सासे बर बिर जवान आ मुंख्लं जाबाय। दुखुनांथाव

 

मोनसे दुखुनांथाव खौरां, मनिपुर आव मैया आसाम रायफल्स नि सायाव जानाय मोनसे गिदिर गाग्लोबनाय जाथाय आव सासे बर' बिर जवान आ मुंख्लं जादों। मुङा सुमन स्वर्गियारि, बिथाङा बाक्सा जिला नि टिहु नि थाईकाराकुसि नि होनना मिथिना मोनदों। रुंसारि कनक स्वर्गियारि नि फिसा सुमन स्वर्गियारि आ 8 बोसोर सो सिगां आसाम रायफलस आव जइन जादोंमोन, बिमा, बिसि, आरो सासे 2 बोसोर बैसो नि फिसाज्ला गथ खौ गारना थांबाय मुंख्लं सुमन आ। मुंख्लं सुमन नि बिफा रुंसारि कनक स्वर्गियारि खौ बो उदखारिफोरा बुथारदोंमोन होनना खौरां मोनदों। मैया नि उदखारिफोरनि गाग्लोबनाय आव सा 7 नि जिउ गोमादों, बेनिनो सा 5 या आसाम रायफल नि जवान आ आरो सानै आ सासे जवान नि बिसि आरो फिसा। गाग्लोबग्राफोरा आगोलावनो थियारि जाना दंखायोमोन। नखरसे नि सा 3 नि जिउ गोमादों कामान्दिं अफिसार बिप्लब त्रिपाथिनि आरो गुबुन सा 4 जवान नि मुङा सुमन स्वर्गियारि, खातनइ कन्याक, आर पि मिना आरो श्यामल दास। बे गाग्लोबनाय खौ उदखारि संगठन मनिपुर पिपलस लिबारेशन आर्मि आ खालामदों होनना सन्देह खालामनाय जादों। मनिपुर नि गिबि मन्थ्रि एन बिरेन सिंह आ दुखु मोननाय फोरमायनायजों लोगोसे बे खामानि खौ मावनायफोरखौ जेबो रोखोमनि रेहाय होनाय जानाय नङा होनना बुङो। भारत नि गाहाय मन्थ्रि आरो नखर मन्थ्रि बिथांमोना बो दुखु मोननाय फोरमायदों। उदखारि फोरनि बेरेखा नायबिजिरनायखौ जागायबाय होनना खौरां मोनदों।

• Tweet
• Share
• Share
• Share
• Share

About Mridul

bodoinfo.com provides informations regarding State Government, Central Government and Private sector jobs for the aspirants of assam.

Related Post