भारत आव थाबैनो 5 जि फैगासिनो। मैया
गिबि टेष्ट खौ खालामना नायो, मिरु सोरखार नि मन्थ्रि अश्विनि बैश्नब आ आईआईटि
माद्रास आव भारत नि गिबि अदिअ आरो भिदिअ कल खौ मोजांयै मोजां टेष्ट खालामना नायनो
हायो। बे गासै नेटवर्क खौ भारत आव नो दिजाईन खालामनानै बानायनाय जादों। मखजाथावदि
फैगो सप्ता याव टेलिकमिउनिकेशन बिफान आ 5 जि स्पेकट्राम निलाम नि प्रस्ताबखौ मिरु
केबिनेट आव जोबथा गनायथि नि थाखाय हरनायनि सम्भावना दं।
बिटिसि नि दानि गाहाय प्रमद बर आरो बारग गाहाय हाग्रामा महिलारि बिथांमोना लोगोसे जागोन नामा, बिटिसि कनट्रेक्टर्स एशसियेशननि सेक्रेतारि बिक्रम दैमारि बिथाङा मैया बुंदों थांनाय 10 एप्रिल आव गोदान दिल्लि आव हाग्रामा आरो प्रमद बर बिथांमोना लोगो हमलायदोंमोन होनना बुंदों, गोदान दिल्लि नि एरशिति नि रशेत हाउस हतेल आव लोगो हमदोंमोन होनना बुंदों, मानगोनां प्रमद बर बिथाङा मोनसे मोजां खोथा बुंदों होनना बो फोरमायो, बिथाङा बुंदों नो जों जुदि सोरखार खौ खालामोब्ला गावजोंगाव नो खालामनो नांगोन, जुदि जों मोनसे जानानै सोरखार खौ खालामनो हायाब्ला बिसोर जोंखौ फोजोबसिगोन होननानै बुंदों होनना फोरमायो, प्रमद बर बिथाङा थारैनो बेबायदि सानमारदोंब्ला रायजोफोरा बेखौ गनायना लागोन होनना बिक्रम दैमारि बिथाङा बुंदों। बिथाङा लोगोसे दिल्लि आव रायलायनाय आ रायलायनाय ल जायालासै मोगथां महर मोनोब्ला मोजां जागोन, नाथाय दायो रावबो गाहाय दैदेनगिरि आ नो बुंनो हाया जेरै हाग्रामा महिलारि बिथाङा गावनि एमसिएलए बिथांमोनखौ ईउपिपिएल जों थांनानै सोरखार दा होनना आरो प्रमद बर बिथाङा बो गावनि एमसिएलए बिथांमोनखौ हाग्रामा जों थांनानै सोरखार दा होनना थोंजोङै बुंनो हाया, नाथाय जायफोरा एमसिएलए बिथांमोना गासैखौबो मिथिगासिनो दं सोरजों थायोब्ला सोरखार दायोब्ला खामानि मावनो हागोन, गुबुन गुबुन जेंनाफोरखौ नुनानै मिथिनानै साननानै ज जानानै सोरखार दायोब्ला रायजोआ बेखौनो गनायना लागोन। बिथाङा लोगोसे गुवाहाति आव होखारजानाय बर फोरनि बिबान खौ सोर लागोन होनना सोंदों, दैज्ला बोथोर आव तिरपाल सिं आव थानांदों होनना बो सोंबावो।
गुबुनफारसे
मैया प्रमद बर बिथाङा खौरांगिरिफोरनि सिगाङाव बिपिएफ नि सोरखार दागोन होनना बुंनाय
आ नंखाय होनना रोखा खालामना होदों, सासेबो एमसिएलए, ई एम आ बिपिएफ आव थांनो खौरां
लायाखै, बिसोर नंखाय खौरां फोसावगासिनो होनना बुंदों।
थांनाय 13 मे, 2022 अक्ट'आव गुवाहाटी नोगोरमानि VIP Road साखाथियाव थानाय चचल ओनसोलनि चिलसाकु बिलआव न' लुनानै अरायथायै रायजो जानाय सुबुंफोरखौ दिसपुर रिभिनिउ सार्कल, गुवाहाटी नोगोरमायारि जौगाखां खुंथाय आफाद आरो कामरुप जिला खुंथाय आफादनि जथाय बान्जायनायाव न' बां सिफायनानै होखार हरनाय दुखुनांथाव जाथायखौ दिनै 20 मे 2022 खालाराव गुवाहाटी जिल्ला दुलाराय बर' फरायसा आफाद, गुवाहाटी जिल्ला अल आसाम ट्राइबेल संघ, गुवाहाटी जिल्ला मिसिं मेमाख, गुवाहाटी जिल्ला टामाख मिसिं परिन खेबां आरो अल आसाम ट्राइबेल इयुट लिग जथायै 2 घन्टा खुद्रिनाय दिन्थिफुंनाय हाबाफारि लानाय जायो। हाबाफारियाव बाहागो लानानै दुलाराय बर' फरायसा आफादनि लोगो गाहाइ नेहाथारि मुस्री दिनेश ब्रह्म बिथाङा जाथायनि सायाव गोथौ दुखु फोरमायो आरो बे दुखुनांथाव जाथायनि सायाव आसाम सोरखारखौ थाबैनो राहा लामा दिहुना होनो थाखाय एबसुनि लोगो गाहाइ नेहाथारि बिथाङा गावनि बिबुंथिआव बुङो। दुखुथिया न' बां सिमफायनानै होखारजानाय नखरफोरनि धोन सम्पथि सेव हांगार खालामजानाय मोनफ्रोमबो नखरफोरनो आसाम सरकारआ थाबैनो न'-बां लुना होनायजों लोगोसे नांगौ रोखोमनि राङारि अनसुंथाइ होनांगौ होन्नानैबो दाबि दैखाङो। मख'नो गोनांदि गुवाहाटी नोगोरमायारि जौगाखां खुंथाय आफादा (GMDA) Water Bodies Preservation and Conservation Act 2008 नि जोहै बे ओनसोलाव आइन बेरेखायै न'- बां लुनाया आइननि नोजोराव दायनिगिरि जागोन होन्नानै रोखा खालामनानै होखानाय दं आरो 2014 माइथायावनो GMDA आ बे ओनसोलाव आइन बेरेखायै रायजो जानाय जायखि जाया सुबुंखौ होखारनाय जागोन होन्नानैबो फोसावनाय जाखादोंमोन होन्नानै बुंथिनाय दं नाथाय आयेन बानायनाय समाव बै जायगायाव थानाय सुबुंफोरजों जेबो सावरायनाय आरो मोनथिहोयालासे आयेन बानायदों होन्नानै थागिबि सुबुंफोरा अजद दैखांदों मानोना बै जायगायाव थानाय सुबुंफोरा 2000 मायथायनिफ्राय रायजो जाबोदों होन्नानै दाथियै बुङो। बिनिखाइनो दुलाराय बर' फरायसा आफादआ इबिकचन खालामनायनि सिगां जेबो फोसावलाइ होयै आरो इनायै न'-बांखौ सिफायनानै होनायखौ गोथौ दुखु मोन्नाय फोरमायनायजों लोगोसे जे जायगा एबा हायाव दंमोन बेयावनो नङाब्ला गुवाहाटी नोगोरमानि साखाथि फाखाथि जायगायावनो थानो हानायनि थाखाय राहा खलामनो आसाम सरकारनि गिबि मन्थ्रि ड° हिमन्त बिश्व शर्मानिसिम गोसोखांलाइ गथायहरनाय जायो आरोबाव इयुन समफोराव ट्राइबेल सुबुंफोरखौ इभिकशन खालामनायनिफ्राय गोजानाव थानो थाखाय आसाम सरकार आरो लोब्बा थानाय अफिसारफोरखौ गोख्रोंङै सोंखारिनाय जायो। हाबाफारियाव मिरु एबसुनिफ्राइ फारियै बाहागो लायो सुबुं फोनांजाब नेहाथारि मुस्री बिरखां नार्जारी आरो थुनलाइयारि नेहाथारि मुस्री समित नार्जारीमोनजों लोगोसे गोबां जिल्ला एबसुनि बिबानगिरिफोरा बाहागो लायो।
आसाम पुलिस नि द्राग्स नि बेरेखा अपारेशन खालामबाय थानायनि उनाव बो रायजो आव द्राग्स नि फालांगि आ सोलिगासिनो दं, सानफ्रोमबो गोदान गोदान आईदिया बाहायनानै खालामबाय थायो, बेबायदि नो हमजाबायबो थायो, खौरां मोननाय बादिब्ला गोबां बिबां नि द्राग्स जों लोगोसे सासे बर आयजो खौ हमदों, राङापारा पुलिस थाना नि सिंनि खेरनिबस्ति नि थागिबि दिपालि बसुमतारि खौ हमदों, बिनिफ्राय 4 केजि 814 ग्राम गान्जा मोनदों, आयेन बेरेखा यै बाजार आव गान्जा फानबोनाय आयजो खौ पुलिसफोरा नागिरनानै नो हमो आरो थाना याव लाना थाङो, पुलिसफोरा सोंगासिनो दं होनना मिथिना मोनदों।
22 जुन निफ्राय 26 जुन सिम निलासल आव जागोन महा अम्बुबासि मेला। कामाख्या धाम आव दायो बेखौ लानानै रंजा खुसि, 22 जुन नि मोनाबिलि नि 8 बाजि 18 निफ्राय कामाख्या नि दरजा या बन्ध जागोन, 23, 24 आरो 25 जुन सिम बन्ध थागोन दरजा या, 26 जुन नि फुङाव सो भक्टफोरनि थाखाय खुला थागोन मन्दिर आ। मखजाथावदि कभिद नि थाखाय थांनाय 2 बोसोर अम्बुबासि मेला या जायाखैमोन, दायो कभिद आ गैलियाखौनो बुंजायो, बेनि थाखाय नो बेखौ खुंनायनि थिरांथा लादों।
आसाम पुलिस आ सम्बारखालि गवालपारा जिला नि सासे गाहाय फोरोंगिरिजो खौ हमदों, फरायसालि आव मोसौ बेदर लाबोनायनि अजद आव एरेस्त खालामो। 56 बोसोर बैसो नि फोरोंगिरिजो नि बेरेखा भारत नि धोरोम, हारि जोनोम जायगा थानाय जायगा याव गुबुन जों नांलायहोनाय आरो लोगोसे मिथिखानानैनो जायखिजाया थाको नि धोरोम एबा धोरोम फोथायनायखौ अपमान खालामनाय आयेन नि अजद आव गसर थिसननाय जादोंमोन, मिथिना मोननाय बादिब्ला फोरोंगिरिजो नि मुङा दालिमा नेशा आरो बे जिला नि लक्षिपुर नि हुराकशुङि गेजेर फरायसालि नि गाहाय फोरोंगिरिजो, गोनोस्तब नि समाव मोसौ बेदर लाबोदोंमोन, बेलासि नि आदार जानाय समाव बिखौ बेदर खौ जानाय नुदोंमोन गुबन सासे फोरोंगिरि आ, लोगोसे उनाव फरायसालि सामलाय आफाद आ बुंदों बे फोरोंगिरिजो आ गुबुननोबो बेदर खौ जासिदोंमोन होनना, बे जाथाय आ गुबुन धोरोमनि गोसो आव दुखु मोनहोनाय जादों होनना बुङो। जाथायनि सायाव नायबिजिरनाय आ सोलिबाय।
घुस लानानै हमजाबाय लेबार बिफान नि सोरखारि मावथि सोनित दास आ, लेबार गनायथि बिलाय नि मुङाव रां लानानै नो हमजाबाय। गांसे गनायथि बिलाय दिहुननायनि मुङाव सोरखारि खरसा जायो 3200 रां, नाथाय अजद बादिब्ला शोनित कुमार दास आ गांसे गनायथि बिलाय नि थाखाय 7 रोजा रां लादोंमोन, बिनाय रां खौ होनो फैनानै सासे थिकादार आ गावनि मबाईल आव नो रेकर्द खालामना लादोंमोन रां लानायखौ, लोगो लोगो बिफान निफ्राय सासपेन्द खालामनाय जाबाय होनना मिथिनाय जादों।
आरो मोनसे घुस जानायनि जाथाय, जाख्लनाय
होबथाग्रा बिफान नि नायबिजिरनाय। ईरिगेशन बिफान नि सासे मावथि खौ हमदों, 50 रोजा
रां लानाय समावनो हमो आकबर आलि मुंनि सुबुं खौ, दुधनै सानजा बिफान आव दंमोन,
जाख्लनाय होबथाग्रा बिफान आ हमो, सासे थिकादार निफ्राय रां खौ लादोंमोन,
थिकादारनिफ्राय 5 लाख रां दाबि खालामदोंमोन, बेनिनो 50 रोजा रां खौ लानाय समावनो
हमो, लोगोसे गाहाय मददगिरि जगदिश राभा या बो हमजादों।
गुवाहाति आव मालिकखौ नो सिखा जों दाननानै बुथारो भारा थानाय सुबुं आ। जापरिगोगर बिक्रमपुर आव जादों गिथावना जाथाय आ, मालिक सत्यब्रत बरुवा खौ धरनिधर देका मुंनि सुबुं आ बुथारदों, दिसपुर थाना याव गावखौनो गथायो उनाव बियो। खौरां मोननाय बादिब्ला धरनिधर नि बिसि खौ बे मालिक आ गाज्रि आखु दिन्थिदोंमोन, गोबां साननिफ्रायनो गाज्रि ईंगित बो होगासिनोमोन होनना बुङो आरो बेबायदि बुथारनानै जेबो रोखोमनि दुखु मोनाखै होननाबो बुंबावो। दायो पुसिसफोरा हमनानै सोंगासिनो दं होनना मिथिना मोनदों।
गोबां बिबांनि नंखाय रां नि नोट जों मेघालय नि गारो पाहार नि सा 4 सुबुंफोरखौ मैया मंगलदै सदर पुलिस आ हमो, सा 4 सुबुंफोरखौ गारो पाहार नि फुलबारि नि साहेद आलि सेख, रबिउल हुसेईन, मनोवार हुसेईन आरो सहिदुल मन्दल होनना सिनायनाय जादों। पुलिसफोरा फोसावनाय बादिब्ला बिसोर गंसे सुईफ गारि जों गुवाहाति निफ्राय सनितपुर फारसे थांबाय थादोंमोन, बेयावनो लाखिथनानै नागिरनाय आव मोनो, नंखाय रां नि बान्दोल आरो गं 5 मबाईल फन मोनो, पुलिसफोरा दायो सोंगासिनो दं।
मैया गुवाहाति आव एबसु जों लोगोसे गुबुन बर हारि नि आफाद आरो ट्राईबेल आफादफोरा सोरखार नि बेरेखा बर नखरफोरखौ होखारनाय नि धर्ना होदों। दासिम खन 3 जाबाय बर फोरखौ बेबायदि होखारनाय आ, 2 घन्टा होस्रिखावनाय हाबाफारि लादोंमोन। बे हाबाफारि आव बाहागो लानानै बर एमएलए मन्थ्रि एमपि सासेबो नुजाथिफैयिखौ बो गोख्रों राव जों सोंखारिदोंआफादनि दैदेनगिरिफोरा। बिटिसि कनट्रेक्टर्स एशसियेशननि सेक्रेतारि बिक्रम दैमारि बिथाङा दिनै होखारजानाय बरफोरनि जायगा याव थांनानै दुखु जों गाबनानै सोरखार खौ मदद खालामनो खावलायदों। सासे उन्दै गथ खौ दिन्थिनानै आसामनि थाखाय मा दाय मावदों होनना सोङो। जों बर फोरा बेबायदिनो होखारजाबाय थागोन नामा, बर आव गिदिर गिदिर दैदेनगिरिफोर दं, नाथाय आगोलनिफ्रायनो बेबायदि नुबोगासिनो दं, जोंनि एमएलए मन्थ्रि फोरा माबाफोर दिसिसन लानो, मिदिया याव बुंनो हादों नामा, बेनि सुबुंफोरखौ सोर जाहोगोन बायदि बायदि सोङो। आसामनि गिबि मन्थ्रि खौ माबाफोर जोंनि थाखाय बेबस्था खालामना होगोन ना होनना सोंदों।
दैबाना या लांजोबबाय सिमां नि थालिर नि आबाद खौ, आबादारि नि गिदिर खहा। बिटिआऱ नि खौरां, तामुलपुर नि गरेस्वर नि सानजा देफेलि मौजा नि नाउकाता नि 1 नं जलथेंपारा गामि 20 बिघा सो थालिर नि आबाद नि खहा खालामदों, खौरां मोननाय बादिब्ला सा 5 सेंग्रा लोगो नांनानै बे आबाद खौ मावदोंमोन, गुवाहाति आव गोबां थालिर नि साप्लाई बो खालामबायमोन, गोबां लन लानानै बे आबाद खौ मावदोंमोन, 20 बिघा नि 7 बिघा खौ लाना थांबाय, 13 बिघा खौ दैबाना या फबजोबदों जायनि थाखाय थालिर बिफां फोरा नष्ट जालांनो हमदों, बेनि थाखाय नो गोबां टेनशन आव दं होनना फोरमायो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon