कक्राझार जिला नि सालाकाति आव सासे उन्दै हिनजावसा गथ खौ जिनाहारि खालामनायजों लोगोसे ससियेल मिदिया याव भाईरेल खालामनाय जाथायखौ लानानै धर्ना हाबाफारि लादोंमोन गोबां दोलो संगथनफोरा मैया। बे जाथायनि गुबै दायनिगिरि खौ गोरा साजा होनायनि दाबि जों गुबुन गुबुन दोलो संगथन फोरा धर्ना होयो। सालाकाति नि कालि मन्दिर नि मोखां आव बर समाज नि दैदेननाय आव 10 टा दोलो संगथनफोरा बे हाबाफारि खौ मावफुङो, सालाकाति आन्सलिक बर समाज नि दैदेननाय आव जानाय हाबाफारि आव बे गाज्रि खामानि जों सोमोन्दो थानाय दायनिगिरि आमिर हामजा खौ फास्त त्रेक बिजिरसालि नि गेजेरजों बिजिरनानै फांसि होनो दाबि दैखांदों धर्ना हाबाफारि आव एबसु, आक्रासु, आसु, बेंगालि युवा सात्र फेदारेशन, हिन्दिभासि बिकाश परिषद. आमशु, एबिएमसु आरो आरएमसि नि दैदेनगिरिफोरा बाहागो लायो। बिथांमोना रायजो नि गिबि मन्थ्रि आरो हादरनि गाहाय मन्थ्रि नि सिम गांसे लाईदाम बो हरदों। मखजाथावदि सालाकाति नि सिंनि गंसे गामि नि सासे 16 बोसोर बैसो नि सासे हिनजावसा खौ आमिर हामजा मुंनि गाज्रि सुबुं आ दिनाहारि खालामदोंमोन, जाथाय आ 12 मे आव सोराङाव फैदोंमोन, बे हिनजावसा नि नखर आ थाना याव एजाहार होदोंमोन, बे जाथायनि उनाव नो दायनिगिरि आ खारखुमाना दंमोन, उनाव गुबुन गुबुन दोलो संगथन नि नारसिननाय आव 17 सान नि उनाव आमिर हामजा खौ पुलिसफोरा खानो हादोंमोन।
कभिद नि थाखाय गावनि गारजेन खौ खोमाना लानांनाय उन्दै गथफोरनो दानफ्रोमबो 4 रोजा रां यै होगोन होनना सम्बारखालि भारत नि गाहाय मन्थ्रि आ गोनांथार फोसावनानै होदों। गुबुन गुबुन बिथांखि नि गेजेरजों कभिद नि समाव गावनि बिमा बिफा खोमाना लानायफोरखौ मदद खालामनाय जागोन जाहाथे गावनि सानफ्रोमबो नि नांगौ खौ सुफुंनो हायो, पिएम केयार फर सिलद्रेन बिथांखि नि धोन खौ बेखेवना होनानै हाबाफारि आव गाविन बिबुंथि नि गेजेरजों बुङो, जुदि सोरबा गोजौ सोलोंथाय नि थाखाय लोन लानो गोसो अब्ला पिएम केयार फान्द नि धोन आ बिसोरखौ मदद खालामगोन होनना बो बुङो। मखजाथावदि कभिद नि गोसारनायनि थाखाय गोबां गथ फोरा नो गावनि बिमा बिफा खौ खोमाना लानांदोंमोन। मिरु सोरखार जों लोगोसे रायजो सोरखार आ बो बे गथ फोरखौ मदद खालामदोंमोन।
दिनै पेत्रल दिजेल मोना बो जानो हागौ, खौरां मोननाय बादिब्ला भारत नाङै नो पेत्रल पाम्प फोरा बन्ध थानो हागौ नि खौरां, बन्ध नि फारसे मदद सा सानजा पेत्रल दिलार्स एशसियेशन नि, आसाम जों लोगोसे सा सानजा भारत आव बन्ध थानो हागौ। थाव नि कम्पानि फोरनि बेरेखा हादोरनाङैनो बेरेखा अल ईन्दिया पेट्रलियाम दिलार एशशियेशन नि धर्ना हाबाफारि। दिलार नि सायाव जेबो नारसिनालासैनो ईन्धन नि एक्साईज दिउति खौ खम खालामनाय नि दाबि, बेखौ नो मदद होदों सा सानजा पेट्रलियाम दिलार्स एशसियेशन आ बो।
बाक्सा नि लक्षिबाजार चमुबागान आव कक्लाबारि बियाब नि जौगानायनि खामानि मावनायनि सोमोन्दै ईउपिपिएल आ खौरां मेल खुंदोंमोन, 22 नं कक्लाबारि बियाब नि उफ्रा बिसायखथि नि सिगाङाव खौरांमेल खुंनानै हाग्रामा आरो बिपिएफ खौ सोंखारिनायनि थांखि लायो। ईउपिपिएल नि जानानै आएम विलसेन हासदा आरो गौतम दास आ बुंदों- बिटिसि नि गाहाय प्रमद बर नि निति आदर्श आ जादों रायजो नि खामानि मावनाय, कक्लाबारि आव लामा सामा, कलेज जों लोगोसे गोबां जौगाखांनाय खामानि मावगासिनो होनना खौरांमेल नि गेजेरजों फोरमायो। बेफोरनि अनगायैबो गोबां गोरिब हौवासा हिनजावसा फोरनो मदद होदों, प्रमद बर नि सोरखार आव कक्लाबारि बियाब आव गुबुन गुबुन बिफान नि 42 टा जौगाखांनाय खामानि मावदों होनना फोरमायो। बिपिएफ आ 17 बोसोर जेबो खामानि मावनो हायि नि थाखाय प्रमद बर नि 17 दान नि सोरखार खौ नो सोंखारिनो गोनां जादों होनना बुंदों, लोगोसे बिपिएफ नि बेरेखा 900 कौटि रां नि केलेंकारि खालामदों होनना बो बुङो।
दिल्लि सोरखार नि सावस्रि बिफान नि मन्थ्रि सत्येन्द्र जैन खौ एरेस्त खालामदों। एनफरेसमेन्त दायरेक्तरेत आ मैया एरेस्त खालामनायन उनाव नो हादोरनाङैनो सोमोनांहोदों। अजद नि बादिब्ला कलकाता नि कम्पानि सिम हावाला नि गेजेरजों कौटि कौटि रां नि लेनदेन खालामनायनि अजद। आप नि मन्थ्रि नि बेरेखा 2017 नि आगस्त दान आव सिबिआई आ बिजों लोगोसे गुबुनफोरनि सायाव गोबां नंखायै लाखिनाय सम्पति नि सायाव होनाय एजाहार नि सायाव गसर थिसनदोंमोन, ईदि आ बुंदोंमोन दि बिसोर नि नखर नि 4.81 कौटि रां नि सम्पति आरो जौन नि कम्पानिफोरखौ नायबिजिरनाय आव सोदोंमोन होनना। नायबिजिरनाय आव मिथिना मोनो दि 2015-16 आव सत्येन्द्र कुमार जैन आ सासे पाब्लिक मावथि मोन, बै समाव नो बायदिसिना सन्देह नि खामानि मावदोंमोन नि अजद।
दैबाना या गाज्रियै खहा खालामनाय दिमा हासाव नि गुबुन गुबुन खोन्दो नि फिन बानायफिननाय नि थाखाय गोनांथार बादियै 50 कौटि रां नि पेकेज होदों, बे पेकेज नि सिङाव दैबाना जानाय ओनसोलफोराव थाबैनो गोनांथार लामाफोरखौ बानायफिननो 30 कौटि रां होनाय जादों, बेफोरनि अनगायैबो 590 नखर नो साफ्रोमनोबो न बानायनायनि मुङाव 2 लाख रां यै होनायनि थिरांथा। बेनि थाखाय 11.80 कौटि रां खरसा खालामगोन सोरखार आ, बे पेकेज नि 23 कौटि रां खौ एसदिआरएफ नि फारिलाय निफ्राय होनाय जादों, लोगोसे रायजो सोरखार नि पुंजि निफ्राय 27 कौटि रां होनाय जागोन। मैया गिबि मन्थ्रि नि दैदेननाय आव जानाय गोनांथार सावरायमेल आव बेनि सायाव थिरांथा लानायखौ फोसावनानै होयो
नोंथांनि अनजाथाव गारि खौ सानदुं आव पार्किं खालामनाय समाव सांग्रा जा गारि नि ग्लास खौ बन्ध खालामनानै सानदुं आव पार्किं खालामना दोननाय समाव गारि आ बेरफुंनो हागौ, गहपुर नोगोर नि पुरपबारि नि 15 नं राजालामा नि खाथि नि बिसाल मार्केत नि मोखाहाव मैया बेलासि नि 4.50 सो आव लाखिना दोननाय एएस 12 के 6801 नम्बर नि मारुति एल्टो गारि आ जेबो जाहोन गैयालासैनो हर्खाब नो गोसा यै हारसिंनो बायप्लेलांजोबदों। बे बायनायनि सोदोब खौ खोनानै दावराव दावसि जायो ओनसोल आव, बम बेरनाय बादि सोदोब खोनानानै गारि नि खाथि आव सुबुंफोरा फैनो गिदोंमोनब्लाबो उनाव गारि नि मालिकजों लोगोसे रायजोपोरा फैनानै गारि खौ नायनाय आव मिथिना मोनो जाथाय खौ, सान्दुं गोसा याव गासैबो खिरखिफोरखौ आबुं बन्ध खालामनायनि थाखाय एयार लक जानाय आव नो बेबायदि जाबाय होनना साननाय जादों, बेरनाय सोदोब आ एरैबायदि गोसामोन एल्टो नि उननि आयना या बायजोबबो आरो आगदा थिंनि दर्जा याबो गाज्रि जादों होनना मिथिना मोनदों।
UPSC आ 2021 मायथाई नि आनजाद नि फिथाय खौ फोसावनानै होबाय, फोसावनाय फिथाय आव बे बार आव श्रुति शर्मा या गिबि जायगा मोननो हादों, नैथि नम्बर आव अंकिता आगरवाल आरो 3 थि नम्बर आव गामिनि सिंलाई आ दं। खौरां मोननाय बादिब्ला आसामनिफ्राय बो सा3 आ सायखजादों, आसामनि शिल्पा खनिकर, आयुशि कालवार आरो देबज्योति बर्मन उथ्रिसार जानो हायो। आसाम नि खौ लाफायोब्ला सा सानजा भारत आव गासै सा 9 आ मोनदों, नागालेन्द नि सा 2 आ उथ्रिदों, मनिपुर निफ्राय बो सानै आ उथ्रिसारदों, मेघालय आरो अरुनाशल निफ्राय बो सासे सासे यै उथ्रिसार जानो हादों होनना मिथिना मोनदों। बे बोसोर आव गासै 685 मासि नि साख्रि थिसनगोन, जेराव 244 आ आनरिजार्भ, 73 आ रांखान्थियारिबादियै उन जानाय, 203 आ अबिसि, 105 या एससि आरो 60 टा या एसटि नि थाखाय लाखिनायमोन। मखजाथावदि ईउपिएससि नि गेजेरजों भारत सोरखार नि सिङाव आईएएस, आईपिएस, आईएफएस आरो गुबुन थाखो नि अफिसार जानो हायो. गिबि आनजाद, गाहाय आनजाद आरो मोखांजों मोखां लानाय आनजाद नि गेजेरजों सायखनाय जायो।
आसाम आ आरमिनिफ्राय उदां जाबाय, गासै आसाम आव नो एएफएसपिए खौ बोखारजोबाखैब्लाबो नेम खान्थि खौ कनट्रल खालामनाय आव दानि समाव आसाम आव भारत नि आरमि नि जेबो आखाय थानाय नंथवा। रैखाथ बिफान नि खौरां मोननाय बादिब्ला आसाम आव दायो उदखारिफोरनि बेरेखा अपारेशन आव आरमिफोरनि आखाय थानाय नंलिया, चिन आरो भारत नि गेजेराव जानाय मोजां नङि थासारि नि थाखायनो आसाम आरो जम्मु काश्मिर जों लोगोसे गुबुन जायगाफोराव बिबान होनाय आरमिफोरखौ लादाख आरो अरुनाशल सिमना याव लांबाय होनना मिथिना मोनदों, आसाम आव गोबाव सान निफ्रायय नो उदाखारिफोरनि बेरेखा अपारेशन आव बाहायनाय तेजपुर नि आरमिफोरनि उर कर दिभिजनन खौ रायजोनिफ्राय बोखारनाय जादों गजराज कर महरै मिथिजानाय बे दिभिजन खौ दायो अरुनाशल आव लांबाय। मखजाथावदि आसाम आव उदखारि बेरेखा अपारेशन आव गोबाव सान निफ्राय नो सोमोन्दो थानाय आरमिफोरनि फर कर जादों मोनले माउन्तेईन द्रुप, दायो आरमिफोरनि फर कर आ ल नङा, गासैबो आ नो सोमोन्दो थानाय नंलिया होनना मिथिना मोनदों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon