दिनै गोदान सायखजानाय एमएलए बिथांमोना समायखिरा लाबाय। मित्रजोत नि सा 5 एमएलए। सानै आ ईउपिपिएल नि आरो सा3 आ बिजेपि नि। ईउपिपिएल नि आ जलेन दैमारि आरो जिरन बसुमतारि, बिजेपि नि आ रुपज्योति कुर्मि, शुसन्त बरगहाय आरो फनि तालुकदार। बिजेपि नि देरहानाय बिजाथिफोरा गासैबो गुबुन दोलो नि एमएलए मोन आगोलाव। दिनै 11 बाजि आव बिधान सभा नि बुंथिगिरि बिश्वजित दैमारि बिथाङा समायखिरा लाहोयो। बे हाबाफारि आव बिजेपि जों लोगोसे लोगो दोलो नि एमएलए बिथांमोना बाहागो लायो। बेरेखा हानजा नि सासे ल आ बाहागो लादों, सिपिआई एम नि मनोरन्जन तालुकदार आ। बिजेपि नि मासि आ दायो 59 निफ्राय 62 जाहैबाय, ईउपिपिएल नि आ 7 जाबाय। कंग्रेस नि आ 29 निफ्राय खम जानानै 27 आरो एआईईउदिएफ नि आबो मोनसे खम जाना 15 जाबाय, बिपिएफ नि आ बो मोनसे खम जानानै दायो मोन 3 आव थाबाय।
थांनाय 14 दान मोननांगौ बेथन खौ मोनाखै बिटिआर नि सा 390 फोरोंगिरिफोरा। 2013 मायथाइ आव टेट उथ्रिनाय सा 3300 फोरोंगिरि नो 2015 मायथाइ आव बिटिआर नि गायसननाय सीन खालि बै सम नि गाहाय हाग्रामा महिलारि आ साख्रि होदोंमोन। बेनि गेजेराव 390 आ दानि बिटिआर आव खामानि मावगासिनो। बै सम निफ्राय 390 फोरोंगिरि आ दानसे आव 8 रोजा रां बेथन जों खामानि मावगासिनो। गिबि आव 6 दान नि थाखाय होदोंमोन साख्रि खौ, बेनि उनाव 6 दान नि उन उन सम खौ बारायगासिनोमोन, नाथाय आगस्त दान निफ्राय सम खौ बारायना होआखै। बेखायनो गोबां जेंना जों मोगा मोगि जानो गोनां जादों, गोबां साननो गोनां जादों। बेनि अनगायैबो 14 दान मोनाखै बेथन। बे ल नङा सा 4 फोरोंगिरि आ रां नि आंखाल आव मोजां फाहामथाय मोनि नि जिउ गोमादों। बेखायनो दायो सोरखार खौ खावलायदों जाहाथे साख्रि खौ अरायथा एबा पारमानेन्ट खालामो आरो बिथांमोननि जिउ आव सोरां लाबोयो।
करिमगन्ज आव गिथावना जाब्रबथाय। सा 10 सुबुं नि जिउ गोमादों होनना खौरां मोनदों, नखरसे नि नो सा 4. पाथारकान्दि नि बैथाखाल आव ट्राक आरो अट रिक्सा नि सौग्रावलायनायाव जानाय जाब्रबथाय आव दुखु मोननाय फोरमायदों आसामनि गिबि मन्थ्रि बिथाङा। ट्राक आव सिमेन्ट लांदोंमोन, अट आ बाजाज नि। जाब्रबथाय आ फुंनि 7.30 सो आ आसाम ट्रिपुरा राजा लामा याव जादों। थैनाय सुबुंफोरखौ चथ फुजा निफ्राय फैफिनदोंमोन होनना सानदों। आसामनि गिबि मन्थ्रि आ थैनाय सुबुं नि नखर नो 1 लाख रां यै होगोन होनना बुंदों।
एसपि आनन्द मिश्रा नि दोलो नि बिबान आव थानाय पुलिस नि सायाव साखा, लावथि लानानै गाग्लोबदों गोबां सुबुंफोरा। लामा याव सानै पुलिस खौ हमथानानै गाग्लोबदों। मोनसे गसर नि सायाव नायबिजिरनो थांदोंमोन, रुपहिहात नि तेलियाचापरि गामि आव जादों जाथाय आ। राजालामा याव कावैमारि पुलिस खौ आयजो फोरजों लोगोसे गोबां हौवाफोरा ओंखारबोनानै गाग्लोबदों। खौरां मोननाय बादिब्ला कावैमारि नि असि कालिदर थावजेन आरो कन्सतेबल जतिन बरा या थांदोंमोन तेलियासपरि गामि आव। नायबिजिरनायनि उनाव फैफिननाय समाव नो गाग्लोबो। दायो गाग्लोबनायफोरनि बेरेखा गावनो गसर थिसनो पुलिसफोरा आरो नायबिजिरनाय आ जागोन होनना फोरमायो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon