU) मैया ककराझार जिल्ला बेंगिरिनि गेजेरजों बर' हारिखौ गोहोम खोख्लैनाय सोमोन्दो गोनां जेंनाफोरखौ सुस्रांनो थाखाय मोन्नै आलादा आलादा गोसोखां बिलाइ गथायदोंमोन। गोसोखां बिलाइफोरखौ फारियै आसाम रायजो बिसायख'थि आय'ग आरो गुवाहाटी गोजौ बिजिरसालिनि रेजिस्त्राररनो होनाय जादोंमोन।

आसाम रायजो बिसायख'थि कमिसनारनो गथायनाय गांसे गोसोखां बिलायाव एबसुआ खावलायदों दि बिटिसि इलेक्टरेल र'ल 2025 खौ असमियाजों लोगोसे बर' रावाव फोसावनांगौ।

8थि फारिलाइनि सिङाव बर' रावनि संबिजिरारि थाथायखौ नोजोर होनानै एबसुआ आसाम मावख'आरि राव (सोदांनाय) आइन, 2020 नि धारा 5 ए खौ मुंख'दों, जाय गोबां बर' सुबुं अनजिमा थानाय जिल्लाफोर आरो महकुमाफोराव बर'खौ मावख'आरि राव महरै बाहायनो बिथोन होयो।

फरायसा आफादा जुक्थि होदोंमोन दि बिसायख'थि फारियाव बर'खौ सोफादेरनाया बिटिआर ओनसोलाव रावारि समानथि, रोखाथि आरो बांसिन भ'ट होग्राफोरनि खाबुखौ रोखा खालामनायनि फारसे मोनसे आगान जागोन।

जुडिसियेल थिसननाय आनजादाव बर' रावखौ सोफादेरनाय

गुवाहाटी गोजौ बिजिरसालिनि रेजिस्टारनो गांसे गुबुन गोसोखां बिलायाव एबसुआ बिजिरसालिनि आवथायाव खुंनाय गासैबो थिसनथाइ आनजादफोराव बर' रावखौ थिसननांगौ होन्ना दाबि दैखांदोंमोन।

गोसोखां बिलायाव आसाम जुडिसियेल सार्भिस ग्रेड III आनजाद आरो बावैसो जालांनाय जेएए (जुनियर एडमिनिस्ट्रेटिभ एसिस्टेन्ट) थिसनथाइ फोसावथायनि सायाव जिंगा सिखांदोंमोन, जाय मोन्नैबो बड'खौ नागारनानै अस'मिया राव रोंग'थिनि थाखाय थि नम्बर होयो।

एबसुआ बुंदोंमोन दि बेफोरबायदि हुदाया बर'-बिजोंनि थाखोनि बिनायसाफोरजों फारागथि खालामो आरो बिसोरनो साख्रिनि खाबुफोरखौ मोजाङै मोननो हायै खलामो। बेयो गासैबो सोमोन्दो गोनां थिसननाय बिखान्थिफोराव बर' आरो अस'मिया रावफोरखौ समान आखु दिन्थिनायखौ रोखा खालामनो थाखाय न्यायबिफानखौ खावलायदोंमोन।

बेखौ गनायना लायाब्ला फैगो 17 जुलाइ आव गासै जिल्ला थाखोआव बेनि एदभार्ताइजमेन्त नतिफिकेसनफोरखौ सावनाय हाबाफारि लागोन होननाबो रोखा खालामना होदों आफादगिरि दिपेन बर बिथाङा।

5. लोगोसेनो मैया मैया रायजोनि गुबुन गुबुन जिल्ला आरो साब दिभिजनेल हेदकुवार्ताराव गेरेमसा बर माहारि दानायनि थाखाय गोलाव लामा हान्जा सुरनाय हाबाफारि लानाय जादोंमोन।

बर' माहारिखौ गेरेमसा हारि महरै दानायनि थांखिजों बड'फा उपेन्द्रनाथ ब्रह्मनि आदर्शखौ लानानै थां आरो थांनानै थानो हो, बुहुमनि बर'फोर खौसे जा बे मोन्थोरखौ लानानै दुलाराय बर' फरायसा आफादा मैया लामा हान्जा सुरनाय हाबाफारिखौ गासै आसामाव जाफुंसार महरै लायो।

थांखिया बर' हारिनि खौसेथि, थामोन्था, रैखाथि आरो गेरेमसा माहारि दानाय होननाबो मिथिहोदों।

