गुवाहाति नि नमाईल आव थानाय सिआरपिएफ नि केम्प आव एसएससि आ खुंनाय साख्रि नि आनजाद आव सा 9 नंखाय आनजाद होग्रा बर सुबुं फोरखौ हमदों। गासै सा 9 खौ हमदों, बिस्तुराम नार्जारि, देतसां आफरामहारि, माहाईमा खेरखातारि, मिथुन बसुमतारि, लैथोमा, बिदम, बिकाश, जगदिश, आरो देउराह बसुमतारि। गावनि जायगा याव गुबुनखौ आनजादखौ होहोदोंमोन। बसिस्त थाना याव गसर थिसननाय आव बेलेबेजे जानाय सोमोन्दो थानायनि दाय आव हमनानै बिजिरसालि आव लाङो, बेनि सिगां बो सा 4 बर सुबुंफोरखौ नो हमबावदोंमोन सुक्रबारखालि, हमजानाय सुबुंफोरनि मुङा सुबनार, बिलार बसुमतारि, लाउगा ब्रह्म आरो समजित नार्जारि खौ हमदोंमोन। सिआरपिएफ नि बिबानगिरि आ एजाहार होनायनि उनाव नो पुलिस फोरा हमदों। बर फोरा बेबायदि गोरोन्थि खालामना लानाय आ दुखुनांथाव, बायमेट्रिक जाखायो, बेयावनो हमजाखागोनखौ मिथिनो नांगौ। आसा खालामो गुबुनफोरा बेबायदि खालामना लाया, साख्रि मोनसे नि थाखाय जिउ खौ बर्बाद खालामना लानाय जादों, बेबो गाव खष्ट खालामालासै नो।
बेखेवनाय आ दानसे ल जानायावनो लक्षिमपुर नि केन्सार देहाफाहामसालि आव जाथाय जादों। हरखाब देहाफाहामसालि नि सिलिं आ गोग्लैदों, बे जाथाय आ जानाय आव सासे रैखागिरि नि जिउ आ बारगयो। देहाफाहामसालि नि बानायनाय आ मोजां जायि नि थाखाय नो बेबायदि जादों होनना साननाय जादों गोबां सुबुंफोरा नो, मखजाथावदि थांनाय 28 एप्रिल आव भारत नि गाहाय मन्थ्रि आ बेखौ बेखेवदोंमोन, दिब्रुगर निफ्राय भार्सुवेलि बेखौ बेखेवना होदोंमोन। गासै 45 बिसना थानाय देहाफाहामसालि आव सासे हाताय नि देहाफाहामगिरि जों लोगोसे गासै सा 4 देहाफाहामगिरिफोरा फ्रि आव नो फाहामथाय होगासिनो दं, नाथाय बेनि गेजेरावनो बेबायदि देहाफाहामसालि नि हालोद आ सोमोनांहोदों गोबांखौनो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon