दिनै दिवालि नि मिरु आरो आसाम सोरखार नि गिफ्ट(दान) सुबुंफोरनि सिम। दिवालि धामाका। आसाम आव पेट्रल आरो दिजेल नि बेसेना खम जाबाय आसामाव। खौरां मोननाय बादिब्ला आसामाव दिनै पेट्रल नि बेसेना 12 रां खम आरो दिजेल आव 17 रां खम खालामदों। गिबि आव मिरु सोरखार आ पेट्रल नि बेसेनखौ 5 रां आरो दिजेल आव 10 रां खम खालामदोंमोन, मिरु सोरखार जों लोगोसे आसाम सोरखार आ बो उफ्रायै पेट्रल आव 7 रां आऱो दिजेल आव बो 7 रां खम खालामो। मिरु आरो रायजो सोरखार नि खौ दाजाबोब्ला पेट्रल आव 12 आरो दिजेल आव 17 रां खम जायो।
बाक्सा नि मुशलपुर आव सोलिबाय थानाय आसाम पुलिस नि देहायारि आनजाद नि सोलोंथायारि रोंगौथि नि नंखाय फोरमान बिलाय होना लानानै आसाम पुलिस नि जे आव सा 3 दायनिगिरि। मुशलपुर नि खाथिनि बरबरि आव सोलिबाय थानाय टेष्ट आव उत्सप दास मुंनि सासे सेंग्रा या बिनि मेट्रिक नि फोरमान बिलायफोरखौ दिन्थिनायनि उनाव सोराङाव फैयो नंखाय फोरमान बिलाय होनाय खामानि आ। फोरमान बिलायफोरखौ होनायनि उनाव बिबान आ थानाय अफिसारफोरा गिबिआव नंखाय होनना सन्देह खालामो आरो बेनि उनाव सोंनायाव मिथियो नंखाय होनना। बेनि उनाव उत्सब दास नि गनायाना लानायाव आरो सानै अनुपम दास आरो सैलेन बर्मन खौ हमो। सा 3 खौ हमनानै मुशलपुर थाना याव लांनानै सोंगासिनो। गोबां सुबुंफोर सोमोन्दो थानो हागौ नि सन्देह पुलिसफोरनि। मिथिना मोननाय बादिब्ला उत्सब आरो अनुपम नि न आ मुशलपुर खाथि नि बलगुरि आव आरो शैलेन नि आ बजालि जिला नि नित्यानन्द आव।
मैया BTR सोलोंथायखौ लानानै फरायसाफोरनि थाखाय जौगानाय खामानि मावलांनो थाखाय BTR सोरखारनि बानजायनाव सुबुरनथायारि मेल लानाय जादों। अदालगुरि जियाव अदालगुरि जौमा फरायसालियाव चिरां जिलायाव बिजनि जौमा फरायसालि आरो कक्राझारआव गुरुदेब कालिचरन ब्रह्म एकादिमियाव बे हाबाफारिखौ लानाय जादोंमोन। मैयानि बे हाबाफारियाव क'क्राझार जिलायाव MLA लरेन्च इसलारि BTR सोलोंथाय बिफाननि Education Director आरो गसाइगाव बि.एडनि गोरायुं ड. अजित बर अदालगुरियाव बाहागो लायो BTR नि लेङाइ गाहाय मावफुं सोद्रोमा गबिन्द बसुमतारि दुलाराय बर फरायसा आफादनि लेङाइ आफादगिरि खोरोमदाव औवारि जों लोगोसे गोबां फोरोंगिरि आरो सोलोंथाय बिफाननि गोबां दैदेनगिरि बिथांमोना दिनैनिहाबाफारियाव बाहागो लायो। मैयानि बे हाबाफारिखौ BTR नि गोदान सोरखारा प्रमद बरनि दैदेननाायजों BODOLAND Education policy दानाय जादों बे policy नि गेजेरजोंनो BTR नि सोलोंथायखौ जौगा होनायनि खामानि मावनो थांखि लानाय जादों बेखौ लानानै मैयानि हाबाफारिखौ लानाय जायो। बिटिआर नि लेङाय गाहाय गोबिन्द बसुमतारि आ बुंदों बिमा रावजों