18 May bodo news 2022

प्रधानमन्त्रि आवास योजना ग्रामिन नि सिङाव 19 मे खालि रायजो नि 5 लाख 10 रोजा मुलाम्फायारि फोरनो न होनायनि लाइजाम आरो गिबि किष्टि नि रां होगोन, बेनि थाखाय जोरहात नि कर्त फिल्द आव पन्सायत आरो गामि जौगाखां बिफान नि बन्जायनाय आव मोनसे हाबाफारि लानाय जादों, गाहाय आलासि महरै मिरु नि मन्थ्रि गिरिराज सिंह बिथाङा बाहागो लागोन लोगोसे आसामनि गिबि मन्थ्रि आ बो बाहागो लागोन। 5.1 लाख नो होगोन आव सोरखार आ 7739.5 कौटि रां खरसा खालामगोन, गिबि किष्टि महरै 1657.5 कौटि रां खरसा खालामगोन, गासै मोन 3 किष्टि आ 1 लाख 30 रोजा रां होगोन सासे नो, बेनि उनाव एमजि एनरेगा नि सिङाव 95 सान नि हाजिरा महरै 21755 रां होगोन, गासै दाजाबोब्ला 1 लाख 51 रोजा 755 रां मोनगोन सासे आ। नखरसे आ बोसोर 1 नि गेजेराव न खौ बानायनो नांगोन।

       हिमन्त नोंथाङा मामा नङा, रावन सो, बेखौ बुंदों गुवाहाति नि होखारजानाय बर फोरजों लोगोसे गुबुनफोरा बो बुंदों। थांनाय 13 मे, 2022 अक्ट'आव गुवाहाटी नोगोरमानि VIP Road साखाथियाव थानाय चचल ओनसोलनि चिलसाकु बिलआव न' लुनानै अरायथायै रायजो जानाय सुबुंफोरखौ न' बां सिफायनानै होखार हरनाय दुखुनांथाव जाथाय जादोंमोन। मैया कृषक मुक्टि संग्राम समिति नि बान्जायनाय आव मोनसे धर्ना हाबाफारि लानाय जादोंमोन। भट नि समाव हा नि पत्ता होगोन, बायदि बायदि बुंनायमोन, नाथाय दिनै मा खालामखो, बे जायगा यावव गोबां गिदिर गिदिर सुबुंफोरनि हा दं, जेरै आम्बानि आजमल नि हा दं बिसोरनिखौ मानो जेबो खालामाखै होनना सोंदों बेनि होखारजानायफोरा। बेनि सुबुंफोरा तम्बु लुनानै सो थागासिनो दायो, जानाय लोंनाय आव गोबां असुबिदा जादों, सोरखार आ मानो नायहराखै होनना बो सोङो। गुबुनफारसे बर नि मुंदांखा फावखुंग्रि रिया ब्रह्म आरो बिथांनि फिसाय आ गुवाहाति नि होखारजानाय बर फोरनो रां नि मदद होदों, रिया ब्रहम बिथांनि फिसाय मनोरन्जन ब्रह्म बिथाङा 1 लाख रां होदों आरो रिया ब्रह्म बिथाङा गावबो 10 रोजा रां होदों। गासै 1 लाख 10 रोजा रां होनाय जादों। दुखु नि समाव बेबायदि मदद होनाय आ जोबोद बाख्नायजाथाव। बेयाव थानाय सुबुंफोरा गोजोननाय मोननायखौ फोरमायदों, गोबाङानो जिउ गोलाव जाथों होनना बोर होनायखौ नुनो मोनदों।

         रायजो आव थाबायनो थानो हागौ अखा हानाय आ, दानि हाबाय थानाय अखा या गोबां जिला याव दै बारा जानाय नि गेजेरावनो बरझार नि आन्सलिक बोथोर बिगियान मिरु आ अखा हाबाय थानायनि वार्निं होदों, फैगो 21 मे सिम अखा हाबाय थानो हागौ आसाम जों लोगोसे सा सानजा भारत आव नो, गोबां जायगा याव नो दिनै रेद एलार्त खालामना होदों। दैबाना नि थाखाय आसाम आव दासिम थैनायनि अनजिमा या 8 जाहैबाय, 4 लाख सो सुबुंफोरनि सायाव गोहोम खोख्लैदों। मिरु नखर मन्थ्रि अमित शाह बिथाङा आसामनि थासारि नि खौरां लादों आरो मिरु सोरखार आ गासैबो रोखोमनि मदद खालामगोन होनना फोसावदों। जिला हिसाबै नायोब्ला बयनिख्रुय बांसिन दिमा हासाव आव नो जादों। गोबां जायगा याव नो दैबाना नि थाखाय फरायसालिफोरखौ बन्ध खालामनो गोनां जादों, मखजाथावदि आसाम हायार सेकन्दारि नि गिबि बोसोर एबा फार्स्त यार नि आनजाद खौ फावसायबाय दैबाना नि थाखाय नो, 18 मे निफ्राय 21 मे सिम जानो गोनां आनजाद खौ फावसायनाय जाबाय होनना नटिस होदों। गोदान आनजाद नि खालारखौ उनाव फोसावना होगोन, गोदान खालार होनाय सम सिम बन्ध थागोन आनजाद आ, गुबुनफारसे दिमा हासाव नि आ 18 मे निफ्राय 1 जुन सिम जानो गोनां गासैबो आनजादखौ सासपेन्द खालामबाय गोदान खालार फोसावनाय सम सिम होनना बुंदों।

      पेट्रल दिजेल नि जायगा याव दै सो, रौता नि गंसे थाव दिपु आव जादों, रौता भालुकमारि नि एसार थाव दिपु आव गाज्रि खामानि मावनायनि अजद, बे अजद खौ सासे थाव सोनाय सुबुं आ नो होदों। थाव सोनाय आव गारि आ खनले खनले गाज्रि जानाय आव थाव खौ दिहुनना नायनाय आव थाव जों दै लागायदों होनना बुंदों। खौरां मोननाय बादिब्ला मनिराम दैमारि मुंनि सासे फालांगि बिथांनि बे थाव दिपु आ। 80 जौखोन्दो आ नो दै, रायजोफोरा रां होनायनि उनावबो थावखौ मोनाखै, आगोलाव गारि आ गाज्रि जायोब्ला मोजां खालामना होयोमोनब्लाबो बेबायदि हमजायाखैमोन होनना बुंदों, नाथाय मैया हमनो हायो। 108 रां होनानै थावखौ बायनायनि उनाव बो बेबायदि जानाय आ सोमोनांथाव होनना बुंदों। मैया नि दिन आव स्कुटि कार बाईक फोरा गाज्रि जादों थाव सोनायनि उनाव नो।

        राजस्थान नि कोटा सोहोर नि गंसे सोरखारि देहाफाहामसालि आव सोमोनांथाव जाथाय। आईसिईउ आव थानाय सासे आयजो नि मेगन खौ एनजर आ अरबाय, देहाफाहामसालि नि बिबानगिरिफोरनि बिबानगैयि खामानि नि सायाव गोबां सोंनाय खालामदों। हादोर आव सावस्रि बेबस्था नि जौगानाय नि थाखाय सोरखार आ कौटि कौटि रां खरसा खालामो, नाथाय राजस्थान नि सोरखारि देहाफाहामसालि नि जौगानायनि नमुनाखौ दिन्थिबाय। देहाफाहामसालि आव सासे पेरालाईज्द आयजो नि मेगन खौ नो अरदों एनजर आ, मिथिना मोननाय बादिब्ला 28 बोसोर बैसो नि सासे आयजो आ थांनाय 46 सान कौटा नि महाराउ भिम सिंह देहाफाहामसालि नि निउरो स्ट्रक ईउनिट आव थानांदोंमोन, गावनि देहा नि मोनसेबो अंग खौ लोरसोर खालामनो हाया। खोथा बुंनो बो हाया, सम्बारखालि जादोंमोन जाथाय आ, फिसाय आ बिसि जों नो लोगोसे दंमोन, बेयावनो अरनायखौ नुयो, लोगो लोगो देहाफाहामगिरि जों बेनि सायाव रायलायो आरो दायो नांगौ जायोब्ला मेगन नि अपारेशन बो खालामनो गोनां जानो हागौ होनना फोरमायदों।

      मैया बिजनि दख'रा दुलाराय बर' फरायसा आफादनि बानजाइनायाव दख'रानि बेन्दोंङाव थानाय मेलेमजिबिफोरखौ लानानै बिजनीनि बड'सा हाउसआव सावराय मेल लादों । बे सावराय मेलाव गाहाइ बुंथिगिरि महरै बाहागो लायो मिरु एबसुनि लेङाइ आफादगिरि आरो बाउण्डारि कमिसननि सोद्रोमा मानगोनां मुस्रि खोरोमदाव औवारीया । गाहाइ बुंथिगिरि महरै बाहागो लानानै बिथाङा आथिखालाव गोरोबथा हेंथा सुबुंफोरा BTR गोरोबथानि गेजेरजों ट्राइबेल बेल्ट एण्ड ब्लकसफोर आरो बर' गामिफोरखौ दानगोन होननानै बांसावला बायनायफोरखौ नेउसिगारनानै BTR गोरोबथाखौ गुबैयै बर'नि सिनायथि आरो थामोन्थाखौ लानानैसो खालामनाय जादों होननानै रोखायै बुंथियो । लोगोसे BTR गोरोबथायाव ट्राइबेल बेल्ट एण्ड ब्लकसफोरखौ दाननायनि जेबो दफा गैया होननानै खम समनि गेजेरावनो सिमा बारायनायनि खामानिया आबुंङै महर मोनसिगोन होननानै साफ्रोमबो बर' राइजोफोरखौनो बाराव बिरबायनाय रावफोरखौ फोथायनो नाङा होननानै दाजाबदेरनानै बुंबावो । बे हाबाफारियावनो मिरु एबसुनि गाहाइ नेहाथारि मानगोनां मुस्रि खनिन्द्र बसुमतारीयाबो बुंथिगिरि महरै बाहागो लानानै BTR गोरोबथाया बर'नि राव थुनलाइखौ गोबां रैखाथि आरो जौगाहोगोन होननानै दफाखौ मावफुंनायसिम बयखौबो नेथ'नो खावलायो ।

          मंगलबारखालि मानकाछार नि भारत बांलादेश सिमना नि कालो दैमानि सायाव थानाय दालां आव सानजौफु नि 12 बाजि आव मोसौ सिखाव फालांगिरि नि मोनसे दोलो आ बिएसएफ खौ गाग्लोबदों। जाथाय नि सोमोन्दै बुंनाय बादिब्ला बिएसएफ जवान खौ दालां निफ्राय बोना लाबोना बुथारनो नाजादोंमोन, 45 नं बेटेलियान नि दिनेश चन्द्र यादब मुंनि बिएसएफ जवान आ बेबायदि खालामजादों, सा 20-25 सो नि दोलो आ गांसो हानायनि सोलोजों सिमना याव फैदोंमोन, बे समाव नो अखा हानायनि सुबिदा लानानै कालो दैमा नि दालांनि सिंजों मोसौ फोरखौ लांनो नागिरनाय आव होबथानायनि थाखाय नो बेबायदि खालामो, जाथायसालि आव सिमना नि गामि नि सुबुंफोरा थांनानै नुनायाव सो बासायनो हायो।

     भारत नि गाहाय मन्थ्रि नरेन्द्र मदि आ बेखेवबाय हादोरनि गिबि 5जि टेष्टबेद, TRAI नि रुफाथि मायथाइ आव बाहागो लानानै बेखेवो बेखौ। दानिया हादोर नि स्तार्तआप आरो गुबुन उद्योगफोरा 5जि नेटवर्क गायसननायनि थाखाय मुवा बेसाद नि आनजाद आरो मोजां खौ थि खालामनो थाखाय गुबुन हादर आव थांनो नांलिया, 220 फ्राम कौटि जों बेखौ बानायनाय जादों, आईआईटि माद्राज नि दैदेननाय आव 8टा फसंथान जों 5 जि टेष्टबेद खौ बानायनाय जायो। बेखौ बेखेवनानै भारत नि गाहाय मन्थ्रि बिथाङा 6जि टेलिकम नेटवर्क बानायनायनि सोमोन्दै साननायखौ फोसावदों, 5जि नि गेजेरजों भारत आ गासैबो बिथिंनिफ्रायनो जौगानाय आ जागोन, आबाद सोलोंथाय, सावस्रि बायदि बायदिफोराव, 6जि खौ 2030 नि गेजेराव बानायनाय जागोन होनना फोसावनानै होदों।

• Tweet
• Share
• Share
• Share
• Share

About Mridul

bodoinfo.com provides informations regarding State Government, Central Government and Private sector jobs for the aspirants of assam.

Related Post