19 July 2025 bodo top news. boro eviction. ABSU. Ex NDFB bail etc etc news

 दिनै 19 जुलाइ 2025 सनिबार साननि  दासिमनि मोननैसो गोनां खौरांफोरजों दिनैनि सानखौ नोंथांमोना जागायदो।

 1. चारि दुवार बिस्वनाथनि गोबां बर' नखरफोरा हाग्रा बिफाननिफ्राय होखारनायनि नटिस मोनदोंमोन। शनितपुर जिल्ला चारिदुवार हाग्रा बिफाननि सिंङाव थानाय ट्राइबेल हारिनि ओन्सोलफोराव थांनाय 17 खालाराव Eviction खालामनायनि फोसाव बिलाइ हरनायनि सायाव दुलाराय बर' फरायसा आफादनि आफादगिरि दिपेन बर' बिथाङा खौरांगिरि मेल खुंदोंमोन। नटिसाव नखरफोरा थिखानाय हाग्रा ओनसोलाव थानायनि थाखाय 10 साननि गेजेराव गावसोरनि न'खौ नागारनांगौनि बिथोन होनाय़खौ नुनो मोनदोंमोन। नतिसाव लिरनाय दंमोन आसाम हाग्रा आयेन 1891 आरो भारत सोरखारनि हाग्रा रैखाथि आयेन 1980 खौ सिफायनानै हाग्रा ओनसोलाव आयेन बेरेखायै न बानायनानै थादों आरो बेखायनो बेखौ 10 साननि गेजेराव गावनो सिफायनानै बे हाग्रा ओनसोलनिफ्राय थांनांगौ, नङाब्ला उनाव बिफान नि बादियै एभिकसन खालामनाय जागोन आरो बेयाव माबाफोर सम्पतिनि खहा जायोब्ला हाग्रा बिफाननि दाय जानाय नङा होनना बो लिरनायखौ नुदोंमोन। दिपेन बर बिथाङा बुंदों भारतनि मोनसे आयेन एफआरए एक्त नि बादियै त्राइबेलफोरा हा नि पत्ता मोननांगौ, लोगोसे त्राइबेल नङिफोराबो मोन 3 जेनेरेस थानायनि फोरमान होयोब्ला बिथांमोनाबो मोनो। आसाम सोरखार, दिसि आ हा होनायनि खामानि मावदों, नाथाय दिएफअ आरो रेन्ज अफिसारा होखारनोसो नागिरदोंनि अजद एबसुनि आफादगिरि बिथांनि, बेयाव राजखान्थि फावफान्दायनाय दं होननाबो बुङो, बेबादि बिथोनखौ एबसुआ गनायना लाया, गिबि मन्थ्रिनिसिम बेखौ मिथिहोनाय जादों. गिबि मन्थ्रियाबो बे नतिसखौ दा बन्द खालामनाय़जों लोगोसे बेनि दिएफअ आरो रेन्ज अफिसारखौ लोगो लोगो त्रेन्सफार खालामबाय होननाबो मिथिहोयो आफादगिरि बिथाङा।

 

2. आरोबाव सा 22 बारग एनदिएफबिनि सोद्रोमाफोरा कक्राझारनि जोबथेसालिनिफ्राय उदां जानायनि थाखाय बेइल मोनो होनना उकिल कनकन कलिता बिथाङा बुङो। आरोबाव सा 4 आ उनाव बेइल मोनगोन होननाबो बिथाङा बुंदों। मखजाथावदि सानसे सिगाङावबो आरोबाव सा 12 बारग एनदिएफबिनि सोद्रोमाफोरा उदां जादोंमोन, दासिम गासै सा 34 आ उदां जानाय जाबाय, आरोबाव गासै सा 5 या उदां जानो दंबावो होनना मिथिना मोनदों एनआइए केस नि सिङाव। गुबुनफारसे मैया उदां जानाय बारग एनदिएफबिनि सोद्रोमाफोरा उदां अख्रांनि सिङाव फैनो मोननानै जोबोद गोजोननाय मोननायफोरखौ फोरमायदों, थांनाय 10 बोसोरनिफ्राय जोबथेसालियाव दंमोन होनना फोरमायो बिथांमोना।

 

3. सुक्रुबाराव जनता भबनआव रायजो केबिनेटनि मोनसे जथुम खुंनाय जादोंमोन। रायजो सोरखारा केबिनेट जथुमाव गोबां गोनां थिरांथाफोर लादोंमोन। सावराय जथुमनि जोबनायाव मोनसे खौरां मेल खुंनानै गिबि मन्थ्रि ड० हिमन्त बिश्व शर्मा बिथाङा बेनि लानाय थांखिफोरखौ फोसावो। गिबि मन्थ्रि हिमन्त बिश्व सर्माया बुंदों दि होखारनायखौ हेंथा होग्राफोरनि बेरेखायै राहा लानाय जागोन।

केबिनेटनि गोनांथार थिरांथाफोरा जाबाय-

अ.          अ.   85,509 बर्ग मिटारनि बिल्द आप ओनसोलनि "आसाम मेडिकेल कलेज एन्द हस्पितेल, डिब्रुगढ़ फोरोंगिरि क्वार्टार आरो ह'स्टेलफोरनि लुनाय" मावथांखिनि थाखाय 357.28 कौति रांनि गनायथि होयो केबिनेता। बे मावथांखिनि थांखिया फसंथाननि मावफारियाफोर आरो फरायसाफोरनि सुबिदानि थाखाय AMCH केम्पासाव जौगाहोफिन्नाय आरो उफ्रा सुबिदाफोर होनाय।

आ.      आ.  मिशन बसुन्धरानि थामथि versionआ 31 जुलाइआव आबुं जागोन। थामथि versionआव 4,000 नि बांसिन हाबाफारिफोरनो हा पात्तानि गनायथि होनाय जादों।

इ.                दिब्यांगफोरनि थाखाय नेशनेल इउनिभारसिटि फर डिजेबिलिटि स्टाडीज गायसननायनि थाखाय गनायथि।  बेनि थाखाय, छयगाव खाजोना बेंखननि बनगाव मौजानि सिङाव थानाय मोनसे गामि देवसरनो 150 बीघा हाखौ राननाय जादों। केबिनेटआ 50 रांनि प्रीमियाम रेहायखौबो गनायथि होयो।

ई.               रायजो केबिनेता 2025-26 मायथाइनि बाजेताव गिबि मन्थ्रि एति कलि दुति पात प्लेगसिप बिथांखिखौ मावफुंनो थाखाय 342 कौति रांनि गनायथि होयो। बे रांखौ 5,000 रांनि मोनसे किस्टियाव आरजाथाव सानजानाय साहा बागाननि फ्राय 7 लाख मावसाफोर आरो मावफारियाफोरनो राननाय जागोन।

उ.              केबिनेटआ गुवाहाटीनि सरुसजाईआव गंसे 500 बिसना गोनां मेदांता देहा फाहामसालि, गंसे 100 बिसना गोनां आइजोफोर आरो गथ'फोरनि देहा फाहामसालि आरो गंसे फाइभ स्टार लेमन ट्री हटेल लुनो थाखाय हा राननायखौबो गनायथि होयो।  बे मोनथाम मावथांखिफोराव जथाय रां थिसननाया 800 कौटि रां आरो बेयो ओनसोलारि लाइमोनफोरनि थाखाय फ्राय 2,700 साख्रि सोरजिगोन।

ऊ.            केबिनेटआ मुख्यमंत्री लोक सेवक आरोग्य योजनानि सिङाव एपीडीसीएल, एई जीसीएल, एपीजीसीएल आरो आदर्श फरायसालिफोरनि गोसो गुदुं मावफारियाफोर आरो सोनारनायफोरखौ सोफादेरनो गनायथि  होयो।

 

 4. सोनाब बेंगलनि बस्तोला रेलवे स्टेशननि साखाथियाव मोनसे दुखु नांथाव जाथाय जादोंमोन। मोनसे ट्रेन जाब्रबथायाव माथाम मैदेरफोरनि जिउ गोमायो। खड़गपुर-टाटानगर लामायाव गंसे ट्रेना ट्रेकखौ बारनाय मास्नि मैदेरनि फालोखौ सौग्रावदोंमोन। जाब्रबथायाव मानै मैदेरनि फिसाफोर आरो मासे बैसोगोरा मैदेरा थैदोंमोन।

जाब्रबथायनि उनाव गुबुन माब्रै मैदेरफोरा बे जायगायाव थाबथाना दंमोन। रेलवे मावख'गिरिफोरा ओनसोलखौ साखोन-सिखोन खालामखांनायनि उनाव क्रेननि हेफाजाबजों मैदेरफोरनि गोथै सह'खौ बोखारदोंमोन। हादोर नाङैनो मैदेर-मानसिनि दावहाया बांगासिनो दं।  भारतनि गुबुन-गुबुन रायजोफोराव रेलवे ट्रेकखौ बारनाय समाव मैदेरफोर आरो गुबुन हाग्रानि जुनारफोरा सौग्रावनायनि गोबां खौरां मोननाय जादों। बे हाग्रानि जिब-जुनारफोरनि थाखाय रैखाथि गोनां लामानि गोनांथिनि सायाव सोंलु सिखांदों। जरखायै बोथोर सोलायनाय समाव, जेब्ला हाग्रानि जुनारफोरा आदार आरो साबसिन थाग्रा जायगा नागिरनानै दावबायो।

बे जेंनाखौ सुस्रांनो थाखाय मैदेर रैखाथि खान्थिखौ साबसिन खालामनो थाखाय गोबां राहा लानाय जादों होनना मिथिनो मोननाय जादों।  तामिलनाडु, अडिशा, आसाम आरो उत्तराखन्ड बायदि रायजोफोराव ट्रेकनि खाथियाव मैदेरफोरखौ हमनो हानायनि थाखाय सालायगिरिफोरखौ फोरोंथाय होनायाव मदद होनो थाखाय बिरोंदामिननि बाहायनाय जादों। बे खान्थिया सेन्सर आरो केमेरा बाहायनानै मैदेरफोरखौ नागिरना दिहुनो आरो रेलवे अपारेटरफोरनो एलार्ट दैथायहरो, जायजों ट्रेनखौ लासै खालामनो एबा गोनांथि जायोब्ला थाथ'नो गनायथि मोनो।

बे आरोंदायारि गोनोखोआ दासिमबो जौगागासिनो दं आरो बेखौ गासै हादोराव गुवारै बाहायनायनि प्लेन दं।

 

 5. भारतआ सुक्रुबारखालि लश्कर-ए-तैयबा (एलईटी) हेफाजाब होग्रा आफाद टीआरएफखौ मुलुगनां उदखारि आफाद महरै मुं होनायनि आमेरिकानि थिरांथाखौ बरायदों, जाय पहलगाम उदखारि गाग्लोबनायनि बिबान लादोंमोन।

बायजो हायुंआरि मन्थ्रि एस जयशंकरआ दि रेजिस्टेन्स फ्रन्ट  (टीआरएफ) खौ मुलुगनां उदखारि आफाद महरै मुं होनायनि आमेरिकानि थिरांथाखौ भारत आरो आमेरिकानि गेजेराव गोख्रों उदखारि बेरेखा हेफाजाबनि फोरमान होनना बुंदोंमोन।

 बृहस्पतिबाराव आमेरिकानि हादोरसा बिफानजों फोसावजानाय मोनसे बिबुंथियाव, हादोरसा नेहाथारि मार्को रुबिय  'आ बुंदोंमोन दि हादोरसा बिफाना टीआरएफखौ मोनसे गुबुन हादोरारि उदखारि आफाद (एफ.टि.अ') आरो जुनियायै मुंख'जानाय मुलुगनां उदखारि (एस.डी.जी.टी.) फोसावदों। बे खामानिया पहलगाम गाग्लोबनायनि थाखाय हादोरगिरि ड'नाल्ड ट्राम्पनि न्यायनि खावलायनायखौ मावफुंनो आमेरिकानि बिबानखौ दिन्थियो।

बेनि सायाव फिनजाथाय होनानै, वाशिंगटनआव भारतारि राजथान्दै थाग्रा खुलिआ बुंदोंमोन दि बे आगानआ दिन्थियो दि भारत-आमेरिकानि उदखारि बेरेखा हेफाजाबा बेसेबां गोरा।  बे बोसोरनि  22 एप्रिलाव जम्मु-काश्मीरनि पहलगामाव मोनसे गाग्लोबनायाव सा 26 सुबुंफोरनि जिउ गोमादोंमोन। 

 

6. आसाम केबिनेटनि जथुमा मैया जादोंमोना। केबिनेट जथुमाव होखारनाय हाबाफारिनि सायाव सावरायनाय जादोंमोन। गिबि मन्थ्रिया पाइकान केसनि सायाव गोरा जादों। पाइकान जाथायनि थाखाय दासिम सा 10 सुबुंफोरखौ खानाय जाबाय।

खौरां बिजोंखौ रायलायनानै गिबि मन्थ्रि ड: हिमन्त बिश्व शर्माआ बुङो, "होखारनाया थाबैनो उरियामघाटआव जागोन। उरियामघाटआव बयनिख्रुइबो बांसिन हा आवग्रिनाय दं। दिनै लखीमपुरआव गोदानै 12 नखरनि गोदान सुबुंफोर फैदों। नगाव, मणिपुरनिफ्राय सुबुंफोरा लखिमपुराव फैगासिनो दं। "

गिबि मन्थ्रि डॉ. हिमंत बिस्वा सरमा बिथाङा बुंबावदों, "उरियामघाट आव बयनिख्रुय बांसिन हा आवग्रिना दं। सासेया 500 बिघासिम हा दखल खालामना लादों। "

खौरां मेलाव गिबि मन्थ्रिया फोरमान दिन्थिदोंमोन।  गिबि मन्थ्रिआ गय बागाननि भिडिअ' दिन्थिनानै दुखु फोरमायो। रेंगमा हाग्रा ओनसोलाव दखल खालामग्राफोरनि गयबारि। रेंगमा हाग्रा ओनसोलाव एसेल' मानसिफोर दं, नाथाय बांसिन गय आबाद मावनाय दं।

गिबि मन्थ्रि ड: हिमन्त बिश्व शर्मायाबो बुंदों, "लाहरीघाट, धिंनि सुबुंफोरा गयनि आबाद मावदों। आं एक्शन लागोन नो। "

 

7. BTR सरकारनि मोनसे मोजां खामानि। साख्रि गैयै लाइमोनफोरनो BTR सरकारा साख्रिनि थिसनथाय होनायावबो फासयनानै थायाखै, थिक बेफोरबायदिनो मैयाबो BTRनि गोबां लाइमोनफोरनो साख्रिनि थिसनथाय बिलाइ गथायदों BTR सरकारा ।

हा आरो हाग्रा बिफाननि मावफुं सोद्रोमा रनजित बसुमतारिनि नुजाथिनायाव MISSION BWISWMUTHI HELP DESKनि थाखाय गोबां लाइमोनफोरनो थिसनथाय बिलाइ रान्दों । बे MISSION BWSWMUTHI HELP DESKनि थिसनथाय बिलाइ राननाय हाबाफारियावनो BTRनि मावफुं सोद्रोमा रनजित बसुमतारिजों लोगोसे गोबां मावखगिरिफोर आरो गोबां दैदेगिरिफोरखौ बाहागो लानाय नुनो मोन्दोंमोन|

 

8. इनफर्समेन्ट डाइरेक्ट'रेटनि मोनसे हानजाया सुक्रुबारनि फुङाव सासे बारग' गिबि मन्थ्रिनि न'आव सौहैदोंमोन। सिग्रोमग्रा हानजाया भिलाईआव बारग' गिबि मन्थ्रिनि न'आव सौहैदोंमोन, जौजों सोमोन्दो थानाय रां जाख्ल'नाय जाथायाव बिथांनि फिसाज्लानि लोब्बा थानायनि सन्देह खालामनानै।

मोनसे मावख'आरि सुलुङा बुंदोंमोन दि सिग्रोमनायनि जोबनायाव, बारग' गिबि मन्थ्रिनि फिसाज्लाखौ इ.डि. नि हानजाया खादोंमोन। उनाव बिथांखौ रायपुर बिजिरसालियाव थिसननाय जादोंमोन। बिजिरसालिया बिथांखौ सानबानि न्यायारि बेंथेआव लांदोंमोन ।

बे जाथाया छत्तीसगढ़नि भिलाईआव बारग' गिबि मन्थ्रि भूपेश बघेलनि न'आव जादोंमोन, ईडीआ सुक्रुबारखालि जौ केलेंकारिजों सोमोन्दो थानाय रां जाख्ल'नायनि केसआव बघेलनि फिसाज्ला चैतन्य बघेलखौ खायो।

ईडीआ बुंदोंमोन दि बे जाथायाव गोदान फोरमान मोननायनि उनाव, बियो भिलाई सोहोराव चैतन्य बघेलनि न'आव सिग्रोमदोंमोन, जाय प्रिभेन्सन अफ मनी लन्डरिं  एक्ट  (पीएमएलए) नि सिङाव गावनि बिफाजों दंमोन। बे बोसोरनि मार्चआव फेडारेल नायबिजिरग्रा एजेन्सिआ चैतन्य बघेलनि बेरेखायै रोखोमसे हाबाफारि लादोंमोन।

ईडीनि हानजाया सुक्रबारखालि फुंनि 6 रिंगायाव बारग' गिबि मन्थ्रि बघेलनि न'आव सौहैदोंमोन । बिथांमोनजों लोगोसे गोबां अनजिमानि सि.आर.पि.एफ. जवानफोरबो दंमोन । मावख'गिरिफोरनि फोरमायथिजों पीटीआईआ बुंदों, "बे हाबाफारिखौ बिथांनि फिसाज्ला चैतन्य बघेलनि बेरेखायै खालामनाय जादों, जाय जौ जाख्ल'नायजों लोब्बा दं, रां जाख्ल'नायनि जाथायाव । ''

बेखौ नोजोर होनो गोनां दि बेयो गिबि खेब नङा जेराव बघेलखौ नोजोर होनाय जादों, फेडारेल एजेन्सिआ बे बोसोराव बेबादिनो अपारेसन खालामदों। चैतन्यनि खाथि होनना मिथिजानाय लक्ष्मी नारायण बन्सल उफ्रा मुं पप्पू वनसालनि न'आवबो प्रिभेन्सन अफ मनी लन्डरिं एक्ट (पि.एम.एल.ए.) नि राहा बायदियै मार्चआव सिग्रोमनाय जादोंमोन।  

• Tweet
• Share
• Share
• Share
• Share

About Mridul

bodoinfo.com provides informations regarding State Government, Central Government and Private sector jobs for the aspirants of assam.

Related Post