रेल बिफाना दावबायारि ट्रेन सिबिथायनि भाराखौ इसेल' बारायनो थिरांथा लादों। रेलवे बिफाननि मोनसे बिबुंथिनि बायदिब्ला, गोदान भाराया 1 जुलाइनिफ्राय गोहोम गोग्लैगोन।
खारि बायदिब्ला, एसि नङै मेइल/एक्सप्रेसखौ 1 किल'मिटाराव से फैसा आरो एसी आरो ईसी/ईए शीटखौ 1 किल'मिटाराव
नै फैसा बांहोनाय जागोन, फारसेथिं नोगोरारि (मोनसेल' दावबायनायनि भारा) आरो दानारि सिजननि टिकेटफोरा (नोगोरारि आरो नोगोरारि नङि) बांनाय नङा।
नाथाय सरासनस्रा थाखो दावबायनायनि भाराया 500 किल'मिटारसिम सोलाय-सोल'
जायाब्लाबो, 501 निफ्राय 1500 किल'मिटारनि बांसिन जानथायनि थाखाय, 1501 निफ्राय
2500 किल'मिटारनि थाखाय फारियै 5 रां आरो 10 रां आरो 2501 निफ्राय 3000
किल'मिटारनि थाखाय 15 रां होनांगोन ।
बेबायदिनो रेलवेआ स्लीपर क्लास जेनेरेल आरो सेथि थाखोनि जेनेरेलनि
भाराखौ खावसे फैसा बांहोदों। "तेजस राजधानी, राजधानी, शताब्दी, दुरंता, वन्दे
भारत, हमसफर, अमृत
भारत, तेजस, महामना, गतिमान, अंत्योदय, गरीब
रथ, जन
शताब, युवा-एक्सप्रेस।, सरासनस्रा सिबिथाय (नोगोरारि नङि), अनुभुति
दाबा आरो ए.सि. भिस्टाड'म दाबाखौ फोसावनाय सोदांनाय भारानि बायदियै गोजौआव थांखि
लानाय थाखो बिथायारि भारा बांनायनि सिमासिम फोसाबनाय जादों। मिनिस्ट्रिआ
बुंदों
- दा सिगांनो सोदांनाय बेसेनाव होखानाय टिकेटफोरनि
बेलायाव बेबादि टिकेटफोराव सोदांनाय भाराया बाहायजानाय नङा। बे बायदियैनो 1 जुलाइयाव एबा बेफोरबायदि टिकेटफोराव दावबायनायनि भारानि
फारागथिखौ रिजार्भेसन चार्टआव दिन्थिनाय जानाय नङा। बबेखानि जायखिजाया
गोदान टिकेटनि बेसेनखौ 1
जुलाइआव एबा बिनि उनाव ट्रेन एबा स्टेशनाव टीटीई/टिकेट नायबिजिरग्रा मावफारियाफोरा सोदांनाय बेसेनाव लागोन।
- स्टेशनफोराव रायजो राजानि सिगाङाव दिन्थिनाय भारानि
फारिलाइखौबो सोदांनानै 1 जुलाइनिफ्राय गोदान भाराखौ दिन्थिनाय जागोन।
- मेनुयेल टिकेट खान्थि आरो पि.आर.एस. आरो इउ.टि.एस.आव
खालामनो गोनां सोलायनायफोरखौ थि खालामनाय जागोन।
- मावफारियाफोरखौ गोनां नेमखान्थिफोर आरो सोदांनाय
दावबायारि भारानि फारिलाइनि बागै गोबां सिगांनो मिथिहोनो थाखाय जर'खा
लाहार-फाहार खालामनाय जागोन। राहाफोरबो लानांगौ जाहाथे सोमोन्दो गोनां
मावफारियाफोरा बे सोलायनायफोरखौ आबुङै बुजिनो हायो आरो बेफोरखौ मोजाङै
मावफुंनो हायो।
- मन्डल रेलवेआ 1 जुलाइनिफ्राय फोसाव बिजों आरो
स्टेशनफोराव फोसावनायफोरनि गेजेरजों भारा आरो भारा तेबोलनि नायफामनायनि गोबां
फोसावनाय खालामगोन।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon