मैया रायजो नि कबिनेट आव मोननैसो गोनांथार थिरांथाफोर लानाय जादों- बेफोर जाबाय----
रायजो आव 2
लाख नखर नो थाबैनो हा नि पत्ता होनाय जागोन।
11 लाख सो
आयजो आ माइक्रफाइनेन्स निफ्राय लानाय लोन निफ्राय उदां खालामनो 28,29 आरो 30
नबेम्बर आव बिसोरनो चेक रानना होनाय जागोन। गिबि आव गासै गं 9 जिला याव होग्रोगोन,
बांसिन 25 रोजा रां नि चेक होगोन। जिला फोरा गोलाघात, सिबसागर, सनितपुर, माजुलि,
सोनाब कार्बिआंलं, दिमा हासाव, खोला सालमारा, सरायदेव आरो जोरहात।
दानिया
कामरुप आरो कामरुप(म) नि ट्राइबेल बेल्ट नि हा खौ फाननो थाखाय जिलाबेंगिरि नि चेल
पार्मिशन नि गोनांथि जागोन, बेनि थाखाय जनता भवन सिम फाइल फैनांगौ नि गोनांथि
गैला।
रायजो नि
गुबुन गुबुन मन्दिर, नाम न बायदियाव खामानि थिखानाय बायदियै मावनाय पुजारि,
नामघरियाफोरनो कभिद नि थाखाय मदद महरै 15 रोजा रां होगोन
गिबि
मन्थ्रि निफ्राय लानानै गासैबो मन्थ्रि एमएलए एमपि चिफ चेक्रतारि अफिसार मावथि
गासैबो कभिद भेकसिन लादोंना लायाखै न न थांना खौरां लानो नांगोन आरो बेनि रिपर्त
खौ मिरु सोरखार नो होनो नांगोन।
गुवाहाति आव गोदान फ्लायअभार बेखेवदों आसामनि गिबि मन्थ्रि डाँ हिमन्तत बिश्व शर्मा बिथाङा। गासै 1 किमि 205 मिटार लावथाय नि सुपार मार्केत नि फ्लायअभार बेखेवदों। फ्लायअभारखौ दायो सुबुंफोरनि थाखाय बेखेवना होनायनि उनाव बेनि गेजरजों गोबाङआनो ट्रेफिक निफ्राय उदां जागोन होनना बुङो। बिथाङा लोगोसे सुबुंफोरखौ मुजुदै गारनो नाङा होनना बो बुङो बे फ्लायअभार आव। गासै 127.20 कौटि रां जों बानायनाय फ्लायअभारखौ 22 दान आव नो लुफुंनो हायो। बेनि थाखाय 36 दान नि गेजेराव थि खालामनायनि थांखि मोन। फैगो 5 बोसोर नि गेजेराव बुरलुंबुथुर नि सायाव गं 3 दालां बानायनाय जागोन। गुवाहाति आ सा खोला एसिया नि दर्जा बेखायनो सोहोरखौ जौगाहोनाय आरो गोदान बानायनो नांगोन। फैगो 5 बोसोराव सरायघात दालां नि अनगायैबो नारेंगि-कुरुवा, गुवाहाति-साहा गुवाहाति, आरो पलाशबारि-सुवालकुसि खौ दाजाबनाय आरो गं 3 दालां बानायगोन।
कक्राझार सहरनि साखाथि मागुरमारियाव थांनाय 31 अक्टबर खालाराव मिरु इउपिपिएल दोलोनि नेहाथारि खनसुर आलि मुंनि सासे थिखादारा 15 बोसोर बैसोनि सासे उन्दै हिन्जावसाखौ जिनाहारी खालामनो नाजानायनि गोख्रों अजद सिखारदों। मिथिनो मोन्नाय बादिब्ला मिरु इउपिपिएलनि नेहाथारि खनसुर आलि मुंनि थिखादारा मागुरमारियाव लामानि खामानि मावबाय थानाय समाव गंसे नखराव दै लोंनो हाबहैना रावबो गोयै समाव उन्दै हिन्जावसाखौ जर जुलुमै जिनाहारी खालामनो नाजादोंमोन । खौरां मोननाय बादिब्ला गुबै दायनिगिरिजों लोगोसे आरो सानै नि बेरेखा बो अजद। रां होनानै जाथायखौ सिरि यै लाखिनो नाजानायनि अजद । खामानि मावनायखौ नायनो थांनानै दै बिनायनि सोलो जों नो बेबायदि खालामदोंमोन। उन्दै हिन्जावसानि नखरनि सोद्रोमाफोरा जिनाहारी खालामनो नाजानायनि दायाव इउपिपिएल दोलोनि मिरुनि नेहाथारि खनसुर आलिनि हेंथायै कक्राझार पुलिस थानायाव 2 नबेम्बराव गसर गसर थिसनो। बे जाथायनि सायाव दुलाराय बिटिसि बांङाली जुब सात्र फेडारेसननि दैदैनगिरि बिजु साहाया दायनिगिरिखौ गोख्रै खानांगौ आरो आयेननि गेजेरजों गोख्रों साजा होनांगौ होन्ना खौरांगिरिनि गेजेरजों दाबि दैखांदों।
8 आरो 9 नबेम्बर आव लामदिं हाग्रा ओनसोल आव 500 हेक्टर हा याव आयेन बादियै होखारनाय खामानि आ सोलिगोन। गिबि मन्थ्रि आ होखारगोन होनना बुंनायनि उनाव नो पुलिस आरो प्रसासन आ थियारि जादों। मैया स्पेशियेल दिजिपि जिपिसिंह बिथाङा थांनानै नायहैयो। होखारनाय आव जेबो गाज्रि जाथाय जाया बेनि थाखाय जिला बेंगिरि, एसपि, दिएफअ, प्रसासन नि अफिसार बिथांमोनजों सावरायलायो।
मैया सोरां नि फोरबो देवालिमोन। देवालि नि रंजानाय फोरबो नि गेजेराव नो हर आव अर नांनाय जाथाय जादों। हर नि 11 बाजि सो आव सोहोर नि गेजेरनि गनेश बाजार नि साहा ईलेकट्रनिक्स मुंनि फालांगियारि फसंथान आव अर नाङो। उनाव अर खोमोरग्राखौ लिंहरो, उनाव अरखौ खोमोरनो हायो। अर खोमोरनो हायामोनब्ला गोबां खहा जानो हागौमोन। देवालि नि बम, फटका बरहोनायनि नङाब्ला शर्त सार्कित नि थाखाय नो जानो हागौ नि सन्देह।
धेकियाजुलि आव बो मोनाबिलि नि समाव 5 नं वार्द आव अर नाङो। सप्तायारि बाजार नि 15 नं राजालामा नि खाथि नि फार्निसार नि दखान आव फटका निफ्राय अर नाङो, 50लाख सो रां नि खहा जादों होनना मिथिना मोनदों। रङिया याव बो जादों, गोबां नफोरा खामदों। गोगामुख नि 15 नं राजालामा नि लक्षिमपुर रोद नि आसाम अइल नि खाथि आव अर नांनायाव गं 5 दखान आ खामो, 25 लाख सो रां नि खहा जादों होनना खौरां मोनदों।
बिष गोनां जौ लोंनानै सा 10 सुबुंफोरनि जिउ गोमादों। जाथाय आ बिहार नि, महम्मदपुर आरो कुशहार आव जादों। बृहस्पतिबारखालि बेलासि सम सिम सा 10 जादों। मन्थ्रि जनक राम आ जाथाय जानाय नखराव थांना खौरां लायो आरो मदद खालामगोन होनना बुङो। लोगोसे बेबायदि जाथायनि गेजेरजों एनदिए सोरखार खौ बदनाम खालामनो नागिरदों होनना बो बुङो।
Please do not enter any spam link in the comment box. ConversionConversion EmoticonEmoticon