केनसेल खालामबाय एपिदिसिएल नि अफिस काम फिल्द एसिस्तेन्त,साहायक आरो द्राईभार नि साख्रि थिसननाय खौ, 2019 नि जागायनाय समाव नो आनजाद आ जादोंमोन 1800 नि बारा मासि थानाय साख्रि नि। मोनसे फोसावलाय नि गेजेरजों फोसावना होदों। गोबां रोखोमनि बेले बेजे जानाय आ सोराङाव फैदोंमोन, आनजाद खौ पास खआलामनायनि मुङाव ऱां नि लेनदेन आरो गोबां। बे गासैबो केलेंकारि नि नायबिजिरनाय खौ गिबि मन्थ्रि नि नायबिजिरनाय दोलो आ खालामगासिनो। गोबां सुबुंफोरखौनो हमदों बे केलेंकारि जों सोमोन्दो थानाय खौ। आसामनि गिबि मन्थ्रि आ साननैसो सिगाङाव आनजाद आ जाफिनगोन होनना बो बुंदोंमोन। माब्ला जाफिनगोन बेखौ उनाव सो मिथिगोन।
बिटिआर नि राजखान्थि। हर्खाब आसामनि गिबि मन्थ्रि नि खामानि मावनायखौ मोजां मोनदों होनना बुंदों बिटिसि नि बारग गाहाय हाग्रामा महिलारि आ। खम जालांगासिनो हाग्रामा आरो हिमन्त नि गेजेरनि जानथाय आ। मैया सालबारि महकुमानि कमलाबारियाव BPF हान्जाखौ गोख्रों खालामनो थाखाय आरो मोजाङै मोजां दैदेनलांनो थाखाय थिरांथा लानाय जथुमा जायो। बाक्सा जिल्लानि बेन्दोंयाव थानाय सालबारि महकुमा जोहोलाव दैमालु फोथार कमलाबारियाव Central Working Committee(CWC) Sitting, Bodoland People's Front (BPF) दोलोनि मोनब्रै जिल्लानि सावरायनाया जानानै थांबाय। बे सावरायनाय मेलाव गाहायै आलासि महरै नुजाथि फैदों BPF हान्जानि दैदेनगिरि हाग्रामा महिलारि। BPF दोलोनि सांग्रां मेल आरो BPF दोलोआ गोख्रों खालामनायनि थांखि आरो बेजों लोगोसे माखासे बिबान मोननाय दैदेगिरिफ्रा बाहागो लाफैयो आरो मोनब्रै जिल्लाखौ लानानै दिनैनि मेलाव सावरायनाया जालांङो । खौरांगिरिफोरनि सिगाङाव हाग्रामा महिलारि बिथाङा बुंदों, हिमन्त बिश्व शर्मा जों ईसिङारि जोबो रोखोमनि जगाजग गैया,, नाथाय बिथांजों आंजों मोजां बुजिलायनाय दं। उफ्रा बिसायखथि नि सम आव बिपिएफ आ बिजेपि जों लोगो जानायनि सोमोन्दै बो बुंदोंमोन। हाग्रामा महिलारि आ बिजेपि आव हाबगोन नामा, बेनि फिननायखौ बिथाङा बेयो बिरथिंनाय खौरां होनना बुङो। गासैबो दोलो आ नो गुबुन दोलो नि दैदेनगिरि मावथि फोरखौ लाबोनो नाजायो। बिजेपि आ बो नाजादों, नाथाय बिपिएफ नि सा 11 एमसिएलए आरो सा 3 मएलए आ माब्लाबाबो दोलो खौ नागारना थाङा होनना बुंदों। दानि बिटिआर नि गाहाय प्रमद बर नि सोमोन्दै बो बुंदों, थांनाय 11 दान आव प्रमद बर आ बेसेबां मोजां खआमानि मावनो हादों बेखौ 17 नबेम्बर नि सेशन आव सो मिथिगोन, बिटिसि नि लामा सामा या थांनय 17 बोसोर आव जाबायदि दंमोन बेबायदि नो दं होनना बुङो।
जाथाय, आनजाद होबाय थानाय समाव नो हर्खाब हारसिं नो गोग्लैनानै सासे फरायसुलि नि जिउ गोमादों। तिनसुकिया नि सौमारज्योति फरायसालि आव जादों बे जाथाय आ। आनजाद होबाय थानाय समाव नो आनजाद होनाय खथा याव गोग्लैनानै जिउ गोमादों, थैनाय फरायसा खौ मातुम ज्योतिनगर नि बिपान्सि बार्बि गगै होनना मिथिना मोननाय जादों। थाखो 10 नि फरायसुलि मोन। पस्त मर्तेम नि थाखाय तिनसुकिय नि देहाफाहामसालि आव मैया नो लांबाय होनना खौरां मोनदों. मा जाहोनननि थाखाय बेबायदि जाखो मिथिना मोननाय जायाखै। रिपर्त नि उनाव सो मिथिगोन।
महारास्त्र नि गादसिरोलि जिला याव पुलिस आरो उदखारिफोरनि गेजेराव गिथावना गावलायनाय आव खमाव नो सा 26 नाक्साल एबा उदखारिफोरनि जिउ गोमादों होनना मिथिना मोनदों। मोननैसो माहारियारि खौरां बिजों आव सा 36 नि जिउ गोमादों होनना खौरां फोसावदों। मैया मुम्बाई निफ्राय 920 कि मि गोजान नि धानोरा आरो गेराभात्टि हाग्रा ओनसोल आव पुलिस नि दोलो आरो नाक्सालबादि नि गेजेराव नांलायनाय जायो। पुलिस नि फारसे नाक्साल फोरा गिबिआव नो गावग्रोहरदोंमोन, बेनि फिननायखौ पुलिसफोरा गावनानै नो हरो। बेबायदि गावलायनायावनो खमावनो 26 उदखारि नि जिउ गोमादों। गुबुनफारसे पुलिसनि सा 4 जवान आ जोखोम जादों होनना बो मिथिना मोनदों। फाहामथायनि थाखाय देहाफाहामसालि आव लाना थाङो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon