8 July 2025 bodo news. Kokrajhar news. BTC news. eviction news.

 

दिनै 8 जुलाइ 2025 मंगलबार साननि दासिमनि मोननैसो खौरांफोरा जाबाय।

 1. रायजोनि गुबुन गुबुन जायगाफोराव होखारनाय हाबाफारिया सोलिगासिनो दं। बे खेबाव होखारनाय हाबाफारिखौ गवालपारानि पाइकान हाग्रा ओनसोलावबो खालामनाय जागोन। बे बाथ्राखौ गिबिमन्थ्रि ड° हिमन्त बिश्व सर्माया फोरमायदों।

गुवाहाटीआव खौरांगिरिफोरनि मोनसे सोंथिनि फिन्नाय होनानै गिबि मन्थ्रिया बुङो, "गोजौ बिजिरसालिनि बिथोनाव 10 जुलाइआव पाइकान हाग्रा ओनसोलाव होखारनाय हाबाफारि लानाय जागोन। बेराफारसेथिं, मोब्लिब गोहो प्लान्टनि थाखाय होखारनाय हाबाफारिया 8 जुलाइनिफ्राय सापरआव जागायगोन। नाथाय रायजो राजाफोरा होखार हरजानायनि सिगांनो फ्राय थांजोबबाय। जायफोरा मियादि पाट्टा हानि बिगोमामोन आरो सोरखारि आयेन बायदियै सोरखारजों रानजादोंमोन बिसोरनो खहा सुफुंनायनि राहा खालामनाय जादों। पाइकानआ मोनसे हाग्रा ओनसोल जानायनि जाहोनाव होखारनाय हाबाफारिया 10 जुलाइआव सोलिबगोन। दासिम गोबां सुबुंफोरा बेनिफ्राय थाङाखै। बेनिखायनो होखारनायखौ 10 जुलाइआव खालामनांगौ जानो हागौ। नाथाय जों लुबैयो दि रायजो राजाफोरा होखार जानायनि सिगां गाव हारसिङैनो थाङो होननाबो बुङो बिथाङा। "

बेनि गेजेरावनो सानसे सिगाङाव सासे खौरांगिरिया धुबुरि नि होखारजानो गोनांफोरा बितिसि नि ओनसोलाव हाबदों होनना सोंनायाव गिबि मन्थ्रिया बिसोरखौ हाबनो होनो नाङा होनना बितिसि सोरखारनि सायाव बुंदों, लोगोसे बितिसि आव बो होखारनाय हाबाफारिया जागोन नामा होनना सोंनायाव बेनि सोमोन्दै बिथाङा मिथिया होनना रोखा खालामो, बेखौ बितिसि सोरखारनिसो थिरांथा, बेयाव आसाम सोरखारनि जेबो आखाय थायिनि सोमोन्दैबो बुङो।

 

 2. Central Selection Board (CSB), BTC आ  बिटिसिनि हाग्रा बिफाननि सिङाव थानाय फरेस्टार-I आरो फरेस्ट गार्ड मासिनि थाखाय 8 आरो 15 दिसेम्बर, 2024 खालि खुंनाय लिरनाय आनजादाव उथ्रिसार जानो हानाय बिनायसाफोरनि थाखाय फिजिकेल फिटनेस टेस्ट (पिएफटी) नि समफारिखौ मावख'आरि महरै फोसावबाय।

फोसावथायनि बायदिब्ला, फिजिकेल फिटनेस टेस्टआ 9 जुलाई, 2025 निफ्राय 7थि एपीबीएन गेलेग्रा फोथार, चराइखोला, ककराझारआव फुंनि 5:00 रिंगानिफ्राय जागोन।

गिबियाव 9 जुलाइ 2025 खालि बितिसि नि सिंनि गासैबो जिल्लाफोर जेरै ककराझार, चिरां, बाक्सा, तामुलपुर आरो उदालगुरि जिल्लानि आयजो बिजाथि फोरनि थाखाय जागोन आरो लोगोसे उदालगुरि जिल्लानि हौवा बिजाथिफोरनियाबो बे एखे सानावनो जागोन।

10 जुलाइ 2025 याव जागोन चिरां आरो बाक्सा जिल्लानि हौवा बिजाथिफोरनि आनजादा।

11 जुलाइ 2025 याव जागोन ककराझार आरो तामुलपुर जिल्लानि हौवा बिजाथि

बिनायसाफोरखौ 5 जुलाइनिफ्राय 8 जुलाइ, 2025 नि गेजेराव सेन्ट्रेल सेलेक्शन बर्ड, बिटिसि (www.centralselectionboard.com) नि मावख'आरि वेबसाइटनिफ्राय गावसोरनि कल लेटार/एडमिट कार्डफोरखौ डाउनलड खालामनो बोसोन होनाय जादों।

सि.एस.बि.आ गासैबो सर्टलिस्टेड बिनायसाफोरखौ थि खालारफोर आरो समफोराव थि डकुमेन्टेसन आरो फिटनेस थियारिजों थिखानाय थावनियाव नुजाथिनो खावलायदों।

 

 3. आमेरिकानि टेक्सास रायजोआव दासिम सा 81 सुबुंफोर थैबाय आरो सा 41 गोमानानै दं।

केर काउन्टीआव सा 28 गथ'फोरजों लोगोसे सा 68 सुबुंफोरा जिउ खोमानांबाय। केर काउन्टीआव दैमानि रुगुङाव थानाय मोनसे आयजोफोरनि बादाया दैबानायाव दोबैलांदोंमोन। केम्प मिस्टिकनि सासे बोसोनगिरि आरो सा जि सिख्लाफोरा दासिमबो गोमानानै दं।

ट्रेविस काउन्टीआव साबा, बार्नेट काउन्टीआव साथाम, विलियमसन काउन्टीआव सानै, केन्डेल काउन्टीआव सानै आरो टम ग्रीन काउन्टीआव सासे थैनायनि रोखा खालामनाय जादों।

मावख'आरिफोरनि बायदिब्ला, रैखाथि हाबाफारिया सोलिगासिनो दं आरो बेनि जाहोनाव, थैनायनि अनजिमायाबो जोबोद गोख्रैयै सोलायबाय।

दासिम, केर काउन्टीआव सा 10 गथ'फोरजों लोगोसे सा 28 सुबुंफोरनि गोथै सह'खौ बोखांनाय जादों, नाथाय दासिमबो सिनायनो हानाय जायाखै। बोथोर बिफाना सांग्रांथि होदों दि फैगौ 24 निफ्राय 48 घन्टानि गेजेराव ओनसोलाव बारहुंखा फैनो हागौ, जायजों मदद आरो रैखाथि खामानियाव गोहोम गोग्लैनो हागौ।

 

 

 

सान हाबनायनि उनावनो बायदि बायदि गाज्रि खामानिफोर सोलियो नामा।

बे खेबाव, दायगोनां खामानिफोरखौ होबथानो थाखाय पुलिसा लज, हमस्टे,  पार्लार एबा स्पाटफोराव नङा, नाथाय गुवाहाति सोहोरनि फुटब्रिजफोराव सिग्रोमदोंमोन  । नोगोरमानि पुलिसा मोनायाव सोहोरनि फुटब्रिजफोराव मा सोलिगासिनो दंमोन बेखौ सिग्रोमदोंमोन। पुलिसा रबिबारनि मोनायाव सोहोरनि गणेशगुरिआव फुटब्रिजआव सिग्रोमदोंमोन आरो गाज्रि खामानियाव लोब्बा थानायनि थाखाय सा 18 सुबुंफोरखौ खादोंमोन।

हराव गनेशगुरिआव पुलिस लेङाइ कमिसनार मृणाल डेकानि दैदेननायाव अपारेसनाव सा द' सेंग्राफोर, सा द' सिख्लाफोर आरो सा द' थामथि आथोनजों लोगोसे गासै सा 18 लाइमोनफोरखौ खानाय जादोंमोन। बे आयदानि सायाव फिनजाथाय होनानै, पुलिस लेङाइ कमिसनार मृणाल डेकाया बुंदों, "गणेशगुरीनि आब्रुथि गैयै खामानिनि सोमोन्दै सिगां समफोराव गोबां अजद दंमोन। बिसोरनि मोनसे थाखोआ बायजोनिफ्राय फैनाय गोबां सुबुंफोरनिफ्राय रां लुथिदोंमोन होनना अजद होदों। माखासे गथ'फोरा अजद होनाय बायदिब्ला बैयाव मोनसे आब्रुथि गैयै थासारियाव दंमोन  । "

डिपुटी कमिसनार अफ पुलिसआ फिन बुंफिनदोंमोन, "बै अजदनि सायाव बिथा खालामनानै, रबिबारनि हरनि 12 रिंगानि उनाव गणेशगुरिआव सिग्रोमनाय जादोंमोन। बे अपारेसनाव गनेशगुरि फुट ब्रिजनिफ्राय सेंग्राफोरजों लोगोसे सिख्लाफोर आरो थामथि आथोननि सुबुंफोरखौ खानाय जादों। "

बिथाङा बुंबावदों, "बे हाबाफारिया गणेशगुरिआव फारि फारियै सोलिबाय थागोन। बेफोरबादि गाज्रि हाबाफोरखौ जानो गनायथि होनाय जानाय नङा। गनेशगुरिखौ साफा खालामनांगोन होनना।

 

 4. सुबुंफोरनि मोनसे थाखोनि गाज्रि खामानिफोरा आथिखालनि गोदान समाजनि आयदायाव सोंलु सिखांहोयो। समाजआ जेसेबांखि गोदान मुगानि फारसे आवगायामानो, दिनैसिमबो माखासे सुबुंफोरा खोमसि फोथायनायनि फान्दोनिफ्राय ओंखारबोनो हायाखै। बावैसो सिगांनि बेबादि जाथाया सोमोनांहोगोन।

खोमसि फोथायनायनि जाहोनाव मोनसे नख'रनिनो साबा सोद्रोमाफोरखौ मोनसे हानजाया बुथारदोंमोन। बेखौ मिथिनो मोननाय जायो दि गामिनि सुबुंफोरा दाइनानि सन्देहआव नखरनि साबा सोद्रोमाफोरखौ खास्रि-बिस्रियै बुथारदोंमोन। थैनायफोरनि गेजेराव साथाम आइजोफोर आरो सानै हौवाफोर दंमोन। बे जाथाया बिहारनि पूर्णियायाव जादोंमोन।

जायगानि सुबुंफोरा बुंदोंमोन दि गामिनि माखासे सुबुंफोरा बाबु लाल उरावनि बिसिखौ सासे दाइना होनना सन्देह खालामदोंमोन। बेनि उनाव गामिनि सुबुंफोरा गिबियाव बिनि नखरखौ बुयो आरो उनाव गोथाङैनो सावना होयो। मुगैथाव बुथारनायनि उनाव, दायनिगिरिफोरा बयनिबो गोथै सह'खौ बबेबा गोजान जायगायाव फबदोंमोन। बे बुथारनायफोरा गासै ओनसोलखौनो सोमावग्लुंबाय।

पुलिसआ बुंदोंमोन दि बे जाथाया मुफाशील पुलिस थाना ओनसोलनि राजीगन्ज पन्चायतनि टेटगामा वार्ड-10 आव जादोंमोन। गामिनि सुबुंफोरा थैनाय सुबुंनि फिसाज्लानि सिगाङाव बे मुगैथाव खामानिखौ मावदोंमोन। पुलिसआ दासिम जाथायजों सोमोन्दो थानाय सानै सुबुंखौ सोंनाय फिननाय खालामबाय आरो नायबिजिरनाया सोलिगासिनो दं। थैनायफोरनि    गेजेराव सीता देवी  (48 बोसोर बैसो), बाबू लाल उरां (50 बोसोर बैसो), काटो देवी (65 बोसोर बैसो), मनजीत उरां (25 बोसोर बैसो) आरो रानी देवी (23) दंमोन।

थैनाय आइजोनि फिसाज्ला सनुआ बुंदोंमोन दि  गामिनि सुबुंफोरनि मोनसे थाखोआ सन्देह खालामदोंमोन दि बिथांनि बिमाया तंत्र मन्त्र खालामदोंमोन। बिथांखौ गावनि बिमानि थाखाय दाइना होनना दाय होनानै सुबुंफोरनि मोनसे हानजाया रबिबारखालि  (6 जुलाइ) मोनायाव गांवबुरहा नकुल उरावनि दैदेन्नायाव मोनसे मेल लिंदोंमोन। बे मेलाव गामिनि फ्राय 200 सुबुंफोरा बाहागो लादोंमोन। बे मेलआवनो सनुनि बिमा सीता देवी आरो बिफा बाबू लाल उरांजों लोगोसे नखरनि गुबुन सोद्रोमाफोराबो दाइनानि अजद होनानै लिंहरजादोंमोन।

गामिनि सुबुंफोरा सनुनि बिमा-बिफानि खोथाखौ खोनासङाखैमोन आरो बिसोरखौ बुदोंमोन। गिबियाव गासैखौबो लावथिजों बुनाय जायो आरो उनाव पेट्रल लुना गोथाङैनो सावना होयो। नाथाय सनुआ माबोरैबा बैनिफ्राय खारखुमा लांदोंमोन आरो गावनि जिउखौ रैखा खालामदोंमोन।  उनाव, सनुआ पुलिसनो जाथायनि बागै फोरमायो। पुलिसा दायो जाथायनि सायाव नायबिजिरगासिनो दं। बेनिखायनो नायबिजिरनायनि जोबनायाव गासैबो सोराङाव फैनायनि आसा दं।

 

 

5. गिबि मन्थ्रि हिमंत बिस्वा सरमा बिथाङा सम्बारखालि कोकराझार नि बाउखुंग्री, दतमा, गसाइगांव आरो पर्वत्झोरा बियाबाव रायजो सोरखारनि जौगाहोनाय मोन 5 बिथांखिनि खामानि नि खौरां लायो। बे मेलाव बिटिआर खुंथायनि गोजौ थाखोनि मावख'गिरिफोर, गुबुन गुबुन बिफानफोर आरो रायजो सोरखारनि गोजौ थाखोनि मावख'गिरिफोरनि नुजाथिनायाव खुंफुंनाय जादोंमोन। जेराव सोरखारा रायजोनि सुबुंफोरनि जौगानायनि थाखाय नाजावनाय अरुण'दय 3.0, रायजो गिबि मन्थ्रिनि आइजो फालांगियारि बिथांखि, गिबि मन्थ्रिनि आत्मनिर्भर आसाम अभियान, एति काली दुति पात बिथांखि आरो रेसन कार्ड राननाया बिटिआरनि गासैबो थाखोनि सुबुंफोरनो मुलाम्फा होनो हागोन। बेराफारसेथिं, गिबि मन्थ्रि हिमन्त बिश्व सर्माया पावार पइन्टनि गेजेरजों बेफोर स्किमफोरनि जौगानायखौ नायदिंहैदों।

मैयानि बे जथुमाव क'क्राझार जिल्लायाव अरुन'दय 3.0 बिथांखिखौ जाफुंसार मावफुंनायनि आयदानि सायाव गुवारै सावरायनाय जादोंमोन। अरुण'दय बिथांखिया सिगाङाव जिल्लानि मोनबा बिधानसभा बियाबफोराव सा 60,000 मुलाम्फामोनग्राफोरखौ लाफादोंमोन। गिबि मन्थ्रिया बुंदोंमोन दि अरुन'दय 3.0 नि बेबादि मुलाम्फा मोनग्राफोरनि अनजिमाया 1 लाख 40 रोजासिम बांगोन। गिबि मन्थ्रिआ सोमोन्दो गोनां बिफानफोरखौ थि सम बायदियै बिथांखिखौ मावफुंनो बिथोन होदोंमोन।

मेलाव गिबि मन्थ्रिया आत्मनिर्भर आसाम अभियाननि थाखाय जिल्लायाव मोननाय आरजलाइफोर आरो बेनि सायाव बिथा खालामनानै साबेसेखौ सायख'नाय जादों बेनि सायाव नायबिजिरो। गिबि मन्थ्रिया बुंदों  मुख्यमंत्री आत्मनिर्भर असम अभियान नि सिङाव, कोकराझार जिल्लायाव 3,000 सो लाइमोनफोरा साफ्रोमबो 2 लाख रांयै मोनगोन। बे जथुमाव बे बिथांखिनि मुलाम्फा मोनग्राफोरनि जोबथा फारिलाइनि सायावबो सावरायनाय जादोंमोन। गिबि मन्थ्रिआ जिल्लायाव फालांगियारिफोरनि बेंक सोमोन्दोखौ बांहोनायनि गोनांथिनि सायाव गोसो होदोंमोन आरो जिल्ला कमिसनारखौ बे बिथिङाव जर'खा नोजोर होनो बिथोन होदोंमोन।  गिबि मन्थ्रिआ बे बिथांखिखौ मावफुंनो थाखाय आधार कार्ड फर्म आबुं खालामनाय बिखान्थि,  डाटा आपल'ड खालामनाय खामानि बायदियाव दावगानायनि खौरांबो लायो।

बे जथुमाव गिबि मन्थ्रिनि आइजो फालांगियारि मिशननि दावगानायनि सायावबो सावरायनाय जादोंमोन। गिबि मन्थ्रिआ बुंदों दि बे बिथांखिनि गेजेरजों 1.5 लाख आइजोफोरा मुलाम्फा मोननो हागोन। बे जथुमाव एति काली दुति पात बिथांखिफोरनि आयदानि सायावबो खेबसेयैनो सावरायनाय जादोंमोन। बे बिथांखिनि जोहै जिल्लानि 7,000 साहा बागाननि मावदांसाफोरा साफ्रोमबो 5,000 रां मोनगोन। बे जथुमाव रेशन कार्ड होनायनि आयदानि सायावबो सावरायनाय जादोंमोन। क'कराझार जिल्लानि मोनबा बियाबफोराव 60,000 गोदान सुबुंफोरा रेसन कार्ड मोनगोन। गिबि मन्थ्रिआ सोमोन्दो गोनां बिफानफोरखौ 15 आगस्तनि सिगां मुलाम्फा मोनग्राफोरनि सायख'नाय हाबाफारिखौ फोजोबनो बिथोन होदोंमोन।

मैयानि बे मेलाव सावस्रि आरो नखर अनसाइ बिफाननि मन्थ्रि अशक सिंघाल, हेन्डलुम एन्ड टेक्सटाइल बिफाननि मन्थ्रि इउजि ब्रह्म, एम पि जयन्त बसुमतारी, बिटिआरनि गोबां एमसिएलए गाहायफोर, गाहाइ नेहाथारि आकाश द्वीप, जिल्ला बेंगिरि मसान्दा एम. पार्टिना बाहागो लादोंमोन।

• Tweet
• Share
• Share
• Share
• Share

About Mridul

bodoinfo.com provides informations regarding State Government, Central Government and Private sector jobs for the aspirants of assam.

Related Post