साननै सिगाङाव आं नोंथांमोननो दाउहारु बसुमतारि नि खौरां होदोंमोन। थायनैबो मेगन खौ नुयि सासे बर मेथाय खनगिरि। मैया आसाम बिधानसभा नि बुंथिगिरि बिश्वजित दैमारि बिथाङा 1 लाख रां होयो। दाउहारु आ बिटिआर नि ईएम नि खाथियाव मदद नि थाखाय थांदोंमोन, नाथाय थगायजादोंमोन होनना गावनो बुंना लादोंमोन। दायो बुंथिगिर बिथाङा 1 लाख रां होनाया थारैनो मोजां जादों। बिथांहा स्तुदिअ बानायनायनि सिमां दं होनना बुंदोंमोन। सुक्लई सेरफां नि चेन्त्रेल फिल्द आव ग्रिन लाइफ एनजिअ आ खुंनाय फाइनेल गेलेनाय आव बाहागो लानानै बुंथिगिरि बिथाङा होदों।
टेट आनजाद आव फेइल खालामनाय आनजाद होग्रा खौ उथ्रिहोनायनि लोब थगायन लुथिग्राफोरनि। टेट होग्रा नि मबाइल आव मेसेज फैनाय आ बेले बेजे खालामना होदों। टेट आनजाद फेइल खआलामब्ला स्कोर खौ सोलायना होगोन होनना मेसेज हरदों। खोला कामरुप नि खोनतलि आव सासे टेट आनजाद होग्रा नि मबाइल आव मोननै फन नाम्बार नि मेसेज फैदों। बे ल नङा, समाज बिजों आव भाइरेल जानायाव बेखौ गोबांनिआव नो मेसेज फैदों होनना बुंदों। 8876684431 आरो 7026211728 नम्बर मोननैनिफ्राय फैगासिनो मेसेज आ। आनजाद आव फेइल खालामोब्ला पास खालामना होगोन होनना बुंनाया गोबांखौनो साननो गोनां खालामना होदों। आनजाद होग्राफोरा बेनि सायाव गोरा नायबिजिरनायनि दाबि खालामदों।
रायजो आव गाज्रि खामानि आ मोनसे नि उनाव मोनसे जागासिनो। तामुलपुर नि जाथाय। प्रेगनेन्त खालामखांनायनि उनाव आयेन बेरेखा यै एबरशन खालामनो थाखाय देहाफाहामगिरि नि खाथि आ थांदोंमोन, नाथाय देहाफाहामगिरि आ बो नंखाय सो मोन, मुन्नाभाई सो मोन। आजिरा मोननाय फोरोंगिरि नि मुङा परशुराम दास आरो नंखाय देहाफाहामगिरि नि मुङा मानसुर आलि। अजद बादिब्ला मानसुर आलि आ 7 नबेम्बर खालि एबरशन खआलामदोंमोन। परशुराम दास आ आयेन बेरेखा देहायारि सोमोन्दो लाखिनानै प्रेगनेन्त खालामदोंमोन, एबरशन खआलामखांनायनि उनाव फरायसुलि नि देहा या गाज्रि जालांनायाव फोरोंगिरि नि गाज्रि खामानि आ सोराङाव फैयो, दायो तामुलपुर पुलिस आ सानैखौबो हमनानै जेल आव लांबाय होनना खौरां मोनदों। 8 नबेम्बर खालि फोरोंगिरि खौ आरो 9 खालि नंखाय देहाफाहामगिरि खौ हमो।
धुबुरि जिल्ला परिषद नि एग्जिकिउटिभ ईन्जिनियार खौ जाख्लनायनि दाय आव सासपेन्द खालामबाय। बे ईन्जिनियार नि मुङा मन्सुर आलि मन्दल, एमजिएनरेगा नि थाखाय होनाय सोरखारि रां खौ बेलेबेजे खालामनायनि दाय आव नो होखारो। रायजो सोरखार आ करापशन आरो ईरेगुलारिति नि सायाव नायबिजिरनायखौ 19 जुलाई आव बेखेवदोंमोन, बेबायदि नायबबिजिरनायावनो मिथिना मोनो खामानिखौ मोजाङै मावि खौ, नायबिजिरनायखौ एसिएस दितिमनि पेगु नि दैदेननायाव खालामनाय जादोंमोन। उनाव मोजाङै नायफिननायाव सासपेन्द खालामो।
बांलादेश नि नोगोरारि नो 15 नबेम्बर निफ्राय भारत दावबायनो थाखाय दावबायारि भिजा होगोन। बांलादेश आव थानाय भारत नि राजथान्दै बिक्रम दरायश्वामि आ बुंदों। बिथाङा बुंदों, जों कभिद गोसारनाय समाव बो दावबायारि भिजा होदों, दायो खम होगोन मानोना कभिद आ आबुंयै बाहेर जायाखै, उननि समाव गोबांनो बे भिजा होगोन जेब्ला थआसारि आ मोजांसिन जागोन। बिथाङा फैगो सप्ता याव आखाउरा-आगरतला रेल लामा नि खामानि खौ नायनो मोनसे दोलो फैगोन होनना बोबुङो। दानि भारत सोरखार आ बांलादेश नि थागिबि नो होनाय दावबायारि भिसा जा 120 सान सिम थागोन, जायफोरा बे भिजा खौ बाहायनानै भारत दावबायनो सानो बिसोर 30 सान गोबां भारत आव थानो मोनो।
47 लाख रां लानानै 13 बोसोर खम सासे अट द्राईभार जों खारखुमालांदोंमोन सासे आयजो आ, रां जोबनायनि उनाव फिसाय नि खाथि आव फैफिनबाय। मध्यप्रदेश नि ईन्दोर नि खजराना थाना नि सिङाव सासे 45 बोसोर बैसो नि आयजो आ साननैसो सिगाङाव मोजां मोननाय जों खारशुमादोंमोन, थांनाय समाव फिसाय नि 47 लाख रां लाना थांदोंमोन, उनाव फिसाय आ एजाहार होदोंमोन, नाथाय आयजो आ फैफिनबाय दायो। बुंदों फिसायजों लोगोसे नो थानो गोसो, मखजाथावदि पुलिसफोरा 34 लाख रां जब्द खालामदोंमोन। अट सालायग्रा या दायो खारखुमाना दं। मिथिना मोननाय बादिब्ला 113 अक्तोबर आव खारदोंमोन आयजो आ, सेग्रा या बिनिख्रुय 13 बोसो खम मोन बैसो आव। अट सालायग्रा या बिनि सानै लोगो रितेश आरो फुरकान नो 34 लाख रां खौ होदोंमोन, बिसोरनिफ्रायनो पुलिस आ बोखांनो हायो। बिसोर खारनायनि उनाव गोबां जायगायाव बेरायहैयो आरो आखायाव ऱां आ खम जालांनायाव न आव फैफिनो आयजो आ।
टि 20 वर्लद काप आव मैया जानाय गिबि सेमिफाइनेल आव निउजिलेन्द आ ईंग्लेन्द खौ फेजेनो। 5 विकेत जों फेजेनो आरो गिबि खेब नि थाखाय फाइनेल सिम मोनहैयो। गिबि आव बेटिं खालामग्रोनानै 167 रान नि टार्गेत होयो, जायखौ निउजिलेन्द आ 19 अभार आव नो बुनानै देरहायो।देरिल मिसेल आ 72 रान बुनायनि मेन अफ दा मेस खौ मोनो। 2 अभार आव 20 रान नांगौमोन,नाथाय 19 थि अबार आव नो बुनानै देरहायो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon