बेखौ गोजोनथाव खौरां बुंगोन ना दुखुनांथाव खौरां होनना बुंगोन। बिटिआर नि बर फोरा आसाम पुलिस नि साख्रि नि लिरनाय आनजाद खौ बर आव नो होनो हागोन। मोनसे गिदिर सोंलु, बर फोरा बिटिआर आव ल दं नामा, बर' रावआ आसामनि लोगो मावख'आरि राव महरै गनायथि मोन्नायनि उनावबो खुंफुंजानो गोनां आसाम पुलिसनि Written आनजादखौ बिटिआरनि गंब्रै जिल्ला कक्राझार, बागसा सिरां आरो उदालगुरि जिल्लानि बिजाथि फोराल' गावनि बिमा रावजों लिरनो हायो होन्ना सोरखारा नथिस फोसावनायनि फारसे गोबां बर' फिसाफोरा गोजोन्नाय फोरमायाखै। लोगो मावखआरि राव जानायनि गासै आसाम आव नो बर राव जों लिरनो मोननाय जानो नांगोमोन। बर रावजों लिरनायखौ बिटिआर गोरोबथा जानायनि सिगां बो मोनोमोन। नाथाय बिटिआर गोरोबथा जाबाय, BKWAC मोनबाय, बर राव आ लोगो मावखवारि राव जाबाय, बे ल नङा, बर राव आ भारतनि गनायजानाय राव, 8थि फारि आव हाबनाय राव, बेफोर जानायनि उनाव बो सोरखार आ बेबायदि खालामनाय आ मोजां जायाखै। धेमाजि, शनितपुर, बिश्वनाथ आरो गुबुन गुबुन जिला नि बर फोरा बर नङा नामा। जानो हागौ बे थिरांथा खौ लानाय समाव बर मेलेमजिबि बिथांमोननिफ्राय जेबो मदद लायाखै, आशा खालामो बर मेलेमजिबि दैदेनगिरि फोरा बेनि सायाव सावरायलायगोन सोरखार जों। आं बिटिआर नि जानानैब्लाबो गोजोननाय मोनाखै।
आसाम सोरखारा फोसावनाय Four-language formulaनि सायाव एबसुआ सावराय मेल खुंदों।दुलाराय बर' फरायसा आफादा आसाम सोरखारा फोसावनाय Four-language formula आरो बर' रावनि आथिखाल थासारि आरो जेंनानि सायाव चिरां जिल्ला एबसुनि गाहाय मावख काज'लगावआव मैया मोनसे गोजौ थाखोनि सावराय जथुम खुंदों । बे सावराय जथुमाव बर'नि गुबुन गुबुन माहारियारि आफादफोरनि दैदेनगिरि, मेलेमजिबि, सानसुमै आरो सोलोंथाइगिरिमोनहा बाहागो लाफैनानै सोरखारा बर' बिजोंङाव Four-language formula खौ जाबसिननानै होनाय जायोब्ला बर' बिजोंङा माबादि थासारियाव सहैगोन एबा मोगा मोगि जानांगोन बिनि सायाव गावबा गावनि बेसेन बर्ह्रा बिबुंथि एबा सुबरनफोरखौ होलायो। बाहागो लानाय साफ्रोमबो दैदेनगिरिफोरनि बिबुंथि बादियै बर' राव, बिजों आरो हारिनि स्वार्थआव आसाम सोरखारा फोसावनाय आरो बर' बिजोंङावबो जाबसिनना होनो नागिरनाय Four-language formulaखौ गनायनो हाया होननानै जयै रोखायै थांखि लायो । मिरु एबसुनि आफादगिरि मानगोनां मुस्रि दिपेन बर'नि मासि लानानै दैदेननाय बे हाबाफारियाव बर' थुनलाइ आफादनि आफादगिरि मुस्रि तरेन बर', प्रफेसर भुपेन नार्जारी ( गौहाटी मुलुगसोलोंसालि ) जों लोगोसे गोबां सानसुमै मेलेमजिबि मोनहा बाहागो लानानै दिनैनि गेदेरथार सावराय जथुमखौ जाफुंसार खालामो। बर थुनलाय आफादनि आफादगिरि तरेन बर बिथाङा सोरखार आ बर राव खौ नेवसिदों होनना बुंदों, बिमा बाथुल बायदि सो खालामगासिनो। थाबैनो आसामनि गिबि मन्थ्रि जों सावरायलायगोन होनना बिथाङा बुङो।
आसाम हायार सेकन्दारि काउन्सिल आ 2022 मायथाइ नि आनजाद होग्रा फरायसा फोरनि आनजाद नि फिस आरो चेन्तार नि फिस खौ लाया जायफोर फरायसा नि नखर नि आय एबा ईन्काम आ 2 ला ख नि खम जायो। कन्ट्रलार अफ ईग्जामिनेशन आ फोसावनानै होदों। बोर्द आ गासैबो गाहाय फसंथान फोरखौ थांनाय बोसोरनि बायदि नेमफोरखौ मानिनो होदों। आसामनि मेट्रिक आरो हायार सेकन्दारि नि स्पेशियेल आनजाद नि फिथाय खौ माब्ला होगोन बेनि सोमोन्दै जेबो खौरां मोनाखै।
नेशनेल लेबेल नि पुलिस आर्चारि आव आसामनि आयजो पुलिस नि दोलो आ सना नि मेदेल मोनदों। उत्तर प्रदेश नि नयदा याव जानाय गेलेनाय बादायलायनाय आव आसामनि आयजो नि दोलो नि बिनोमा ब्रह्म,, रिता बसुमतारि, अनिमा माझि आरो बिनमानि राभा या देरहानो हादों। बिनोमा या 10 थि एपिबिएन, रिता आ गवालपारा दिईएफ, अनिमा या नैथि एपिटिएप आरो बिनामनि आ गिबि एपिटिएफ नि। आसामनि गिबि मन्थ्रि बिथाङा बयनिसिमबो साबायखर बावहरो देरहानायनि थाखाय।
मोनसे समनि बरनि मुंदांखा रेदिअ महरगिरि भुबनेस्वर महिलारी बिथांआ गुवाहाटी GNRC सावस्रि फाहामसालियाव फाहामथाय लाबाय थानाय समावनो दिनै मोनाबिलिनि समाव बिथांआ अबथिरा बे बुहुमखौ नागारलांबाय ।
जाग्रा आदार नि पेकेजिं खौ फाथो नि बस्ता याव नो खालामनायनि गोनाथार बाहायनाय प्रस्ताब लादों मिरु केबिनेत आ,, बे थिरांथा खौ 2021-22 मायथाइ नि थाखाय लायो। गोदान नेम बादियै 100 जौखोन्दो पेक खालामनो जोथोनै लाखिनायनि बेबस्था आरो 20 जौखोन्दो सेनि नि थाखाय बेबस्था खालामनो होदों। बेनि गेजेरजों 4 निजुत आबादारि नखर आ मदद मोनगोन।
28 बोसोर बैसो नि सास बर सेंग्रा या 55 बोसोर बैसो नि आयजो खौ देगार जों गाग्लोबनाय आव आयजो नि जिउ गोमायो। जाथाय आ सिरां जिला नि 2 नं भेटागांव आव बृहस्पतिबार आव बेलासि समाव जादोंमोन। गामि नि थागिबि रिंकु नार्जारि आ अनिमा सरकार मुंनि आयजो खौ गाग्लोबनाय मोनसे सोमोनांथाव जाथाय जादों। बे गाग्लोबनाय आव अनिमा नि फिसा सप्तमि बेहरा आरो न खाथि नि दसरथ मन्दल आ जोकोम जादों, बिसोरखौ लोगो लोगो भेटागाव देहाफाहामसालि आव लाङो। खौरां मोननाय बादिब्ला रिंकु नार्जारि खौ हमबाय। मखजाथावदि अनिमा सरकार नि फिसा आनन्द सरकारर आरो रिंकु नि गेजेराव नांलायनायनि थाखाय नो बेबायदि जायो होनना खौरां मोनदों।
तामुलपुर कलबारियाव गामिनि रायजोफोरा सरकाररि माइरं होग्रा एजेन्टनि हेंथायै खुद्रिखांदों। बाक्सा जिल्लानि तामुलफुर कलबारियाव माइरं होग्रा एजेन्टनि हेंथायै साखाथि गामिनि रायजोफोरा खुद्रिखांदों । लकडाउन सोलिनाय समावबो सोरखारनि सफैनाय माइरंखौ होयै आरो नखरसेयाव साब्रै साबानि बारा मानसि दंबाबो सानै एबा सासेनोल' माइरं होनायनि अजद दैखांनायनि अनगायैबो माइरं एजेन्टखौ सोलायनो नांगौ होनना दाबि खालामदों ओन्सोलनि रायजोफोरा । बेफोर जेंनाफोरखौ बिफाननि मावख'गिरिफोरनो फोरमायसेयावबो जेबो राहा लायैखौ होननाबो अजद दैखांदों । सोरखारा हरखानाय फ्रि माइरंखौ एजेन्टा राननानै होनो नांगौबाबो साफ्रोमबो माइरं मोनगिरिफोरनिफ्राय साफायाव 500 निफ्राय 300 ग्राम माइरं लाखिनायनिबो अजद सिखारदों ।
भारत नि आरमि नि मोजां खामानि। भारत भुटान सिमना नि पातकिजुलि आव भारत आरमि आ मोनसे मोजां खआमानि मावदों। मैया 11 बाजि आव रेद हर्नस दिभिसन रंगिया भारतीय आर्मि रौनिया हानजाया “अपारेसन सदभवना” स्किमनिफ्राय पाटकिजुलि गोजौ फरायसालियाव फरायनाय सा 30 गोरिब फरायसाफोरनो साइकेल राननानै होदों । पाटकिजुलि गोजौ फरायसालियाव फरायनाय जाइ फरायसाफोरा गोरिब आरो फरायसालिनिफ्राय नसिम फैनायाव गोजान जायो बैबादि फरायसा फरायसुलि बिथांमोननो साइकेल राननानै होदों । भारत नि आरमि आ 1998 मायथाइ निफ्राय नो सिमना नि ओनसोलाव उन जाना थानाय रायजोफोरनि खामानि मावगासिनो। दिनैनि साइकेल राननाय हाबाफारियाव रेद हर्नस दिभिसन भारतीय आर्मिनि मेजर अनकित सिंह बानि बिथांआ बाहागो लानानै राननानै होयो , लोगोसे बाहागो लाबावदों दारांगामेला आउट पस्टनि सामलाइगिरि गपाल दले, पाटकिजुलि फरायसालि सामलाइ आफादनि लेङाइ आफादगिरि दक्षिन हेम्ब्रम, गाहाइ फोरोंगिरि मिचेल बसुमतारी, लोगोसे आइदा फोरोंगिरि बिथांमोनाबो बाहागो लायो ।
कानादा निफ्राय फिन खनसेबाव भारत आव लाबोनाय जाबाय 100 बोसोरनि सिगां सिखाव जानाय मा अन्नपुर्ना नि मुसुखा खौ। 100 बोसोर सिगां बारानसि निफ्राय सिखाव खालामदोंमोन। बेखौ 15 नबेम्बर खालि कासि बिश्वनाथ मन्दिर आव दोननाय जागोन। मैया उत्तर प्रदेश नि सोरखार नो होनाय जायो, बेनि सिगां दिल्लि आव फुजा होग्रोयो। 1913 आव सिखाव जानाय बे मुसुखा नि मोनसे आखाय आव बाथि आरो मोनसे आव सामुस दं। बेखौ कानादा नि रेजिना बुहुमफरायसालि आव लाखिनाय जादोंमोन। बुहुमफरायसालि आ मोनसे दिन्थिनायनि हाबाफारि लादोंमोन, बेयावनो भारतनि थुनलायगिरि दिब्या मेहरा या नुनानै लाबोफिननायनि दाबि खालामदोंमोन।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon