Bodo news 26 may 2022 ~ Bodoinfo.com

बरपेता रोद नि खाथि आव थानाय गोबर्धना पुलिस थाना नि सिंनि जाखलिबिल फोथार नि कृष्णनगर नि मा दुर्गा स्तिल ईन्दाजत्रिज मुंनि पापर बानायनाय फेक्टरि आव खामानि मावबाय थानाय समावनो सासे श्रमिक आ मेशिन नि सिङाव हाबलांनाय आव जिउ गोमायो। बाक्सा जिला नि सिंनि लुवासुर गामि नि भरत बर्मन मुंनि सुबुंनि फिसाज्ला 22 बोसोर बैसो नि मानिक बरिमन आ खामानि मावबाय थानाय समावनो हर्खाब मिक्सार मेशिन नि सिङाव हाबो आरो जायगा यावनो जिउ गोमायो, उनाव पुलिस नि दोलो आ जायगा याव थांनानै पस्तमर्तेम नि थाखाय दैथायहरो, जायगा नि रायजोफोरा नायबिजिरनो खावलायदों।

संनाय थाव एबा जानाय थाव नि बेसेन आ खम जानायनि सम्भावना दं, मिरु सोरखार नि गिदिर थिरांथा, 2 बोसोर नि थाखाय सोरखार आ बोखारबाय कास्तमदिउति खौ। सयाबिन आरो सानफ्लावार थाव नि आमदानि नि सायाव बोखारबाय कास्तम दिउति खौ, 24 मे नि हरगेजेरनिफ्राय बेखौ बाहायबाय। दानिया टेक्स होआलासैनो संनाय थाव नि आमदानि नि गनायथि होयो।

जिला नि मुं सोलायनाय खौ लानानै दुंहाव थासारि, अन्ध्रप्रदेश नि कोनासिमा जिला नि मुं सोलायनायनि थाखाय गिबि आव धर्ना हाबाफारि लादोंमोन, बेनि उनाव बे धर्ना होनायफोरा नो मन्थ्रि पोन्नादा सतिश नि न आ अर लागायना होयो। बेरेखा खालामनायफोरा जिला खौ डाँ बिआर अम्बेदकार कोनससिमा जिला महरै मुं खालामनायनि प्रस्ताब होनायनि बेरेखा गोबां सुबुंफोरा नो बेरेखा खालामदोंमोन आरो गासै जिला याव नो दुंहाव थासारि सोमजिहोदों। न खौ सावना होनाय आव पुलिस आ मन्थ्रि आरो बिथांनि नखरखौ मोजाङै बासायनानै गुबुन जायगा याव लाना थाङो। खौरां मोननाय बादिब्ला बेरेखा खालामनायफोरा गंसे पुलिस नि गारि आरो गंसे सोलोंथाय फसंथान नि गारि खौ सावना होदों। बेरेखा खालामनायफोरा अन्थायबो खुबैना होदोंमोन, सा 20 सो पुलिसफोरा जोखोम जादों।

मानसि आ गावनि लुबैनायखौ सुफुंनो थाखाय मा मा खालामा, सोरबा गावनि गासै मोदोम आव टेटु आखिना लायो, सारबा गावखौनो समायना खालामनो थाखाय महर सोलायो, गुबुन गुबुन समाव बेफोरबायदि जाथाय जाबाय थानायखौ नुनो मोनो। नाथाय बेफोर गासैखौबो उन खालामबाय जापान नि सासे सुबुं आ। गावनि लुबैनायखौ सुफुंनो थाखाय सैमा जादों सासे सुबुं आ। फोथायनो गोब्राबब्लाबो बेयो सैथो, जापान नि टेको मुंनि सेंग्रा या मानसि जिउ खौ मोजां मोना। सैमा नि बायदि जिउ खुंनो मोजां मोनो बियो। दायो गावनि थांखि आव खारै खारै सहैनाय बायदि जाबाय। गावनि महरखौ सोलायनानै सैमा बायदि जाबाय। नाथाय गुबुनफोरनियदि अपारेशन खालामना नङा, मोनसे जि नि कम्पानि जों सो जगाजोग खालादोंमोन, बिसोर गावनि आखायजोंनो सैमा नि बादि नो एखे बानायना होदोंमोन, जायनि बेसेन आ 11 लाख 63 रोजा रां, बियो सैमा नि बायदि गाननानै थाबायबाय, सैमा नि बादि नो जिउ खुगासिनो दायो।

मोनसे नि उनाव मोनसे आयेन बेरेखा जाथाय रायजो आव, गुवाहाति आव फिन गाज्रि जाथआय। सिखाव दाखाथि, बुथारनाय जाथायनि जायगा जाना दं गुवाहाति आ। समबार नि हर आव हातिगांव आव जानाय गिथावना बुथारनाय जाथायनि उनाव मोनसे सिखाव नि जाथाय जादों, गंनै मन्दिर निफ्राय लुथिना लांबाय, हर आव भेटापारा नि शिब मन्दिर आरो गनेश मन्दिर आव सिखावफोरनि साफाय अभियान। मन्दिर नि गासैखौबो लांजोबनायजों लोगोसे शिब आरो गनेश नि मुसुखा खौ गारना गालाङो, ओनसोलनाङैनो सोमोनांहोदों बे जाथाय आ।