13 November evening news ~ Bodoinfo.com

सा 5 हिनजावसाफोरा आलफा उदां आव जइन जानायनि सन्देह। बेयाव नेशनेल लेबेल नि किक बक्सिं गेलेगिरि बो दं। सान 3 सो जाबाय गोमाना थानाय आ। किक बक्सिं गेलेगिरि नि मुङा नयनमनि चेटिया उरफे ईहम चेटिया, फिसाज्ला बो सासे दं, 7 बोसोर बैसो नि, फिसाज्ला खौ नो गारनानै थांनायनि सन्देह, गोबाव समनिफ्राय जिला नि गुबुन गुबुन ओनसोल नि गथफोरखौ फोरोंबोगासिनो दंमोन बियो किक बक्सिं खौ, नाथाय दायो हरखाब बेबायदि खौरां मोननाय आ ,सोमोनांहोदों बयखौबो। बिनि फिसाय आ आसाम पुलिस नि हम गार्ड मावो। पुलिस फोरा दायो नायबिजिरगासिनो दं, एस पि आ बुंदों आयजो आ गोमाना दं, नाथाय दानो आलफा याव हाबदों ना हाबाखै रोखायै बुंनो हाया। नायबिजिरनायनि उनाव सो मिथिगोन। गुबुनफारसे बे आयजो जों लोगोसे गुबुन हिनजावसाफोरनि हाग्रा फारसे थांनायनि भिदिअ भाइरेल जादों।

मनिपुर आव दिनै मोनसे गिदिर जाथाय जादों। आसाम रायफल नि जवान नि सायाव गाग्लोबनाय। नखरजों लोगोसे सा 6 नि जिउ गोमादों, गोबां जोखोम जादों। गाग्लोबग्राफोरा आगोलावनो थियारि जाना दंखायोमोन। सासे जवान, बिनि बिसि, फिसाज्ला आरो गारि सालायग्रा आरो सानै बडिगार्ड नि जिउ गोमादों। थैनाय जवान नि मुङा 46 नं आसाम रायफलस नि कामान्दिं अफिसार बिप्लब त्रिपाथि होनना मोथिना मोनदों। आसामनि खआथि नि रायजो मनिपुर नि सुरासान्दपुर जिला नि सिंघट ओनसोलाव जादों होनना मिथिना मोनदों।

दानिया प्रेगनेन्ट आयजोफोरा बो मावखुलि आव थांनो नांसिगोन। गोदान एसअपि। आगोलाव ननिफ्राय खामानि मावनायनि गनायथि होदोंमोन,, 3 बोसोर नि सिंनि गथ थानाय आ बो थांनो नांगोन,, गनायथि नि सुति लानायनि अनगायै मावखुलि आव थांनो नांथारगोन। रायजो नि चिफ सेक्रेतारि आ बेखौ फोसावनानै होयो मोनसे फोसावलाय नि गेजेरजों। आगोलाव रेहाय होदोंमोन बेफोरखौ।