29 November morning news

गोजोन्थाव खौरां. नेपाल नि काथमान्दु आव जानाय साउथ एसियान फेदारेशन अफ अल स्पर्त्स आव सना नि मेडेल देरहानो हादों बर फिसा रमेन बर आ। बिथाङा वुसु गेलेनाय व देरहानो हायो। खौरां मोननाय बादिब्ला बिथाङा कटन बुहुमफरायसालि निफ्राय पास जादोंमोन आरो दायो बेयावनो बिथाङा बेनि फरायसाफोरनो मार्सियेल आर्त नि ट्रेइनिं होयो।

 आरो मोनसे गेलेनाय बदायलायनायाव बर सासे आ देरहानो हाबावदों। गवा याव जानाय WAKO India kick boxing championship आव सना नि मेडेल मोननो हादों दानसोरां नार्जारि आ। बाक्सा जिला नि गरेश्वर नि एनआरदिएस कलेज नि फरायसा या 3 नं बालाबारि नि थागिबि। बिथाङा आसामनि जानानै गेलेनाय बादायलायनाय आव बाहागो लादोंमोन। बिथंनि बिमा आरो बिफा नि मुङा फारियै सम्पा नार्जारि आरो राजेन नार्जारि।

    आसामनि गिबि मन्थ्रि आ बेखेवबाय माइक्रफाइनेन्स नि रेहाय स्किम खौ। मैय आसामनि गिबि मन्थ्रि आ तेजपुर कलेजियेत गोजौ फरायसालि नि गेलेग्रा फोथार आव बेखौ बेखेवो। मैया जागायनाय बादियै सा 5 नो चेक खौ राननानै होयो। गुबुनफोरनो बो राननानै होगोन। रायजो नि गासै 24 लाख लोन लनाय आयजो फोरनो होगोन, बेनिनो शनितपुर नि 59468 आयजो आ 16 रोजा निफ्राय 25 रोजा रां सिम रां मोनगोन। बिथाङा बुंदों रायजो सोरखार आ जाय समायफोरखौ लादोंमोन बेफोर गासैखौबो मावफुंगोन 6 दान नि गेजेराव। बेबायदि सुबिदा मोननाय आ सोरखारनि थाखाय मोनसे सन्मान। सोरखार नि बेबायदि खालामनाय आ दुखु आव थानय गोरिब सुबुंफोरा बेनिफ्राय बारगयो आरो गवनि खामानि आव गोसो होनानै आवगायलांनो हायो। गिबि खोलोब आव 11 लाख नो होग्रोगोन रां खौ।

    कक्राझार नि बडफा हाउस आव मिरु एबसु नि खौरां मेल। राव नि बाथ्रा दान्थेलायनाय नि सोमोन्दै बुङो। आफादगिरि दिपेन बर आ बुंदों बर बिजों नि फरायसाफोरखौ बन्सित खालामदों। आसाम सोरखार नि 4 लेंगुवेज पलिसि नि सोलाय 3 लेंगुवेज पलिसि खौ बाहायनायनो खावलायदों। आसाम पुलिस, टेट, निपुन भारत बायदिफोरव बर बिजों नि फराय,सा फोरखौ नेवसिदों होनना बुङो। एपिएससि नि कुवालिफायिं पेपार खौ लाखिनो खावलायो लोगोसे एसटि नि नंखाय फोरमान बिलाय लानानै मुं थिसननायनि बेरेखा बेबस्था लानो बो खावलायदों।

     कक्राझार आव एनकाउन्टार खालामजानाय सानै बर सुबुंनो 1 लाख रां होदों होनना बुंदों सोरखार निफ्राय, नाथाय सोरखार आ होआखै, दोलो निफ्राय सो होदों, बेखौनो हाउस आव बुंना लादों सोरखार आ होदों होनना, नाथाय बेयो नंखाय। लोगोसे सोरखारि साख्रि होगोन होनना बुंदोंमोन, नाथय होआखै। खनसेयावनो सासे कनट्रेक्टार नो 92 टा वर्क अर्दार होदों, बेयो माबोरै जाखो। बाजेत आव 100 रां नि 50 आ नो साप्लाई, 50 ल 40 बिफान आव खआमानि जादों। पावार फांसन आव सेस खालामबाय। प्रमद बर नि सोरखार आ परिबर्तन नि सोरखार, नाथाय परिबर्तन होनना बुंदोंब्लाबो जेबो सोलायनो हायाखै। थांनाय एसेम्ब्लि आव नो बिपिएफ नि एमसिएलए नि सोंनायनि मोजां फिननाय होनो हायाखै।

    दिसेम्बर दान नि गेजेराव फोसावगोन टेट आनजाद नि फिथाय खौ। रावबो सुबुङा नो गुबुनजों थगयजानो नाङा, रां लानानै रावबो उथ्रिहोनो हाया। बेखौ बुंदों मन्थ्रि डां रनुज पेगु आ।

      नोंथाङा लानाय बरप्लास, नबरत्न थाव आ मोजां एबा थार नंगौना। सनिबार खालि नंखाय बरप्लास आरो नबरत्न थाव बानायनायखौ हमदों आसा आव नो। नलबारि पुलिस आ बोखांनो हादों। बे नगिरनाय आव पुलिस फोर 3000 सो नंखय बरप्लास मोनदों बेनि बेसेन आ 1.2 लाख सो जागोन। नलबारि पुलिस आ ट्विटार नि गेजेरजों बेखौ होदों बिथांमोना। पुलिस आ हमदों सासे सुबुं, बिनि मुङा कहिनुर आलि। बियो बाहेरनिफ्राय लाबोनानै गावनो गासैखौबो सोलायजोबो गोसो बादियै।

    एयारटेल भदाफन नि उनाव दायो जिअ आव बो रिसार्ज नि बेसेन खौ बारायदों। 1 दिसेम्बर निफ्राय बारा जागोन होनना खौरां मोनदों। 75 रां नि बेसेनखौ 91 रां खालामनय जागोन। एयारटेल आरो भदाफन  20-25 जौखोन्दो रां बारायबाय। 149 नि आ 179,, 199 नि आ 239,, 249 नि आ 299, 399 नि आ 479,, 444 नि आ 533. 51 रां नि आ 61,, 101 नि आ 121,, 251 आ 301 रां जागोन

    भारत आरो निउजिलेन्द नि गेजेराव जानाय टेष्ट गेलेनाय बादायलायनायाव भारत आ निउजिलेन्द नो 284 रान नि टार्गेट होदों। गिबि ईनिंस आव भारत आ 354, निउजिलेन्द आ 296 आरो भारत आ नैथि ईनिंस आव 234 रान बुनानै दिक्लार खालामो, नैथि ईनिंस आव निउजिलेन्द मैया 4 रान आव सासे विकेट थांदों। दिनै निउजिलेन्द नो 280 रान नांगौ देरहानो। दिनै जोबथा सान। भारत आ 90 अभार नि गेजेराव भारत आ सा 9 विकेट लानो हायोब्ला देरहागोन। नैथि ईनिंस आव श्रेयाश आयार आ हाफ सेन्सुरि बुयो,, बेनि सिगां गिबि ईनिंस आव चेन्सुरि बुदोंमोन,, बेबायदि खालामनो हानाय बिथाङा नो गिबिसिन भारत नि गेलेगिरि जानो हादों।

    आईएसएल आव मैया बांगालुरु आ केरला ब्लासतार्स नि बेरेखा द्र गेलेयो। 1-1 गल। बांगालुरु आ 84 मिनिट आव गल होनो हादोंमोन, केरला या बांगालर नि गावनो सोन लानाय गल नि थाखाय गलसे मोनो आरो द्र जायो। दिनै नर्थ ईस्त आ चेन्नाई नि बेरेखा गेलेगोन।

• Tweet
• Share
• Share
• Share
• Share

About Mridul

bodoinfo.com provides informations regarding State Government, Central Government and Private sector jobs for the aspirants of assam.

Related Post