1 जुन निफ्राय
गारि नि ईन्सुरेन्स नि बेसेन आ बारा जागोन, सोरखार आ बारा खालामबाय थार्द पार्ति
नि मिनिमाम रेत खौ, दायो ईन्जिन बादियै बारा जागोन बेसेन आ, खौरां मोननाय बादिब्ला
थांनाय बुधबारनिफ्राय थार्द पार्ति नि मथर गारि नि ईन्सुर नि प्रिमियाम नि हार खौ
बारा खालामदों। हान्थामेला बिफान आ बुंदों थांनाय 2019-20 आव जोबथा बार
सोलायदोंमोन, कभिद नि समाव बेनि जेबो सोलायनाय जायाखैमोन। खौरां मोननाय बादिब्ला
1000 सिसि नि खम बोलो थानाय ईन्जिन नि थाखाय थार्द पार्ति प्रिमियाम 2094 रां थि
खालामनाय जादों, 1000 सिसि नि बारा नि ईन्जिन आव 3221 रां, 1500 सिसि नि बारा नि
आव 7897 रां खालामना होदों होनना खौरां मोनदों।
गोजोन्थाव खौरां। आरोबाव सासे बर नि गेलेनाय आव देरहासादनाय। गरेस्वर हालामनि सिंआव थानाय गपसार गामिनि बर' बिमानि फिसा, उसा रानि बसुमतारिया "24थि अल इनदिया वाद'काय केरेत सेमपियनसिप-2022" बादायलायनायाव देरहानानै सनानि मेदेल देरहानो हादों! बिथां बिनानाव उसा रानि बुसुमतारिनिसिम साबायखर बावहरनाय थाबाय आरो लोगोसेयावनो गसायनाव आरज गाब्बाय जाहाथे उनफोरावबो बिदिनो सनानि मेदेर देरहानो हायो।
बिपिएफ आ 100 कौटि रां जासिदोंमोन बिआर फेरेंगा नो बिपिएफ आव थांनो थाखाय। बिआर फेरेंगा उरफे रनजुत बसुमतारि बिथाङा बुंदों बबे बाथ्रा खौ लानानै फेरेंगा खौ लांनो, बिथांनि मानसिफोरा जि ईउपिपिएल आरो बिजेपि आव सो थांगासिनो बेखौनो हमथानो हायाखै होनना बुंदों, रावबो एमसिएलए आरो ईएम फोरा रावबो थाङा होनना बो बुङो। गुबुनफारसे हाग्रामा महिलारि बिथाङा मैया बिसायखथि फोसावदिं मेल आव बाहागो लानानै खौरांगिरिफोरनि सिगाङाव आंनि समाव एभिकशन जायाखैमोन होनना बुंदों, आंनि समाव सदियायाव मोनसे खालामनो नागिरदोंमोन, नाथाय आं हमथादोंमोन बेबायदिनो गुवाहाति नि खौ बो सोरखार आ हमथानांगौमोन होनना बुङो। गुबुनफारसे जों बानायनाय दालांफोराव नो हाग्रामा महिलारि मुर्दाबाद, एबसु लं लिभ, न बदलेन्द न रेस्त बायदि बायदिफोर बुंदोंमोन होनना बो बुङो।
गुबुनफारसे
बिजेपि खौ बिटिसि निप्राय होखारनो हाग्रामा खौ लोगो हमदों बुंनाय आ नंखाय, दिनैनि
समाव बिथांखौ लोगो हमनांगौ नि गोनांथि गैया, बिथाङा सो लोगो हमफैदों, लोगो हमनानै
मा मा बुंदों बेखौबो नांगौब्ला बुंनो हागोन होनना बुंदों बिटिसि नि गाहाय प्रमद बर
बिथाङा। आगोलनि समाव गोबां बुथारनाय, दुंहाव थासारि सोमजिदोंमोन, जों दायो मोजां
थासारि लाबोफिनबाय होनना बुंदों। दिनैनि समाव जेंना याव गोग्लैदों हाग्रामा या सो,
आं नङा गोबिन्द बसुमतारि बिथाङा बो हाग्रामा नि बुंनायखौ नंखाय होनना बुङो,
हाग्रामा या माब्लाबाबो सैथो बाथ्रा बुङा, सोरखार दानाय आव बिजेपि खौ जोगारनायनि
बाथ्रा या नो गैया, बिजेपि आ बो हाग्रामा खौ फोथाय आ होनना बो बुंबावदों बिथाङा।
बुहुमनि बयनिख्रुय गाहाय जिउ गोनां होवासा गथ महरै गिनिज बुक अफ वर्ल्द रेकर्द्स आव मुं खौ सोनो हादों नेपाल नि दर बाहादुर खापांगि मुंनि सुबुं आ। 2004 मायथाई आव जोनोम मोननाय 17 बोसोर बैसो नि सुबुं आ 2 फुट 4.8 ईन्सि एबा 73.43 सेन्तिमितार ल, 2022 नि 23 मार्च आव नेपाल नि काथमान्दु आव सुनायनि उनाव मुं खौ सोयो बिथांनि मुं खौ, मखजाथावदि नेपाल नि राजथानि सोहोर निफ्राय 130 फ्राम कि मि गोजान आव थानाय सिन्धुलि जिला नि नखरसे साधारन आबादारि नि नखर आव जोनोम मोननाय सुबुं आ सोरखारि फरायसालि आव सोलोंथाय लादोंमोन, बिथांनि बिदा या बुंनाय बादिब्ला 7 बोसोर बैसो सिम गासैबो थिगानो दंमोन, नाथाय बेनि उनाव जौथाय आ बारायनो गारबाय जायनि थाखाय बयनिख्रुय गाहायसिन हौवासा महरै मिथिजादों। आयजोपोरनि खौ नायोब्ला रेकर्द आ भारत नि आखाय आव दं, मुङा ज्योति आमगे, जौथाय आ 63 सेमि ल।
गुनोउस्तब एबा गुननि फोरबो फालिथायखौ गासै आसामाव नो गुबुन गुबुन जिल्लायाव फालिनायखौ नुनो मोनदों । गुन फोरबो फालिथाया गथफोरनि गुन आनजाद नायनाय आरो गुबै गुन होनायनि मोनसे फोरबो, जेराव गथ'फोरखौ गुबुन गुबुन गोरों गोरा गोजौ थाखोनि फरायनाय आरो फोरोंगिरि फोरनि गेजेरजों सरासनस्रा आनजाद नायनाय जायो । नाथाय आनजाद लानाय समावनो बर'नि सोंलु बिलायाव मैया गेदेर जेंना आरो सोंलु नुजाथिदों। गुन फोरबोनि बर' रावनि सोंलुनि बेलायाव गिदिर गोरोन्थि खालामनायखौ नुनो मोनदों। थाखो 1 निफ्राय थाखो 5 फरायसा फोरनि आनजादनि बर'नि सोंलुआ गोरोन्थि, असमिया राव निप्राय राव दानस्लायनाय आव गोबां गोरोन्थि जादों होनना कक्राझार सिआईटिनि एसिस्तेन्त प्रफेसार बिहुं ब्रह्म बिथाङा बुंदों। बिथाङा गसायगांव नि सापकता 641 नं गुदि फरायसालि आव थांदोंमोन। दायो मोनसे सोंलु आ जाबाय गोजौ थाखोनि आरो गोरों गोराजों थाम थिम खालामजानाय बर' रावनि गुन उत्सव आनजादनि सोंलुआ माब्रै गोरोन्थि जानो मोनखो? सोर बेनि बिबानगिरिया? सोर बेनि दायनिगिरिया? बेबादिजों गथफोरनो मा गुन सोलोंथाइ होनो नाजादों?
दनबस्क बुहुमफरायसालि नि हा या दखल खालामनायसोमोन नामा, रायजो सोरखार आ नायबिजिरनो थाखाय दाना होबाय सा 3 नि नायबिजिरनाय दोलो। सासे सुबुंनि गावखौनो बुथारना लानाय आरो बिनि थैनायखौ मिरु खालामनानै हा दखल खालामनाय आव सोमोन्दो थानायनि थाखाय रायजो सोरखार आ उफ्रा चिफ सेक्रेचारि पबन बरथाकुर नि दैदेननाय आव सा 3 नि दोलो दाना होदों। बिथांमोना सोनापुर चार्कल अफिस नि सिंनि दनबस्क बुहुमफरायसालि नि हा दखल खालामनायनि सायाव नायबिजिरगोन।
हायलाकान्दि आव गोबां रां नि बान्दोल। हाईलाकान्दि पुलिस आ फुङावनो जब्द खालामदों, गासै 55 लाख सो रां, पुलिसफोरा बुंनाय बादिब्ला मिजोराम निफ्राय हाईलाकान्दि फारसे फैबाय थानाय गंसे एल्टो खौ लाखिनानै नागिरनाय आव नो मोनो, सिङाव गंसे ट्रांक दंमोन, उनाव पुलिसफोरा बे गारि नि सालायग्रा खौ हमो आरो गारि खौ बो जब्द खालामो होनना मिथिना मोनदों। रां आ सोरनि आरो मा जाहोननि थाखाय लाबोदोंमोन बेखौ दासिमबो मिथिनाय जायाखै, पुलिसफोरा नायबिजिरगासिनो दं होनना मिथिना मोनदों।
हायार सेकन्दारि गिबि बोसोरनि आनजाद नि गोनांथार नटिस AHSEC. गोबां जायगाफोराव नो दैबाना नि थाखाय आनजाद खौ खुंनो हानाय जायाखै। गोबां फरायसालिफोरा दै नि सिङाव आरो लोगोसे गोबां फरायसालि कलेजफोराव दैबाना नि थाखाय गासैबो ज यै थादों जायनि थाखाय आनजाद खौ खुंनो हानाय थासारि आव गैया। गोबां सोलोंथाय फसंथानफोरा काउन्सिल आव अजद होदोंमोन। फरायसालि आव सुबुंफोरा थादोंब्ला गुबुन जायगा याव आनजाद खौ खुंनो हागोन, गुबुन जायगा नि सुबिदा गैयाब्ला काउन्सिल आव खौरां हरनो हागोन। गुबुनफारसे जेबो जेंना गैयि फरायसालि कलेज फोराव सम बादियैनो जागोन आनजाद आ।
गुवाहाति आव गोबां बिबांनि निशा जाहोनाय काफ सिराप मोनदों। रायजो आव पुलिसफोरा निशा नि बेरेखा अपारेशन खालामगासिनो दं। गुवाहाति आव गुवाहाति पुलिस नि नाजानाय आव गोबां बिबांनि मोनदों। पुलिसफोरा नागिरनानै 101 टा आबुं फेन्सिदाईल बस्ता आरो गंसे गारि जब्द खालामदों. बेखौ लांनाय सुबुंखौबो हमनो हादों होनना मिथिना मोनदों। गासै सा 3 खौ हमदों, मुंफोरा हाफिजुर रहमान, मजिबर रहमान आरो मृदुल मालाकार। 101 टा फेन्सिदाईल बस्ता याव 30 रोजा बथल दंमोन, बेनि ऊन्तारनेशनेल बाजार नि बेसेन आ 12 कौटि रां, सोनाब बंग निफ्राय लाबोदोंमोन बेखौ, गुवाहाति आव जमा खालामदोंमोन आरो मेघालय जानानै म्यानमार आरो बांलादेश आव लांनायनि थांखि दंमोन, दायो पुलिसफोरा हमनो हाबाय।
एसिया काप आव गिदिर देरहानाय भारत नि हकि दोलो नि। मैया 26 मे आव जानाय गेलेनाय आव भारत नि हौवासाफोरनि दोलो आ ईन्दोनेशिया खौ 16-0 गल जों फेजेनो, बेखौ देरहानानै भारत नि दोलो आ एशिया काप सुपार 4 आव मोनहैयो। मखजाथावदि भारत आ फारसेथिं गिदिर देरहानायनि उल्था पाकिस्तान नि थाखाय मोनसे गाज्रि खौरां लाना फैबाय बे देरहानाय आ, 2023 मायथाई आव जानो गोनां हकि वर्ल्द काप आव गेलेनो मोननाय नङा, बाहेर जाबाय, भारतजों लोगोसे गुबुन आरो मोन 3 दोलो जाय वर्लद काप नि थाखाय सायखजादों, दोलो नि मुङा जापान, कोरिया आरो मालयेसिया।
हायार सेकन्दारि गिबि बोसोरनि आनजाद नि गोनांथार नटिस AHSEC. गोबां जायगाफोराव नो दैबाना नि थाखाय आनजाद खौ खुंनो हानाय जायाखै। गोबां फरायसालिफोरा दै नि सिङाव आरो लोगोसे गोबां फरायसालि कलेजफोराव दैबाना नि थाखाय गासैबो ज यै थादों जायनि थाखाय आनजाद खौ खुंनो हानाय थासारि आव गैया। गोबां सोलोंथाय फसंथानफोरा काउन्सिल आव अजद होदोंमोन। फरायसालि आव सुबुंफोरा थादोंब्ला गुबुन जायगा याव आनजाद खौ खुंनो हागोन, गुबुन जायगा नि सुबिदा गैयाब्ला काउन्सिल आव खौरां हरनो हागोन। गुबुनफारसे जेबो जेंना गैयि फरायसालि कलेज फोराव सम बादियैनो जागोन आनजाद आ।
भाईरेल काशार नि जिला बेंगिरि किर्ति जाल्लि नि गांनैसो स्पेशियेल सावगारि। काछार नि जिला बेंगिरि आ जिला नि दैबाना जानाय ओनसोलफोराव थांनानै नायहैनाय गांनैसो सावगारि आ गोबां सुबुंफोरजोंनो मोजां मोनजादों, बिथाङा सासे आईएएस अफिसार, हाब्रु, दै आव थाबायनानै जायगाफोरखौ नायदिंहैदों, बोसोरनि गिबि दैबाना या गोबां खहा खालामदों काछार नि, गोबां सुबुंफोरनि न बां धोन-सम्पति लांजादों, दायो थासारि आ ईसे मोजां जादोंब्लाबो गोबां सुबुंफोरा नो हाब्रु नि गेजेरावनो थानो गोनां जादों। दानि बे थासारि खौ नायनो आरो दैबाना नि थाखाय गोहोम गोग्लैनाय जायगाफोरखौ नायनो नो लांदां आयथें जों रायजोफोरनि खाथि आव थांदों, रायजोफोरनि खौरां लानो थांनाय आ गोबां सुबुंफोरजोंनो मोजां मोनजादों, ससियेल मिदिया याव गोबां सुबुंपोरा नो मोजां मोननायखौ फोरमायो। बिथांनि बेबायदि खामानि आ बेनो गिबि नङा, आगोलावबो गोबां सुबुंफोरजोंनो बाख्नायजादोंमोन जेब्ला कभिद नि समाव गावनि हाबा एबा जुलि नि थाखाय सानसेबो सुटि लायाखैमोन, बेनि सोलाय सोरखारि कुवार्तार आव लिंहरनानैसो हाबा जादोंमोन, थांलाय फैलाय नि सुबिदा गैयि नि थाखाय बिमा बिफा निफ्राय बोर बो लानो मोनाखैमोन।
Please do not enter any spam link in the comment box. ConversionConversion EmoticonEmoticon