19 November morning news

बिटिसि नि साननैनि गोजां बोथोर नि बाजेत जथुम आ जानानै थांबाय। गासै मोन 5 बिल फोरखौ पास खालामनाय जायो बेफोर जाबाय- Bodoland Central Selection Board Bill 2021’, ‘Bodoland Market & Fairs(Management & Control) Bill 2021’, ‘ BTC Revolving Fund (Forest & Wildlife) Rules 2021’, ‘Bodoland Medical Attendance Bill 2021’, ‘Bodoland Legal Meteorology (Enforcement) Bill 2021, बेरेखा दोलो नि सोंनाय हाबाफारि आव हाग्रा बिफाननि नि ईएम रन्जित बसुमातारि आ बदलेन्द नि हाग्रा खौरैखा होनो थाखय फरेस्त प्रटेकशन फर्स दानाय नि थांखि लादों।हाग्रा बिफान निफ्राय गासै 21 कौटि रां धोन  मोनदो। सदन आव दुंहाव थासारि ,सोमजिदोंमोन, पर्बतझोरा बियाब नि एमसिएलए मुनमुन ब्रह्म आ समाज बिजों नि गेजेरजों बिटिआर नि गाहाय प्रमद बर आरो लेङाय गाहाय गोबिन्द बसुमतारि नि मुं लानानै गाज्रि यै बुंनायनि सायाव बुंथिगिरि आ रुल 52 बादियै पारिषद नि सोद्रोमा नि बेरेखा गोरा बेबस्था लागोन होनना खौरां मोनदों। मुनमुन आ ससियेल मिदिया याव लिरदोंमोन गोबिन्द बोराय जों प्रमद बर जों निया किन्तु बिटिसि खौ धंश खालामनायनि सो रिभेन्ज मुद नि राजखान्थि सो, सांग्रां जा, बिसोर माबोरै बिटिसि नि सुबुंफोरनि खामानि मावनांगौ मिथिया, प्रमद बर आ बिटिसि खौ नो बिटिआर होनना भारा होना जागासिनो, बेलटला नि आलासि न खौ बर कछारि अफिस नो भारा होखोमाना जागासिनो होनना बो लिरदोंमोन। ईएम दावबायसा बर बिथाङा बेबायदि लिरनायखौ गोख्रों राव जों सों सोंखारिदों। गाहाय आरो लेङाय गाहायखौ लाजि फोनांनाय जादों होनना बुङो।  बिटिआरनि गाहाइ मावफुंगिरि सोद्रोमा आरो लेङाइ गाहाइ मावफुंगिरि सोद्रोमानि हेंथायै बिटिसिनि एमसिएलए मुनमुन ब्रह्म आ होनाय अजदखौ नेवसिदों BKWAC आ। BKWACनि लेङाइ गाहाइ मावफुंगिरि सोद्रोमा रमिअ' पि नार्जारीआ रोखा फोरमायोदि गुवाहाटीनि बड'लेण्ड भबनखौ सोरखारि खान्थि बादियैसो भारा लादों। बेयो गोजोरथि नङै Regional मावख'सो होनना बुङो।

बिपिएफ नि एमसिएलए खाम्फा बरगयारि बिथाङा खौरांगिरिपोरनि सिगाङाव बिटिसि आव सोलायनाय लाबोनो थाखाय रायजोनि खाथियाव थांनानै भट बिदों, रायजोफोरा बो फोथायनानै देरहाहोदों, बेखायनो बिटिसि आव हारि महरै राजखान्थि महरै, बर फिसा फोरा माबोरै सोलोंथाय आव जौगानो हागोन,, रांखान्थि हारिमु आवमाबोरै जोगानो हागोन बेनि सायाव प्लेन खालामनायखौ लुबैयो होनना बुङो, बिसोर खालि बिटिसि आव खामानि मावनाय आव जाख्लनाय ल नुदों होनना बुङो, आं सानो बिथंमोना सोरनिबा गोरोन्थि खौ नायगिरालासै नो बिटिसि आव मोजाङै खामानि मावनायखौ लुबैयो होनना बुङो।

     अरुनाशल प्रदेश आव मैया 18 नबेम्बर खालि मोनसे हेलिकप्तार नि जाब्ब्रबथाय जायो। एयारफर्स नि एम-17 हेलिकप्तार आ जायो, गासै सा 5 सुबुंफोर दंमोन बेयाव, सानै पाइलट आरो सा 3 क्रु मेम्बार। गासैबो बारगनो हादों होनना खौरां मोनदों। गोबाव सम बे हेलिकप्तारखौ बाहायनाय जायाखैमोन, मैया बेखौ सानै पाइलट आ बिरहोनो नाजानायावनो जायो जाथाय आ। सानजा फारसे जादों बेयो आरो दायो बेनि नायबिजिरनाय जागोन होनना एयार फर्स आ बुङो।

     दिनै अखाफोर मननाय आ जागोन, भारत आव बो नुगोन। 580 बोसोर नि उनाव बयनिख्रुय गोलावसिन जागोन बेयो। दिनै 19 नबेम्बर नि अखाफोर मननाय आ नो ब बोसोरनि जोबथा जागोन। भारत नि सम बादियै फुंनि 11 बाजि 34 निफ्राय जागायनानै मोनाबिलि नि 5 बाजि 33 आव जोबगोन, भारत आव बेखौ 12 बाजि 48 आव नुगोन आरो 4 बाजि 17 मिनिट सिम थागोन। भारत जों लोगोसे साहा आमेरिका, खोला आमेरिका, सानजा एशिया आरो अष्ट्रेलिया याव नुगोन। प्रशान्त लैथोमा आरो सा सानजा भारत नि गोबां ओनसोल निफ्राय बेखौ नुगोन। गाबोन नि बे समखिनियाव कामाख्या मन्दिर नि दरजा या बन्ध थागोन।

    घुस लानानै हमजाबाय सासे सोरखारि मावथि, मरिगाव नि जिला बेंगिरि नि अफिस ना बिफान नि मददगिरि हरेन कुमार नाथ खौ घोस लाबाय थआनाय समाव नो हमो। सोरखारा घुस लानायफोरनि बेरेखआ बेबस्था लानायनि उनाव बो खम जायाखै सोरखारि मावथिफोरनि घुस लानाया। बिल लिज होनायनि मुङाव सासे सुबुंनिफ्राय 3500 रां दाबि खालामदोंमोन। बेबायदिनो गोबाव समनिफ्राय नो सोलिबाय थादोंमोन। मैया एन्टि करापशन ब्रान्स आ नायबिजिरो आरो हमो।

    बड'लेण्ड मुलुगसोलोंसालि एबसुनि 14थि बोसोरसालिया जथुमानि हाबाफारि बादियै फुंनि गोथार आर'जखौ जागायनानै एबसुनि फिरफिलाखौ बिरहोयो बड'लेण्ड मुलुगसोलोंसालि एबसुनि आफादगिरि मानगोनां मुस्रि उत्तम जय बसुमतारीआ । मुंख्लं खामफायाव बिबारखौ बाउओ मिरु एबसुनि लेङाइ आफादगिरि मानगोनां मुस्रि खोरोमदाव औवारीआ । बड'लेण्ड मुलुगसोलोंसालि एबसुनि 14थि बोसोरसालिया जथुमानि थान्दै मेलनि बेखेवगिरि महरै बाहागो लानानै मिरु एबसुनि गाहाइ नेहाथारि मानगोनां मुस्रि खनिन्द्र बसुमतारीआ बड'लेण्ड मुलुगसोलोंसालिनि जायखि जाया जेंनानि सायावनो जेंनाखौ सुस्रांनांगौनि थाखाय एबसुआ खामानि मावगोन होननानै मुलुगसोलोंसालियाव फरायनाय साफ्रोमबो फरायसायानो माहारिबाद सान्स्रिजों बर' हारिखौ जौगाहोनांगौनि थाखाय बिबान लानांगोन होननानै गावनि बेसेनगोनां बिबुंथिनि गेजेरजों फरायसाफोरखौ खावलायनानै थान्दै मेलखौ बेखेवनानै होयो । बड'लेण्ड मुलुगसोलोंसालि दालाइसा एबसुनि 14थि बोसोरसालिया जथुमानि थान्दै मेलनि गेजेरजों संबिजिद बादियै माव सम 2020-21नि गोजाम आफादखौ सिमफायनानै मुस्रि नब' कुमार ब्रह्मनो आफादगिरि आरो मुस्रि जामार दैमारिनो गाहाइ नेहाथारिनि बिबान होनानै गोदान आफादखौ आबुङै दाफुंनाय जायो । लोगोसे दिनैनिफ्राइनो खामानि मावलांनो हानाय लेखायै मिरु एबसुनि नुजाथिनायजों गोदानै मोननाय बिबानगिरिमोनखौ समायखिराबो होखानाय जायो । मख'जायोदि, बड'लेण्ड मुलुगसोलोंसालि एबसुनि 14थि बोसोरसालिया जथुमाजों लोगोसे फ्रेसमेन ससियेल डेखौबो खुंफानाय जादोंमोन।

• Tweet
• Share
• Share
• Share
• Share

About Mridul

bodoinfo.com provides informations regarding State Government, Central Government and Private sector jobs for the aspirants of assam.

Related Post