सोलोंथाय लानानै गावनि हारिनि रावखौ फोथांना लाखिनाया गोनांथि । सोलोंथायनि बिथिंआव बिजोंआ माब्लाबाबो लोरबां जानो हाया । फरायसा फरायसुलिफोरखौ इंराजि बिजोंनि सोलाय गावनि बिमा रावनि बिजोंजों सोलोंथाय होनायाव गहोयैलो खालामालासै गावनि बिमा रावआव सोलोंथाय होनायानो गानांथि होननानै बुङो । बिटिसि सोरखारा गोदान सोलोंथाय खान्थिजों बिटिसिनि सोलोंथाखौ सोलायनायनि थांखि लादों । बेबायदि गोजोन खामानियाव बिमा-बिफा, रायजो, दोलो-आफादफोरा हेफाजाब होनो ओंखारबोनांगौ । अब्लासो गोदान सोलोंथायनि आसनिखौ जौगाहोनो हागोन । लोगोसेनो गबिन्द चन्द्र बसुमतारीआ बुंबावोदि सोरखारि फरायसालिनि गायसंथायफोरा गामियारि ओनसोलाव नांगौबायदि जौगानाय नङा । सोरगिदिं सिमा गैयैजों लोगोसे गुबुन गुबुन जेंनाया दासिमबो सुस्रां जायाखै । नुनो मोनोदि गावआरि फरायसालिनि रुजुनायाव सोरखारि फरायसालिनि थासारिया जौगानाय नङा । बेफोर बायदि गाज्रि थासारिखौ फोजोबस्रांनो बिटिसि सोरखारा आसनि लानायनि थांखि आखायाव लादों ।
आसाम सोरखार आ गुबुन गुबुन पाब्लिक सेक्तर ईउनित नि चेयारमेन आरो भाइस चेयारमेन नि बिबान होदों। बेनि फारिलायखौ दिहुनना होबाय। बिजेपि जों लोगोसे लोगो दोलो ईउपिपिएल नि सोद्रोमा फोरा बिबान मोनदों। रोनगोरा नार्जारि बिथांनो आसाम मिनारेल देभलपमेन्त कर्परेशन नि चेयारमेन नि बिबान। नाथुराम बर नो आसाम एपेक्स विभारस एन्दआर्तिसान कअपारेतिभ फेदारशन लिमितद नि चेयारमेन नि बिबान होदों।
किदनि स्केम नि मास्तारमाइन्द खौ हमबाय। 4 दान नागिरनाय आव हमनो हानाय प्लाबन बरथाकुर आ पुलिस नि जे आव। खौरां मोननाय बादिब्ला बियो तामिलनादु आव दंमोन। तामिलनादु आव थानानैब्लाबो बारगआसै, मरिगाव पुलिस नि जे आव दायो। नगांव नि हातिसुङाव बिनि न आ, नाथाय बिसि जों धुबुरि आव थानानै गासै आसामावनो किदनि नि फालांगि खालामगासिनोमोन। जागिरोद नि धरमतुल आव थांनाय 10 जुलाई आव सोराङाव फैदोंमोन किदनि फालांगि आ। बै सान खालि गोबां सुबुंफोरनो आगु रां होग्रोनाय समाव रायजो नि जे आव गोग्लैदोंमोन लिलिमाई बर मुंनि आयजो जों लोगोसे मुकुल बर मुंनि सासे सेंग्रा, बेनि उनाव ने बे फालांगि जों सोमोन्दो थानाय सासे नि उनाव सासे सुबुं नि मुङा सोराङाव फैदोंमोन। दायो हमनो हाबाय गाहाय दायनिगिरि खौ।
28 नं गसायगाव बियाबनि इउपिपिएल दोलोनिफ्राय एमएलए देरहानानै मैया दिसपुराव आगान होफैना जिरन बसुमतारीया खौरांगिरिनि सिगाङाव बिबुंथि होयो। गोग्लैसोनाय ओनसोल गसायगावखौ जौगानायनि खामानि मावगोन। शंकीष दैसानि जेंनाखौ अरायसिमनि जेंना सुस्रांनाय जागोन। गसायगावनि गोबां गामि ओनसोलफोराव मोब्लिब फोनांजाब राहा खालामना होगोन। लोगोसे लाइमोनफोरनि, आयजोफोरनि आरो आबादारिफोरनि जेंनाखौ सुस्रांना होगोन।
टि-20 वर्लद काप आव गिबि देरहानाय भारत नि। 66 रान जों फेजेनो आफगानिस्तान खौ। गिबि आव बेटिं खालामग्रोनानै भारत आ 211 रान नि तारगेत होयो आफगानिस्तान नो । आफगानिस्तान आ 20 अभार आव 144 रान ल सो बुनो हायो। भारत आ गिबिआव सानै ल विकेत जों रहित नि 77 आरो के एल राहुल नि 69 रान जों 20 अभार आव 210 रा बुयो। हार्तिक आ 35 आरो रिषभ आ 27 रान बो बुदोंमोन। बे गेलेनायखौ भारत आ देरहानाय आ गोनांथारमोन।
आसामनि गिबि अलिमपिक देरहानो हानाय लाभलिना बरगहायनो हादोरनि गेलेगिरिफोरनि जौसिन मान खेल रत्न बान्था । टकिअ अलिमपिकआव गिबि खेबनि थाखाय बाहागो लानानैनो आसामनि गिबि आइजो महरै ब्रन्ज मासियाव देरहानो हानानै हादोरजों लोगोसे रायजोनि थाखाय गोगानाय लाबोनो हानाय बै लाभलिना बरगहायनो हादोरनि जौसिन गेलेगिरिफोरनि मान मेजर ध्यान चान्द खेल रन्त बान्था फोसावो। बेखौ मोननाय लोगो लोगोनो आसामनि गिबि अलिमपिक देरहागिरि जानायजों लोगोसेनो खेल रत्न बान्था मोननाय आसामनि गिबि असमिया जागोन लाभलिना बरगहाया । बिनि सिगांबो लाभलिनाया अर्जुना बान्था आवथायनो हादोंमोन । मिरु गेलेमु आरो इयुथ वयेलफार बिफाना फोसावनाय 2021 माइथायनि गेलेमु बान्थानि फारिलायाव लाभलिनायाबो बाहागो मोन्दों । बे बान्थाखौ 13 नभेम्बरखालि गोदान दिल्लीआव गथायनाय जागोन । बेजों लोगोसेनो बे बारनि हादोरनि जौसिन गेलेगिरि बान्था मोननो हादों सा 12 गेलेगिरिफोरा । बिसोर जाबाय फारियै- निरज चप्रा (एटलेतिक्स, सनानि बान्था मोनगिरि), रबि कुमार (कुस्ति, रपानि बान्था मोनगिरि), लाभलिना बरगहाय (बक्सिं, ब्रन्ज बान्था मोनगिरि), पिआर मिस्रा (हकि), अवनि लेकारा (पेरा सुथिं), सुमित एन्तिल (पेरा एटलेतिक्स), प्रमद भगत (पेरा बेटमेन्तन), कृष्ण नगर (पेरा बेटमेन्तन), मनिस नारवाल (पेरा श्वुतिं), मितालि राज (क्रिकेत), सुनिल सेट्रि (फुदबर), मनप्रित सिं (हकि)।
ससियेल मिदिया याव आसामनि गिबि मन्थ्रि खौ लानानै नंखाय खौरां भाइरेल जागासिनो। आसामनि गिबि मन्थ्रि नि मोनसे नंखाय त्वित भाइरेल। कभिद आरो फरायसालि खौ लानानै भाइरेल खालामनाय नंखाय त्वित खौ दिनै गिबि मन्थ्रि आ रोखा खालामना होयो। नंखाय त्वित आव कभिद केस आ 300 नि बारा जानायनि थाखाय 20 नबेम्बर निफ्राय फरायसालि आरो फरायसालिमा फोरखौ बन्ध खालामनायनि थिरांथा लादों होनना बुंदों। आसामनि गिबि मन्थ्रि आ बेखौ नंखाय होनना बुंदों, लोगोसे बेबायदि भाइरेल खालामनाय सुबुंनि बेरेखा एक्सन लानो थाखाय पुलिस नो बिथोन होबाय होनना बो बुंदों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon