दिनै 3 जुलाइ 2025 बृहस्पतिबार साननि दासिमनि मोननैसो खौरांफोरा जाबाय।
आसामाव गारि
सालायग्रा आरो खामानि मावग्रा आफादफोराबो बे सोमावसारनायखौ हेफाजाब होदों। गारि सालायग्रा आरो खामानि मावग्रा आफादफोरा
बुधबारनि फुंनि 5 रिंगानिफ्राय 24 घन्टानि चाक्का बन्द' खावलायदों।
आफादफोरा आसाम
सोरखारजों नाजावजानाय आसाम मटर ट्रेन्सपर्ट वर्कर्स समाजारि रैखाथि बिथांखिखौ
थाबैनो मावफुंनो दाबि दैखांदोंमोन। बेयो मटर गारि आइन 2019 खौ बोखारनाय, ट'ल खाजोनानि खान्थिखौ बन्द' खालामनाय आरो मटर
गारि आइन 2019 खौ बोखारनोबो दाबि खालामो।
आफादफोरा
भारतारि आयेन खान्थि
(बि.एन.एस.) नि धारा 106
(2) (हिट-एन्ड-रान) खौ बोखारनाय, आसाम सोरखारजों पास खालामजानाय समाजारि रैखाथि
बिथांखिफोरखौ मावफुंनाय, उफ्रा जुरिमाना आरो
फट’ फाइन खान्थिखौ फोजोबनायनि दाबिजों चाक्का बन्द'
खावलायदों।
बिथांमोनहा
बेखौबो दाबि खालामदोंमोन दि फालांगियारि गारिफोरनि थाखाय थि जिरायग्रा न'नि राहा
खालामनाय, गावारि गारिफोरजों भारायाव थांलाय-फैलायखौ होबथानायजों लोगोसे मटरफोर
आरो मावथिफोरनि मोनथायफोरखौ रैखाथि होनांगौ।
2. हिमाचल प्रदेशाव
गोबां हानाय अखाया खहा खालामदों। रायजोनि गुबुन-गुबुन ओनसोलफोराव गोबां हा
गिसिखानाय आरो बानायनाय दैबाना जादों। 24 घन्टानि बांसिन समनिफ्रायनो सा 34
सुबुंफोरा गोमानानै दं। बुधबाराव, रैखाथि मावथिफोरा नैथि साननि थाखाय नागिरनाय
हाबाफारि जागायदोंमोन आरो गोमानाय सुबुंफोरखौ नागिरना दिहुनदोंमोन।
बेखौ मिथिनो
मोननाय जादों दि बयनिख्रुइ बांसिन खहा जानाया मंडी जिल्लायावमोन। मंगलबाराव
मोन 16 जोमै गावनाय आरो आर्तिफिसियेल दैबानाया जिल्लायाव गंसे दालां, गं 24 न'फोर आरो मोनसे दैमोब्लिब मावथांखिखौ खहा
खालामदोंमोन। दासिम सा 10 सुबुंनि जिउ गोमानायखौ रोखा खालामनाय जाबाय। खुंथाया
बुंदोंमोन दि खैफोदनि 24 घन्टानिबो बांसिन समनि उनाव, गोमानाय सुबुंफोरनि थांना
थानायनि खाबुआ खमायलांगासिनो दं, बेनिखायनो थैनायनि अनजिमाया बांनो हागौ।
दासिम साम्बा
जिल्लानिफ्राय साथाम, हमीरपुर जिल्लानिफ्राय सा 51 आरो मंडी जिल्लानिफ्राय सा 316
सुबुंफोरखौ रैखा खालामनाय जाबाय। बे समावनो, बोथोर बिगियान बिफाननि खारि बायदिब्ला, गासै रायजोआव 7 जुलाइसिम गोबां अखा हाबाय थानो
हागौ। बोथोर बिगियान बिफाना 2 जुलाइनिफ्राय 7 जुलाइसिम गोबां अखा हानायनि थाखाय
अरेन्ज एलार्ट फोसावदों।
मन्थ्रि बिफाना
बेखौबो बुंदोंमोन दि सानफ्रोमबोनि जिउ खुंनाय आरो सिगांनि थासारिफोरनो बेनि गुबै
जाहोन महरै सिनायथिनाय जादों । बिबुंथियाव बुंबावनाय जादों दि भारत सोरखारा
गावसोरनि हादोरनि नोगोरारिफोरनि गाहामनि थाखाय फोरमान बिथायारि रायजोआरि सावस्रि
बिजिरसंनायनि थाखाय नांथाबना दं।
"हादोराव
गोबां एजेन्सिफोरनि गेजेरजों हरखाबै थैनायनि केसनि सायाव नायबिजिरनाय जागासिनो दं।
बेफोर फरायसंनायफोरा फोरमान खालामबाय दि
कभिड-19 भेकसिन थुनाय आरो बिखानि बेरामनि जाहोनाव हरखाब
थैनायनि गेजेराव जेबो थोंजों सोमोन्दो गैया।
बे बिबुंथिया
कर्नाटकनि गिबि मन्थ्रि सिद्धारमैयानि दाबि खालामनायनि उनाव फैदों जेराव बुंदोंमोन
क'भिड-19 भेकसिनया हासन जिल्लायाव बिखानि थैनायजों सोमोन्दो दं होनना।
सिद्धारमैयाया मंगलबाराव बुंदोंमोन दि कभिड भेकसिनखौ थाबैनो गनायथि होनाय आरो
रायजोआरि राननायानो थैनायनि जाहोन जानो हागौ। कर्नाटकनि गिबि मन्थ्रिया बुंदोंमोन
दि थांनाय से दानाव हारसिङैनो हासन जिल्लायाव हार्ट एटेक जानानै सा 20 निबो बांसिन
सुबुंफोरा थैदों।
इन्डियान
काउन्सिल अफ मेडिकेल रिसार्च (आइ.सि.एम.आर.) आरो नेशनेल सेन्टार फर डिजिज कन्ट्र'ल
(NCDC) नि बिजिरसंनाया गोख्रोङै बुंदोंदि
भारताव कभिड-19 भेकसिनया रैखाथि गोनां आरो गोहोमगोनां। बेनि गोब्राब
साइड इफेक्टफोरनि बिदिन्थिफोरा मोननो थाङा।
सावस्रि मन्थ्रि
बिफाना मोनसे बिबुंथियाव बुंदोंमोन दि जिन नि सोमोन्दो, मोजां नङै जिउ खुंनाय, सिगांनि
थासारिफोर आरो क'भिडनि उननि
गोब्राबथिफोरजों लोगोसे गोबां जाहोनफोरा कार्डियक एरेस्टनि जाहोनाव सासे सुबुंनि
हरखाब थैनायनि जाहोन जानो हागौ।
मन्थ्रि बिफाना
बेखौबो बुंदोंमोन दि आइ.सी.एम.आर. आरो एन.सि.डि.सि.आ 18-45 बोसोर बैसोनि
सुबुंफोरनि हरखाब थैनायनि जाहोनफोरखौ बुजिनो थाखाय जयै खामानि मावगासिनो दं।
आर.बि.आइ.आ
बुंदोंमोन दि गोदान न'टफोरनि डिजाइनआव जेबो सोलायनाय जानाय नङा। नाथाय गोबां खौरां
बिजोंनि फुंखाफोरनि बायदिब्ला, बे न'टफोराव मोनसे सोलायनाय सोलिगासिनो दं। बे
सोलायनायनि थाखायनो गोदान न'टफोरा सरासनस्रा सुबुंफोरनि सावरायनायाव हाबफैदों।
बेखौ नोजोर होनो
गोनां दि गोदान नटआव रिजार्भ बेंकनि गभर्नरनि सागानखौ सोलायनो
थांगासिनो दं। न'टफोराव गोदान गवर्नर सन्जय मल्होत्रानि सागान थागोन। गोदान गवर्नरनि
सागान गोनां न'टफोरखौ दिहुनना होयोब्ला गोजाम न'टफोरखौ बोखारगोन नामा?
रिजार्भ बेंक अफ इन्डियाआ सुबुंफोरखौ बेफोरबायदि
बांसावनायखौ खोनासंनो नाङा होनना बुंदों।
आर.बि.आइ.आ
बुंदोंमोन दि बेयो मोनसे स्तेन्दार्द प्रट'कल। जेब्ला रिजार्भ बेंकनि
गभर्नरआ सोलायो अब्ला न'टफोरनि सागानआबो सोलायो। सन्जय मल्होत्राया थांनाय बोसोरनि
दिसेम्बरआव रिजार्भ बेंक अफ इन्डियानि गभर्नरनि मासिखौ सामलायदोंमोन।
सानै दायनिगिरिफोरनि सिनायथिखौ रशीद आली आरो शुकुर
आली होनना मिथिनाय जादों, जाय सानैबो दाइन दान सिगां जानाय आइनुद्दिन आली मुंनि सासे
सुबुंखौ बुथारनायनि केसआव दायनिगिरिमोन। खौरां मोन्नाय बायदिब्ला सानैबो बावैसो हमजानायसिम
केरालायाव खारखोमानानै दंमोन।
सुलुंनि बायदिब्ला, ट्रेना गसाइगावजों थांनाय समावनो
बे जाथाया जादोंमोन। दसे सम बारलांनायनि खाबु लानानै दायनिगिरिया खारबाय थानाय ट्रेननिफ्राय
बाज्रुमदोंमोन आरो जाथाय जायगानिफ्राय खारखोमालाङो।
सानैखौबो साब्रै नागालेन्ड पुलिस मावथिफोरा बिसोरखौ लाबोगासिनोमोन, जाय
दा गोजौ खैफोदगोनां
हमजानायफोरनि रैखाथि आरो सामलायनायनि सायाव गोब्राब सोंलु सिखांदों।
ओनसोलाव आरो बेनि खाथि खाला मोनसे नागिरनाय हाबाफारि जागायदों।
5. आसामाव मोनसे रेकर्ड। रायजोनि गिबि मन्थ्रि बिथाङा गावनो गोजोन्नाय मोननायखौ फोरमायदों। ड. हिमन्त बिस्व सर्मा बिथाङा दा बे रेकर्डखौ लानानै गोग्गायो। बे मोनदांथिखौ ससियेल मेडियायावबो फोरमायनाय जादों।
थारैनो बियो
गिबि खेब जेब्ला आसामा माय बायनायनि बेलायाव गावनि थांखिखौ जाफुंसारहोनो हादों।
बोसोरफ्रोमबो आसाम सोरखारा आबादारिफोरनिफ्राय माय बायनो थाखाय गोबां एजेन्सिफोरनो
मोनसे थांखि होदोंमोन, नाथाय जेबो फिथाइ मोनाखैमोन; नाथाय बे बोसोराव गिबि खेबनि थाखाय बेयो थिखानाय
बिबांनि बांसिन माय बायनो हादों। मोनसे सोदोबाव बुंनो थाङोब्ला रायजो सोरखारा बे
खेबाव बाङायसिन हेफाजाब बेसेनाव माय बायनायनि मोनसे रेकर्ड बानायदों।
बे बिथिङाव गिबि
मन्थ्रि ड° हिमन्त बिश्व शर्माया ससियेल मेडियानि गेजेरजों फिनजाथाय
होदोंमोन। ससियेल मेडियायाव गिबि मन्थ्रिआ
बुंदों, "जों 2024-25
मायथाइनि खरीफ मार्केटिं सिजनआव गोग्गानानै फोसावनानै गोजोन्नाय मोनदोंदि जों
रेकर्ड अनजिमायाव 6.97 लाख मेट्रिक टन माय बायनायनि जाफुंसार फारिखौ बारबाय। माय
बायनायनि बेलायाव बेयो दासिमनि बयनिख्रुइबो बांसिन। "
थांनाय माखासे
बोसोरनि सैथोथिखौ मुंख'नानै गिबि मन्थ्रिया बुङो, "2022-23 बोसोर 5.92 लाख मेट्रिक टन, 2023-24 बोसोर 3.14, 2024-25 मायथाइयाव 6.97 लाख
मेट्रिक टन माय बायनाय जाबाय। बे जाफुंसार जाफुंसारनाया जोंनि आबादारिफोरखौ
हाथाइजों फोनांजाबनो आरो बाङायसिन हेफाजाब बेसेन (एम.एस.पि.) खौ रोखा खालामनो
जोंनि रादाइखौ दिन्थियो, जायनि थाखाय बिसोरहा थार मोन्थाय दं। बायनाय खान्थिजों
लोब्बा थानाय साफ्रोमनिसिमबो आंनिफ्राय साबायखर। होनना बुङो"
2024-25
मायथाइनि थाखाय थांखि आरो बायनायनि बिबां:
माय बायनायनि
बेलायाव, मोनब्रै कम्पानिफोरखौ 2024-25 मायथाइयाव 5,918,00 मेट्रिक
टन माय बायनायनि बिबान होनाय
जादोंमोन। थांखिनि बेरेखायै, कम्पानिफोरा 6,97,802 मेट्रिक टन माय बायदोंमोन। थामहिनबा, बेयो थांखिनिफ्राय
1,06,002 मेट्रिक टन बांसिन बाययो। आसाम सोरखारा आसाम जाग्रा आदार आरो नोगोरारि जगान निगमनो 434800
मेट्रिक टन, भारतारि जाग्रा आदार निगमनो 74500
मेट्रिक टन, नेफेडनो 77000 मेट्रिक टन आरो आसाम रायजो आबाद मारकेटिं बर्डनो 5500 मेट्रिक
टन माय बायनायनि बिबान होदों।
6. मोसौ आरो मोसौ बेदरआ बावैसो रायजोनि राजखान्थिनि मिरु जागासिनो। मोनसेया मन्थ्रिनि बिसिनि मुंनि आरो गुबुन मोनसेया रायजोआव मोसौ बेदर फाननायनि
आसाम पुलिसा
मोसौ संरैखाथि आयेनखौ सिफायनानै मोसौ बेदर फानग्रा गलाफोर, हटेल आरो रेस्टुरेन्टफोरनि बेरेखायै रायजोनाङै हाबाफारि जागायदों। आसाम पुलिसा गेजेर आसामाव थानाय
रायजोनि नगाव, हजाइ, सनितपुर आरो गुबुन
जायगाफोराव गं 150 निबो बांसिन हटेल आरो रेस्टुरेन्टफोराव
होबथाजानाय बेदरखौ बोखांनो आरो फालांगिजों सोमोन्दो थानाय गोबां सुबुंफोरखौ खानो
थाखाय सिग्रोमनाय जादों।
आसाम पुलिसनि
आयेन आब्रुथिनि आइजिपि अखिलेश सिंहनि बायदिब्ला, राइजोआव दासिम गासै 178 हटेल आरो रेस्टुरेन्टफोराव आसाम पुलिस
अपारेसनाव सिग्रोमनाय जादों। अपारेसनाव 178 हटेल आरो रेस्टुरेन्टफोरनिफ्राय
1,732 किल'ग्राम मोसौ बेदर
जब्द खालामनाय जादोंमोन आरो 196
सुबुंफोरखौ आयेन बेरेखायै मोसौ बेदर फाननायनि थाखाय खानाय जादोंमोन।
खौरां मोन्नाय
बायदिब्ला, नगांव जिल्लायाव गासै गं 18
हटेलफोराव सिग्रोमनाय जादोंमोन आरो सा 23 सुबुंफोरखौ हमनानै दोन्नाय जादोंमोन आरो
सनितपुर जिल्लायाव पुलिसा होबथाजानाय बेदरखौबो जब्द खालामो आरो बेदरनि फालांगिजों
सोमोन्दो थानाय सुबुंफोरखौ खायो। खौरां बादियैब्ला, तेजपुर
पुलिसा तेजपुरनि दलाबारीनि गंसे हटेलाव सिग्रोमदोंमोन आरो 88 किल'ग्राम बन्द'
खालामजानाय बेदर जब्द खालामो आरो हटेलनि सामलायगिरि हजरत आलीखौ खायो।
बेबायदिनो,
गुबुन गुबुन जिल्लाफोरावबो नायबिजिरनाय जादोंमोन आरो गोबां सुबुंफोरखौ खानाय
जादों।
7. बाक्सा जिल्लानि कालपानी ओनसोलाव गोख्रै खारनाय डाम्पारजों सौख्रांजानायाव सासे 4 बोसोरनि गथ'नि जिउ गोमायो।
थैनाय सुबुंखौ खोबसिंपारानि
चक्रसिं स्वर्गियारीनि फिसाज्ला अंशुमान स्वर्गियारी होनना सिनायथि होनाय जादों।
गिबि रिपर्टनि बायदिब्ला, गथ'साया
गावनि बिफाजों गंसे मटर साइकेलजों थांगासिनो दंमोन आरो गोरोन्थियै बेनिफ्राय गोग्लैयो आरो मोनसे खारबाय थानाय डाम्पारनि
सिङाव गोग्लैयो, जायनि फिथाय महरै मंगलबाराव बिथांनि अबथिरायै जिउ गोमायो।
जाथायनि उनाव, रागा जोंनाय थागिरिफोर
आरो जायगायारि आफादफोरा बुधबाराव कल्पनी बाजाराव गोख्रों हेंथा दिन्थिफुङो आरो रायजोआरि
लामाफोरनि गेजेरजों गिलिर डाम्पारफोरनि सामलायजायै आरो गोबां समावनो जानला मोनला थांलाय-फैलायनि
बेरेखायै गोख्रों राहा लानांगौनि दाबि खालामो।
सोमावसारगिरिफोरा लामाफोरखौ
होथेदोंमोन आरो स्ल'गान होदोंमोन, डाम्पार सालायगिरिफोरजों लामा रैखाथिनि नेमखान्थिफोरखौ
गले-गले सिफायनायनि थाखाय खुंथायारि सांग्रांथि गैयैखौ दायनिगिरि खालामदोंमोन। बिथांमोनहा
जिल्ला खुंथायनो दाबिफोरनि मोनसे फारिलाइ गथायदोंमोन, जेराव दंमोन: फरायसालिनि समाव
थाग्रा आरो हाथाइ ओनसोलफोरनि गेजेरजों डाम्पारफोरनि थांलाय-फैलायाव गोख्रै आरो अरायथा
होबथानाय, थैनाय गथ'नि दुखु मोन्नाय नखरनि थाखाय 20 लाख रांनि खहा सुफुंनाय पेकेज,
हान्था-मेला बिफानजों सिगांनिफ्रायनो होखानाय समनि हेंथाफोरखौ गोख्रोङै बाहायनाय, आरो
जाब्रबथायाव लोब्बा थानाय डाम्पार सालायगिरिनि हेंथायै एक्सन लानाय।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon