9 May bodo news 2022 ~ Bodoinfo.com

2023 मायथाई नि उनाव दानि मेट्रिक नि गोनांथि थानाय नङा, 2023 नि आ नो जोबथा मेट्रिक आनजाद बायदि जागोन, मानो होनना बुङोब्ला आनजाद आ थागोनब्लाबो जाबायदि गोनांथि जायोमोन बेबायदि जानाय नंलिया, दायो हायार सेकन्दारि आ सो गोनांथार जासिगोन, आगोलाव मेट्रिक आनजाद खौ पास खालामनानैनो साख्रि मोनोमोन, नाथाय दायो बेबायदि गोनांथि आ खम जालांगासिनो। बेखौ बुंदों आसामनि सोलोंथाय मन्थ्रि डाँ रनुज पेगु बिथाङा, फैगो बोसोर आव मेट्रिक आरो हायार सेकन्दारि खौ लोगोसे खालामगोन। कलेजफोरा हायार सेकन्दारि थानाय नङा, लोगोसे दानि हाय स्कुल एबा गोजौ फरायसालि फोरखौ हायार सेकन्दारि एबा जौसिन फरायसालि बानायनाय जागोन, 2021 मायथाई निफ्राय 200 नि बारा गोजौ फरायसालि फोरखौ जौसिन फरायसालि बानायबाय, थाबावनायफोरखौ 2023 नि गेजेराव खालामजोबगोन। SEBA आरो AHSEC आ बो लोगोसे जागोन। गोदान सोलोंथाय खान्थि खौ हाबायनायनि बेयो मोनसे थिरांथा।

मा जामारगोन बिटिआर आव, सोलायमारगोन नामा, ना खौरांफोरा गासैबो नंखाय, सोरनिखौ फोथायगोन, मैया खौरांगिरिफोरनि सिगाङाव आसामनि गिबि मन्थ्रि आ बिटिआर आव जेबो रोखोमनि सोलायनाय जाया, बिटिआर आव दानि 5 बोसोर नि सोरखार आ नो थागोन होनना रोखा खालामना होदों, बेखौ बुंनायनि उनाव नो बाथ्रा या नो जोबखाबाय साननो हागौ, नाथाय जोबाखै, मानोना 5 नं कक्राझार लोकशभा बियाब नि एमपि नब सरनिया या सोमोनांथाव दाबि खालामदों, बिटिआर नि बारग गाहाय हाग्रामा महिलारि नि फारसे 26-27 सो एमसिएलफोरा दं होनना खौरां मोननायखौ फोरमायदों, फोथायनाय गैयि भट साननाय आ जायोब्ला जानो हागौ हाग्रामा या नो देरहानो हागौ होनना फोरमायो. जानो हागौ दिसपुर नि नङाब्ला दिसपुर नि सिगनेल खौ नेगासिनो होनना बो बिथाङा बुंबावदों। सिगनेल मोनोब्लानो चिफ जागोन होनना बुंदों, लोगोसे बिथाङा दानि बिटिआर नि गाहाय प्रमद बर नि सायावबो बुंदों, दिल्लि दिसपुर जों सोमोन्दो लाखिनानै मानसिफोरनिफ्राय गोजानाव थायो, नाथाय हाग्रामा महिलारि खौ मानसिफोरा गोरलैयैनो लोगो हमनो हायो होनना बो फोरमायदों। गुबुनफारसे एमसिएलए भबेन बर बिथाङा मैया गावनो बुंनानै दायो बेखौ एरैनो सो बुंदोंमोन होनना खौरांगिरिफोरनि सिगाङाव बुंदों, जों माहारियारि दोलो आव दं. माहारियारि दोलो खौ गारनानै आ आन्सलिक दोलो बिपिएफ आव थाङा, थांनाय बिसायखथि आव जों एसां खष्ट खालामबाय, दायो मानो थांगोन होनना बुंबावो।

कक्राझार आव सानै उन्दै हिन्जावसा गथ खौ बोलो बाहायनानै जिनाहारि खालामनो नाजानाय जाथाय नि अजद, सा 3 उन्दै गथफोरनि बेरेखा देहायारि गाग्लोबनायनि गिदिर अजद, खौरां मोननाय बादिब्ला थांनाय सुक्रबारखालि कक्राझार नि सानै उन्दै हिनजावसा गथ फोरा गावनि न नि खाथि नि बाजार आव थांनायनि उनाव नो गोमाना दंमोन, उनाव नखरनि सुबुंफोरा नागिरना मोनियाव पुलिस थाना याव थाङो, पुलिसफोरा नायबिजिरनायआव खाथि नि हाग्रा ओनसोलनिफ्राय हिनजावसाफोरखौ बासायनो हायो, उनाव पुलिसफोरनि सिगाङाव हिनजावसाफोरा बुंना लायो दि सा 3 सुबुंफोरा बोलो बाहायनानै हाग्रा याव लाना थांदोंमोन, गिबि आव मारपित खालामदोंमोन आरो उनाव बेबायदि नो देहायारि गाग्लोबदोंमोन होनना मिथिहोयो। दायो पुलिसफोरा रोखा खालामनो थाखाय मेदिकेल टेष्ट खालामदों। सासे आयजो आ बुंनाय बादिब्ला सासे सुबुंखौ बेनि दाय आव हमबाय। गुबुनफोरनि बेरेखा बो नायबिजिरनाय आ सोलिगासिनो दं।

बाक्सा नि लक्ष्मिबाजार आव एनदिएफबि नि बारग आफादगिरि धिरेन बर आ खौरांगिरिफोरनि सिगाङाव गिदिर बाथ्रा बुंदों, बिथाङा बुंदों एनदिएफबि नि सोद्रोमाफोरा गासै 3 रोजा नङाब्ला 3 रोजा 500 सो मोन, नाथाय रिहेबिलिटेशन नि मुङाव सोरखार आ बानायाय 12000 सोद्रोमा, 8-9 रोजा फ्राम नंखाय एनदिएफबि नि सोद्रोमा फोर बानायदों होनना अजद, बिथाङा बो राजखान्थियारि सोलायनायनि ईंगित खौ होदों मैया, हाग्रामा महिलारि नि दैदेननाय आव थाबैनो सोलायनाय फैगोन, प्रमद बर नि सोरखार खौ लानानै बारग एनदिएफबि फोरा गोजोननाय गैया, प्रमद बर नि चिफ नि मासि आ बारा गोबाव थालिया होनना बुंनानै सासे बिटिसि सोरखार नि पारिषद आ उदांयै मदद खालामगोन होनना बुङो, गुबुनफारसे एमएलए चरन बर बिथाङा बो बेबायदि नो बुंदों, प्रमद बर जों थाफानाय एमसिएलए फोरा गोजोननाय गैया, एमसिएलए फोरा गावनि गोसो जों नो जोंनि खाथि आव फैदों, जों जेबो लोब जाहोआखै, प्रमद बर नि सोरखार आ 5 बोसोर थाया, बेनि सिगां नो बिपिएफ नि सोरखार जागोन होनना बुंदों। मखजाथावदि मैया बाक्सा नि लक्ष्मिबाजार आव जानाय युथ बिपिएफ नि सिदाब्लिउसि नि मेल आव बाहागो लानानै बिथांमोना बेबायदि बुंदों

सिनायमोनि सुबुंखौ न आव हाबनो होनो नाङा। सान आव नो लुथिनाय जाथाय। 2 लाख रां नि सना नि गहना लाना थांबाय, जाथाय आ नाजिरा नि, नाजिरा नि 9 नं वार्द नि थागिबि दिपालि दं खौ सानै सेंग्राफोरा थगायनानै गासैबो सना नि गहनाफोरखौ लाना थाङो, सनिबारखालि सान नि 11 बाजि सो आव थांदोंमोन बे सेंग्रा सानै आ, गंसे आपासि मथरसाईखेल लानानै। गिबि आव काह नि थोरसि लथा फोरखौ साफा खालामनाय कम्पानि नि सुबुं होनना गावखौनो बुंना लायो। न आव हारसिं थानायखाय गिबि आव मानियाखैमोन आयजो आ, नाथाय फिन कम्पानि निप्राय रिप्रेजेनटिटिभ महरै फैदों होनना बुंनाय आव साफा खालामनो होयो सेंग्राफोरखौ, लोगोसे नो न आव सना नि गहना फोर साफा खालामनो दं नामा होनना सोंनाय आव सुबिदा मोननाय आव नो साफा खालामनो होफैयो। बे समाव नो सेंग्रा सानै आ दै गिलास से बियो, दै लायनो थांनाय आव नो सेंग्रा सानै आ गहनाफोरखौ लानानै खारो, दायो पुलिस नि खाथि आव थांबाय, पुलिसफोरा नायबिजिरगासिनो दं।