मोनसे समनि NDFB नि आफादगिरि धिरेन्द्र बर'( बि सुंथाग्रा) बिथांङा बर' हारिनि थाखाय गोख्रों सोमावसारनायनि उनावबो गोजोन खौसेथियाव फैफिननो हानायखौ World Human Rights Protection commission आ बिथांनि साननाय हनाय समाजाव बिहोमा होबोनायखौ मोजां मोन्नानै World Human Rights Protection Commission बिथांनो डाक्टरेट बिमुंखौ होयो। बेनि थाखाय WHRPC नो साबायखर बाउयो आरो गोजोननाय फोरमायो। शांति शुक्ति निफ्राय लानानै गोबां खामानि मावबोगासिनो दं। आखायाव हाथियार लानायनि उनाव सावरायलायनानै शांति नि थासारि लाबोफिननायनि थाखाय बेखौ होनो हागौ होनना बुंदों। बिथाङा एनदिएफनि गायसनगिबि आफादगिरि खौ दासिमबो जेल निफ्राय उदां खालामि आ सोंखारिजाथाव, दिल्लि सिम लांनानै शांति सुक्ति खौ खालामबाय नाथाय दासिमबो जेल आ नो दं। शांति शुक्ति नि सिगां नो जेल निफ्राय उदां जानांगौमोन, सोरनिबा राजखान्थियारि खहा जागोन नामा बेनि थाखायनो लाखिबाय थानो हागौ होनना बो बुङो। जेल आव लांफिननायनि गुदि आव नो मोनसे गिदिर फाव फान्दायनाय खौ नुनो मोनदों होनना बो बुङो।
मेगन थाइनै नुयै बिथां मेथाइ खनगिरि दावहारु बुसुमातारी खौ BTR नि सासे EM आ थगायनानै हरदों। बाक्सा जिलानि सिंङाव थानाय सुवागपुर हालामनि बर'निदि पारनि बिथां दावहारु बुसुमातारी आ जोनोम जानानि 7 दाननिफ्रायनो आइ बसन्त जानानै मेगन थाइनैया नुया जायो । जोनोम नि समाव नो बिमा या थैदोंमोन। बेनि उनाव बिबै आ नायदोंमोन। आइ बसन्त जानायाव बिबै आ जेबो मिथियै आव दक्टर नाव लांनायाव भेक्सिन लिरना होनायाव बेखौ लानायाव दब्रा या मेगनजों ओंखारनायाव मेगन आ गाज्रि जायो। दाउहारु बसुमतारीनि नखराव रां खावरिनि गोबां आंखाल, बिथाङा मेथाय खननो मोजां मोनो, बेखायनो गंसे स्तुदिअ बानायनो गोसो, 1 लाख सो रां थांगोन होनना बुंदों, बेनि थाखाय BTC नि CEM बिथांनि सेराव गांसे आरजलाइ लानानै थांदोंमोन नाथाय दुखुनांथाव बाथ्रा, आरजलाइखौ BTC नि CEM बिथांआ आरजलाइखौ लाखियासै होननानै फोरमायदों। साननै सिगाङाव सो BTC नि हारिमु बिफाननि EM बिथांनि सेराव थांदोंमोन, नाथाइ बिथांनिफ्राय बो जेबो मदद मोनाखै होननानै फोरमायदों।आंनि बिफान आ बे नङा होननानै सो थगायजादों होनना बुंदों।दाउहारु बसुमतारीआ नख'रखौ इसे नायहरनो थानाय BTC सरकार आरो आसाम सरकारखौ खावलायदों । बिथां दावहारु बुसुमातारीया जोबोर मोजां मेथाइ खनो बिजों लोगोसे बर' मेथाइबो दिहुन बोगासिनो दं।
रायजो आव फ्रि मायरं मोननाय बिथांखि आ सोलिबायनो थागोन। आसामनि गिबि मन्थ्रि हिमन्त बिश्व शर्मा बिथाङा खौरांगिरिफोरनि सिगाङाव रोखा खालामना होदों। भारत नि गाहाय मन्थ्रि नि गरिब कल्यान योजना नि उफ्रा 5 केजि मोननाय आ सो नबेम्बर नि 30 सिम मोन होनाय आ, 30 नबेम्बर आव जोबगोन। नाथाय अन्न सुरक्सा बिथांखि नि सिंनि 5 केजि मायरं खौ मोनबाय थागोन रायजोफोरा।
लोगोसे गिबि मन्थ्रि बिथाङा मैया 2022 मायथाइनि 31 मार्च नि गेजेराव गासैबो गोजाम गसर फोरा जोबनो नांगौ होनना पुलिस नो बिथोन होनायनि उनाव गोबां खामानि मावगासिनो पुलिसफोरा बेनि सायाव। अ सि बिथांमोनजोंबो जनानै सावरायलायनाय आ खामानि आव गोसो होहोनाय जादों होनना गोबाङानो बुंदों। पुलिसफोरा बिथांनि बे खामानि खौ बरायो।
सिबिआई आ खादों आसामनि बारग गिबि मन्थ्रि रुंसारि हितेस्वर सइकिया नि फिसाज्ला खौ। लोन नि केलेंकारि नि गसर आव हमदों अशोक सइकिया खौ। बेयो मोनसे गोजाम गसर, बेनि सायाव नो रबिबारखालि सिबिआई आ गुवाहाति नि खरुमटरिया नि अशोक नि न आव नागिरो। एशकर्द बेंक नि लोन केलंकारि नि गसर दंमोन। 202/98 नम्बर आव बे ने सायाव पल्टन बाजार थाना याव गसर थिसनदोंमोन। गुबुनफारसे बारग गिबि मन्थ्रि नि आरो सासे फिसाज्ला, दानवि कंग्रेस नि दैदेनगिरि देबब्रत सइकिया या बेनि सायाव बुंदों, 2015 मायथाइ आव नो बे लोन नि रां खौ होजोबबाय।
सोरां नि फोरबो दिवालि आ रायजो आव 81 टा अर नांनाय जाथाय जादों। 4 नबेम्बर आव 47 आरो 5 नबेम्बर आव 34 ता जाथाय जादों, लोगोसे गोबां लाख रां नि खहा बो जादों होनना खौरां मोनदों। अर खोमोरग्रा बिफान आ बेखौ बुंदों। गोबाङानो बम फटका बेरहोनायनि थाखाय जादों। बिटिआर नि मोन 4 बो जिला जों लोगोसे शनितपुर, दरं, बिश्वनाथ आव बो जादों। बयनिख्रुय बांसिन कामरुप मेत्र आव 14 टा जाथाय जादों। गुबुनफारसे रायजो आव 242 जाब्रबथाय नि जाथाय जादों रायजो आव। बेखौ 108 मृयोन्जय आ बुंदों। बयनिख्रुय बांसिन शनितपु आव 19 टा जाथाय जादों। गिबि सानखालि 129 आरो नैथि खaलि 113 जाथाय।
सा-सानजा भारत नि गोबां आयदा जों लोगोसे बर शान्ति शुक्ति आरो रियां सुक्ति आ जायगा मोनदों बिजेपि नि नेशनेल एग्जिकिउटिभ मिटिं आव। मैया भारस्वेलि जायो बे जथुम आ। खौरां मोननाय बादिब्ला हादर नि मोनफ्रोमबो बुथ आव बिजपि नि संगथन खौ गोरा खालामनो थाखाय थिरांथा लायो, बुथ कमिटि दागोन। बे मिटिं आव आसासमनि बिजपि नि आफादगिरि भबश कलिटा, बिजया चक्रबर्ति, फनिन्द्र नाथ शर्मा तपन कुमार गगै बिथांमोना बाहागो लादोंमोन।
टि-20 वर्ल्ड काप निफ्राय भारत आ बाहेर जाबाय। मैया निउजिलेन्द आ आफगानिस्तान खौ फेजेननाय लोगो लोगो नो भारत आ बाहेर जायो। दिनै भारत आ जोबथा मेस गेलेगोन नामिबि. नि बेरेखा। बेखौ देरहायोब्लाबो सेमिफाइनेल मोननाय नंलिया। मोनसे ग्रुप आव मोननै ल दोलो आ सेमिफाइनेल मोनो। पाकिस्तान आ मोन 5 यावबो देरहानानै जायगा मोनबाय।, बेनि उनाव निउजिलेन्द आ मोन 4 आव देरहानानै जायगा मोनबाय। भारत आ दासिम मोननै ल देरहादों। दिनै देरहायोब्ला मोन 3 ल जागोन।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon