दिनै मेट्रिक
आनजाद नि फिथाय खौ फोसावना होगोन। कभिद नि थाखाय मेट्रिक आनजाद खौ खुङालासै नो
फिथाय होनायनि उनाव गोजोननाय मोनि फरायसा फोरनि थाखाय बे स्पेशियेल आनजाद खौ
खुंदोंमोन। दायो बे आनजाद नि फिथाय खौ नो दिनै होगोन होनना बुंदों। दिनै फोसावनो
गोनां फिथाय खौ बिथांमोननि अफिसियेल वेबसाइत सेबाअनलाईन आव मोनगोन। सोलोंथाय बिफान
आ बुंनाय बादिब्ला फरायसा फोरा बिसोरनि मार्कसित खौ सेबा नि वेबसाइत निफ्राय नो
दाउनलद खालामनो हागोन।
बिटिसि थिकादार आफादनि गाहाय नेहाथारि बिक्रम दैमारि आ मोनसे खौरां मेल नि
गेजेरजों बुंदों बर हारि आ दायो बेरामि, बेरामि आ थांना थानो थाखाय थै, दै, बोलो,
गावनि मोनथाय खौ नांगौ जायो, बेफोर गासैखौबो फोजोबस्रांनो नागिरबाय, नाथाय
दैदेनगिरिफोरा बेरामि नङा होनना बुंनो नागिरो, नाथाय बेयो बेसेबां सैथो, बेरामि आ
बेसेबां खारनो हानो, जाय गोग्लैगोन आरो सिखांफिननो हानाय नङा। रायजोफोरा प्रमद बर
आरो हाग्रामा महिलारि खौ लोगोसे जानायखौ लुगैदों। हारि खौ सिगाङाव दोननानै,
राजखान्थि खौ उनाव दोननानै खामानि मावनायखौ लुगैदों। नाथाय बिथांमोन सानैनि खाथि
आव सोर थांगोन। हाग्रामा खौ ल, प्रमद बर खौ ल सोंखारिबाय थायोब्ला जाया,
सोंखारिनायजों लोगोसे जेंना खौ सुस्रांनो नाजानांगोन, सोर आफाद आ बिथांमोनखौ
गोरोबहोगोन, गासैबो आफाद आ नो गावबा गाव जायगायाव सेतिं जाना दंखायो, सोरबा
गेजेरनि मानसि फैनो नांगोन।
जेब्ला रन्जन दैमारि नि बिथांमोननि हाथियार गथायनाय आ जादोंमोन बै समाव
रन्जन दैमारि खौ फंसेबो बाथ्रा बुंनो होआसै,, मानो, बिथाङा मानो बर हारि नि रैखाथि
नि थाखाय हाथियार लानांदोंमोन बेखौ मिथिनो लुबैदोंमोन गोबाङानो, हाथियार आ
एनदिएफबि नि सोमोन, अब्ला मानो बुंनो मोनासै। बेनि उनाव कक्राझार आव बो जादोंमोन
गिदिर मोनसे हाबाफारि,, जेराव 10 लाख सो सुबुंफोर ज जादोंमोन, बेयावबो बुंनो
होआसै, गोबां बुंनो बाथ्रा दंमोन। बेनि उनाव गुवाहाति आव मोनसे हाबाफारि लानाय
जादोंमोन 24 फेब्रुवारि आव,, नाथाय 20 खालि नो लाङो जेल आव। गासैबो ईएम एमसिएलए
फोरा नो जाख्लनो हागौ, बिपिएफ, ईउपिपिएल बिजेपि गासैनिआबो, नाथाय बेफोर फैसा खौ
रायजोफोरनो नो बाहायनो गोनां जायो,, बिसायखथि नि समाव। रायजोफोरा बेखौ साननो
नांगोन जेबो लायालासैनो गावनि भट खौ होनो हागोन ना हाया सासे मोजां बिजाथि नो,,
जाख्लनाय आ होमबा सो खम जागोन। बर हारि आ दिनै सा 5 बर दैदेनगिरिफोरखौ गोसोआव
लानायनि गोनांथि दं, एब लागोन, गिबि आव हाग्रामा, बेनि उनाव प्रमद बर, बिस्वजित,
ईउजि ब्रह्म आरो गोबिन्द बसुमतारि,, बिथां सा 5 या सालायग्रा एबा द्राईभार दिनै बर
हारि नि। बर हारि आ बबे लामा जों थांगोन बिसोरनि खमनि मावनाय साननाय आ माबायदि
दिनै बर फोरा साननांगौनि सम जादों।
दिनैनिफ्राय बिटिसि एसेम्ब्लि नि जथुम आ जागोन। दिनै 17 आरो 18 नबेम्बरआव
बिटिसिनि एसेमब्लि जुथुम। हाग्रामा महिलारि बिथाङा सानसे सिगाङाव खौरांगिरिफोरनि
गेजेरव सोरखार आ मा मा मावदों नुगोन होनना बुंदोंमोन। बे हिसाबै नायोब्ला साननैनि
आबुं हाबाफारिजों खुंफुंजानो गोनां बिटिसिनि एसेमब्लि जुथुमआव बिटिसि खुंथायनि
बेरेखा हान्जाया गोख्रों बाहागो लानो हागौ।
मिरु एबसुनिफ्राइ मुंख्लं राइफलमेन सुमन स्वरगियारीनि
नखराव खौरां लाहैदों। मिरु एबसुनि आफादगिरि मानगोनां मुस्रि दिपेन बर'नि दैदेननायाव दिनै मिरुनि मोनसे
हानजाया थांनाय 13 नबेम्बर, 2021 इं
खालाराव मनिपुर राज्योआव 46 नं आसाम रायफलनि रौनिया हानजानि
गारिखौ सिनाय मोनै थिउरिया हानजानि गाग्लोबनायाव आसाम रायफलनि रायफलमेन सुमन
सर्गियारीजों लोगोसे गासै सा स्नि (7) सुबुङा अबथिरायै जिउ गोमादोंमोन
।बेखौनो दिनै मेदागाट दख'रा एबसुनि बेन्दोंङाव थानाय खासिबारि
गामिनि मुंख्लं सुमन सर्गियारीनि नखराव थांना खौरां लाहैनानै नखरनि सोद्रोमाजों
दुखुनि बाहागोदारि जाहैफायो ।
मिरु दुलाराय बर' फरायसा आफादा देग्लाइ 16 नबेम्बर " बर' थुनलाइ आफाद गायसन्थाइ सान
"खौ बरपेटा जिल्ला एबसुनि मददजों बरपेटा जिल्लानि बेन्दोंङाव थानाय
बालापारानि पाका सरिह' सरुकेट्रि बड' गोजौ
फरायसालि ( Paka Sariha Sarukhetri Bodo High School ) नि
गेवलां गेलेग्रा फोथाराव सानसेनि मेहेर गोनां हाबाफारिजों गाजा गोमजायै फालिदों । हाबाफारि बादियै एबसुनि गोथार आर'जखौ जागायनानै बर' थुनलाइ आफादनि फिरफिलाखौ बिरहोयो मानगोनां मुस्रि सुखेन सर्गियारी
(आफादगिरि, बरपेटा जिल्ला बर' थुनलाइ
आफाद )आ आरो मुंख्लंमोननो बिबारखौ बाउजेनो मिरु एबसुनि आफादगिरि मानगोनां मुस्रि
दिपेन बर'आ । बर' थुनलाइ आफादनि
मुंख्लं खामफायाव बिबारखौ बाउजेनो मुस्रि उमाकान्त बर'आ (
बारग' नेहाथारि, बरपेटा जिल्ला बर'
थुनलाइ आफाद ) । मिरु एबसुनि आफादगिरि मानगोनां मुस्रि दिपेन बर'नि मासि लानानै दैदेननाय गेवलां मेलखौ
बेखेवनानै होयो मुस्रि कृष्ण गपाल बसुमतारीआ ( बिथोनगिरि, इउ.एन.
एकाडेमि, क'क्राझार ) । मेलाव गाहाइ
आलासि महरै बाहागो लायो मानगोनां मुस्रि दिपक कुमार बसुमतारीआ ( बारग' आफादगिरि, एबसु आरो बारग' लेङाइ
आफादगिरि, बर' थुनलाइ आफाद ) आरो
थांखिजानाय बुंथिगिरि महरै बाहागो लायो मुस्रि महिपाल बर'आ (
इ.एम, बि.के डब्लिउ.ए.चि. आरो बारग' नेहाथारि,
एबसु ) । मख'जायोदि, आसाम आरो बड'लेण्डनि
खना खनलायाव राइजो जानाय गंफ्रोमबो बर' नखरनि गथ'फोरा जाहाथे बर' बिजोंजोंनो गोग्गो सोलोंथाइ लानो
हायो, साफ्रोमबो बर' रावखौनो रायओ,
बर' राव थुनलाइ हारिमुखौ बुहुमाव गोसारहोनो
आरो सिनायथि होनो हाहैनाय बादियै नोजोर बोनानै एबसुआ मिरुयै बोसोरफ्रोमबो गुबुन
गुबुन थावनियाव 16 नबेम्बर " बर' थुनलाइ
आफादनि गाइसन्थाइ सान " खौ गाजा गोमजायै फालिबोबाय थाबोदों । दिनैनि बे बर' थुनलाइ आफादनि गायसनथाइ सान फालिनाय हाबाफारियाव बरपेटा जिल्लानि सिङाव
थानाय फोरोंगिरि, मेलेमजिबि, फरायसा
आरो गोबां राइजो राजाफोरा बाहागो लानानै हाबाफारिखौ मैखोमैनो जाफुंसार खालामो ।
गोनां मुवा बेसाद नि बेसेना बारायलांनायनि सायाव मोनसे टास्क फर्स दानायनि
फोसावनाय मन्थ्रि रन्जित दासनि। मैया कामरुप जिला बेंगिरि नि मावखुलि आव खौरांमेल
नि गेजेरजों बेखौ फोसावना होयो। गोजौ थाखो
नि दैदेनगिरिफोर नुजाथिनायाव फोसावना होयो। बे दोलो आ गुवाहाति नि गुबुन गुबुन
जायगायाव थांनानै सानफ्रोमबो नि बाजाराव बेसेनखौ नायगोन।
31 दिसेम्बरनि गेजेराव आसाम मेघालय सिमना नि जेंना या सुस्रांजागोन।
कइनाधरा याव आशामनि गिबि मन्थ्रि कनरेद सांमानि लोगोसे खौरांमेल। मोननै रायजो नि
गोबाव सम नि सिमा नि जेंना खौ सुस्रंनो थाखाय नो बे मेल खौ खुंनाय जादोंमोन। आसाम
मेघालय सिमना याव गासै 12 टा जेंना गोनां ओनसोल दं। गिबि आव मोन 6 ओनसोल नि सिमा
नि जेंना खौ सुस्रांनो थाखाय खामानि मावगोन। 31 दिसेम्बर नि गेजेराव मोननैबो रायजो
नि सावरायलायनायनि उनाव जोबथा थिरांथा सिम थांगोन। गिबि मन्थ्रि सानै आ बुंदों
सिमा नि जेंना खौ फोजोबस्रांनो थाखाय दाना होनाय कमिटि आ 30 नबेम्बर नि गेजेराव
रिपर्त खौ होगोन। गिबि आव खालामनो गोनां मोन 6 ओनसोल आव खानापारा, हाहिम,,
बक्लापारा,, पिलिंकाता, ताराबारि आरो गिजां। गुबुन मोन 6 नि खौ बो थाबैनो
फोजोबस्रांनो नाजागोन।
बिहार आव गिथावना जाब्रबथाय आव रुंसारि फावखुंगुर शुसान्त सिंह राजपुत नि
नखरनि सा 5 सुबुंफोरनि जिउ गोमादों, बिहार नि लखिसराय लामा याव जादों, बेयाव सा 6 सुबुंफोरनि
जिउ गोमादों,, बेनिनो सा 5 या सुसान्त नि नखरनि होनना मिथिना मोनदों आरो सासे आ
सालायग्रा।लामा याव गंसे ट्राक जों सौग्रावलायनाय आव जायो जाथाय आ। सा 4 आ जोखोम
जादों होनना खौरां मोनदों। थैनायफोरा सुसान्त नि बिनानाव नि नखरनि होनना मिथिना
मोनो।
भारत नि अलराउन्दार क्रिकेतार हार्दिक पान्दिया नि 5
कौटि रां नि घुरि खौ जब्द। ईउएई निफ्राय फैनाय समव बिरखं गाथोन आव हमदों कास्तम
बिफान आ। ईनभइस गैयालासै नो बेखौ लाबोनायनि थाखाय सोङो आरो लोगोसे बिनिफ्राय गंनै
घुरि खौ लायो मखजाथावदि आइपिएल नि 2थि लेग नि गेलेनायनि सिगाङाव 5 कौटि रां नि
घुरि खौ दिन्थिदोंमोन ससियेल मिदिया नि गेजेरजों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon