18 November morning news ~ Bodoinfo.com

गोजोन्थाव खौरां, सासे बर फरायसा या आई आई टि फरायनो मोनसिगोन।जेईई एदभान्स आनजाद आव उथ्रिसारबाय, आईआईटि बम्बे आव फरायहैगोन। । तामुलपुर ईउएन एकादेमि आव थाखो 10 सिम फरायनाय राइदाव बसुमतारि बिथाङा पायनियार एकादेमि बरमा निफ्राय थाखो 11 आरो 12 खौ उथ्रिनो हायो। बिथांखौ मैया तामुलपुर नि ईउएनएकादेमि आव बरायो। बिथाङा बर बिजों आव नो फरायनायमोन, लोगोसे नखरनि रांखान्थियारि हालोद आ बारा मोजां नङा होनना बो खौरां मोनदों। गोरिब न'खरनिफ्राय जोनोम मोननाय तामुलपुर महकुमानि‌ सिङाव थानाय गान्धिबारि जगमारि सिजौगुरि गामिनि अरगेस्वर बससुमतारिनि‌ फिसाज्ला‌ राइदाव‌ बसुमतारिया JEE आनजादखौ उथ्रिसारना IIT आव‌ मासि आवग्रिनो हानानै तामुलपुर नाङैनो गोग्गानाय लाबोदों। उन्दैनिफ्रायनो गोबां रां‌खान्थियारि जेंनाजों मोगा मोगि जानांनानै देरबोनांनाय आरो 15 कि:मि: गोजान‌ साइखेल‌ सालायनानै तामुलपुर इउ एन एकादेमि फरायसालियाव फैनांनाय रनसाय बसुमतारि बिथांआ तामुलपुर ओनसोलनि गोदान जलैनि लाइमोनफोरखौ गोसाआव बोलो आरो थुलुंगाखां होदों।

5 रोजा रां लाना लानानै हमजाबाय सासे एसआई आ। हायलाकान्दि आव 5 रोजा रां लानानै रां जों लोगोसे हमजायो। हायलाकान्दि थाना नि एसआई खौ हमो जाख्लनाय होबथाग्रा ब्रान्स आ। हमजानाय एसआई नि मुङा सुधन्य भत्टाचार्य। हा हु नि गसर खौ फोजोबनायनि मुङाव 5 रोजा रां लादोंमोन।

2022 निफ्राय सोलायगोन रायजो नि सोलोंथाय बेबस्था या। कलेज आव थानाय नङा थाखो 11 आरो 12. गोदान सोलोंथाय खान्थि खौ बाहायनायनि उनाव नो सोलायगोन। थाखो 11 आरो 12 नि मुं थिसननाय आ फरायसालि आव नो जायो। कलेज आव मास्तार दिग्रि नि थाखो नि सोलोंथायफोरा जागोन, बेखौ आसामनि सोलोंथाय मन्थ्रि डाँ रनुज पेगु बिथाङा बुंदों। गोबां फरायसाफोरा थाखो 11 नि बिगियान आव फरायसाफोरा मुं थिसननो गोसो जाया। 80-90 जौखोन्दो ल जायो, दासिमबो 10-20 सो मासि लांदां जाना दं। फरायसा फोरा बिगियान फरायनो मोजां मोना, बेखायनो दानिफ्राय आपार प्राईमारि थाखो निफ्राय नो बिगियान आरो सानखान्थि खौ गोसो होनाय जागोन। लोगोसे बिथाङा 27 नबेम्बर निफ्राय गोदान कलेज फोरोंगिरिनि साख्रि होनाय जागोन होनना बो बुंदों।

मैया मेट्रिक नि फिथाय खौ होबाय। नाथाय नगांव नि फरायसा नि नम्बर आ आगोलनि बादि नो फैफिनबाय। बेखौ गाज्रि खाफाल ना सेब नि बिबान गैयि बायदि खामानि होनना सानगोन। सासे फरायसा या आनजाद होआलासै नो होनाय फिथाय आ 444 नम्बर मोनदोंमोन, नाथाय बियो गोजोननाय मोनाखैमोन, बेखायनो स्पेशियेल आनजाद खौ होफिनदोंमोन, नाथाय बे स्पेशियेल आनजाद नि फिथाय आ बो आगोलनि बादि नो एखे फैयो, गासैबो आयदा याव नो एखे नम्बर फैदों, बेयो सम्भव ना, थारैनो नङा। बे जाथाय आ जानायनि उनाव गोबां सोंलु जाखांफैदों फरायसा नि गोसो आव, थारैनो मोजांयै जामारो ना आनजाद आ।

रहित शर्मा नि दैदेननाय भारत नि क्रिकेत दोलो आ मैया निउजिलेन्द खौ 5 विकेट जों फेजेनो। मोन 3 गेलेनायनि सिरिज नि गिबि मोन मैया। गिबि आव निउजिलेन्द आ 20 अभार आव सा 6 विकेट जों 164 रान बुदोंमोन,, भारत आ 19.4 अबार आव नांगौ जानाय रान खौ बुनानै देरहायो। निउजिलेन्द नि जानानै मार्तिन गुप्तिल आरो मार्क चेपमेन आ हाफ सेन्सुरि बुयो। भारत नि आ सुर्यकुमार आ 62, रहित आ 48 रान बुयो।

आईटिएफ जुनियर्स टेनिस चेम्पियनशिप आव आसामनि कृष्ति बर आ कुवार्तार फाईनेल सिम मोनहैनो हाबाय। बियो खुसालि मदि खौ 6-1, 6-1 सेत जों फेजेनो। बियो दाबल आव बो गेलेदों, दाबल आव आरनि रेद्दि येल्ल जों लोगो नांनानै राधिका राजेश महाजन आरो भुमिका त्रिपाथि खौ 6-4 आरो 6-4 सेत आव फेजेननानै सेमिफाइनेल सिम सहैनो हादों

आमेरिका नि सिगाङाव थांबावबाय चिन आ। बुहुमनि धोनिसिन हादर जानो हादों चिन आ, 40 बोसोर सो सिगां चिन नि हालोद आ गाज्रिथार मोन, भारत नि उनाव सो मोन, नाथाय 1978 मायथाइनि उनाव चिन आ लानाय गोदान खआन्थि नि थाखाय नो बुहुमनि 1 नम्बर जानो हादों। थआंनाय 20 बोसोराव बुहुमनि सम्पति आ थाम गुन बारा जादों। बे गासैबो नि गेजेराव गिदिर आरो सोमोनांथाव खौरां आ जाबाय बे सम्पतिफोरनि थाम बाहागो नि 1 आ चिन नि। बुहुमनि गासैबो हादर नि बेलेन्स सित नायबिजिरनाय मेनेजमेन्त कनशाल्टेन्ट मेकेन्जि एन्द कम्पानि नि नायबिजिरनाय बिफान आ मोनसे रिपर्त नि बादिब्ला चिन खौ बुहुमनि धोनि सिन होनना बुंदों। रिपरित नि बादिब्ला गिबि चिन आरो नैथि आव थानाय आमेरिका नि बे सम्पति फोरनि बाहागो आ सानैसो धोनि सुबुंफोरनि आव सो दं,, 10 जौखोन्दो सुबुंनि आखायाव बांसिन दं। बि,सोरनि धोन आ बारा जालांगासिनो,, रिपर्त नि बादिब्ला 2000 मायथाइ आव बुहुमनि गासै सम्पति आ 156 ट्रिलियन दलार मोन, 2020 आव बेयो 514 ट्रिलियन दलार जायो, 2000 मायथाइ आव चिन नि आ 7 ट्रिलियन मोन, नाथाय 2020 आव बेयो 120 जाहैयो।

उदखारि फोरनो हाथियार जगायना होनाय सासे सिआरपिएफ आरो सानै सुबुंखौ हमदों एटिएस आ। झारखान्द नि एटिएस पुलिस नि गाहाय प्रसान्त आनन्द आ हमो होनना बुङो। सिआरपिएफ जवान नि मुङा अबिनाश कुमार उरफे सुनु शर्मा। बियो बिहार नि गया जिला नि ईमामगन्ज नि थागिबि आरो सिआरपिएफ नि 182 बेटेलियान आव दंमोन। अबिनाश जों लोगोसे आरो सानै हमजानाय नि मुङा ऋसि कुमार आरो पंकज कुमार सिंह। बिसोरखौ हमनायनि उनाव गोबां बिबांनि हाथियारफोर मोनदों होनना बुङो।

कभिद नि थाखाय नङा,, बार गुबुंले नि थाखाय फरायसालि फोरखौ बन्ध खालामनांगौ जादों हादरनि राजधानि दिल्लि आव, बेबायदि थासारि आ माब्लाबाबो जायाखैमोन, थि नङि सम सिम बन्ध फोसावदों फरायसालिफोरखौ, लोगोसे खमावनो 50 जौखोन्दो सोरखारि मावथिफोरखौ वर्क फ्रम हम होनो खावलायदों। मंगलबार नि हर आव दिहुनना होनाय बिथोन आव 21 नबेम्बर सिम 50 जौखोन्दो मावथिफोर लानानै खामानि मावनो नांगोन। अफिसाफोराव ल नङा फरायसालि आव बो अनलाईन नेम आ फाफिनदों, 15 बोसोर गोजाम पेत्रल नि गारि आरो 10 बोसोर गोजाम दिजेल नि गारि आ लामा याव ओंखारनो मोना। दिल्लि नि दानि थासारि आ एरैबायदि गाज्रि हां लानायाव देहा याव हाबनाय गुबुंले नि बिबां आ सानफ्रोमबो 20 टा सिगारेत नि समान।