9 November bodo news

 जाब्रबथाय आव थैनाय सुबुंनि देथ रिपर्त नि थाखाय पुलिस थाना याव थांनो नाङा। पुलिस अफिसार आन आव थांनानै नो होनो नांगोन रिपर्त। आसामनि गिबि मन्थ्रि नि गिदिर फोसावनाय। थाना याव थांनायनि सोलाय थआना नि अ सि आ नो न आव थांनानै नखरनि सुबुंनो रिपर्त खौ होनो नांगोन। फैगो 1 जानुवारि निफ्राय जागोन ब नेम आ। बे नेम खौ मानियाब्ला साजा होजागोन। बेनि उनाव बो माबाफोर सोलियोब्ला मा बेबस्था लानो नांगो आं मिथियो होनना बो बुङो। गोरिब सुबुंफोरखौ लानानै रायजो आव गिदिर बाजार सोलिगासिनो, देथ रिपर्त नि थाखायबो गोबाङानो जेंना जों मोगा मोगि जानो गोनां जानाङो, नाथाय दायो बेबायदि जानाय नंलिया।थैनाय सुबुंफोरनि फारस बेखिनि सन्मान होनो हानाय साहज आ पुलिस नियाव थानो नांगोन होनना बुङो।

     14,15 आरो 16 नबेम्बर आव कक्राझार आव थुनलायारि फोर्बो जागोन। गुबुन गुबुन 100 रावनि खन्थाय फोर्बो जागोन। पइत्रि फर पिस एन्द लाभ होनना बुंदों बिटिआर  नि गाहाय प्रमद बर आ। गिबि खेब नि थाखाय बेयो जागोन। बर नि राव हारिमु खौ रैखाथि होनो 40 बोसोर सो बायदिसिना संग्राम जाबाय, बेयाव गोबां सुबुंफोरनि जिउ गोमाबाय, मुख्लं जाबाय। बर थुनलाय आ 100 बोसोर जाबाय, बेफोरखौ बांसिन गोसो होनानै बर थुनलाय आफाद नि गायससननाय सान आव बे हाबाफारि खौ लानाय जादों। हादर नि गुबुन गुबुन रायजो निफ्राय खन्थायगिरि फैगोन, अनलाइन थागोन। गाहाय बिथाङा गासैखौबो थुनलाय जों सोमोन्दो थानाय बिथथांमोनखौ फैनो खावलायो, खौरांगिरि बिथांमोनखौबो खावलायो। जोबथा सानखालि आसामनि गिबि मन्थ्रि आबो फैगोन होनना बुङो बिथाङा।

     भारत नि हादरगिरि रामनाथ कोबिन्द आ मैया गोदान दिल्लि आव बे बोसोर नि पद्म बान्था खौ होयो। गासै सा 119 सुबुंफोरनो होयो बान्था खौ। बेनिनो सा 7 नो पद्म बिभुशन, सा 10 नो पद्म भुशन आरो सा 102 नो पद्मश्रि बान्था होदों। बे बान्था होनाय हाबाफारि आव भारत नि गाहाय मन्थ्रि, नखर मनथ्रि बिथांमोना बाहागो लादोंमोन। बान्था मोननाय फोरनि सा 29 आ आयजो, सा 16 आ जिउ गोमानाय आरो सासे 3 थि आथोन नि। अलिम्पियान बेदमिन्तन गेलेगिरि पिभि सिन्धु नो पद्मभुशन, बारग मन्थ्रि रुंसारि सुशमा स्वराज नो पद्मबिभुशन। आसामनि बारग गिबि मन्थ्रि रुंसारि तरुन गगै नो पद्म भुषन बान्था होदों।

     मोजां मोननाय नि प्रस्ताब खौ गनायना लायि नि थाखाय नो जिनाहारि खालामगोन होनना सिगिदोंमोन। उनाव हिनजावसा या गावखौनो बुथारना लायो। लाजिनाय, गिनाय, अपमान खौ सहायनो हायि आव नो थैयो। जाथाय आ नगांव नि भेरभेरि गामि नि। धिं ख्रिस्त ज्योति फरायसालि नि थाखो 8 नि सासे फरायसुलि आ थैनाया ओनसोलनाङैनो सोमोनांहोदों। नखरनि सुबुंफोरनि बादिब्ला लम्पद सेंग्रा नाजिमुल आ मोजां मोननाय नि प्रस्ताब होदोंमोन, नाथाय बिनि बे प्रस्ताब खौ गनायना लायाखैमोन, बेनि उनाव नो सेंग्रा या बुथारगोन आरो लोगोसे जिनाहारि खालामगोन होनना सिगिदोंमोन, बेखायनो बिष जानानै गावखौनो बुथारना लायो. बे जाथायनि उनाव गाज्रि थार हालोद आव हिनजावसा खौ नगांव सिभिल देहाफाहामसालि आव लाना थाङो आरो उनाव जिएमसिएइस आव लाना थाङो, नाथाय जिएमसिएइस आव थैयो।

      सिआरपिएफ नि केम्प आव हर्खाब जवान आ गुलि गावग्लुङो, सा 4 नि जिउ गोमादों, सा 3 जोखोम। जाथाय आ सत्तिसगर नि 50 नं बेटेलियान केम्प आव जादों। हर गेजेराव केम्प आव सासे जवान आ एके 47 रायफलजों हरखाब गुलि गावो,गावनि लोगो फोरनि सायाव नो। जोखोम जानायफोरखौ देहाफाहामसालि आव लाना थाङो। जाथाय नि सोमोन्दै मिथिनाय बादिब्ला जवान नि गेजेराव माबा मोनसे बाथ्रा खौ लानानै नांलायनाय जादोंमोन, नक्साल ओनसोलाव बिबान मोननाय जावान नि गेजेराव नांलायनाया हिंसायारि जाहैयो, जोबनायाव सासे जवान आ कनट्रल खोमाना लानायाव लोगो नि सायाव नो गुलि गावना होयो। दायो जवान आ पुलिस नि आखायाव दं। सोंगासिनो होनना खौरां मोनदों।

     जौ लोंना फेनाय पुलिसनि गाज्रि आखु। अजद होनो फैनाय नखरखौ नो होखारदों। सान्तनु दास मुंनि पुलिस आ गाज्रि आखु दिन्थिनानै सासे सुबुंनि फिसाज्ला खौ गुलि गावनो थाखाय हाथियारखौ दैखाङो होनना अजद। खौरां मोननाय बादिब्ला रङिया थाना याव जादों जाथाय आ। आब्दुल कादिर मुंनि सुबुङा आलासि नि न आव आलासि जाहैनो थांदोंमोन, मबा मोनसे जाहोननि थाखाय बिसोरखौ हमथाना लाखियो. बेनि उनाव पुलिस नि दोलो आ थांनानै गासैखौबो दिहुनना थाना याव लाङो। बे समाव नोबे जाथाय आ जादों होनना अजद। बेबायदि खआलामनायखौ नुनानै थाना सिङाव नो खारखाव खारसि जायो, गुबुनफोरनि मदद आव बारगयो होनना बुंना लायो। बेबायदि गाज्रि आखु दिन्थिनायनि थाखाय साजा होनो नखरनि सुबुंफोरा खावलायदों।।

     कभिद नि बायदिसिना हेंथा निफ्राय रायजोफोरा माब्ला उदां जागोन, बुंदों आसामनि नि गिबि मन्थ्रि आ। 2 बोसोर बुहुमनाङैनो जानाय दुखुनांथाव जाथाय नि जाहोन आ करना भाइरास। भारत नि रांखान्थि नि हालोद खौ गाज्रि खालामना होबाय बे नो। गोबाङानो साख्रि खोमाना लानांबाय। कभिद निफ्राय बारगनो गोबां गोरा नेमखान्थि दिहुनना होदोंमोन। दायो थासारि आ इसे मोजां जादोंब्लाबो नाथाय मोननैसो नेम आ दाबो दं। हादोरनाङैनो भेकसिन होनाय खामानि आ सोलिगासिनो दं। आसामावबो सोलिगासिनो। गोबाङानो 1 दज खौ लादोंब्लाबो नाथाय 2 थि दज खौ गोबां लानो दंबावो। मैया आसामनि गिबि मन्थ्रि आ बुंदों आसामाव कभिद नि भेकसिन होनाय खामानि आ जोबजोबनायनि उनाव सो आसामाव हेंथा फोरखौ बोखारगोन, लोगोसे बिथाङा गासैखौबो भेकसिन लानो खावलायो।

      आसामाव फैनाय 10 बोसोर बैसो नि उन्दै गथ आ कभिद टेष्ट खालामजानांगौनि गोनांथि गैया जेब्ला बिमा बिफा एबा जोथोनलागिरि आ मोननैबो भेकसिन खौ लायो। बेखौ आसामनि हेल्थ एन्द फेमिलि वेलफेयार आ फोसावनानै होदों। नाथाय बिमा बिफआ या गोसो जायोब्ला टेष्ट नि बेबस्था दं होनना बो रोखा खालामना होयो। नाथाय जायफोरा मोनसे ल दजज लादों, एबा मोनसेबो दज लायाखै बिसोर टेष्ट खालामनो नांगोन। बे बिथोन खौ जायफोरा बिरखं, ट्रेइन बायदि जों फैदों बिसोरनि थाखाय।

     भारत आ टि-20 वर्लद काप खौ देरहानायजों बिदाय होबाय। 9 विकत जों फेजेनो नामिबिया खौ। देरहानायनि उनाव बो जेनबाय भारत आ, मानोना सेमिफाइनेल मोनासै। गिबि आव नामिबिया खौ बेटिं खालामग्रोहोनायाव 133 रान नि टार्गेट होयो। भारत आ 15.2 अभार आव नो 1 विकेत जों नांगौ रान खौ बुयो।रोहित आ 56, राहुल आ 54 रानबुयो। रबि अश्विन आरो रबिन्द्र आ सा 3 -3 विकेत लायो।

• Tweet
• Share
• Share
• Share
• Share

About Mridul

bodoinfo.com provides informations regarding State Government, Central Government and Private sector jobs for the aspirants of assam.

Related Post