11 नबेम्बरखालि समायखिरा लागोन उफ्रा बिसायखथि आव देरहानाय सा 5 बिजाथिफोरा। उफ्रा बिसायखथि आव ईउपिपिएल नि सा 2 आरो बिजेपि नि सा 3 बिजाथि देरहादोंमोन। ईउपिपिएल नि आ जलेन दैमारि आरो जिरन बसुमतारि आ देरहादों आरो बिजेपि नि आ रुपज्योति कुर्मि, शुसान्त बरगहाय आरो फनि तालुकदार आ देरहादोंमोन। फुंनि 11 बाजि आव समायखिरा लागोन आरो समायखिरा खौ लाहोगोन बुंथिगिरि बिथाङा।
एसएससि जिदि नि एदमिट कार्ड खौ होबाय- बेयाव नाय- बेयाव थुना हो
सिबिएसई आ थाखो 10 आरो 12 नि टार्म 1 आनजाद नि खालारखौ फोसावबाय। आनजाद आ अफलाइन जागोन। थाखो 10 नि आ नबेम्बर नि 17 आरो थाखो 12 नि आ 16 नबेम्बर निफ्राय जागोन। गासै 19 आयदा दं थाखो 12 नि आव, 9 टा आयदा दं थाखो 10 आव। खौरां मोननाय बादिब्ला 90 मिनित सम जागोन आरो गासैबो अबजेक्टिभ ताइप नि जागोन।
सोमोनांथाव, 12 से मि लानजायजों जोनोम जादों सासे गथ, सावगारि भाइरेल जादों। ब्राजिल नि गंसे देहाफाहामसालि आव जोनोम जादों, सोमोनांहोदों बयखौबो। बिगियानगिरिफोरा बेखौ थार लानजाय होनना बुंदों। लानजाय नि मोनसे साइद आव दुलुर बल बायदि दं। उनाव देहाफाहामगिरिफोरा गथ नि देहानिफ्राय लानजायखौ अपारेशन खालामनानै हासनो हायो। ब्राजिल नि फर्टलेजा सोहोर नि एलबार्त साबिन देहाफआहामसालि आव जोनोम जादों। थार लानजाय जों जोनोम जानाय बेबायदि दासिम 40 ल केस मोनदों, बेखायनो बेयो सोमोनांथाव।
गुवाहाति आव ट्रेफिक पुलिस खौ बुनाय जाथाय। सोमोनांथाव, पानबाजार नि सानै ट्रेफिक पुलिस खौ सा 6 सेंग्रा नि दोलो आ गाग्लोबदों। खौरां मोननाय बादिब्ला सा 6 नि सा 1 खौ गारि खौ गोसा सालायनाय नि सिमा खौ बारनाय नि सोंदोंमोन। बे सोंनायनि थाखाय उनाव फैफिननानै ट्रेफिक पुलिस खौ बुयो। दायो बिसोरखौ हमबाय होनना खौरां मोनदों। सानै ट्रेफिक पुलिस नि मुङा रितुपन सइकिया आरो उत्पल गहाय।
Please do not enter any spam link in the comment box. ConversionConversion EmoticonEmoticon