6. दिल्ली मुलुगसोलोंसालिनि 19 बोसोर बैसोनि फरायसुलि स्नेहा देबनाथनि गोथै सह', जाय थांनाय द' साननिफ्राय गोमानानै दंमोन, रबिबारनि मोनाबिलियाव बेनि गीता कल'नीनि फ्लाइअभारनि साखाथियाव यमुना दैमायाव मोननाय जादोंमोन । त्रिपुरानि स्नेहाया खोला दिल्लीनि पर्यावरण कमप्लेक्सआव थायोमोन ।

फरायसुलिया 7 जुलाइआव गोमादोंमोन । फरायसुलिया गावनि खथायाव मोनसे आखायजों लिरनाय बिलाइ गालांदोंमोन जाय दिन्थियो दि बियो गावनि जिउखौ फोजोबनो लुबैदोंमोन । बेनि सोमोन्दै महरौली पुलिस थानायाव मोनसे केस रेजिस्टार खालामनाय जादों ।

बे बिथिङाव पुलिसा मा बुङो ?

डिपुटी कमिसनार अफ पुलिस (खोला) अंकित चौहानआ बुंदों, "नायबिजिरनाय जागायबाय। केब सालायगिरिया बिखौ सिग्नेचर ब्रिजआव दोनलांनायखौ रोखा खालामदोंमोन। आरोंदायारि नायदिंनायनिफ्राय मिथिनो मोनो दि बिनि जोबथा जायगाया सिग्नेचर ब्रिजआवमोन। "

नुनाय साखिफोरनि फोरमायथिफोर :

नुगिरिफोरनि मोनसे थाखोआ बुंदोंमोन दि बिसोरो दालांनि सायाव गसंनाय सासे हिनजावसाखौ नुदोंमोन। "निगमबोध घाटनिफ्राय नयडासिम एन.डि.आर.एफ. आरो जायगायारि पुलिसजों जथायै नागिरनाय जादोंमोन। बिनि खाथि लोगोफोरा मुंख'दोंमोन दि बियो थांनाय माखासे दानफोरनिफ्राय गोसोआरि महरै समानथि गैयै जादोंमोन आरो बै फुंआव ई-मेल आरो मेसेज दैथायहरदोंमोन। "

नखरनि सोद्रोमाफोरा गोथै सह'खौ सिनायथि होदों :

पुलिसनि बायदिब्ला, स्नेहानि गोथै सह'खौ गीता कल'निनि फ्लाइअभारनि गाहायाव दैमायाव गोजावना थानाय मोननाय जादोंमोन। उनाव हिनजावसानि नखरनि सोद्रोमाफोरा बिखौ सिनायथि होयो।

ब्रै दानसिम एकाउन्टनिफ्राय रां दिहुननाय जायाखैमोन :

स्नेहाया दिल्ली मुलुगसोलोंसालिनि आत्माराम सनातन धर्म फरायसालिमायाव बि.ए. सानखान्थियाव फरायगासिनो दंमोन। सासे नखरनि लोगोआ बुङो, "जों मिथिनो मोनदोंमोन दि बियो थांनाय ब्रै दाननिफ्राय गावनि एकाउन्टनिफ्राय जेबो रां दिहुनाखैमोन आरो गावनि नखरनि सोद्रोमाफोरखौ फन खालामदोंमोन आरो 7 जुलाइखालि जेबो मुवा-बेसाद लायाजासे न'निफ्राय ओंखारलांदोंमोन । "

7 जुलाइनि फुंनि 5 बाजि 56 रिंगायाव नखरखौ फन खालामदोंमोन आरो बुंदोंमोन दि बियो रोहिल्ला रेलवे स्टेशनाव थांगोन आरो गावनि लोगो पिटुनियाखौ लोगो हमगोन। उनाव, नखरनि सुबुंफोरा सन्देह खालामदोंमोन जेब्ला बिनि फ'ना थाम घन्टानिबो बांसिन बन्दमोन, अब्ला बियो पिटुनियाखौ फन खालामदोंमोन आरो बेनि सोमोन्दै खोन्थानायाव बुंदोंमोन दि बियो स्नेहाखौ लोगो मोनाखैमोन होनना। नायबिजिरनाया दासिमबो सोलिगासिनो दं।

7. आरोबाव मोनसे गिख्रंथाव बिरखंनि जाब्रबथाय। बिरनाय समाव गंसे बिरखंआ जाब्रबथायाव गोग्लैयो। दान्दिसेनि गेजेरावनो रानवेनि फारसेथिं अरआ साग्लोबजोबो। बे जाथायाव बिरखंआव थानाय गासैबो दावबायारिफोरनि थैनायनि सन्देह खालामनाय जादों। बे गिख्रंथाव बिरखंनि जाब्रबथाया लन्दनाव जादोंमोन । भारतारि समनि बायदिब्ला, बे जाथाया रबिबारनि हराव लन्दननि साउथएन्ड बिरखं गाथोनाव जादोंमोन।

गिबि रिपर्टफोरनि बायदिब्ला, बिरखंआ नेदारलेन्डनि लीस्टाडसिम थांगासिनो दंमोन, नाथाय बिरखांनायनि उनाव, बिरखंआ अर नांदोंमोन आरो रानवेनि खाथियाव गोग्लैदोंमोन। बेयो फिसा दावबायारि बिरखं बिरखं बिसक्राफ्त बि200मोन ।

बिरखंआ जाब्रबथाय जानाय लोगो लोगो रानवेआव अर नांदोंमोन। लन्दन पुलिसनि सुलुंनि बायदिब्ला, लन्दननि सम बायदियै बेलासिनि 4 रिंगासोआव मोनसे फिसा बिरखंआ जाब्रबथायाव गोग्लैयो। बिरखंआ फ्लाइटनि समाव जाब्रबथायाव गोग्लैयो। जाउनाव बिरखंआ अर नांदोंमोन आरो दसेनि गेजेरावनो जोबस्रांदोंमोन। अर आरो धुवा हरखाबै सोरगिदिं गोसारदोंमोन। जाय बिरखं गाथोनाव दावबायारिफोरनि गेजेराव गिनाय सोमजिहोयो।

8. मडेलिं मुलुगनि थाखाय मोनसे सोमोनांथाव खौरां। मुंदांखा मडेल सान राहेलनि गोथै सह'खौ पुडुचेरीआव बिथांनि न'निफ्राय बोखांनाय जादों।

पुलिसा गिबि नुनायाव सन्देह खालामदों दि मडेल, जाय हारियारि बासिलायनायनि बेरेखायै गोबां बाथ्राफोर बुंदोंमोन, बिनो गावखौ फोथैना लादों। बिथांनि न'निफ्राय गांसे सुइसाइड नटबो मोननाय जादोंमोन।

रेसेलआ थांनाय बोसोराव जुलि जादोंमोन। जाउनाव सुइसाइड नट बोखांनो हादोंब्लाबो नाथाय पुलिसा जाथायनि सायाव नायबिजिरनो जागायदों। सुलुंफोरा दाबि खालामदोंमोन दि सुइसाइड नटआव लिरनाय दं, "आंनि थैनायनि थाखाय रावबो दायनिगिरि नङा। '

पुलिस सुलुंनि बायदिब्ला, सान राहेलआ गावनि मडेलिं केरियारनि थाखाय गावनि गासैबो सनाखौ बन्दकआव दोन्दोंमोन। जायनि जाउनाव, बिथांनि सायाव रांनि नारसिनथाय जादोंमोन। पुलिसा बेखौबो नायबिजिरगासिनो दं दि बिथाङा गावखौ फोथैना लादों ना लामाराखै।

गोनां बाथ्राया बेनोदि सेन रेचेलनि गुबै मुङा शंकर प्रिया। हारियारि नासयनायनि बेरेखायै बाथ्रा बुंनानै मडेलिं मुलुगाव मोनसे सिनायथि सोरजिदोंमोन बिथाङा।

बेखौ दाबि खालामनाय जादों दि राहेलआ बावैसो माखासे फेसन श' खुंदोंमोन। बै श'फोरखौ खालामनायाव खहा जानायनि जाहोनाव बिथाङा गावखौ फोथैना लादोंमोन होनना सन्देह खालामदों।

9. भारतनि बुलेट ट्रेन मावथांखिया समबारखालि मोनसे गेदेर जाफुंसारनाय मोननो हादों जेब्ला बीकेसी (बांद्रा-कुर्ला कम्प्लेक्स) आरो ठाणेनि गेजेराव 21 किल'मिटार लैथो सिङाव तानेलनि गिबि खोन्दोआ जाफुंसार जानो हादोंमोन।

मुम्बाइ-आहमेदाबाद बुलेट ट्रेन मावथांखिनि बाहागो 2.7 किल'मिटार गोलाव तानेलनि खोन्दोखौ महाराष्ट्रनि घनस'ली आरो शिल्पानि गेजेराव लुनाय जादों।

गासै 21 किल'मिटारनि गेजेराव 5 किल'मिटारखौ शिलफाटा आरो घनसलीनि गेजेराव गोदान अस्ट्रियन टानेलिं मेथड (एन.ए.टी.एम.) बाहायनानै लुनाय जादों, बबेखानि आद्रा थानायफोरखौ टानेल ब'रिं मेसिन (टी.बी.एम.) बाहायनानै लुनाय जागोन। रेल बिफाना मोनसे बिबुंथियाव बुंदोंमोन दि बे सुरंगआव ठाणे क्रीकनि गाहायाव 7 किल'मिटार गोलाव लैथो सिङाव थानाय खोन्दोबो दं।

बिबुंथियाव बुंनाय जादों दि एन.ए.टी.एम. बाहागोआव तानेलखौ गोख्रै खालामनो थाखाय, मोनसे बेजों लोगोसे ड्रिभेन इन्टारमिडियेट टानेल (ए.डी.आइ.टी.) लुनाय जादोंमोन, जायजों घनस'लि आरो शिल्पाटा फारसेथिं मोनसे समावनो जावखांनायनि गनायथि मोनो।

भारतनि गिबिसिन गोख्रैथि गोनां ट्रेन मावथांखिया दा गोख्रैसिन दावगालांगासिनो दं। ट्रेक बिस'नाय आरो अभारहेड मोब्लिबारि तारफोर, स्टेशनफोर आरो दालांफोर लुनायाबो गोख्रैयै सोलिगासिनो दं।

भारतारि रेलवेआ जापाननि शिंकानसेन बिरोंदामिनखौ बाहायनानै हादोरनि गिबिसिन 508 किल'मिटार गोलाव बुलेट ट्रेन मावथांखिखौ जौगाहोगासिनो दं। बे बायदियैनो, बेयो भारतारि मावथांखियाव गावनि गोदानसिन जोलैनि E10 शिंकानसेन ट्रेनफोरखौ बाहायनो थाखाय जापाननिफ्राय गनायथि मोननो हादोंमोन।

जापाना आथिखालाव E5 ट्रेनफोरखौ सालायगासिनो दं। फैगौ जोलैनि ट्रेनफोरा E10, जायखौ जापानाबो उनाव सिनायथि होगोन।

10. भारतारि अख्रांमा दावबायारि शुभान्शु शुक्ला आरो बिथांनि हानजानि लोगोफोरा अख्रांमानिफ्राय बुहुमसिम फैफिननायखौ जागायजेनबाय। सिगांनिफ्रायनो बिसोरनि आनडकिं बिखान्थिया जाफुंसारै आबुं जाबाय। बेखौ मिथिनो मोननाय जायो दि शुभंशु शुक्लानि अख्रां दिङाया थिखानाय समनि एसे उनाव, बेलासिनि 4:45 रिंगायाव अख्रांमा स्टेशननिफ्राय बुहुमनि थाखाय ओंखारबोदोंमोन।

जुदि गासैबो मोजाङै थायोब्ला, बिसोरो बेलासिनि 3 रिंगायाव केलिफर्निया, आमेरिकायाव मोनसे थिखानाय जायगायाव सफैगोन दिनै। 25 जुनखालि, शुभान्शु शुक्र आरो बिथांनि हानजानि लोगोफोरा स्पेसएक्सनि ड्रैगन अख्रांमा दिङायाव गाखोनानै हादोर गेजेरारि अख्रांमा स्टेशनसिम बिरलांदोंमोन। बिथांनि हानजानि लोगोफोरा पैगी व्हिटसन, एक्जियोमा -4 नि क्रू कमांडर, मिशन रोंग'सार स्लस-वोजरोवस्की आरो टिबर कापू।

बिथांमोनहा अख्रांमायाव 18 सान थानायनि उनाव समबाराव बुहुमसिम दावबायनायखौ जागायदों। बिनि सिगाङाव, शुभान्शु आरो बिथांनि साथाम लोगो अख्रां दावबायारिफोरखौ हादोर गेजेरारि अख्रांमा स्टेशनाव बिदायनि मान बावनाय जादोंमोन।