थाखो 9 आरो 10 नि फरायसाफोरनि थाखाय स्पेशियेल 6 दान आरि आनजाद। सेबा या अक्तोबर दान आव खुंनाय 6 दानारि आनजाद आव जाय फरायसाफोरा जनो हायाखै एबा आनजाद खौ होनो हायाखैमोन, लोगोसे बे बोसोरनि जालांनाय मेट्रिक आनजाद आव उथ्रिनो हायि फरायसाफोर, बिसोरनि थाखाय खुंनाय जागोन। आगोलावनो सेबा या बुंदोंमोन 6 दानारि आनजाद खौ होआब्ला मेट्रिक आनजाद खौ होनो हानाय नङ होनना बुंदोंमोन। दायो बेनि थाखायनो जायफोर आ आनजाद खौ होआखैमोन बिसोरनो मोनसे खाबु होबावदों। बोर्द आ 15 दिसेम्बर नि गेजेराव फरायसालिफोरखौ खुंनो होदों। लोगोसे बेयाव ननाय नम्बर खौ अनलाईन नि गेजेरजों हरनो होदों। पर्तेल आव सोनो नांगोन। सेबा या रोखा खालामना होदों दि बे आनजाद आव जाय उथ्रिया आरो आनजाद खौ होआ बिसोरखौ मेट्रिक आनजाद नि थाखाय एप्लाई खालामनो होनो हानाय नङा।
उदालगुरि आव मैया बिपिएफ नि वर्कशप जादोंमोन,, बेयाव बिटिसि आव मा मा जादों, माबोरै सोलिलांगोन बेनि सायाव सावरायलायनाय जादोंमोन होनना बिपिएफ नि गाहाय हाग्रामा महिलारि बिथाङा बुङो। बिटिआर नि गाहाय प्रमद बर आ बेसेबां साप्लाई खालामदों खालामाखै, थांनाय एसेम्बलि आव माबोरै फिननाय खौ होखो बेफोरनि सायाव सावरायो। बिथाङा आसामनि गिबि मन्थ्रि जों मोजां सोमोन्दो आव दं होनना बुङो। बिथाङा प्रमद बर खौ थांनाय एशेम्ब्लि आव बिपिएफ नि एमसिएलए आ सोंनाय सोंलु नि फिननाय खौ होनो हायाखै।
थांनाय 2015 मायथाइ आव बिटिसि सोरखार जों रां अनसुंथाय मोननानै लुफुंनाय दिब्रुगर मुलुगसोलोंसालि नि बर बिफान नि बिल्दिं न खौ 30 नबेम्बर खालि बेखेवनाय जागोन। बेखौ दानि बिटिआर नि गाहाय प्रमद बर आ बेखेवगोन आरो बेयव गाहाय आलासि महरै आसाम आयेन आफादनि बुंथिगिरि बिस्वजित दैमारि बिथाङा नुजाथिहैगोन। बे हाबाफारि आव मुलुगसोलोंसालि नि लेङाय गिसियाजों लोगोसे बिकेदाब्लिउएसि नि मावफुं सोद्रोमाफोर, बिटिआर नि मावफुं सोद्रोमा, एमएलए आरो गोबांसानसुमै मेलेमजिबि बिथांमोना बहागो लागोन। बेखौ बर थुनलाय आफाद आ मोनसे प्रेश बिबुंथि नि गेजेरजों बुंदों।
नोंथाङा 18 बोसोर जाबाय नामा, जाबायब्ला भटार लिस्त आव गावनि मुं खौ सोनायनि जोबथा सम आ 30 नबेम्बर, दाबो सम दं,, आरो साननै, 2022 नि जानुवारि नि सिगाङाव जोनोम जादोंब्ला एप्लाई खालामनो हागोन। जेसेबां हायो थाबनो खालामना ला। गोदान सोनय ल नङा,, माबाफोर गोरोन्थि जादोंब्ला मोजां खालामनाय,, जायगा सोलायनाय बायदि फोरखौ बो खालामनो हागोन। बेखायनो सम थानायावनो खालामना ला। मानोना आगोलाव बानायनाय भटार आव गोबां गोरोन्थि दं।
पुलिस अफिसारजों लोगोसे सा 5
खौ बुथारदों। मोनसे सोमोनांथाव जाथाय। सासे मिष्ट्रि आ सुक्रबारखालि त्रिपुरा याव
बुथारनाय जाथाय जादों। त्रिपुरा नि खुवाई जिला याव जानाय जाथाय खौ सासे खर गाज्रि
मिष्ट्रि आ खालामदों, गवनि नखरनि सुबुंफोरखौनो गाग्लोबदों। बुथारनाय सुबुंङा गावनि
फंबाय, सानै हिनजावसा गथ,, पुलिस अफिसार आरो सासे अट द्राईभार। बे गिथावना जाथायनि
उनाव नो बे गाज्रि सुबुं खौ हमनो हादों। गिबि आव बियो अट सालायग्रा खौ बुथारदोंमोन,
बेनि उनाव पुलिस आ खौरां लानो थांनायावनो पुलिस खौ बो गाग्लोबो आरो गोबौ हाथियार
जों बुथारो।
आसामाव जौ नि बेसेन आ 10-15 जौखोन्दो सो बारा जानो हागौ। पेट्रल आरो दिजेल नि भेट खौ खमायनायनि उनाव जानाय खहा नि उनाव रायजो सोरखार नि अबकारि बिफान आ बेनि बेसेन खौ बारायनायनि थिरांथा। बेसेनगोसा जौ नि बेसेन खौ 15 जौखोन्दो आरो खम बेसेन नि बेसेन खौ 5 जौखोन्दो बारायगोन। मखजाथावदि 2001-02 बोसोर आव रायजो सोरखार आ 148 कौटि रां आरो 2020-21 आव बेनि बिबां आ 2033 कौटि जादोंमोन। बे बोसोराव बिफान आ 2400 कौटि रां टेक्स मोननाय नि थांखि लादों। रायजो व 1234 जौ नि दखान दं। बेनि गेजेराव गुवाहाति आव नो 318 दं। गुबुनफारसे रायजो आव बार नि अनजिमा या 996 दं।
हादराव करना फैफिनगोन नामा। खोला आफ्रिका याव गिथावना रोखोमै बारायलांगासिनो दं गोदान कभिद नि गोसारनाय आ। बे मोनसे खौ गुबुन रोखोमनि होनना बुंदों, दाब्लिउएईसअ आ सांग्रा खालामना होदोंमोन साननै सिगाङाव। गोदान कभिद नि मुं खौ अमिक्रम होदों। आसामनि गिबि मन्थ्रि आ मैय खौरांगिरिफोरनि सिगाङआव बेखौ 300 गुन गोहोगोरा सिम होनन बुंदों। भेकसिन आ बो बे भेरियेन्त नि थाखाय खामानि होआ होनना हु आ बुंदों। दासिम आसामाव 50 जौखोन्दो ल सो भेकसिन होनाय जादों।
ISL: मैया मोननै गेलेनाय जादोंमोन। गिबि आव एटिके मोहन बागान आ ईस्त बेंगल नि बेरेखा आरो नैथि आव हायदाराबाद आ मुंबाई चिटि नि बेरेखा। गिबि गेलेनाय आव एटिके आ ईस्त बेंगल खौ 3-0 गल जों फेजेनो आरो नैथि आव हायदाराबाद आ मुम्बाई खौ 3-1 जों फेजेनो।
ट्राईबेल नङि सुबुङा ट्राईबेल नि मासि आव एदमिशन नि जायगा मोनदों। बेनि सायाव नो मोनसे खौरां मेल नि गेजेरजों दुलाराय आसाम ट्राईबेल फरायसा आफाद आ नायबिजिरनो दाबि खालामदों। बिथांमोना सोंदों माबोरै बिसोर ट्राईबेल नि फोरमान बिलायखौ मोनदों, ट्राईबेल नि फोरमान बिलाय गैयालासै नो मुं थिसननो होयो नामा। आसामनि मन्थ्रि डाँ रनुज पेगु बिथआंखौ नायबिजिरनो होनो खावलायदों। गुबुनफारसे ट्राईबेल नि फोरमना बिलाय होनाय ट्रईबेल शंघ खौ बो बेखौ नायबिजिरनो होदों। एनईईटि, दिएलएद बायदि आव मुं थिसननाय आव ट्रईबेल नङि सुबुंनि मुं थानायखौ नुनो मोनदों, बेखौ सन्देह सो खालामनाय जादों, मानोना सासे सुबुंनि बिमुं एबा उपाधि जों ट्रईबेल नंगौ नङा खौ ईसेब्लाबो मिथिनो हायो। बिथांमोना बुंनाय बादिब्ला दिएलएद आव मनदिप फुकन, धनमनि राजबंशि बायदि नि मुं थानयखौ नुनो मोनदों।
निटि आयोग नि माल्टिदाइमेनशनेल पभार्ति ईन्देक्स नि रिपर्त नि बादिब्ला आसाम आरो मेघालय आ टप 10 गोरिब रायजोफोरनि फारिलाय आव दं। मेघालय आ 5थि आरो लोगोसे आसाम आ बो दं। निटि योग आ बुंदों 32.67 जौखोन्दो सुबुंफोरा गोरिब। नागालेन्द आ 10 थि नम्बर आव दं गासै 25.23 जौखोन्दो गोरिब जों। 51.91 जौखोन्दो जों बिहार आ बयनिख्रुय गिबिसिन आव, बेनि उनाव 42.16 जौखोन्दो जों झारखान्द,, 37.79 जों उत्तर प्रदेश, 36.65 जों मध्यप्रदेश आ दं। सा सानजा भारत नि गुबुन रायजोफोरखौ नायोब्ला अरुनाशल आ 24.27 जों 11 थि, मनिपुर आ 14 थि आव 17.89 जों, त्रिपुरा या 16.65 जों 16 थि। मिजराम आ 22 थि आव दं 9.80 जौखोन्दो जों।
नंखाय सना नि नाउ जों लोगोसे सा 4 खौ हमदों पुलिस फोरा। जाथाय आ आसामनि गहपुर नि। गहपुर आव साननैसो सिगाङावबो हमदोंमोन बेबायदि नो। गहपुर नि भोलागुरि आव नंखाय सना नि नाउ मोनदों। खौरां मोननाय बदिब्ला गहपुर नि भोलागुरि आव सना नि नाउ खौ बायनो थाखाय उत्तर प्रदेश नि सा 5 नि दोलो आ फैदोंमोन। भोलागुरि बस्ति नि निर्मल बैश्नब मुंनि सुबुंनि न आव 3 लाख रां आव 1 के जि लिरथाय नि सना बयनायनि उनाव नो रायजोफोरा सा 4 खौ हमनो हायो,, नाथाय सासे आ बिसोर लाबोनाय गारि खौ लाना खारखुमायो। हमनो हानाय सुबुंफोरनि मुङा अनिल रेकुवार, दिपक शोनि, लखन रेकोवार आरो राजेन्द्र कुमार शोनि। बेजों लोगोसे नो भोलागुरि बस्ति नि निर्ल बैश्नब खौ बो हमदों होनना खौरां मोनदों। पुलिसफोरा सोंगासिनो दं दायो।
आलफा याव जइन जानो थांनानै हमजानाय सा 3 सेंग्राफोरा दायो टियक पुलिस नि आखाय आव। नागालेन्द आव आसाम रायफल्स नि आखायाव हमजादोंमोन। सा 3 आ टियक नि अरिन्दम बरा,, तिनसुकिय नि सिमान्त नेउग आरो उदलगुरि नि बिकाश देका। सा 3 खौ बो आसामाव नागालेन्द निफ्राय लाबोबाय।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon