आसाम पुलिस नि साख्रि नि लिरनाय आनजाद खौ बर रावजों बिटिआर नि आनजाद होग्रा फोरा ल होनो मोनगोन होनना मोनसे फोसावलाय होदोंमोन। बेनि सायाव बिकेदाब्लिएसि नि गाहाय मिहिनिश्वर बसुमतारि नि सोमोन्दै सोंनाय आव बिथाङा बेनि सायाव बुंथिगिरि बिस्वजित दैमारि जों सावरायलायनाय जाबाय होनना बुङो. बर राव आ हादराव नो गनायथि मोननाय राव, बेखायनो बर राव आ गासैबो आव नो मोनगोन होनना बुङो। बुंथिगिरि बिथाङा दिजिपि जों रायलायदों आरो गासै आसामावनो बरफोरा बर जों नो होनो हागोन होनना बुंदों होनना बो बिथाङा बुङो, बेखौ सोदांफिननाय जागोन होनना बो बुङो। बुंथिगिरि जों सावरायफिनगोन होनना बुंनायजों लोगोसे असमिय राव खौ जाबसिनना होनाय खौ माब्लाबाबो गनायनाय नङा होनना बो बुंदों। गोदान सोलोंथाय खान्थि आव गावनि बिमा नि रावव जों सोलोंनो मोननाय खौ लिरखादों होनना बो बुंदों। असमिया राव आ जाय थाखो आव दं, बे याव बर राव आ बो दं होननो रोखा खालामना होयो बिथाङा।
हाग्रा नि मैदेर नि गाग्लोबनाय आव कक्राझार आव सासे सुबुंनि जिउ खहा। मुफुर नि गाग्लोबनायनि उनाव दायो मैदेर नि गाग्लोबनाय जादों। जिला याव साननैसो सिगांनिफ्राय हाग्रा नि जुनार नि गाग्लोबनाय आ बरा जालांनो हमदों।सालाकाति ओनसोल नि मुराबारि गामि नि बेरलां ब्रह्म मुंनि सुबुंनि जिउ गोमादों। मिथिना मोननाय बादिब्ला भुटान हाजो निफ्राय फैनाय मैदेरफोरा आदार नागिरनानै फैदोंमोन। मानै आ गवस्रालायनानै मुराबारि आव हाबो, बेयाव नो 70 बोसोर बैसो नि सुबुं खौ गाग्लोबो। जोखोम जानाय सुबुंखौ आरएनबि देहाफाहामसालि आव लांनाय जादोंमोनब्लाबो थैबाय होनना मिथिना मोनो। जाथायनि खौरां मोननायनि उनाव नो हाग्रा बिफाननि सुबुंफोरा फैनानै ट्रेंकुलाईज खालामनो नाजायो। मखजाथावदि साननैसो सिगाङआवसो मुफुर नि गाग्लोबनाय आव सा 7 सुबुंफोरा जोखोम जादोंमोन कचुगांव आव। गुबुनफारसे बाक्सा याव बो हाग्रा नि मैदेर गाग्लोबनाय जाथाय जादों, बेयवबो सासे सुबुंनि जिउ गोमादों। 1 नं शान्तिपुर आव अजय दास मुंनि सुबुंनि जिउ गोमादों।
आरो सासे सोरखारि मावथि हमजालायबाय। 2000 रां लानाय भिदिअ भाइरेल। एएसआई आरो गेजेरनि सुबुं खौ हमदों। पुलिस आ नो घोस लायो। भाइरेल भिदिअ नि सायाव नायबिजिरनानै एएसआई हरिकल दास आरो रां होनाय मिथुन चक्रबर्ति खौ हमनानै सोंगासिनो दं। दबका पुलिस थाना नि एएसआई आ उदांयै रां लानाय भिदिअ आ ससियेल मिदिया याव भाइरेल जादोंमोन। हजाई पुलिस आ उनाव सासपेन्द खालामो। एएसआई दास खौ रिजार्भ क्लज खालामो एस पि बिथाङा। एखे समाव नो रां होनाय सुबुंखौ बो हमो पुलिसफोरा। भाइरेल भिदिअ आव सना नि गहन खौ फाननानै रां होनायनि सोमोन्दै बुंदों। ई रिक्सा खौ बखनायनि मुङाव रां होदोंमोन।
उदालगुरि सोहोर नि खाथि नि भुटुनिदोभा याव जादों मोनसे लाजिनांथाव जाथाय। उदां स्तेज आव गाज्रि मोसानायखौ लानानै गोबां सावरायलायनाय जादों। उदालगुरि सदर पुलिस थाना नि सिंनि सापमारि पुलिस चक नि भटुनिदेभा याव जानाय लाजिनांथाव जाथाय आ ओंसोलनि सेंग्र आफाद नि बान्जायनाय आव नो जादों। ससियेल मिदिया याव भाइरेल जानायबो नुनो मोनदों। जिला प्रशासन जादु गेलेनाय दिन्थिगोन होनन बुंना थगायनानै बेबायदि गाज्रि समाज बेरेखा मोसानाय सो दिन्थियो। जिला बेंगिरि निफ्राय थांनाय 15 नबेम्बर आव नो गनायथि लादोंमोन, नाथाय जादु दिन्थिनायनि सोमोन, बेनि सोलाय बिसोर चित्रहार सो दिन्थियो। गोबां उन्दै उन्दै गथ फोर बो दंमोन बेयाव। गोबां गाज्रि राव बाहायनायबो जादों बेयाव। थारैनो सोमोनांथाव, आसामावबो बेबायदि जानाय आ।
सावस्रि बिफान आव साख्रि होगोन होनना बुंनानै सा 40 निफ्राय रां लादोंमोन, सा 27 खौ होतेल आव लिंहरदोंमोन, उनाव हमबाय साथामखौ। गुवाहाति नि गरचुक नि हतेल परशुराम आव पुलिसफोरा नागरदोंमोन। बेयावनो सानै बिसि फिसाय खौ हमो। बिसोर सावस्रि बिफआन आ साख्रि होगोन होनना थगायनानै रां लादोंमोन। जइन्त कमिशनार पार्थ सारथि महन्त बिथाङा बुंनाय बादिब्ला गोबांनिफ्रायनो रां लादोंमोन बिसोर, 20 रोजानिफ्राय लानानै 50 रोजा, 1 लाख, 2.50 लाख रां लादोंमोन होनना फोरमायो। सोरबा त्रैलोक्य सइकिया या बे नंखाय साख्रि नि खामानि नि गाहाय होनना बुंदों। हमजानाय होवा हिनजाव आ गावखौनो सावस्रि बिफाननि मावथि होनना बुंना लादोंमोन आरो मैया सा 27 खौ लिंहरदोंमोन। खौरां मोननाय बादिब्ला बिसि फिसायजों लोगोसे आरो सासेखौबो उनाव हमनो हादों।
हारियाना याव हाबा नि लिंनाय कार्द आ भाईरेल। फिसाजो नि हाबा याव बिजेपि-आरएसएस नि दैदेनगिरिखौ फैनो नाङा होनना रोखा लिरदों। बिफा या। गाहाय मन्थ्रि आ आबादारि बिलखौ बोखारबाय मोजां जादों,, नाथाय गोबां आबादारिफोरा बे दावहा खौ दासिमबो बावगारनो हायाखै, गोबांनि जिउ गोमाबाय। देहा गाज्रि जाबाय गोबांनि। बेनि रागाजोंनो सोरखार सालायनाय बिजेपि दोलो नि दैदेनगिरि खौ फैनो होआखै राजेश धनखरे मुनि सुबुङा फिसाजो नि हाबा याव। लोगोसे लोगो दोलो खौ बो फैनो होआखै। राजेश आ बुंदों- जाबायदि आबादारिफोरखौ खालिस्तानि, पाकिस्तानि होनना बुंदोंमोन, बेफोरनि बेरेखा नो बेखौ खालामनाय जादों। सोरखारनि खान्थि नि थाखाय नो बेबायदि जादों आबादारिफोरा होनना बो बुङो।
बिटिएदि आव बो गोबां हा दखल खालामना लाग्रा दं। आयेन बेरेखा दखल खालामनाय सेंग्रा फोरखौ होखारनायनि सिगां नो बिसोरनि थाखाय गुबुन राहा लानो नांगोन। होखारनायनि उनाव मोनसे आन्दोलन जनायखौ जो लुबैया, मोजाङै सावरायलायनानै होखारनायनि बेबस्था खालामनो नांगोन। समाज खौ माबोरै मोजां खालामनो हायो बेनि सायाव साननाय जादों। जोंनि गेजेराव बर, असमिया बङालि, मुसलमान आदिबासि होनन गोसो आव साननाय आ फैगोन अब्ला जों लुबैनाय समाज दानो हानाय नङा। बाग्सा जिला नि सालबारि आव ईउपिपिएल दोलो नि मोनसे गोनांथार मेल आव बाहागो लानायनि उनाव खौरांगिरिफोरनि सिगाङाव बेबायदि बुंदों।
कक्राझार मेदिकेल कलेज, बोसोरसे नि उनाव बानायनाय खामानि खौ फोजोबनायनि उनाव आबुं फोरोंथाय खौ जागायनायनि थांखि। मैया सावस्रि बिफान नि मन्थ्रि केशव महन्त आ खामानि नि खौरां लाहैयो। बिथाङा भारत नि मेदिकेल काउन्सिल नि गनायथि नि थाखाय आरजलाई हरनायनि सोमोन्दै बुङो। गौरां दैमा नि हा खुरखानाय आ मेदिकेल कलेज नि फारसे गिदिर जेंना नुजाहोनायनि सम्भावना दंमोन, नाथाय दायो बेनि होबथानायनि खामानि आ जागायबाय होनना बो बुङो।
फेसबुक आ सिनायलायदोंमोन, बेनि उनाव हाबा जादोंमोन। उनाव 21 बोसोर बैसो नि हिनजावसा या सुईसाइद नट आव लिरना गालाङो- आफा नों सैथो मोन, बियो मोजां मानसि नङा। साननैसो सिगाङाव सासे सुबुंजों हाबा जानायनि उनाव बेबाययदि लिरनानै गावनि जिउखौ फोजोबना लानाय हिनजावसा नि मुङा मौफिया पारबिन। टाईमस अफ ईन्दिया याव फोसावनाय खौरां नि बादिब्ला मौफिया या फेसबुक नि गेजेरजों सिनायलायनानै महम्मद सौहेल मुंनि सेंग्रा जों। बेनि उनाव फोन आरो उनाव सोमोन्दो आ आरो खाथि सिन जानायाव हाबा जायो। आयेन नि फरायसुलि मौफिया पारबिन आ हाबा जाखांनायनि उनाव नखरनि हिंसा नि बोलि जानो गोनां जादोंमोन। बिहाव बिखुनजो आ गोबां खष्ट होदोंमोन। उनाव फेन आव फासि लानानै थैनाय नुयो होनना बिफा या बुङो। गिबि आव दुबाई आव साख्रि मावो होनना बुंनायजों लोगोसे ईउटिउब नि सासे ब्लगार होनना सिनायथि होदोंमोन। नाथाय हाबा नि उनाव सेंग्रा या मौफिया नि नखर निफ्राय 40 लाख रां सावथुन बानायनो थाखाय बिदोंमोन आरो खष्ट होदोंमोन।
बरमा कलेज आ 50 बोसोर जाबाय। कलेज आ सनाथि मायथाइ फोरबो फालिनायनि सिगाङाव बिटिआर सोरखार नि गिदिर फोसावनाय। कलेज नि हिनजावसा फोरनि हस्तेल बानायनायनि थाखाय 1 कौटि रां होगोन बेखौ फोसावदों बिटिआर नि गाहाय आ। बृहस्पतिबारखालि गोदान बरायनाय एबा फ्रेशमेन शसियेल नि हाबाफारि आव बाहागो लानानै फोसावना होयो। बिथाङा बिटिआर नि गोजौ सोलोंथाय नि गुबुन गुबुन जेंना खौ फोजोबस्रांनो थाखाय आसामनि गिबि मन्थ्रि जों सावरायलायगोन होनना बुङो। बे हाबाफारि आव पद्मश्रि मंगल सिंह हाजवारि बिथाङा बो बाहागो लादोंमोन होननना खौरां मोनदों।
हादराव गिबि खेब होवासा फोरनिख्रुय हिनजावसा या बारा जादों। 1000 होवासा नि उल्था हिनजावसा या 1020 जादों। बुधबारखालि मिरु सावस्रि बिफआन आ 5 थि नेशनेल फेमिलि एन्द हेल्थ सार्भे व बेखौ फोसावनानै होदों। 2005 याव हौवासा आरो हिनजावसा या समान समान मोन। 1000 हौवासा याव 1000 हिनजावसा मोन। 2015-16 आव 1000 होवासा नि सोलाय 991 हिनजावसा मोन। नाथाय गिबि खेब बबायदि बारा जादों।
माजुलि नि सासे सेंग्रा नि गोथै देहा मोनदों नंपो आव। मोजां मोननाय सिख्ला खौ हमदों। गुवाहाति निफ्राय गोमाना थानाय सेंग्रा या खामानि नि थाखाय गुवाहाति नि खरुमटरिया याव भारा थायो माजुलि नि सेंग्रा या। सन्दिप भुया मुंनि सेंग्रा या गोमाना थानायनि गसर होदोंमोन नखरनि सुबुंफोरा। जाथायनि सायाव मेघालय पुलिस नि मदद आव आसाम पुलिस आ नायबिजिरदों। मेघालयनि नंपो आव मोनदों। मखजाथावदि थांनाय 20 नबेम्बर खालि सासे सुबुंनिफ्राय किष्टि लादोंमोन बे सेंग्रा या। सेंग्रा या गोबां मेलेमारि दुखु आव दं होनना किष्टि होनाय सुबुङा बुङो। बेनि थाखाय पुलिस आ खासिया मोजां मोननाय सिख्ला खौ हमदों, मोजां मोननायनि जाहोन आ नो जानो हागौ होनना सन्देह खालामनाय जादों।
मरिगांव आव आन्जाद आ जानायनि सिगाङाव नो सोंनाय बिलाय आ लिक। नाथय बेयो साख्रि नि, मेट्रिक, हायार सेकेन्दारि नि नङा। थाखो 9 आरो 10 नि सो। गिबि खेब बेबायदि भाइरेल जानाय नुनो मोनदों। मरिगाव जिला याव आनजाद जानायनि सिगां मबाइल मबाइल आव भाइरेल जानायखौ नुनो मोनो, बेनि उनाव नो दुंहाव थासारि सोमजियो। खौरां मोननाय बादिब्ला मैया थाखो 9 आरो 10 नि समाज बिगियान आयदा नि आनजाद दंमोन, नाथाय सोलोंथाय बिफान नि लोरबां नि थाखाय नो बेबायदि जायो। मानिफ्राय माबोरै भाइरेल जाखो मिथिनाय जायाखैब्लाबो नायबिजिरगासिनो दं। खौरां मोननाय बादिब्ला समबार खालि जाफिनगोन आनजाद आ।
आसाम आव आरो का सोमावसारनाय आ जागोन। एजेपि नि गाहाय लुरिनज्योति गगै आ बुंदों। 11 दिसेम्बर आ गोसोम सान, 9 दिसेम्बर निफ्राय बायदिसिना हाबाफारि जों का आन्दोलन आ जागोन। आबाद नि आयेन खौ बोखारनायनि उनाव का आन्दोलन आ बो जोनोम जाफिननाय बायदि जादों।
माबायदि जाथायफोरा दि जायो ना। मेथाय खोनासंनानै थैबाय ननि दाउ। फोथायजाथावना नङि बायदि बाथ्रा। नाथाय बे जाथाय खौ लानानै गसर थिसन्दों। जथाय आ उरिष्या नि। दाउ नि मालिक आ बे अजद खौ लानानै पुलिस नि खाथि आव थांबाय। बिनि अजद बादिब्ला बिनि फार्म नि मा 63 दाउ आ मेथाय खोनानै थैदों। मालिक नि न खथि आव नो जादोंमोन नखरसे नि हाबा। बे हाबा याव नो गोसा दामना होदोंमोन मेथाय। दिजो नि गेजेरजों मेथाय दामनानै रंजादोंमोन, मोसादोंमोन हाबा नि नखरा। बालास्वर नि कान्दागार्दि गामि नि रन्जित परिदा मुंनि सुबुंनि नखरनि फार्म आव बै सान नि हर आव नो थैदोंमोन दाउ फोरा। बे जाथायजों हाबा नि सोमोन्दो दं होनना सानदों बियो। बेनि उनाव नो निलगिरि पुलिस थाना याव एजाहार हैयो। मालिक नि बादिब्ला दिजे दामनाय गोसा नि थाखाय नो हार्त एटेक जों बेहुस जादों आरो मासे नि उनाव मासे थैदों दाउ आ। पुलिस फोरा बो सोमोनांदों। एजाहार होनायखौ लादोंब्लाबो बे अजद आ थार फोरमान खालामनो थाखाय देहाफाहामगिरि नि खाथि आव थांदों। पुलिस फोरा बेबायदि बो जाथावना नामा रिपर्त बिदों। मालिक आ बे हाबा नि नखरनि बिगोमा निफ्राय खहा नि रां बिदों।
कचुवा याव नंखाय देहाफाहामगिरिखौ आनन्द मिश्रा नि दोलो आ हमदों। फरायसालि आव थांनो मोनि सुबुङा नो फाहमथाय होबाय थादोंमोन। नगांव जिला उफ्रा एसपि दिप्ति मालिक नि दैदेननायाव थांनाय पुलिस नि दोलो आ नुरुल ईस्लाम मुंनि नंखाय देहाफाहामगिरि खौ हमो। रायजो आव गोबां नंखाय देहाफाहामगिरिफोरा फाहामथायनि मुङाव रां लुथिनायनि उनाव बो सावस्रि बिफान आ गोसो होयि आव बिसोरबायदि आ बारा निफ्राय बारा जालांगासिनो दं। थांनाय गोबां बोसोरसोनिफ्राय नो नुरुल आ गावखौ नो हाथाय नि देहाफाहामगिरि बुंना लानानै देहा फाहामथाय होबोगासिनो मोन। कचुवा मदेल देहाफाहामसालि, लुटारि गुदि देहाफाहामसालि, कामपुर एफआरअ बायदि थानायनि उनाव बो बेबायदि नंखाय देहाफाहामगिरिफोरा खामानि मावबोगासिनोमोन गाज्रि गाज्रि। माब्लाबो फरायसालि आव थांफेरना मोनि नरुल आ गुबुन हादरनिफ्राय दिप्लमा लानायनि बेनार पस्तार लागायनानै बेबायदि नंखाय फाहामथाय होबोगासिनोमोन। सासे थार देहाफाहामगिरि नि आव मा मा थायो गासैबो दं बिनि आवबो, बायजोबना लादों। दायो हमबाय।
सरायदेउ आव मोनसे सोमोनांथाव जाथाय। आसामनि सा 2 सेंग्रा खौ किदनेप खालामदोंमोन नागा सुबुंफोरा, हा जावना फबना दोननाय नि हुमखि। कानुबारि बालिजान आव दुंहाव थासारि सोमजिदों।। बिसोरखौ किदनेप खालामनायनि उनाव गुलि गावगोन होनना बो बुंदोंमोन। अजद बादियै सानैखौ गोबां खष्ट होदोंमोन। आसाम रायफलस नि नाजानायाव बासायनो हायो सानै सेंग्र फोरखौ, मुङा प्रान्जल बासा आरो नवजित लाहन। बिसोर सानै आ बुंनाय बादिब्ला नागालेन्द नि बाजाराव थांदोंमोन आरो दखान आव रां खुसरा खालामनो नागिरनानायावनो सानैसो नागा फोरा फैनानै हमना लाना थांदोंमोन।
गरिब कल्यान योजना नि बेसेन नाङै मोननाय मायरं खौ मोनबाय थागोन। मिरु सोरखार आ 2022 नि मार्च दान सिम बारयन होबवबाय। बुधबारखालि बे प्रस्ताब खौ लायो। आगोलाव फोसावना होनाय बे बेसेन नाङै मायरं आ नबेम्बर आव जोबनो गोनां मोन, नाथाय दायो बरायनानै मार्च सिम ऱालामना होबावबाय. दाबो कभिद आ दं हदराव, गोबाङानो खामानि मावनो मोनाखै, फैफिनाखै रांखान्थि आ। बेखायनो आरो 6 दान बरायनो होदोंमोन ट्रिनोमोल आ।
फरायसाखौ फोरोंगिरि आ आथोनारि सोमोन्दो लाखिनो बरायनायनि हेंथायै गोख्रोंयै सोमावसारदों गसायगाव फरायसालिमानि फरायसाफोरा। गसायगांव कलेज नि ईंराजि बिफान नि प्रफेशार आ सासे फरायसुलि खौ गाज्रि खामानि नि थाखाय फन जों लिंहरदोंमोन, फरायसुलिखौ कल खालामनानै आथोनारि सोमोन्दो लाखिनो नाजानाय अगेन आखुनि फोरोंगिरि आनो जाबाय जयनाल आबेदिन। मोनसे अदिअ भाइरेल जादों, बेनि उनाव नो ओनसोलनाङैनो दुंहाव थासारि सोमजिदों। मैया गसायगाव फरायसालिमानि गासै फरायसाफोरानो खौसे जानानै जयनाल आबेदिन नि हेंथायै फरायसाफोरा खुद्रिसारनानै बिथांखौ 6 घन्टानि गेजेरावनो थाबैनो बोखारनो आरो फरायसालिमानिफ्राय बोखारथारनांगौनि दाबिजों लोगोसे पुलिस बिफाननि सिम खावलायदों गसायगाव फरायसालिमानि गासै फरायसाफोरा।
बर' सावथुन मुलुगनि मुंदांखा फावखुंगुर Thaklai Narzary बिथांखौ Kidney याव अन्थाइ जानायनि जाहोनाव Operation खालामनो थाखाय Rangia नि Swasti देहा फाहामसालियाव बिथांखौ थिस'नाय जाबाय । आसा खालामो बिथाङा थाबैनो मोजां जानानै फैफिनगोन।
मोन 5 बियाब नि उफ्रा बिसायखथि नि सम नि बाथ्रा। गिबि मन्थ्रि आ गोबां बिसायखथि फोसावदिं मेल आव बुंदोंमोन दि गांसो जाहोयोब्ला गायखेरखौ बारा होगोन होनना। बेरेखा नो गांसो जाहोयोब्ला गयखेर खम मोनगोन। बै समाव नो बेरेखा दोलो नि गाहाय देवब्रत सइकिया या अनलाईन नि गेजेरजों बिटिआर नि गाहाय आरो आसामनि बिजेपि नि गाहाय नो गांसो हरदोंमोन, गासै 4 केजि। बिथंमोननि सोरखारि न आव हरदोंमोन। थांनाय 5 नबेम्बर आव बिटिआऱ नि गाहाय आरो 6 नबेम्बर आव भबेश कलिटा नि न आव दिलिभार जाबाय होनना मिथिना मोनदों। लोगोसे बिथाङा गाव गांसे लाइजाम बो हरदोंमोन।
रायजो आव सोलोंथाय बेबस्था नि सायाव गिदिर थिरांथा। रायजो नि केबिनेट आ नेशनेल ईदुकेशन पलिसि खौ बाहायनायनि सायाव मोनसे गिदिर थिरांथा। 2023 मायथाइ नि 1 एप्रिल निफ्राय रायजो नि फरायनायखौ सोलायगोन, एनईपि नि बायदि जासिगोन। 5+3+3+4 बायदि जासिगोन, रानना होजोबसिगोन थाखो खौ। बेखौ आसामनि गिबि मन्थ्रि आ फोसावनानै होदों। 15 बोसोरनि जासिगोन दानिया। लोगोसे सेबा आरो एहसेक खौ बो लोगोसे खालामनायनि थिरांथा रायजो सोरखआर नि।
रायजो नि सोरखारि मावथि फोरनि थाखाय उफ्रा सुटि होनाय जागोन। मैया बङायगांव आव जानाय सोरखारनि केबिनेट ,नि जथुम आव थिरांथा लानायनि उनाव फोसावनानै होयो। फैगो 6 आरो 7 जानुवारि आव आसानि रायजोनि मावथि फोरा उफ्रा सुटि मोनगोन। लोगोसे 8 आरो 9 जानुवारि आ सनिबार आरो रबिबार जानाय आव सोरखारि मावथि आ सान 4 बन्ध मोनगोन। नाथाय बेयाव मोनसे चर्ट दं। बे शुटि खौ बैसो गोरा फोरनि फारसे सोरखार नि बिबान थानायखौ दिन्थिदों। जाय ,सोरखारि मावथि फोरनि बिमा बिफा,, बिहाव बिखुनजो दं बिसोरजों सम खौ थिनहरनो थाखाय सो होनाय जादों सुटि खौ। बिमा बिफा,, बिहाव बिखुनजो गैयि, सम थांहोनो गोसो गैयि फोरा बेखौ मोननाय नङा। 4थि ग्रेद निफ्राय लानानै मन्थ्रि, एपिएस, एसिएस अफिसारफोरा बो मोनगोन बे शुटि खौ।
एपिएससि होगोन होनना साननायफोरनि थाखाय मोजां खौरां लाबोदों आसामनि गिबि मन्थ्रि आ।दानिया थानाय नङा जेबो रोखोमनि लेंगुवेज बेरियार। मोनथाम चर्ट आव बोखांना लाबाय ईंराजि आऱो असमिया पेपार। बे चर्ट फोरा जाबाय—आनजाद होग्रा या आसामनि थागिबि जानो नांगोन,, मुङा आसामनि एमप्लईमेन्त एक्सेन्ज आव रेजिस्तार जानो नांगोन आरो असमिया नङाब्ला आसामनि गुबुन गनायथि मोननाय राव मोजां रोंनाय जानो नांगोन। दानि समाव असमिया खौ रोंथारनांगौ मोन एपिएससि नि थाखाय, नाथाय गोबां ईंराजि बिजों आव फरायनायफोरा असमिया रोङा, बेनि अनगायैबो ईंराजि खौ नांथारगौ खालामनाय आव गोबां असमिया बिजोंङाव फरायनायफोरा ईंराजि रोङा जाना होयो। बेखायनो बे थिरांथा खौ लायो।
आसाम सोरखार आ युथ कमिशन दागोन होनना बो बुङो, जायनि गेजेरजों हादरनि, रायजो नि गुबुन गुबुन बिफआन नि सोरखारि साख्रि खौ मोनो। बेनि थाखाय मोनप्रोमबो जिला निफ्राय ,सा 100 नो ट्रेइनिं होगोन। मैया केबिनेट आव आसाम पुलिस नि कामान्दो बेटेलियान नि साख्रि थिसननायनि पलिसि दिहुननायनि गनायथि होबाय। थिसननायनि नेम आरो देहायारि आनजाद आ गोरा जागोन, जाबायदि रेगुलार जवान नि आ जायोमोन, बेनिख्रुय गोरासिन जानो हागौ। बेखायनो दनिफ्रायनो थियारि जा। गोरलैयैनो हागोन होनना सानन लानो नाङा।
पाइपलाइन आव रां। 40 लाख रां मोनदों। सासे ईन्जिनियार नि ननिफ्राय ओंखारबाय 40 लाख रं आरो सना नि गहना। रां नागिरना मोनदों ननि पाइप आव बो। बे जाथाय आ कर्नाटक नि। एन्टि करापशन बिउरो आ सासे ईन्जिनियार नि न आव नागिरनाय आवबेफोरखौ मोनदों। अफिसार आ बुंनाय बादिब्ला आरो मोननै लकार खौ खुलिनो दंबावो सो। कर्नातक नि कालबुर्गि जिला नि बे जाख्लग्रा ईन्जिनियार नि न नि पाइप आरो सिलिं आव एरसोखोमाना दोननाय रां खौ बोखांनो प्लाम्बार लाबोनो गोनां जालायदों। ईजिनियर नि मुङा शान्ता गौरा। 500 रां नि नट दिहुनबाय थानायखौ नुनो मोनदों। कर्नाटक थिगादार आफाद नि अजद आव नो बेखौ खालामनाय जादोंमोन, गोबांनिआवनो खालामदोंमोनब्लाबो बेबायदि रां दोनखुमानाय नुवाखैमोन, सोमोनांहोदों एन्टि करापशन बिउरो नि अफिसारफोरखौ।
मुकेश आम्बानि खौ बारनानै एसिया नि धोनिसिन सुबुं जानो हादों गौतम आदानि आ। आदानि ग्रुप नि गाहाय गौतम आदानि आ रिलायेन्स ईन्दास्त्रिज लिमिटेद नि गाहाय मुकेश आम्बानि खौ फेजेननो हादों। खौरां मोननाय बादिब्ला 2020 मायथाइनिफ्राय गौटम आदानि नि गासै सम्पति आ बारा जालांगासिनो दं गोबां बिबांनि। 2020 नि मार्च आ सम्पति आ 4.91 बिलियन आमेरिकान दलार मोन, नाथाय बेयो 20 दान नि उनाव 90 बिलियनफ्राम आमेरिकान दलार जाबाय। ब्लुमबार्ग बिलियनार्स ईन्देक्स आ 23 नबेम्बर आव थाबैनो बेबायदि सोलायनाय फैनो हागौ होनना बुंदोंमोन, मानोना बै समाव आदानि नि आ 88.8 आरो मुकेश नि आ 91 मोन, नाथाय 24 नबेम्बर आव मुकेश नि आ 1.77 जौखोन्दो खम जायो आरो आदानि नि आ बारा जायो। बेबायदि गिबि नम्बर आव थांनो हादों। बेयो सोलायबाय थायो, दसेआवनो बारा जानो हागौ दसेआवनो खम जानो हागौ।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon