गुबुन हारि नि
सासे गाज्रि सुबुं जों हाबा जानायनि फिथाय। सासे बर आयजो आ दिल्लि नि सासे सुबुं
जों हाबा जाना लानानै दायो ननिफ्राय होखारजाबाय। बर आयजो निरजोरा नार्जारि आ दायो
पुलिसफोरनि खाथि आव थांदों। आयजो आ बुंनाय बादिब्ला बिनि फिसाय आ गुबुन हिनजावसा
हाबा खालामनानै बिखौ होखारबाय। सासे गथ बो दं बर आयजो नि। 5 बोसोर जाबायमोन
बिसोरनि सोमोन्दो आ, मोजां मोनलायनानै हाबा जादोंमोन। बर आयजो आ गुवाहाति निफ्राय
थादोंमोन, फरायनो बो रोङा, गिबि 2 बोसोर आव अनदोंमोन, नाथाय गथ जानायनि उनाव नो
बुनायखौ जागायो होनना फोरमायदों। बिखुनजो आ बो होखारहरबाय, दायो गोदान बिहामजो खौ
सो लाखिगोन होनना बुंनानै, बेनि सिगां फिसाय आ बो बुयोमोन होनना बुंदों। दायो
पुलिस नि खाथि आव थांनायनि उनाव फिसाय नि गोसो आ सोलायदों होनना बुंदों, दायो बे
बर आयजो खौ लांफिनगोन होनना आरो मोजाङै लाखिगोन होनना बुङो, नाथाय दायो बेबायदि
बुंनायखौ गोरलैयै लानो हायाखै आयजो आ, लांफिननानै माबाफोर खालामगोन सो नामा होनना
गिदों, मा जायो बेखौ उनाव सो मिथिगोन।
गुवाहाति आव थानाय बरफोरनि थाखाय मोजां खौरां। आहोम गामि आव बानायनाय जागोन गंसे बर न, न बानायनायखौ जागायनायखौ बेखेवो मन्थ्रि रनुज पेगु बिथाङा, बेखौ बानायनो थाखाय सोरखार आ 1 कौटि रां होदों। सोरखार नि जानानै जनजाति नि जौगाखां बिफान आ बे रां खौ होदों। गोबाव सम निफ्राय नो बेयाव बर फोरा थाबोगासिनो दं, 44 फ्राम सो गामि दं होनना मन्थ्रि बिथाङा बुंदों
कक्राझार सोहोर नि थानापारा याव मैया बिटिआर नि गाहाय प्रमद बर आ ईउपिपिएल नि गाहाय मावखुलि खौ बेखेवो, दोलो नि गाहाय मावखुलि खौ बेखेवनानै बिटिआर नि 35 लाख सुबुंफोरा गोजोनै थानो हायो बेनि थाखाय ईउपिपिएल नि लोगो सोरखार आ खामानि मावगासिनो होनना बुङो। बिटिआर आव हाग्रामा दैदेननाय बिपिएफ आ फिन सोरखार दागोन नामा होनना सोंनायनि फिननाय महरै बेयो जुक्टि गैया आरो मोगथां नङि बाथ्रा। बिपिएफ आ माब्लाबो सोरखार दानो हाया, बिसोर सोरखार दानायनि जेबो थासारि आ नो गैया, जों सासन आव फैनायनि उनाव फ्लर टेष्ट निफ्राय लानानै मोनसे नि उनाव मोनसे खालामनानै बिपिएफ आ सोरखार सिफायनो नाजागासिनो, बिपिएफ आ रायजो नि मोजांखौ माब्लाबो साना। बिपिएफ नि पारिषद फोरा जोंनि दोलो आव सो फैनो नागिरो, बिपिएफ आ बेरेखा दोलो आव थानानैबो बेरेखा नि खामानि खौ मावा, बिधान पारिषद सोलिनाय समाव बो नुजाथिया होनना फोरमायो, गुबुनफारसे फैगो 9 मे आव आसाम आव मिरु नखर मन्थ्रि अमित शाह बिथाङा फैगोन खौ बदलेन्द नि थाखाय मोजां खौरां आरो मिरु सोरखार आ सा सानजा भारत नि गेजेराव बिटिआर आव मोनसे गिदिर हाबाफारि लानो थांगासिनो होनना बो बुंनानै बिटिआर काउन्सिल निफ्राय बेनि थाखाय तामुलपुर आव हा होनायनि बाथ्रा बुंदों।
आसामनि बारग दिजिपि श्रि मदन राम चौधुरि नि जिउ गोमाबाय, 93 बोसोर बैसो नि बिथांनि जिउ गोमानाय आव दानि दिजिपि ङास्करज्योति महन्त बिथाङा दुखु मोननाय फोरमायदों। 1930 मायथाई आव जोनोम मोननाय मदन राम चौधुरि बिथाङा 1951 मायथाई आव आसाम पुलिस आव जईन जादोंमोन, 1987 मायथाई आव दिजिपि बानायनाय जादोंमोन आरो 1988 आव आजिरा मोनदोंमोन। बिथांनि सन्मान नि थाखाय दिनै फुङाव पेरेज नि हाबाफारि लादों होनना फोरमायो।
मैया जनता भवन आव रायजो सोरखार नि केबिनेत नि जथुम आ जानानै थांबाय। बेनि उनाव मन्थ्रि पियुश हाजरिका आरो अतुल बरा या खौरांमेल नि गेजेरजों फोसावनानै होयो। रायजो आव ईउरिया हासार नि आंखाल जानायखौ नुनो मोनगासिनो, बेनि थाखाय नो रायजो सोरखार आ ईउरिया हासार नि एसअपि दिहुनना होगोन, दानिया हासार नि पाईकारि फानग्रा थानाय नङा, बेनि सोलाय गासैबो पाईकारि फानग्रा फोरा खुशुरा फानग्रा जागोन, बिसोरनिफ्राय दानिया गोरलैयै नो बायनो हासिगोन हासार, मोनफ्रोमबो बेग आव 20 रां मोनगोन फानग्रा या। गुबुनफारसे हारि नि फोरमान बिलाय नि सायाव बो मैया थिरांथा लादों सोरखार आ, गोदान पर्तेल मिशन भुमि पत्र बेकेवगोन, बे पर्तेल नि गेजेरजों बिफा नि हारि नि फोरमान बिलाय थायोब्ला गोरलैयैनो हारि नि फोरमान बिलाय मोनगोन फिसा या, बेनि थाखाय गोदानै मावखुलि आव थांनांगौ नि गोनांथि गैया, नाथाय बिमा बिफा थायाब्ला 45 सान नि गेजेराव आरजलाय होनाय आ जाजोबगोन होनना बुंदों, बेनि थाखाय दानिया थाखो 9, 10, 11 आरो 12 नि फरायसाफोरा फरायसालि आव नो होनो हागोन हारि नि फोरमान बिलायखौ, फरायसालि आव आरजलाई होयोब्ला जिला बेंगिरि नि गेजेरजों मोनगोन फोरमान बिलायखौ।
नंखाय तानत्रिक हमजादों। हिन्दु तानत्रिक नि महर लानानै कामरुप नि बक पुलिस आ जामिर हुसेईन मुंनि सुबुं खौ हमदों, हमनायनि उनाव नो गोदान गोदान जाथाय आ सोराङाव फैदों। मखजाथावदि गोजोन खुसि आरो थाखोमानाय सना मोननाय नि आशा होनानै बे नंखाय तानत्रिक आ बको नि बिरपारा नि सासे सुबुं निफ्राय नोगोद 2 लाख रां लाना थांबायमोन, खौरां मोननाय बादिब्ला बियो होजाई नि थागिबि, बाबा महर नि जामिर आ थगायनानै बेबायदिनो गोबां रां लुथिबाय गुबुन गुबुन जायगा नि गोबां सुबुंफोरनिफ्राय। सनिबार खालि बे नंखाय तानत्रिक नि बेरेखा बिमला राभा मुंनि आयजो आ पुलिस नो एजाहार होयो, आगोलाव बिपुल कुमार कलिता मुंनि सुबुंनिफ्राय बो थगायनानै रां लांदोंमोन. एजाहार होनायनि उनाव नो पुलिसफोरा हमो।
जामशेदपुर नि ताता स्तिल प्लान्त आव गिथावना बेरफ्रुनाय। कक प्लान्त आव जानाय गिथावना बेरफ्रुनाय आव सा 3 सुबुंफोरा जोखोम जादों होनना मिथिना मोनदों। जोखोम जानायफोरखौ ताता मैईन देहाफाहामसालि आव लाना थाङो, फुंनि 10 बाजि 20 मिनित आव जादोंमोन, बेरफ्रुनायनि थाखाय अर नांनाय आव अरखौ खोमोरनो गोबां अर खोमोरग्रा गारिफोरा नो थांदोंमोन। बे जाथाय नि सायाव झारखान्द नि गिबि मन्थ्रि हेमन्त शोरेन आ दुखु मोननाय फोरमायनानै जोखोम जानायफोरनो मोजां फाहामथाय होनायनि सायाव बुङो।
पाकिस्तान नि पान्जाब प्रदेश आव मोनसे गाज्रि जाथाय जादों। मोसानाय आरो मदेलिं खौ केरियार महरै लानायनि दाय आव नो गावनि बिदा या नो बुथारबाय बिनानाव खौ, 21 बोसोर बैसो नि बिनानाव नि मुङा चिद्रा मोन, पाकिस्तान नि लाहोर निफ्राय 130 कि मि गोजान रेनाला खुर्द उकारा नि थागिबि मोन। पुलिसफोरा बुंनाय बादिब्ला चिद्रा या नखर नि लुबैनायनि उल्था यै मोनसे जायगायारि जि नि कम्पानि नि थाखाय मदेलिं खालामदोंमोन, लोगोसे मोसानाय आव बो बाहागो लादोंमोन जायखौ नखर नि सुबुंफोरा मानिना लानो हायाखैमोन आरो बिखौ नखर नि नेमफोरखौ मानिना लानो बिथोन होदोंमोन, नाथाय चिद्रा या बेखौ मानियाखैमोन। सुक्रबारखालि सोरबा नखर नि सुबुं आ नो बिनि मोसानायनि भिदिअ खौ बिदा नो हरो, बेनि सायावनो नांलायनाय जादोंमोन, बुदोंमोनबो बिखौ, नाथाय चिद्रा या मानिथारैयाव गुलि गावनाय जाथाय जायो, आरो थैयो। बिदा नि मुङा हामजा, बुथारनायनि गसर थिसननाय जाबाय बिनि बेरेखा।
रायजो आव 30 जौखोन्दो बारा जादों साईबार क्राईम आ, हादर आव साईबार क्राईम नि बोलि जानाङो गोबाङानो, आसाम आव बो बेबायदि जाथाय आबारा जानायखौ नुनो मोनदों। 2018 मायथाई आ हादर आव साईबार क्राईम नि जाथाय आ गासै 2 लाख मोन, थांनाय बोसोर आव बेयो 14 लाख सिम मोनहैदों। बेखौ गुवाहाति पुलिस नि गाहाय हरमित सिंह बिथाङा बुंदों, आसाम पुलिसआ बेफोरखौ होबथानो थाखाय गोबां गुबुन गुबुन खामानि मावगासिनो होनना बुंदों, रायजो फोरखौ सांग्रा खालामनायजों लोगोसे बेनि सायाव फोरोंथाय होनाय नि बेबस्था बो खालामदों होनना फोरमायो, बेनिनो बाहागो महरै ट्रुकलार आरो सायबार पिश नि बान्जायनाय आव रयेल ग्लबेल बुहुमफरायसालि आव मोनसे हाबाफारि लानाय जादोंमोन, 15 लाख सुबुंफोरनो फोरोंथाय होनाय जागोन, सायबार गाग्लोबजायोब्ला 24 घन्टा नि गेजेराव हेल्पलाईन नम्बर 1930 आव फन खालामनो रायजोफोरखौ खावलायदों।
रायजो आव बारमोदाय नि गिथावना महर, दसेआवनो गिथावना थासारि सोमजिदोंमोन। बरपेता नि चेनिमारि आव फैदोंमोन। बे बारमोदाय आ गोबां नि न बां बुखारना लांदों होनना खौरां मोनदों, गासैबो जाथाय आ केमेरायाव रेकर्द जाजोबदों, ससियेल मिदिया याव भाईरेल जादों, सानजौफु नि समाव हरखाब फैनाय बारहुंखा या चेनिमारि गामि जों लोगोसे गोबां गामि नि खहा खालामदों होनना मिथिना मोनदों। बेसेबां खहा जादों दासिमबो रोखा जायाखै। गुबुनफारसे मैया भारत नि बोथोर बिगियान आ सा सानजा भारत आव येल्ल एलार्त खालामना होदों, मंगलबार सिम थासारि आ ईसे गाज्रि जानो हागौ होनना बुंदों।
आयेन आ गासैबो नि थाखाय समान, बे बाथ्रा नि फोरमान जाबाय अन्ध्रप्रदेश आव। जेल आव थांनांबाय सा 3 आईएएश अफिसार आ। अन्ध्रप्रदेश गोजौ बिजिरसालि आ बे साजा खौ होदों। खौरां मोननाय बादिब्ला बिजिरसालि नि बिथोन खौ बिथांमोना मानियाखैमोन, गासैखौबो 1 दान नि जेल जों लोगोसे 2000 रां नि जरिमाना बो होदों। अफिसारफोरनि मुङा पुनम मालाकोन्दाया, एईस अरुन कुमार आरो जि बिराप्पान्दियान। 2019 मायथाई नि 22 अक्टोबर आव बिजिरसालि आ बिथोन होनायखौ मानियाखैमोन।
रेल नि सौग्रावनाय आव लोगोसे नो जिउ गोमाबाय बिफा फिसा नि। सोनकोस दैसा नि सायाव थानाय रेल नि दालां आव नो जादों, धुबुरि कामाख्या फास्त पेसेन्जार रेल नि सौग्रावनाय आव नो जादों, धुबुरि निफ्राय कामाख्या फारसे थांगासिनोमोन रेल आ। थैनाय सानै नि मुं खौ युशुफ आरो साईदुर होनना सिनायनाय जादों, कक्राझार जिला नि जमुनाटारि गामि नि थागिबिमोन।
श्रिलंका याव फिन ईमारजेन्सि एलार्त, थांनाय 5 सप्ता याव नैथि खेब नि थाखाय बे ईमारजेन्सि फोसावदों। हादरगिरि गोताबाया राजपक्षे आ बेखौ फोसावना होदों। श्रिलंका याव सोलिगासिनो रांखान्थियारि गाज्रि थासारि आ। गोबां सुबुंफोरा नो धर्ना होगासिनो बेफोरनि बेरेखा, मैया फरायसाफोरा बो ओंखारदों हादरगिरि नि बेरेखा, पुलिसफोरा गाबहोनाय गेस बाहायनो गोनां जादों, बेनि उनाव नो ईमारजेन्सि खौ फोसावना होदोंमोन, मैया हर गेजेरनिफ्राय जादों बेयो।
आलफा नि सानै सोद्रोमाफोरखौ आलफा या नो थैनायनि साजा होदों। आलफा याव थानानै नो आलफा नि बेरेखा खामानि मावनायनि दाय आव बुथारनाय जागोन। खौरां मोननाय बादिब्ला साननैसो सिगाङाव सानै संगालि एबा सिखावै खौरां दैथायहरनाय खामानि मावनाय नि दाय आव शन्जिब शर्मा आरो धनजित दास खौ हमदोंमोन, बेनि उनाव नो मोनसे भिदिअ दैथायहरदोंमोन आलफा या जेराव सिखाव खामानि मावनाय सोद्रोमा या गाव मावनायखौ बुंना लादोंमोन। रां नि लोब आव नो खालामदोंमोन होनना आलफा या बुंदों। थांनाय 24 एप्रिल आव धनजित दास आ खारखुमादोंमोन, बेनि उनाव 25 एप्रिल आव बिखौ हमना सोंनाय आव जाथाय आ सोराङाव फैयो, आलफा या बिसोरखौ निमाहा नि जग्य नङा होनना बुंनानै थैनायनि साजा होनायखौ फोसावो।
नर्थ करिया याव जिन्स नि उनाव दायो ताईथ पेन्त खौ बो बेन खालामबाय। , किम जं उन नि बादिब्ला बेयो गाज्रि। नर्थ करिया या बुहुमनि बयनिख्रुय सिक्रेत हादरफोरनि गेजेराव मोनसे। गासैबो बाथ्राफोरखौ नो बेयाव सिक्रेत यै लाखिनाय जायो। मोनसेबो हादर आ नो बेनिफ्राय खौरां दिहुनना लाबोनो हाया जुदि बिसोर गोसो जायाब्ला, खौरां मोननाय बादिब्ला हादर आव गोबां नेमफोर दिहुनना होदों। बे नेमफोरखौ मानियैनि फिथाय आ थैनाय खा। किम जं उन नि खाथि आव गोरोन्थि नि थाखाय जेबो निमाहा गैया। खानाय हानायनिफ्राय लानानै ईन्टारनेत बाहायनाय गासैबोआवनो नेम दं। दायो किम आ टाईथ एबा गोरा पेन्त गाननायखौ बेन खालामदों होनना खौरां मोनदों, आगोलावथ जिन्स गानो मोनि नि नेम खौ दिहुनखादोंमोन, जिन्स गाननो मोनि नि गोबाङानो टाईथ पेन्त गानोमोन, सोरबाफोर बेबायदि गानोब्ला लोगो लोगो साजा होनो बिथोन होदों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon