17 November evening news ~ Bodoinfo.com

SEBA या 2021 मायथआइनि स्पेशियेल आनजादनि फिथायखौ फोसावना होबाय। दिनै फुंनि 11 बाजिनाय लोगो लोगो नो होयो। जायफोरा आनजादखौ होदोंमोन नोंथांमोना नायनो हासिगोन। स्पेशियेल आनजादखौ बै फरायसाफोरनि थाखाय खुंदोंमोन जायफोरा आनजाद नि फिथायखौ लानानै गोजोननाय मोनाखैमोन। सेबा नि बादिब्ला गासै 22836 फरायसाफोरा आनजाद नि थाखाय एप्लाई खालामदोंमोन, नाथाय 19305 फरायसाफोरा ल सो आनजाद खौ होदोंमोन। खौरां मोननय बादिब्ला गासै 13421 फरायसाफोर आनजाद आव उथ्रिसार जायो आरो 5457 आ उथ्रिनो हयासै। रिजाल्ट खौ दासिमबो नायाखैब्ला बिथांमोननि अपिसियेल वेबसाइत नि गेजेरजों नायनो हागोन।

बिटिसि नि गोजां बोथोरनि बाजेत जथुम आ साननैनि थाखाय दिनैनिफ्राय जागायबाय। बेरेखा दोलो बिपिएफ नि एमसिएलए बिथांमोनखौ गिबि खेब बाहागो लानाय नुनो मोनो। गिबिआवनो खौरां बिजोंखौ मबाइल फन लानानै सिङाव हाबनो होआखै, बुंथिगिरि नि बिथोन आव, फटो आरो भिदिअ फुटेज लानायाव हेंथा, बे बिटिसि एसेमब्लि जथुमाव खौरांगिरिफोरखौ मबाइल फन लानानै हाबनो होयै थासारिखौ लानानै खौरांगिरिफोरा बिटिसिनि सेकरिटारियेतनि लांगोनायाव खुद्रिसारनाय दिन्थिफुंदों। बेबायदि खलामनायखौ कक्राझार नि खौरांगिरि गोरा रवजों निन्दा खालामो। सिङाव जानाय थासारि आरो दान्थे बिदान्थे खौ एरसोखोमानो थाखायनो बेबायदि खालामनायनि अजद। दिजितेल ईन्दिया नि सानाव बेबायदि खालामनाय आ दुखुनांथाव होनना बो बुङो खौरांगिरि कनक चन्द्र बर आ। उनाव बिटिसि बिधानपरिषद नि प्रेस गेलारि आव मबाइल लाना हाबनो होनायनि गनायथि होयो होनना खौरां मोनदों।

आसामनि गिबि मन्थ्रि हिमन्त बिस्व शर्मा बिथाङा दिनै मुंख्लं सुमन स्वर्गियारि नि न आव थांनानै बिसि नो 50 लाख रां नि चेक खौ होयो, लोगोसे बिथाङा बिबार बो बावो। मनिपुर आव सनिबारखालि उदखारि नि गाग्लोबनाय आव जिउ गोमादोंमोन आसाम रायफल नि 46 नं बेटेलियान नि। बिथांनि गिदिर हादर नि थाखाय गावखौनो बावनाय खौ सन्मान होनानै रायजोफोरनि खावलायनाय आव गामि नि लामा खौ बिथांनि मुङाव बावनाय जागोन, लोगोसे मुंख्लं सुमन आ फरायनाय हिरिम्बा बर गोजौ फरायसालि आव मोनसे गामियारि स्तेदियाम बानायगोन होनना बो मिथिहोयो। दिनै गिबि मन्थ्रि नि लोगो जाफायो मन्त्रि ईउजि ब्रह्म, जयन्त मल्ल बरुवा, लरेन्स ईस्लारि, भुपेन बर आरो जिरन बसुमतारि बिथांमोन। आसामनि गिबि मन्थ्रि आ मुंख्लं नि गथ खौ बामनानै गथ नि ईयुन नि बिबान खौ लायो। बिथाङा लिरदों-- दिनै मुंख्लं सुमन स्वर्गीयारीनि न’खराव दसे सम नुजाथिनानै बीर जोहोलावजों लोगोसे न’खरनि बावसोमनायनि सेराव खर’गंग्लायो । हादरखौ रैखाथि होनानै गावनि जिउखौ बाउनाय न’खरखौ हेफाजाब होनाया जों गासैनिबो बिबान । आं मुंख्लं सुमन स्वर्गीयारीनि फिसाज्ला बराद स्वर्गीयारीनि नायफिननायनि बिबानखौ बानस’नो रादाई लाबाय ।

बिथाङा लोगोसे लिरदों- मुंख्लंनि जिउ बाउनाया एरैनो थाङा । हादर अनफावरि आरो भारत बिमानि थाखाय मुंख्लं सुमन स्वरगियारिनि जिउ बाउनाया गासैबो जोलैखौनि थुलुंगा होबाय थागोन ।

बड'लेण्ड मुलुगसोलोंसालिनि जेंनाफोरखौ लानानै दिनैबो बागसा जिल्लानि बेन्दोंङाव थानाय गं 10निबो बांसिन फरायसालिमानि लांगोनायाव 2 घन्टा धर्णा हाबाफारि लादों ।

गोबाव समनिफ्रायनो दुलाराय बर' फरायसा आफादा बड'लेण्ड मुलुगसोलोंसालियाव सोलिबाय थानाय जेंनाफोरखौ सुस्रांनांगौनि थाखाय भि.चि. लाइश्राम लाडु सिंजों सावरायनानै गोबां खेब गोसोखांबिलाइ गथायबोदोंमोन । नाथाय बिथाङा बड'लेण्ड मुलुगसोलोंसालिनि जेंनाफोरखौ सुस्रांनो इसेबो गोसो होदिया ।

बेखायनो दिनैबो (1) थाबैनो बिटिआर ओनसोलनिफ्राइ बड'लेण्ड मुलुगसोलोंसालियाव अरायथा(पार्मानेन्ट) रेजिस्ट्रार थिसननो (2) अरायथा रेजिस्ट्रार थिसनजासिम गेदेर थांखिफोर लानायखौ बन्द' खालामथनाय (3) इक्जुकिउटिब मिटिंनि सिगां इउनिभारसिटि कर्ट मिटिंखौ खुंनाय (4) बड'लेण्ड इउनिभारसिटिनि इक्जुकिउटिभ काउनसिलनि लांदां जानानै थानाय सोद्रोमाखौ थिसननाय आरो (5) थाखानाय बड'लेण्ड मुलुगसोलोंसालिनि भि.चि. प्रफेसार लाइश्राम लाडु सिंखौ बोखारनाय दाबिफोरखौ लानानै बागसा जिल्लानि बेन्दोंङाव थानाय गरेस्वर, तामुलपुर, तामुलपुर डिग्री, बाकसा डिग्रि, मुसलपुर, बर'मा, बि.बि. किसान, के.चि कलेज, आनान्द बाजार डिग्रि आरो सालबारि फरायसालिमानि दालाइसा एबसु आरो लिटारेरि गौथुम जथायै फरायसालिमानि लांगोना मोखांङाव 2 घन्टा धर्णा हाबाफारि लादों ।