Bodo news today ~ Bodoinfo.com

मिरु दुलाराय बर' फरायसा आफादा मैया क'क्राझार जिल्ला एबसु आरो बड'लेण्ड मुलुगसोलोंसालि एबसु जथायै बड'लेण्ड मुलुगसोलोंसालिनि लांगोनायाव 2 घन्टा धर्णा हाबाफारि लादों । गोबाव समनिफ्रायनो दुलाराय बर' फरायसा आफादा बड'लेण्ड मुलुगसोलोंसालियाव सोलिबाय थानाय जेंनाफोरखौ सुस्रांनांगौनि थाखाय भि.चि. लाइश्राम लाडु सिंजों सावरायनानै गोबां खेब गोसोखांबिलाइ गथायबोदोंमोन । नाथाय बिथाङा बड'लेण्ड मुलुगसोलोंसालिनि जेंनाफोरखौ सुस्रांनो इसेबो गोसो होदिया । बेखायनो मैया (1) थाबैनो बिटिआर ओनसोलनिफ्राइ बड'लेण्ड मुलुगसोलोंसालियाव अरायथा(पार्मानेन्ट) रेजिस्ट्रार थिसननो (2) अरायथा रेजिस्ट्रार थिसनजासिम गेदेर थांखिफोर लानायखौ बन्द' खालामथनाय (3) इक्जुकिउटिब मिटिंनि सिगां इउनिभारसिटि कर्ट मिटिंखौ खुंनाय (4) बड'लेण्ड इउनिभारसिटिनि इक्जुकिउटिभ काउनसिलनि लांदां जानानै थानाय सोद्रोमाखौ थिसननाय आरो (5) थाखानाय बड'लेण्ड मुलुगसोलोंसालिनि भि.चि. प्रफेस्वर लाइश्राम लाडु सिंखौ बिथांनि गाव हार्सिंनो डिसिचन लानानै गोसो बादि खामानि मावग्रानि थाखाय थाबै बिथांखौ सोलायनानै गोदान भि.चि. थिसननांगौनि थाखाय बड'लेण्ड मुलुगसोलोंसालि, क'क्राझार सरकारि फरायसालिमा , चाइन्स कलेज, कमार्स कलेस, इउ.एन.एकाडेमिनि फरायसाफोर, क'क्राझार आरो चिरां जिल्लानि सिङाव थानाय दख'रा आफादनि दैदेनगिरिफोरखौ लानानै आरो गुबुन गुबुन बर' माहारियारि आफादफोरनि दैदेनगिरिमोन बाहागो लानायजों मुलुगसोलोंसालिनि लांगोना मोखाङाव 2 घन्टा धर्णा हाबाफारि लायो ।

रोजा रोजा बर' मुंख्लंनि थैजों सोर्जिनाय बड'लेण्ड मुलुगसोलोंसालियाव भि.चि. लाडु सिंनि दादागिरिया सलिया : दिपेन बर'

बिसोरनियावबो दं मोनसे मोजां गोसो, अननाय, मोजां मोननाय। आसामनि गलाघात नि सावगारि बेयो। मासे बिमा नि अननाय, नाथाय फिसा या गुबुन सो। बिमा नि अननायखौ माब्लाबाबो गुबुन जों रुजुजाया। जों सुबुं माहारि नि गेजेराव सो बेफोरबायदि खौ खम नुनो मोनो दानिया, हारि धोरोम खौ लानानै नांलायनाय। मासे फिसा बोरमा, आरो मासे गियानि सैमा बिमा। जेबो खालामालासै नो जाहोदों गायखेरखौ। गोलाघात जिला नि लक्षिबारि नि खाथि नि गोबिन्दपुर गामिनि नुथाय बेयो। गामि नि चन्द्र कलिता नि न आव थानाय माथाम फिसा नि बिमा सैमा या गावनि फिसा नो गायखेर जाहोनायजों लोगोसे बोरमा फिसा नो बो जाहोबोगासिनो। थारैनो गियानि बिमा नि अननाया रुजुजामारा गुबुनजों। थार बिमा नि सोलोंथआयखौ फोरोंदों सुबुं समाजनो। रायजो नि गोबां जायगायावनो हाग्रा नि मैदेर जों लोगोसे गुबुन जुनारफोरजों मानसिफोरा रैखा मोननो नांलायनाय जागासिनो दायो, थेवब्लाबो जुनरफोरनि आव बो अननाय, मोजां मोननाय आ दं बेखौ दिन्थिदों।

गुवाहाति आव आरो मोनसे बुथारनाय जाथाय। बे खनसे नि आ पल्टनबाजार नि कालिबारि आव जादों। रेलवे कलनि कुवार्तार आव नारायन चक्रबर्ति मुंनि सासे सुबुंनि गोथै देहा मोनदों।सन्जिब चौधुरि मुंनि कुवार्तार नि मालिक आ नेग्रा महरै लाखिदोंमोन बिखौ, नाथाय चट फुजा नि थाखाय न आव थांदोंमोन रेलवे नि मावथि सन्जिब चौधुरि आ। मा जाहोननि थाखाय बे सुबुंखौ बुथारखो दासिम मिथिनाय जायाखै। थैनाय सुबुं नि न आ कोच बिहार आव, बिसि आ आसाम बंग सिमना नि बक्सिरहात आव, सानै फिसाजो दं,, गिदिर फिसा नि बैसो आ 14 आरो उन्दै नि आ 4. पुलिसफोरा जाथायसालि आव थांनानै नायबिजिरगासिनो। सोंनो थाखाय बिनि बिसि आरो गिदिर फिसाजो खौ आरो खाथि नि नारायन बासफर आरो बिनि फिसाज्ला खौ लाना थांदों थाना याव।

लोन होनायनि मुङाव बेकार सेंग्रा सिख्लाफोरखौ थगायबोगासिनोमोन। सासे सासे यै गासैबोनिफ्रायबो 350, 350 रां लानानै रिसइस आरएलएल माइक्र सह्योग एशसियेशन मुंनि एनजिअ आ। समाय लानाय बादियै लोन होनो हायाखौ एनजिअ आ। 15 सान नि सम खाना होनय एनजिअ आ 6 दान बारलांनायनि उनाव बो लोन खौ होआखै होनना अजद होदों। बायदिसिना जेंना दिन्थिनानै बिसोरनिफ्राय लानाय रां खौ बो होफिनाखै। गोबाव समनिफ्राय फैयाखै बे एनजिअ नि गाहाय आरो लेङय गाहाय फारियै मुननाफ आलि आरो जाहिदुल ईश्लाम आ.