हायार सेकन्दारि गिबि बोसोरनि आनजाद नि
गोदान रुटिन खौ एहसेक आ दिहुनना होबाय। 18 मे निफ्राय जानो गोनां आनजाद आ दायो 6
जुन निफ्राय जासिगोन, 6 जुन निफ्राय 8 जुन सिम जागोन थाबावनाय आयदा नि आनजाद आ।
नोंथांमोना रुटिन खौ नायना ला। मैया गोबाङानो 27 मे निफ्राय
नो जाबाय होनना बुंदोंमोन. नाथाय मैया नि सान आव नो बे रुटिन खौ दिहुनना होदों।
मैया गिबि बोसोरनि आनजाद जागोन होनना बुंनायफोरा आनजाद आ जादों ना जायासै हायोब्ला
कमेन्ट आव लिरना हर।
नबजित नो भट होनायनि सम आ फैलायबाय।
दिनैनिफ्राय भट होनो हागोन, दिनै हर नि 9 बाजि निफ्राय भट होनाय आ जागोन, आरो बेयो
सम्बार नि फुंनि 9 बाजि सिम थागोन। मिसकल ल सो हरनो नांगौ, 9152915246 नम्बर आव
मिस कल हरनांगौ, गोसोआव लाखि, कल खालामनाय समाव रिं जायोब्ला सो नोंथांनि भट होनाय
आ जागोन, रिं जायाखैब्ला, हारसिंनो दानजालांदोब्ला फिन खनसेबाव कल खालामफिनोब्लानो
जाबाय। बे खनसे नि टार्गेत आ नबजित नार्जारि खौ टप 8 आव मोनहैहोनाय। जै बर हारि
नि।
एबसु आरो
ट्राइबेल संघ जथायै दिमा हासावआव नायगिदिं हैदों, साननैसो सिगां
गोब्राब अखा हानायनि जाउनाव दिमा हासावनि हाफ्लं आरो माइबंआव मिथिंगाया गोबां खहा खालामदोंमोन
। बेखौनो दिनै
एबसु आरो ट्राइबेल संघ जथायै खहा जानाय ओनसोल आरो रिलिफआव थानाय सुबुंफोरखौ
नाइगिदिं हैनानै इसे इसे हानायसिबां नखरफोरनो अनसुंथायै हैयो । बे
हाबाफारियाव मिरु एबसुनिफ्राइ फारियै गाहाइ नेहाथारि मुस्रि खनिन्द्र बसुमतारी, सोलोंथाइ
नेहाथारि मुस्रि सोमावसार बसुमतारी आरो सुबुं फोनांजाब नेहाथारि मुस्रि अबित
नार्जारीया बाहागो लायो । लोगोसे
ट्राइबेल संघनिफ्राइ गाहाइ नेहाथारि आदित्य खाख्लारी, नेहाथारि
धिरेन इंटि, अरगेनाइजिं
सेक्रेटारि उमानन्द खाख्लारी आरो अल आसाम ट्राइबेल इयुट लिगनि आफादगिरि रिमल
आमसिआबो बाहागो लायो । बे
नायगिदिंहैनाय आरो रिलिप केमफोराव मुवा राननानै होनायखौ आबुङै हेफाजाब होयो डिमासा
स्टुडेन्ट इउनियन (DSU) आ ।
रां होनानै सो ईउपिपिएल दोलो आव मानसि
सोदोंनामा। मैया कक्लाबारि बियाब नि सिङाव थानाय रान्धनिपारा गामि नि सुबुंफोरा
खौरांमेलनि गेजेरजों 1000 रां आरो बिहु फालि होनानै दोलो आव मिथियालासैनो सोदों
होनना गिदिर अजद होदों। बिसायखति फोसावदिं मेल खुंनो फैनाय आव बिपिएफ नि सानै आयजो
खौ लिंहरनानै ईउपिपिएल आव हाबबाय होनना बरायो आरो 1000-1000 रां होदों होनना बुंदों।
नाथाय आयजोफोरा ईउपिपिएल दोलो आव हाबाखैमोन, दखान आव थांबाय थानाय समाव ईउपिपिएल
नि फोसावदिं मेल सोलिबाय थानाय आव समाव गामि नि सुबुं लोगो मोननानै मेल खोनासंनो
होदोंमोन, बेयावनो खोनासंनाय आव मा खहा जागोन सानना थांदोंमोन मेल आव, नाथाय
थांनाय आव नो बिहु फालि आरो ईउपिपिएल नि सावगारि थानाय फालि होदों होनना आजद होदों
सानै आयजो आ। बे फोसावदिं मेल आव ईउपिपिएल नि दैदेनगिरि बिना गयारि आरो मन्तु बर
बिथांमोना बाहागो लादोंमोन।
हाग्रामा या सासे गादि लुबैसुला सुबु,
बुंदों बिटिसि नि गाहाय प्रमद बर आ। हाग्रामा नि बाथ्रा या जाबाय जेब्ला गावनि आ
मोजां अब्ला गासैबोआनो मोजां, गावनि आ गाज्रि ब्ला गासैबो मोजां, कंग्रेस जों
थानाय समाव कंग्रेस आ मोजांमोन, बिजेपि आ गाज्रिमोन, जेब्ला बिजेपि जों थादोंमोन
अब्ला बिजेपि आ मोजां जाबाय, कंग्रेस आ गाज्रि, ईउपिपिएल आ गाज्रि जाबाय, दायो फिन
बिजेपि खौ बुंनानै बिजेपि आव नो थांनो नागिरदों होनना बुंदों बिथाङा। जोंनि थाखाय
राजखान्थि एसेबां गिदिर नङा दि बे नङाब्ला थांना थानो हालाया, बोलो लुबैसुला या
बिसो, बिनिबायदि खनसे गराय आव गाखोगोन, मैदेर आव गाखोनाय़, नाउ आव गाखोनाय बायदि
नङा जों, जों मोनसे थांखि लानानै खामानि मावनो फैदों, खामानि खौ मावबाय थागोन
होनना बुंदों, बिटिसि आव शांति फैयाखैमोन, दायो शांति खौ लाबोनो हाबाय होनना
बुंदों, दानि खालार आव आंनो हाग्रामा नि गोनांथि गैया, हाग्रामा नो सो आंनि
गोनांथि जादों होनना बुङो। हाग्रामा आरो जों माब्लाबाबो लोगो जानानै खामानि मावा
होनना रोखा खालामना होखादों।
मोनसे गिथावना जाथाय। लादाख आव जादों
मोनसे दुखुनांथाव जाथाय। लादाख नि टुरटक सेक्टर आव मोनसे लामा नि जाब्रबथाय जानाय
आव भारत नि आरमि नि सा 7 जवान नि जिउ गोमादों होनना मिथिना मोनदों। निउज एजेन्सि
एएनआई आ बुंनाय बादिब्ला बे जाथाय आव गोबां ईन्दियान आरमि नि जवानफोरा जोखोमबो
जादों होनना मिथिना मोनदों, जोखोम जानायफोरखौ देहाफाहामसालि आव लाना थाङो, बांसिन
देहा गाज्रि जानाय जवानफोरखौ अक्रां लामा नि गेजेरजों लाना थाङो होनना खौरां
मोनदों। लामा निफ्राय 50-60 फुट सो सिङाव गोग्लैदों आरमि गारि आ, सा 26 जवानफोरखौ
लाना थांदोंमोन फुंनि 9 बाजि सो आव, थईसा जायगा खौ मोननाय नि 25 किमि सो सिगाङावनो
50-60 सो किमि गाहायाव गोग्लैयो।
सांग्रां जा, रायजो आव हिनजावसा
फालांगिरि नि गिदिर जे, दिल्लि आव लांनो थियारि जानाय समाव नो पुलिसफोरजों हमजादों
सानै सेंग्रा या। बरपेतारोद रेल स्तेशन आव नर्थईस्तएक्सप्रेस आव सानै सेंग्रा या
सासे हिनजावसा खौ दिल्लि आव लांनो नागिरनाय समाव नो बरपेटारोद रेलवे पुलिस आ सानै
सेंग्रा खौ हमनो हायो। हिनजावसा या उदालगुरि जिला नि आरो सानै सेंग्रा या बाक्सा जिला
नि बाहबारि नि होनना मिथिना मोनदों। हिनजावसा नो खामानि होगोन होनना थगायनानै
दिल्लि आव थगायना लांनो नागिरदोंमोन। मैया नि जाथायखौ गोख्रो राव जों निन्दा
खालामदों बरपेता जिला नि शिवसेना नि बारग आफादगिरि देबब्रत सिनहा या। गुबुनफारसे
दानि सोलिबाय थानाय हिनजावसा फाननाय एबा फालांगिरि नि दोलो जों सोमोन्दो थानायनि
सन्देह खालामदों पुलिसफोरा, गोग्लैसोना थानाय ओनसोलफोराव बेबायदि जाथाय आ जानायखाय
गासैखौबो सांग्रां जाना थानो खावलायदों पुलिसफोरा।
सिखाव ना ईउतिउबार, ब्लग बानायनानै
लुथिना लांबाय बेसेवगोसा मुवा बेसाद। सासे सिखाव नि महर आव ईउटुबार, नाथाय सान आ
गाज्रि मोन बिनि आ, हमजाबाय पुलिस जों। मुम्बाई पुलिस आ हमदों सासे सुबुं खौ। धोनि
नखर नि सुबुंनि न आव सिखाव खालामदोंमोन। पुलिसफोरा बुंनाय बादिब्ला सिखाव महर नि
ईउटुबार आ मुम्बाई, नबि मुम्बाई आरो थाने जिला नि न फोरखौ थांखिना लादोंमोन। अजद
नि बादिब्ला हमजानाय सुबुं नि मुङा 30 बोसोर बैसो नि अभिमन्यु गुप्ता। ससियेल
मिदिया याव एक्टिभ मोन, ईउटिउब आरो फेसबुक आव गोबां फलवार्स बो दंमोन। अभिमन्यु
निफ्राय पुलिसपोरा 14 टा मबाईल फन, गोबौ हाथियार नंखाय गहना गुबुन हादोरनि खावरि
बायदिफोर मोनदों होनना मिथिना मोनदों।
लक्षिपुर नि बिजेपि नि एमएलए नि बेरेका
गिदिर अजद होदों सा 30 एसिएस अफिसारफोरा। एमएलए कौशिक राय नि बेरेखा बेबस्था लानो
खावलायदों, मन्थ्रि अशोक सिंघाल नि नुजाथिनाय आव सा 3 एसिएस अफिसार खौ गाज्रि आखु
दिन्थिनायनि थाखाय नो बेबस्था लानो खावलायदों, रायजो नि सिफ तेक्रेटारि जिश्नु
बरुवा नो लाईजाम हरदों, दैबाना नि केम्प खौ नायदिंनाय समाव नो सा 3 एसिएस अफिसार
फोरखौ गाज्रि आखु दिन्थिदोंमोन होनना बुंदों, बेयावनो काछार जिला नि अफिसारपोरा
गाज्रि मोननायखौ फोरमायो, सोरखारि अशिरफोरखौ मायरं सिखाव होनना बुंदों होनना अजद
होदों आरो लोगोसे सासे खौ गाज्रि राव जों बुंदों होनना बो बेयाव फोरमायदों।
नगांव नि कामपुर आरो रहा याव
दुखुनांथाव जाथाय। बारा जानाय दै आ सानै उन्दै गथ आरो सासे हिनजावसा नि जिउ
गोमादों। गोबां जायगा यावनो थासारि आ मोजां जादोंब्लाबो बे दाबनै जायगा याव दै आ
आबुङै खम जायाखै। कामपुर आव सुक्रबार खालि सानै नि जिउ गोमादों, कथुवा सानखोला याव
जादों जाथाय आ, एखे गामि नि नो सानै गथ नि जिउ गोमादों, लोगोसे नो गेलेबाय थआनाय
समावनो जिउ गोमायो, कामपुर आव दैबाना नि थाखाय जिउ गोमानाय सुबुंफोरनि अनजिमा या
सा 10 सिम मोनहैबाय। गुबुनफारसे रहा याव बो मागुरगांव आव बारा जानाय दै आव नाउ
निफ्राय गोग्लैनानै सासे उन्दै हिनजावसा गथ नि जिउ गोमादों, खाथि निफ्राय लोंनाय
दै लायनो नाउ जों थांनाय सामाव नो जायो जाथाय आ। ओनसोलनाङैनो दुखु मोनहोदों बे
मोननै जाथाय आ।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon