दिनै लाबोगोन मुंख्लं आसाम रायफल नि बिर जवान सुमन स्वर्गियारि नि जिउ गैयि
देहा खौ। हरखाब उदखारि नि गाग्लोबनायाव मुंख्लं जादोंमोन। बिथांनि फिसाज्ला नि 3
थि जोनोम सान आ 5 दिसेम्बर आव, बेखायनो बिसि नि सिगाङाव 5 जोनोम सान आव न आव
थांगोन होनना बुंदोंमोन,, नाथाय दुखुनांथावै जिउ गोमाबाय। बिसि खौ जोनोम सान नि
थियारि खालामनो बो होदोंमोन। 2011 मायथाइ आ आसाम रायफल आव हाबनाय बिथाङा जुलाई दान
नि 10 खालार आव न आव फैदोंमोन, बेनि उनाव 5 दिसेम्बर आव फिन खनसेबाव सुटि आव फैगोन
होनना बुंदोंमोन। फैगोन बुंनायखाय न आव रंजा बाजा थासारि आ सोमजिदोंमोन, नाथाय मोनसे
फन कल आ नो गासैबो साननायखौ फेलें खालामना होबाय। मैया आसामनि केबिनेत नि मन्थ्रि
ईउजि ब्रह्म, ईएम राकेश ब्रह्म बिथांमोना सुमन स्वर्गियारि नि न आव थांनानै खौरां
लाहैयो। खौरां मोननाय बादिब्ला बिथांनि नखर नो 50 लाख रां होनाय जागोन होनना
मन्थ्रि बिथाङा फोसावदों। नखरनि सासे सख्रि मोनगोन। ईएम राकेश ब्रह्म बिथाङा बो
मुंख्लं नखर नो उनाव मदद खालामलांगोन होनना बुङो।
बिटिआर नि हाग्रा बिफान नि ई एम रन्जित बसुमतारि आ गुबुन हारि फोरनो
ट्राईबेल बेल्ट आरो ब्लक आव हा नि मोनथाय होनाय आरो मोन4 रावारि खान्थि खौ सापर्त
खालामा होनना बुंदों। बिथाङा बेखौ सासे बर फिसा महरै सो बुंदों, नाथाय सोरखारि
सोद्रोमा महरै बुङाखै होनना बो बुंदों। मोनसे हारि आ मोन 4 राव खौ एमआईएल हिसाबै लानानै
फरायोब्ला मुलुगखौ जै खालामनो थाखाय माब्ला बिगियान, कमार्स एबा फालांगि खौ माब्ला
फरायगोन। सोलोंथाय नि मोनथाय बादियै गावबा गावनि बिमा रावखौ सोलोंनायनि मोन्थाय
दं। आंखौ नोंथांनि राव खौ जाबसिननानै फोरोंनो नागिरोबिला बेखौ गादबनो नागिरदों
होनना सानगोन होनना बो बुङो। गुबुनफारसे बिधानसभा नि एमएलए जयन्त बसुमतारि बिथाङा
6 थि सिदिउल आव बे नेम आ जाया होनना बुंदों, नाथाय बिथाङा रोखायै बुंनो हायाखै।
मोन 4 रावारि खान्थि खौ गनाया होनना बो बुंदों। गथफोरनो बांसिन प्रेसार होनाय
जागोन होनना बुंदों।
बिटिआर प्रसासन नि दैदेननायाव कक्राझार आव रंगिना संगिना हाबाफारि जों
थुनलायारि फोर्बो आ जागयबाय। गासै 100 रावारि खन्थाय फोर्बो आ जागायजेनबाय। बेनि
थिम आ अन्नाय आरो शांति नि थाखाय खन्थाय। बेखायनो भारत नि गुबुन गुबुन जायगानि
खन्थआयगिरिफोरा फैदों। बे फोर्बो आव 100 राव नि खन्थाय आवरायगोन गुबुन गुबुन
जायगानि फैनाय खन्थायगिरिफोरा। बिटिआऱ नि गाहाय प्रमद बर आ कक्राझआर खौ शांति नि
सोहोर बानायनो थाखाय खन्थाय खौ बो सायखदों। बेयो 16 नबेम्बर सिम थागोन। मैया 1
बाजि आव बेखौ बेखेवो, साहित्य एकादेमि बान्थ मोननाय सुरथ नार्जारि नि दैदेननायाव
मोनसे उदां मेल बो जायो। बेयाव बिटिआर नि गाहाय,, केबिनेत मन्थ्र, ईउजि ब्रह्म,,
बर थुनलाय आफाद नि आफादगिरि तरेन बर,, एबसु नि आफादगिरि,, प्रफेशर गनेश एन देबि
बिथांमोना बाहागो लादोंमोन।
बिउटिपार्लार,, सेलुन, स्पा नि सायाव मोननैसो गोनांथार बिथोन जिएमसि एबा
गुवाहाति मिउनिसिपालटि कर्परेशषन नि। लामा समा गोबां बेफोरबायदि खुलिनायनि थाखाय
साधारन रायजोफोरनिफअराय गोबां अजद मोनदोंमोन जिएमसि आ। बेनि उनाव दायो मोन,से
गोनांथार बिथोन होदों प्रेस रिलिज नि गेजेरजों। पार्लार एबा सेम्बार नि सिङाव
आलादा खथा थानो मोना। गाहाय दरजा या मोजां जानो नांगोन। स्पा एबा ईउनिसेक्स सेलुन
आव जोग्य थेरापिस्त थआनो नांगोन। थेरापि एबा मालिस उल्था आथोन नि गेजेरजों होनो
हानाय नङा, जेरै होवासा नि मालिस खौ हिनजावसा या आरो हिनजावसा नि खौ हौवासा या
होनो मोननाय नङा। स्तिम बाथ लानो हागोन,, नाथाय बेयाव उल्था आथोन आ मदद खालामनो
मोननाय नङा। फालांगियारि फसंथान आव फैनाय गासैबो सुबुंफोरनि मुं आरो फन नाम्बार खौ
लाखिनाय आ गोनांथार।
दानिया गोबाङानो सोरखारि फरायसालि आव फरायनो नागिरा, सोरखारि फरायसालि आव
फरायहोनो थाखाय बिधानसभा नि बुंथिगिरि बिश्वजित दैमारि बिथाङा मोनसे स्पेशियेल
परामर्श होदों। ,सोरखारि नङि फरायसालि नि फरायसाफोरनि सोलाय रायजो नि मेदकेल कलेज,
ईन्जिनियारिं कलेज फोराव 80 जौखोन्दो मासि सोरखारि फरायसालि आव फरायनाय फरायसापोरनो
लाखिनो थाखाय परामर्श होदों। 20 जौखोन्दो खौ गुबुनफोरनि थाखाय। बेबायदि खालामोब्ला
सो गोबां बिमा बिफा, जोथोन लागिरि फोरा गथ खौ सोरखारि आव फरायनो होगोन। बेयो मोजां
जागोन नाथाय सोरखारि नङि आव जाबायदि सुबिदा दं, सोरखारि आव बेबायदि दं ना, बहाबा
फोरोंगिरि गैया,, फोरोंगिरिफोरा मोजां फोरोंनो नो रोङा, गोबां जेंना फोर दं,, बेखौ
सुस्रांग्रोनो हानो नांगोन।
परेश बरुवा या दैदेननाय आलफा उदां आ आरोबाव 3 दान नि थाखाय गावनि संगठन नि
सिसफायार एबा हाथियार दोनथनायखौ बारायबावबाय। भारत सोरखार आ 1990 मायथाइ आव नो बे
संगठन खौ बेन खालामदोंमोन, दासिम 10000 नि बारा सुबुंफोर थैबाय। आई बि रिपर्त नि
बादिब्ला आलफा या भुटान, बांलादेश, म्यानमार, आफगानिस्तान,, चिन आरो गुबुन
हादरफोराव दं।
पाकिस्तान नि जेल निफ्राय उदां सा 20 भारत नि नोगोरारिफोरखौ, वाघा सिमना
याव गथायना होगोन। पाकिस्तान नि दै सिमा याव आयेन बेरेखा यै हाबनानै ना हमनाय नि
अजद आव 4 बोसोर जेल जानायनि उनाव मैया सा 20 ना हमग्राफोरा पाकिस्तान नि लेन्दि
जिला नि जेल निफ्राय उदां जायो। दिनै वाघा सिमना याव लाबोनाय जागोन आरो भारत नो
गथायना होगोन उदां जानाय गोबां ना हमग्रा फोरा नो गुजरात नि। लेन्दि जेल नि गाहाय
ईरशात शाह आ बुंनाय बादिब्ला भारत नि सा 588 सो नोगोरारि फोरा दासिमबो बे जेल आव
दं, बनिनो गोबाङानो ना हमग्राफोरा। बिसोर सिमा खौ बारनानै ना हमनो थांना लानानै
हमजदों।
आईसिसि टि 20 वर्लद काप नि गोदान चेम्पियन अष्ट्रेलिया या जानो हादों। मैया
निउजिलेन्द खौ फाइनेल आव 8 विकेत जों फेजेननानै देरहायो। गिबि देरहानाय बिसोर नि।
मैया गेलेनायाव गिबि बेटिं खालामग्रोनानै निउजिलेन्द आ 20 अभार आव 4 विकेत जों 172
रान बुदोंमोन,, केप्तेइन केन विलियामसन आ 85 रान बुदोंमोन, नाथाय अष्ट्रेलिया या
18.5 अभार आव स 2 ल विकेत जों नांगौ रान खौ बुना देरहायो, मिशेल मार्च आ 77 आरो
देभिद वार्नार आ 53 रान बुयो। अष्ट्रेलिया
या टि-20 वर्लद काप देरहनाय 6 थि हादर, बेनि सिगां वेस्तईन्दिज, भारत, पाकिस्तान,
ईंग्लेन्द आरो श्रिलंका या देरहादोंमोन
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon