16 November morning news ~ Bodoinfo.com

सेबा या 2022 मायथाइनि मेट्रिक आनजाद नि फर्म फिल आप खालामनाय नि खालार खौ फोसावना होबाय। जायफोरा आनजाद खौ होगोन, बिसोर 25 नबेम्बर निफ्राय 18 दिसेम्बर सिम खालामनो हागोन। 21 दिसेम्बर आ सालान नि जोबथा खालार, एपेक्स बेंक नि पेइमेन्त नि जोबथा खालार आ 21 दिसेम्बर, अनलाईन चेकलिस्त कारेक्सन नि खालार आ 22 दिसेम्बर निफ्राय 31 दिसेम्बर होनना फोसावनानै होदों। बिथांमोना आनजाद नि फिस खौ बो होदों-

आनजाद नि फिस आ 650, चेन्टार फिस आ 300, प्रेक्तिकेल आनजाद नि फिस आ (जुदि दंब्ला) 150 रां। बोसोरारि गनायथि नि फिस(फरायसालि आ सो होगोन बेखौ) 800 रां। जायफोर फरायसानि नखरनि बोसोरारि आय आ 2 लाख नि खम बिसोर आनजाद नि फिस होनो नाङा। अक्तोबर दान आव जानाय हाफ यारलि आनजाद खौ होयि फरायसा या 2022 नि मेट्रिक आनजाद खौ होनो मोननाय नङा। सोरबाफोर होआखैब्ला फरायसालि आव खौरां लाहैथां।

आसामनि केबिनेत आ लानाय थिरांथा- ट्राईबेल बेल्ट एन्द ब्लक नि हा हु फाननाय नि सायाव लानाय थांखि खौ थाबैनो बोखांना लानांगौ नि दाबि जनजाति सात्र खन्था या बुंदों। आसामनि मन्थ्रि रनुज पेगु, ईउजि ब्रह्म, बिटिआर नि गाहाय प्रमद बर, जाय संग्राम खालामबोदोंमोन हारि नि थाखाय बिथांमोननि सान आव नो जनजाति नि मोनथाय आ गोमालांनायनि लामा याव, बिसोर दिनै सिरि होनना बो बुङो। लोगोसे आसाम सोरखार खौ जनजाति नि बेरेखा सोरखार होनना बो बुंबावो। फैगो समाव बे थिरांथा खौ बोखाराब्ला आसामाव दुंहाव थासारि सोमजिगोन, बिटिआर नि दिसि नो होनाय बोलो खौ बोखांन लाफिननो बो दाबि खालामदों।

अल आसाम ट्राईबेल स्तुदेन्त ईउनियन आ मोनसे खौरांमेल नि गेजेरजों जेब्ला आसामनि गिबि मन्थ्रि आ कक्राझार आव थांनानै अबर फोरा बो बेयाव हा बायनो हागोन होनना होस्रिखावदोंमोन अब्ला मानो बर दैदेनगिरि फोरा जेबो बुङासै, बेयो मोजां जायाखै होनना बुङासै, 500 बर सुबुंफोरा मुंख्लं जालांबाय, बद आन्दोलन नि ओंथि आ मा थाखो होमबा। आसामनि 90 जौखोन्दो ट्राईबेल बेल्ट आर ब्लक नि हा या बिटिआर आव नो दं, नाथाय बे आसामनि केबिनेत नि थिरांथआ नि बेरेखा बर नि मोनसेबो फरायसा आफादखौ बेनि सायाव थिरंथा लानाय नुनो मोनाखै होनना बुङो। बिथांमोना गासैबो आफाद, एनजिअ फोरखौ ओंखारबोनो खावलायदों गावनि मोनथाय रैखाथि नि थाखाय। आसाम नि ट्राइबेल हिनजावसा या जिनाहारि खालामजायोब्ला ट्राईबेल आफादफोरा ल ओंखारबोयो, गुबुन ट्राईबेल नङि फोरा थ ओंखारा। गुबुनफारसे जेब्ला आसामनि ट्राईबेल बेल्ट एन्द ब्लक आव गुबुन हारि आ हा बायनो हागोन, अब्ला बे हायाव नो ट्राईबेल सुबुङा बसोरनि सिङाव थानानै स्विपार महरै खामानि मावनो नांगोन होनना बो बुङो। गरखुति आव ईभिकसन जानाय समाव ईउपि बिहार आव गोबां धर्ना होदों मुस्लिम सुबुंफोरा, हादरनि बाहेर सिम मोनहैदों, नाथाय आसाम आव ट्राईबेल नि सायाव माबाफोर जायोब्ला, जिनाहारि जायोब्ला गुबुनफोरा सिरि थायो। बेफोरबायदि साननायखौ गारनो नांगोन। बिजिरसालि आ दि सि नो बोलो सो होदोंमोन ट्राईबेल नि हा याव गुबुना थानायखौ होखारनो हानाय, नाथाय मोनसेबो बेबायदि होखारनाय खामानि आ जायासै। बिटिआऱ आव बो जायासै मोनसेबो, मानो। ट्राईबेलफोरा गावनि मोनथायखौ खोमाना लानो थांगासिनो दं बेफोर गासैबो दैदेनगिरिफोरनि थाखाय नो जादों। मन्थ्रि आ ट्राईबेलफोरनि फ्राय बर आरो मिसिं नि ल जायो। गुबुन ट्राईबेलफोरा जेबो बुंनो नो हाया, बिसोरनो ट्राईबेल खौ फोजोबस्रांलांगासिनो दं होनना बो बुङो।

मैया निफ्राय जानाय आईटिएफ जुनियर ईन्टारनेशनेल टेनिस गेलेनाय बादायलायनाय आव हिनजावसा नि हारसिं नि गेलेनाय आव प्रि कुवार्तार फाइनेल व मोनहैनो हादों कृष्ति बर आ। 18 बोसोर नि सिंनि गेलेनाय आव 4 थि नम्बर नि सायखजानाय गेलेगिरि हेटभि चौधुरि खौ मोन 3 सेत नि उनाव 3-6,, 6-3 आरो 6-0 जों फेजेनो। कृष्टि आ देरहादोंब्लाबो आसामनि आरो सानै गेलेगिरि कृतान्त शर्मा आरो अन्तरिस तामुलि आ जेनदों। दिनै जिग्यासमान हाजरिका आरो जास्तिना बरगहाय आ गेलेगोन।

दिनै बिटिआर आ बन्ध, नाथाय गासैबो बन्ध जाया। बिटिसि नि प्रिन्सिपाल सेक्रेतरि आ मोनसे फोसावलायनि गेजेरजों बन्ध खौ फोसवनानै होदों। गाबोन नि बन्ध नि जाहोन आ बर थुनलाय सान नि थाखाय। बर थुनलाय सानजों लोब्बा लाखिनानै जायगायारि बन्ध फोसावदों। गासैबो सोलोंथाय फसंथान आरो सोरखारि मावखुलिफोरा बन्द थागोन। BTCLA जों फालांगियारि सोमोन्दोगोनां मावथिफोरा अफिस आव थानो नांगोन।

चिरां हाग्रा याव ईभिकशन, गोबां बर नखरा होखारजादों, बिसोर गुबुन जायगानिफ्राय फैदोंमोन, नागालेन्द, धेकियाजुलि बायदि जायगाफोरनिफ्राय फैदोंमोन। मैया हाग्रा बिफान आ रुनिखाता नि भारत भुटान सिमना याव खालामो। गोबां हा याव दंफां दननानै आबाद मावगासिनो। बिसोर बुंनाय बादिब्ला जों ट्राईबेल, बेखायनो बदलेन्द आव थआनो मोननो नांगौ। गोबाङआनो दैबाना जों हा लांजानायनि थाखाय फैना थाफैदों, फिसा फिसौ नो हा नांगौ बेखायनो बिसोर थांनाय 1-3 बोसोर निफ्राय थागासिनो बे जायगायाव। होखारजानायि उनाव बिसोर बे जायगायावनो फैफिनदों होनना खौरां मोनदों।

पाकिस्तान नि आयजो नो भारत नि गोनां खौरांफोरखौ हरना लानानै सासे भारत नि आरमि जवान हमजादों। पुने आव बिबान आव थानाय भारत नि जवान आ फेसबुक नि गेजेरजों सिनायलायदोंमोन आरो उनाव गोबाव सम भारत नि गोनां खौरां फोरखौ आयजो नो हरदोंमोन, भारतनि आरमि नि खौरांफोर। पुलिस आ हमनाय आरमि आ बिहार नि थागिबि होनना मिथिना मोनदों। बियो मेदिकेल बिफान नि मोन, पुलिस आ बिनिफ्राय मबाइल फन जों लोगोसे आरो मोननैसो बेसाद जब्द खालामदों।