18थि बड'फा उपेन्द्र नाथ ब्रह्म सुबुंथिनि फाइखि बान्था (Bodofa Upendra Nath Brahma Soldier of Humanity Award )खौ देग्लाइ मुंदांखा समाज सिबियारि पद्मश्री बान्था मोनगिरि प्रपेसर ड० अभाय बेंग (Dr. Abhay Bang, Social work, Community health, De- addiction, Home Based new born care )नो दिनै क'क्राझाराव थानाय चान्दमारिनि काल्सारेल कमफ्लेकसआव सानसेनि मेहेर गोनां हाबाफारिनि गेजेरजों गथायनाय जायो ।
हाबाफारि बादियै आलारि बाथिखौ फोजोंनानै बड'फानि मुसुखायाव बिबार बाउजेनो दिनैनि जारिमिनारि साननिनो बान्था आजावगिरि मानगोनां प्रेफेसर ड० अभाय बेंगआ । हाबाफारिखौ मासि लानानै दैदेनो मानगोनां मुस्रि उर्खाव गोरा ब्रह्म' ( केबिनेट मिनिस्टार, गभ अफ आसाम )आ । बराय बिबुंथिखौ होयो UNBT नि सेयारमेन ड० सुबुं बसुमतारीआ आरो कि नट्स एड्रेसखौ होयो दुलाराय बर' फरायसा आफादनि आफादगिरि मानगोनां मुस्रि दिपेन बर'आ ।
गाहाइ आलासि महरै बाहागो लायो बि.टि.आरनि गाहाइ मावफुं सोद्रोमा मानगोनां मुस्रि प्रमद बर'आ । गाहाइ आलासि महरै बाहागो लानानै देग्लाइनि 18थि बड'फा उपेन्द्र नाथ ब्रह्म सुबुंथिनि फाइखि बान्थाखौ मुंदांखा समाज सिबियारि पद्मश्री बान्था मोनगिरि प्रफेस्वर ड० अभाय बेंग ( Dr. Abhay Bang )नो गथायो ।
जोबोद गोजोन्थावना बाथ्रादि, बे हाबाफारियाव 14थि बड'फा उपेन्द्र नाथ ब्रह्म सुबुंथिनि फाइखि बान्था आजावनो हानाय मानगोनां ड० गनेस एन. देवे बिथांङाबो बाहागो लाफैयो । माननि आलासि महरै बर' थुनलाइ आफादनि आफादगिरि मानगोनां मुस्रि तरेन बर'आ बाहागो लायो । हाबाफारियाव सामाज सिबिआरि मानगोनां ड० रानि बेंग ( ड० अभाय बेंंगनि आंगो बिसि ), समाज सिबियारि ड० सुरेखा देवे ( ड० गनेस एन. देवेनि आंगो बिसि ), समाज सिबियारी आरो क'क्राझार सरकारि फरायसालिमानि आजिरा मोननाय गोरायुं ड० सुरथ नार्जारी, समाज सिबिआरि निर्मल ब्रह्म, बि.टि.आरनि सिफ सेक्रेटारी मुस्रि सान्तानु गदमारे , आजिरा मोननाय आइ. ए.एस. अफिसार हेमन्त नार्जारी, सानजा क'क्राझार समिस्टिनि एम.एल.ए. मानगोनां मुस्रि लरेन्स इसलारी, सिदलि समस्टिनि एम.एल.ए. जयन्त' बसुमतारी, बि.टि.चिनि बुंथिगिरि कातिराम बर आरो इ.एम. ड० निलुत सर्गियारीआबो बाहागो लायो ।
जोबथायाव गाहाइ आलासिजों लोगोसे दिनैनि हाबाफारियाव बाहागो लाफैनाय आलासिफोर आरो बाहागो लाफैनानै हाबाफारिखौ मैखोमै जाफुंसार खालामनाय साफ्रोमबो मेलेमजिबि, फरायसा आरो राइजो राजाफोरनिसिम साबायखर बाउओ आगुनि UNBTनि सेयारमेन आरो आथिखालाव इउ.एन. एकाडेमिनि बिथोनगिरि मुस्रि कृष्ण गपाल बसुमतारीआ ।
जेराव जेंना दङ बेयावसो खामानि मावनो थांनांगौ आरो जेराव जेंना गैया बैयाव खामानि मावहैनो गोनां गैया । गोग्लैसोनाय ओनसोल एबा ट्राइबेल ओनसोलफोराव डक्ट'रफोरा फैयाब्ला, अब्ला गंफ्रोमबो ट्राइबेल नखरावनो डक्टरखौ सोरजिनांगोन : ड० अभाय बें
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon