मोनसे दुखुनांथाव सोमोनांथाव जाथाय। सासे बर फरायसुलि नि गोथै देहा मोननाय जादों। शिलचर मेदिकेल कलेज एन्द हस्पितेल आव फरायनाय बर फरायसुलि खौ फासि लानाय हालोद आव गोथै देहा खौ बोखांदों, फरायसुलि नि मुङा करिशमा ब्रह्म, कक्राझार जिला नि दतमा नि जिनज्रिबिल गामि नि थागिबि मोन। गाव थानाय रुम आव नो मोनदों गोथे देहा खौ, पुलिसफोरा जायगा याव थांनानै पस्त मर्तेम नि थाखाय दैथायहरनाय जाबाय, मा जाहोन नि थाखाय थैखो एबा सोरबाफोरसो बुथारदोंनामा बेखौ मिथिनाय जायाखै, पस्त मर्तेम नि उनाव सो मिथिगोन जाहोन खौ। जाहोनखौ मिथिनाय जायाखैब्लाबो जिनाहारि खालामनानै बुथारदों होनना सन्देह खालामनाय जादों। मखजाथावदि बे फरायसुलि आ सिलचर मेदिकेल कलेज आव बिएससि नार्सिं फरायगासिनोमोन, 22 बोसो बैसो नि कक्राझार नि थागिबि मोन, सिलचर नि टारानि रोद आव भारा न आव थायोमोन। नायबिजिरनाय आ सोलिगासिनो दं। बर सुबुं आ बेबायदि खालामजानाय आ दुखुनांथाव। आशा खालामो दायनिगिरि आ थाबैनो हमजागोन।
बिबान आव थानाय बिएसएफ कन्सतेबल नि रायफल आऱो गुलि थानाय मेगजिन खौ सिखाव खालामनानै बांलादेश आव खारखुमाबाय दायनिगिरि आ। जाथाय आ सोनाब बंग नि बसिरहात नि भारत बांलादेश सिमना नि गोजादाङा याव जादों। जाथाय आ जानायनि उनाव नो बायदिसिना मुवा बेसाद लानाय लाबोनाय खौ बन्ध खालामो, बिएसएफ फोरा नायबिजिरनायखौ जागायबाय। बिएसएफ आरो पुलिस नि रिपर्त नि बादिब्ला बिएसएफ नि 153 बेटेलियान नि सासे आयजो कन्सतेबल आ सिमना याव बिबान आव दंमोन, हर फुंनि समाव बिबान आव थानाय समाव नो उन्दुलांदोंमोन, बेयावनो लाखोमाना थाङो, नायबिजिरनाय आ सोलिगासिनो दं।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon