थाबैनो सिमा बारायनायखौ थाबैनो
मावफुंनो हायाब्ला बिटिआर गोरोबथा सान खौ फोथायखेबस सान महरै फालिनानै गोरोबथा नि
रादाय बिलायखौ सावनो गोनां जागोन। बिटिआर गोरोबथानि उनाव दायो साबेसे बर फोरा
गोजोननाय मोनदों, गहपुर निफ्राय फैनाय गांसे उदां लाईजाम आ सोमोनांहोदों, लोगोसे
दुखुबो मोनहोदों। बिटिआर नि गाहाय प्रमद बर बिथांनिसिम गांसे उदां लाईजाम लिरना
हरदों, जेराव सिमा बारायनायनि बागै बुंदों, बिटिआर गोरोबथा या 2 बोसोर 3 दान नि
बारा जाबाय। नाथाय गोरोबथा नि 6 दान नि गेजेरावनो मावफुंजानो गोनां 3.1 दफा या मा
जाखो बेनि जेबो गुमुरखौ नो मोनासै होनना फोरमायदों। कभिद नि थाखाय खामानि आ गोबां
उन जाना थादों, नाथाय बेनि गेजेरावनो बिलायखथि आरो मोननैसो खामानिफोरा
मावफुंजादोंबो, बेखायनो कभिद नि जाहोन होनना बुंनायखौ गनायनो हाया। बेफोरनि
अनगायैबो सम सम गहपुर आ बिकेदाब्लिउएसि आव सो हाबखानाय बादि बुङो, लाईजाम
बायदिफोरबो फैयो होनना लिरदों लाईजाम आव, लोगोसे सोरबा सासे सोरखार नि नो एमएलए आ
सिम बारायनायखौ हेंथा खालामनायनि थाखाय नो खामानि मावफुंनो हायाखै हायाखै होनना बो
बुंनाय खोनादों होनना बुंदों, जुदि बेयो थार ब्ला जोबोद लाजिथावना। गुबुन खामानि बायदि
बेखौबो मावनायमोनब्ला दायो मोजां फिथाय थायगौमोन, बेफोरखौ मावफुंनायमोनब्ला गोदान
आफाद बो जोनोम जानाय नङामोन दां होनना बुंनायजों लोगोसे थाबैनो सिमा बारायनायखौ
थाबैनो मावफुंनो हायाब्ला बिटिआर गोरोबथा सान खौ फोथायखेबस सान महरै फालिनानै
गोरोबथा नि रादाय बिलायखौ सावनो गोनां जागोन होनना गिदिर बाथ्रा बुंदों। बे लाईजाम
खौ हलंगि गहपुर निफ्राय बि उदां बिथाङा लिरना हरदों। गिबि सम आव गोबां बर फोरा नो
बिटिआर गोरोबथा खौ गोजोननाय मोननायखौ फोरमायदों, नाथाय दायो ईसेब्लाबो गोबां खौ नो
बेरेखा जानायखौ नुनो मोनगासिनो दं।
सोर बुथारमारखो, ना गावनो
गावखौनो बुथारना लामारदों, गावनो गावखौनो बुथारना लायोब्लाबो माबा मोनसे गिदिर
जाहोन थागोन, मैया मोनाबिलि नि खौरां नि भिदिअ आव नोंथांमोननो सासे बर फरायसुलि नि
गोथै देहा मोननायनि खौरां फोसावदोंमोन। दासिमबो थैनायनि जाहोनखौ मिथिनाय जायाखै।
कक्राझार एबसु आ गोथौ दुखु मोननाय फोरमायदों लोगोसे ईयुनाव जाहाथे गासैबो
फरायसापोरा नो रैखाथियै फरायनो हानायबायदि आबहावा सोरजिनो थाखाय आसाम सोरखार आरो
आसाम पुलिस निसिम गोख्रों खावलायदों। मखजाथावदि शिलचर मेदिकेल कलेज एन्द हस्पितेल
आव फरायनाय बर फरायसुलि खौ फासि लानाय हालोद आव गोथै देहा खौ बोखांदों,
फरायसुलि
नि मुङा करिशमा ब्रह्म, कक्राझार जिला नि दतमा नि जिनज्रिबिल
गामि नि थागिबि मोन। गाव थानाय रुम आव नो मोनदों गोथै देहा खौ,
पुलिसफोरा
जायगा याव थांनानै पस्त मर्तेम नि थाखाय दैथायहरनाय जाबाय,
मा जाहोन
नि थाखाय थैखो एबा सोरबाफोरसो बुथारदोंनामा बेखौ मिथिनाय जायाखै,
पस्त
मर्तेम नि उनाव सो मिथिगोन जाहोन खौ। जाहोनखौ मिथिनाय जायाखैब्लाबो जिनाहारि
खालामनानै बुथारदों होनना सन्देह खालामनाय जादों। मखजाथावदि बे फरायसुलि आ सिलचर
मेदिकेल कलेज आव बिएससि नार्सिं फरायगासिनोमोन, 22 बोसो बैसो नि कक्राझार नि
थागिबि मोन, सिलचर नि टारानि रोद आव भारा न आव
थायोमोन। नायबिजिरनाय आ सोलिगासिनो दं। बर सुबुं आ बेबायदि खालामजानाय आ
दुखुनांथाव। आशा खालामो दायनिगिरि आ थाबैनो हमजागोन।
मुन्नाभाई एमबिबिएस थ गोबां
हमजादों, नाथाय बे खनसे नंखाय उकिल हमजानायनि खौरां। गावखौनो उकिल बानायनानै गोबाव
सान निफ्राय नो पदुम कर्माकार मुंनि सुबुं आ दालाल राज सालायलांदोंमोन, दाबि
खालामनाय धोन खौ लांनो फैनानै गोजा न नि आलासि जाबाय। सासे सिखाव नि दाय आव
हमजानाय सुबुं खौ बखनायनि मुङाव गोबां रां दाबि खालामदोंमोन आरो रांखौ बो
मोनदोंमोन, नाथाय रां मोननायनि उनाव बो बखनो हायासै, आरो 15 रोजा रां लानानै
खारखुमाबाय थायोमोन। दायो पुलिस नो खौरां हरनाय आव बे नंखाय सुबुं खौ हमबाय।
जौसिन बिजिरसालि नि जारिमिनारि
राय। हादराव हादोर बेरेखा बिग्रायनाय आयेन बाहायनायखौ हन्ध खालामथनो बिथोन
होदों। गाहाय बिजिरगिरि दिभिशन बेन्स आ बे आयेन खौ फिन मोजाङै नायफिननायसिम बन्ध
लाखिथनो बिथोन, बे आयेन आव आरो रावखौबो हमनो मोना, बे आयेन नि थाखाय हमजानायफोरखौ
जामिन होनो बिथोन, जाखिनि गसर थिसननाय जादोंमोन बेखौ बो बन्ध।
अरां माहारियारि हाग्रामा याव गम गैयि
गान्दा नुनो मोनदों, सुरां सिकारि नि गाज्रि खामानि। जिउ थानाय हालोद आव नो गं खौ
हाना लांबाय। 22 एप्रिल आव नो जादोंमोन जाथाय आ, दासो नुनो मोनदों गं गैयि खौ,
दायो गाबं कष्ट जों थागासिनो गान्दा या। सिरियै फाहामथाय होनानै हगारना होदोंमोन
हाग्रा बिफान आ। मैया काजिरङा नि एसपिएफ नि दोलो नि नागिरनाय आव सोराङाव फैयो।
धेकियाजुलि आव सुरां सिकार नि दोलो आ गं खौ हाननै दिमापुर आव फाननो थाखाय थियारि
जादोंमोन, दायो खारखुमाना दं होनना मिथिना मोनदों।
आसाम पुलिस नि साख्रि नि रिजाल्ट खौ होबाय।
नोंथांमोना बिथांमोननि अफिसियेल वेबसाईट slprbassam.in आव थांनानै नायनो हागोन।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon