फरायसा नि ईउनिफर्म खौ लानानै दुंहाव थासारि बरमा कलेज आव, सासे फरायसुलि आ फरायसुला नि ईउनिफर्म गानना फैनानै कलेज आव हाबनायनि थाखाय कलेज निफ्राय बाहेर खालामना होदों जि एस आ। लोगोसे कलेज आव हाबनोब्ला सुरिदार गानना फैनो होदों होनना अजद। खौरां मोननाय बादिब्ला गिबि सेमिस्तार निफ्राय नो बियो बेबायदि लंपेन्ट गस्ला गानना फैदोंमोन, नाथाय दायो 3 थि सेमिस्तर आव होबथाजायो, जुरि दास मुंनि फरायसुलि आ बुंनाय बादिब्ला बियो सासे टाइकुवान्दो गेलेगिरि, 10 सान सो जाबाय कलेज आव हाबनो होयि आ, प्रिन्सिपाल नो बेनि सायाव अजद होनायाव जिएस खौ बिदा होनना निमाहा हो होनना बो बुंदों।
गुबुन फारसे कलेज नि जि एस आ बुंदों फरायसा नि नेमखान्थि खौ मानिनो गोनां जायो, जुदि दिनै बिखौ हाबनो होयो, आरो उनाव गासैबो बर नङि फरायसुलि फोरा बेबायदि गानना फैयो अब्ला कलेज नि आब्रुथि आ गैया जागोन, बेखायनो कलेज नि आब्रुथि खौ रैखा खालामनो थाखायनो बेखौ खालामनो गोनां जादों। प्रिन्सिपाल बिथाङा बो लंपेन्ट खौ गनायथि होआखै होनना बुंदों, फरायसुलि आ गिबि सेमिस्तार निफ्राय लंपेन्ट गानना फैदों होनना बुंनायखौ मानियाखै,, कभिद नि थाखाय नो कलेज आ बन्ध जादोंमोन, बिखौ गानना फैनायखौ नो नुवाखै होनना बुङो। फरायसुलि आ उन्दैनिफ्राय नो बेबायदि गाननानैनो फरायबोदों होनना बुंनायखौ बो प्रिन्सिपाल आ नंखाय होनना बुङो, बिथाङा गुबुननिफ्राय मिथिनाय बादिब्ला हाय स्कुलखौ बियो मेखेला सादर गाननानै नो पास खालामदोंमोन। बे हिसाबै नायोब्ला फरायसुलि आ खौरां बिजों नि गेजेरजों ईसे बारा बुंनाय जादों।
फारसेथिं साख्रि नि आंखाल, गुबुनफारसे थिं सासे सुबुङा मोननै सोरखारि साख्रि मावनायनि अजद। गोबां सुबुंफोरा नो साख्रि नि लानो नाजाबाय थायो, गोबां बेकार सुबुंफोर दं। सिसिबरगांव सार्कल अफिस नि सिङाव सासे सुबुङा सोरखार खौ थछगायनानै मोननै साख्रि मावबाय थानायनि अजद। अजद बादिब्ला निलख शान्तिपुर कोबरगांव नि राजिब कुवर मुनि सुबुङा आगोलनिफ्राय नो पन्सायत नि एकाउन्ट एशिसतेन्ट महरै खामानि मावगासिनोमोन, दायो अकाउजान गामि पन्सायत आव साख्रि मावगासिनो, नाथाय बे राजिब आ एखे सम आव नो निलख सुन्दरपुर नि सोरखारि जानाय फरायसालि सुन्दरपुर बर्दार एमई स्कुल आव हिन्दि नि फोरोंगिरि महरै गावनि मुं खौ सोना लादों, फेब्रुवारि आव सोरखारि जादों। बे फोरोंगिरि नि साखअरि खौ रबिन बरा मुंनि फोरोंगिरि आ सो मोननो नांगौमोन होनना बुङो, 1993 मयथाय निफ्राय नो मावगासिनोमोन, नाथाय 2009 आव सो जइन जानाय राजिब कुवर नो सो होयो, जाय आगोलनिफ्राय नो पन्सायत नि साख्रि खौ मावबोगासिनो।
बिधानसभा बिसायखथि आव बिजपि दोलो आ बेसेबां रां खरसा खालामखो मिथियो ना। खरसा नि फारिलाय आव आसाम आ मा नम्बर आव। रायजो नि बिधानसभा नि उफ्रा बिसायखथि आ फैबाय आरो थांबाय, सायखजाबाय गोदान एमएलए ,, बेरेखआ दोलो खौ फेजेननानै बिजेपि आरो लोगो दोलो आ नो देरहायो। आसाम जों लोगोसे मोन 5 रायजो आव बेसेबां रां खरसा खालामखो बेनि गासैबो हिसाब खौ होदों बिसायखथि आयोग नो। मोन 5 रायजो आव गासै 252 कौटि रां खरसा खालामदों बिजेपि आ। मखजाथावदि बिजेपि आ 252 कौटि नि 60 जौखोन्दो खौ नो सोनाब बंग आव खालामदोंमोन, 151 कौटि, सोनाब बंग नि उनाव आसाम आ नैथि आव दं, 43 कौटि रां खरसा खालामदों, बेनि उनाव केरला याव 29.24, तामिलनादु आव 22.97, पुदुसेरि आव 4.79 कौटि रां खरसा खालामदों होनना होयो। सोनाब बंग आव 60 जौखोन्दो खरसा खालामदोंमोनब्लाबो डजेबो मोजां फिथाय मोनासै दोलो आ।
बाक्सा जिला नि अन्सलि, आरकरा आरो सापागुरि गोजौ फरायसालि आव मैया बिटिआर नि गाहाय प्रमद बर आ थाखो 9 आरो 10 नि फरायसाफोरनो साइखेल ऱानना होदों। गिबि आव बिथाङा अन्सलि नि अन्सलि गोजौ फरायसालि आव रानना होग्रोयो, बिथाङ बुंदों जोंनि फरायसालि आ लासै लासै मोजां जोबोगोन, दानि थासारि थाया, फरायसालिफोरखौ मोजां खालामनाय जागोन,, फरायसालि निफ्राय नो थांनानै फरायसा फोरा दक्टर ईन्जिनियार जागोन। बेयाव रानना होनायनि उनाव बिथाङा आरकर आरो सापागुरि गोजौ फरायसालि आव फारायसा फोरनो रानना होयो।
एमट्रन नि 2.57 कौटि रां सिखाव जादों, हमबाय सासे खौ। पानबाजार थाना आरो सिआईदि आव बेनि सायाव मोननै गसर थिसननाय जायो, 10 नबेम्बर आव बेयो सोराङाव फैयो। बृहस्पतिबारखालि राहुल हजुरि मुंनि एमट्रन नि एकाउन्तेन्त खौ खायो, बेंक अफ महारास्त्र आव दंमोन एमट्रन नि एकाउन्ट आ। 8 नबेम्बर आव एकाउन्त आ हेक जानायनि खौरां सोराङाव फैदों। सिआईदि नि गाहाय मावखुलि आव सोंनाय आ सोलिगासिनो दं। 8 नबेम्बरखालि बेंक निफ्राय 2.57 कौटि रां ट्रेन्सफार जादोंमोन। राहुल हजुरि आ मेइल निफ्राय 8 नबेम्बर आव बेंक नि मावथि नो मेइल हरदोंमोन, नाथाय ईमेइल खौ बो हेक जादों होनना बुङो। गोबां एकाउन्ट आव रां हरनो मेइल खालामदोंमोन,नाथाय एमट्रन नि मावथिफोरा मिथियाखैमोन बे ट्रेन्सफार खालामनाय धोन खौ। बेनि उनाव एमट्रन आरो बेंक आ पानबाजार थाना आरो सिआईदि आव मोननै गसर थिसनो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon