रिया ब्रह्म आरो नखर आ मदद होदों होखारजानाय बर फोरनो ~ Bodoinfo.com

बर नि मुंदांखा फावखुंग्रि रिया ब्रह्म आरो बिथांनि फिसाय आ गुवाहाति नि होखारजानाय बर फोरनो रां नि मदद होदों, मखजाथावदि थांनाय 13 मे, 2022 अक्ट'आव गुवाहाटी नोगोरमानि VIP Road साखाथियाव थानाय चचल ओनसोलनि चिलसाकु बिलआव न' लुनानै अरायथायै रायजो जानाय सुबुंफोरखौ दिसपुर रिभिनिउ सार्कल, गुवाहाटी नोगोरमायारि जौगाखां खुंथाय आफाद आरो कामरुप जिला खुंथाय आफादनि जथाय बान्जायनायाव न' बां सिफायनानै होखार हरनाय दुखुनांथाव जाथाय जादोंमोन। रिया ब्रहम बिथांनि फिसाय मनोरन्जन ब्रह्म बिथाङा 1 लाख रां होदों आरो रिया ब्रह्म बिथाङा गावबो 10 रोजा रां होदों। गासै 1 लाख 10 रोजा रां होनाय जादों। दुखु नि समाव बेबायदि मदद होनाय आ जोबोद बाख्नायजाथाव। बेयाव थानाय सुबुंफोरा गोजोननाय मोननायखौ फोरमायदों, गोबाङानो जिउ गोलाव जाथों होनना बोर होनायखौ नुनो मोनदों।

आसाम हायार सेकन्दारि नि गिबि बोसोर एबा फार्स्त यार नि आनजाद खौ फावसायबाय, 18 मे निफ्राय 21 मे सिम जानो गोनां आनजाद खौ दानि बोथोर गाज्रि आरो दैबाना नि थाखाय नो फावसायनाय जाबाय होनना नटिस होदों। गोदान आनजाद नि खालारखौ उनाव फोसावनो हागौ, गोदान खालार होनाय सम सिम बन्ध थागोन आनजाद आ, गुबुनफारसे दिमा हासाव नि आ 18 मे निफ्राय 1 जुन सिम जानो गोनां गासैबो आनजादखौ सासपेन्द खालामबाय गोदान खालार फोसावनाय सम सिम होनना बुंदों, बेखौ फोसावनानै होदों एहसेक नि कनट्रलार आफ एग्जामिनेशन आ। रायजो नि गोबां जिला याव नो दैबाना जादों, जायनि थाखाय फरायसालि फोरा बो दै नि सिङाव थानांदों, बेफोरनि अनगायैबो थांलाय फैलाय नि बेबस्था या बो गोबां जायगा याव नो गैया जादों, हा गिसिखानाय आ बो बारा जालांनो हमदों, बेफोरखौ नोजोर होनानै नो बे थिरांथा लानायखौ फोसावनानै होबाय।

बिटिआर आव मोनसे गिथावना जाब्रबथाय आव सासे बर हिनजावसा नि जिउ गोमानायनि खौरां मोनदों। कक्राझार जिल्लानि JD Road, तिनालियाव समबारनि मोनायाव गिख्रंथाव लामा जाब्रथाय जादोंमोन। मिथिनो हानाय बायदिब्ला, बाइकआव थानाय सासे हिन्जावसाया जायगायावनो जिउ गोमायो। जिउ गोमानाय हिन्जावसाखौ बिसमुरिनि थराइना तुलिना नार्जारी होन्ना मिथिनो हादों। जोनोम सान फालिहैनो थांनायावनो बे जाब्रबथाय आ जायो । तुलिना नार्जारि आ एलबाम जों लोगोसे सर्त मुभि फोराव फाव खालामदोंमोन होनना मिथिना मोनदों। बे लामा जाब्रथायाव गुबुन सासे हौवासायाबो गोब्राबै जखम जायो। जोखोम जानाय सेंग्रा खौ देहाफाहामसालि आव लांनाय जायो।

रायजो आव दैबाना नि थाखाय गोबां खहा लोगोसे हा खुरखानाय नि बो खौरां मोनदों, थासारि आ गाज्रि जानायनि थाखाय 11 टा रेल सालायनायखौ थि गैयि सम सिम बन्ध खालामथदों, लोगोसे आबुङै 18 टा रेल खौ बन्ध खालामबाय। 13173, 13174, 13175, 13176, 12515, 12508, 14620 14619, 14037, 02383, 02984 नम्बर रेल खौ दायो बन्ध खालामथदों होनना खौरां मोनदों।