खम जाबाय
पेट्रल आरो दिजेल नि बेसेन आ। हादरनि सुबुंफोरनि थाखाय मोजां खौरां लाबोदों मिरु
सोरखार आ। पेट्रल आव 9 रां 50 फैसा खम खालामदों आरो 7 रां खम खालामदों दिजेल नि
बेसेन खौ। मिरु सोरखार आ पेट्रल नि एक्साईज दिउति खौ 8 रां आरो दिजेल नि खौ 6 रां
खम खालामना होदों, बेनि थाखाय नो पेट्रल आरो दिजेल नि बेसेन खौ खम खालामबाय। मिरु
रांखान्थि बिफान नि मन्थ्रि निर्मला सितारमन बिथाङा फोसावनानै होदों। गुबुनफआरसे
बिथाङा संग्रा गेस नि सायावबो फोसावनानै होदों, बे बोसोर आव प्रधानमनत्रि उझ्वला
बिथांखि नि सिङाव 9 कौटि नि बारा सुबुंफोरनो गेस सिलिन्दार आव 200 रां नि मदद
होगोन सोरखार आ, बेनि गेजेरजों जोंनि आय आरो बिनानाव मोनहा सुबिदा जागोन होनना
बुंदों।
नोंथांमोना भट होबाय ना।
बर फिसा नबजित नार्जारि नो मैया हर निफ्राय भट होनो हानाय जाबाय, दिआईदि लितल
मास्तार सिजन 5 आव टप 10 आव जायगा मोननो हानाय नबजित नो भट होनो खावलायदों खौसेथि
बर सुबुं आफाद आ टप 10 आव मोनहैनायनि उनाव भट नि गेजेरजों सायखनाय़ जायो। खौरां
मोननाय बादिब्ला मैया हर नि 9 बाजि निफ्राय समबार नि फुंनि 9 बाजि सिम थागोन भट
होनो हानाय सम आ। नबजित आ देरहायोब्ला गामि गंसे एबा ओनसोल नि ल सुबुंफोरा मुं
मोना, गासै बर फोरा नो मुं मोनगोन एबा बर फोरा सिनायजागोन। बेखायनो गासैबो बर
फोरजों लोगोसे गुबुन हारि नि सुबुंफोरखौ बो गाहाय आव होनाय फन नाम्बार आव मिसकल
मोनसे होनो थाखाय खावलायनाय जाबाय। फन नाम्बार आ 9152915246. बे नम्बर आव मिसकल ल
सो हरनो नांगौ, थायसेबो रां थांनाय नङा फन खालामनाय आव बेखायनो गावनि मबाईल नम्बर
जों लोगोसे गुबुनफोरनिखौबो लानानै फन खालामना बर फिसा खौ देरहाहोयोब्लानो जाबाय।
गुवाहाति आव
होखारजानाय बर फोरनो मुंदांखा बर फावखुंग्रि फुजि बसुमतारि नि गिदिर मदद। बद' बतिक
मुंनि ब्रेन्द नि लाख रां सो नि सि जोम गाननाय जोमनाय हरदों कक्राझार निफ्राय,
बिथाङा बद' बतिक नि ब्रेन्द एम्बेसेदार बो। खौरां मोननाय बादिब्ला बिथाङा दायो
गोरबो आव गथ थानायनि थाखाय नो थांनो हायासै। गुवाहाति नि बर फोरा बेबायदि मदद
मोननायनि थाखाय बिथांनिसिम साबायखर बावहरदों आरो मोजां देहा नि थाखाय ईसोरनि आव
आरज गाबहरो। बेबायदि हालोद आव बो बर फोरनि फारसे सानना मदद होनाय आ जोबोद
बाख्नायजाथाव।
सोमोनांथाव,
सासे सेंग्रा नि जिउ गोमानायखौ लानानै नो बट'द्रबा थानायाव दुंहाव थासारि, थाना खौ
नो सावना होजोबबाय। बेल नङा, गोबां सुबुंफोरा पुलिसफोरखौ बो बुदों, खौरां मोननाय
बादिब्ला थैनाय सेंग्रा नि मुङा सफिकुल ईश्लाम, न आ बटद्रबा नि सालनाबरि नि,
सुक्रबारखालि ना फिसा फाननो थांबाय थानाय समाव नो पुलिसफोरा हमदोंमोन। थाना याव
लांनायनि उनाव नखरनि सुबुंफोरा खौरां लानो थाङो, थैनाय सेंग्रा नि नखर नि अजद नि
बादिब्ला पुलिसफोरा रां आरो हांसो बिदोंमोन सेंग्रा खौ दिहुनना होनायनि मुङाव, 10
रोजा रां आरो हांसो, नाथाय बेयो बेसेबां सैथो मिथिया, नखरनि सुबुंफोरा सो अजद
होदों, नायबिजिरोब्ला सो गासैखौबो मिथिगोन, उनाव नखर नि सुबुंफोरा सेंग्रा खौ नुयि
आव दुंहाव खालामो थासारि खौ, पुलिसफोरा बुंदों दि सेंग्रा नि हालोद आ गाज्रिथार
बेनि थाखाय फाहामथाय होनो देहाफाहामसालि आव लाना थांदों, नाथाय दायो थैबाय, बेखौ
मिथिनानै नो बिसोरनि गोबां सुबुंफोरा ज जायो आरो थाना खौ सावना होदों, बेयाव गोबां
आयजोफोर बो दं, भिदिअ आव रोखायै नुनो मोनदों। गुबुनफारसे आसामनि दिजिपि
भास्करज्योति महन्त बिथाङा बुंनाय बादिब्ला 39 बोसोर बैसो नि सफिकुल खौ 20 मे खालि
हमदोंमोन लोंनाय नि दाय आव, लोंनानै पाब्लिक लामा याव गोग्लैना दंमोन, उनाव
मेदिकेल चेक आप खालामनानै हमना दोनो पुलिसफोरा। बेनि उनखालि बिनि बिसि नो गथायना
होयो। बिसि आ दै आरो जाग्रा आदार होदोंमोन, उनाव देहा गाज्रि जादों होनना मिथियो
आरो गं 2 देहाफाहामसालि आव लाना थाङो, नाथाय थैयो, बेखौ पुलिसफोरा गोथौयै लादों
आरो असि खौ सासपेन्द खालामबाय आरो गुबुनफोरनिखौ क्लस खालामना होबाय, नायबिजिरनाय आ
सोलिगासिनो दं, दासिमबो रोखा जायाखै दाय आ सोरनि। खौरां मोननाय बादिब्ला पुलिसफोरा
सा 3 गुबै दायनिगिरिफोरखौ हमबाय आरो गुबुनफोरनि सायाव बो एक्सन लागोन होनना नगांव
नि एसपि आ बुंदों।
ग्रेस मार्क
मोननाय टेट फोरोंगिरिफोरहा साख्रि खोमाना लागोन नामा। गौहाति गोजौ बिजिरसालि नि
गिदिर फोसावनाय। ग्रेस मार्क होनायखौ आयेन बेरेखा होनना फोसावना होदों, टेट आनजाद
आव ग्रेस मार्क मोनना उथ्रिनाय बिजाथिफोरनि ईयुन आ खोमसिफारसे, 1381 ग्रेस मारक
मोननाय बिजाथिफोरखौ केनसेल खालामनो हागौ, गुबुनफारसे गोजौ बिजिरसालि नि बे राय नि
उनाव नो गोदान थिसननाय दिग्रि नि फोरोंगिरि खौ जईन जानाय खामानि खौ बन्ध
खालामथदों, गुबुनफारसे गोबाङानो फोरोंगिरि नि खामानि बो मावना दं ग्रेस मार्क
लानानै, बेखायनो बिजिरसालि आ बे रायखौ होनायनि उनाव नो साख्रि खोमाना लागोन नामा
होनना सानदों, गोजौ बिजिरसालि नि राय नि उनाव नो फोरोंगिरिनि काउन्सिलिं जईन खौ थि
गैयि सम सिम बन्ध लाखिथदों।
बाघबर नि
बर'फोरनि बो दुखु। सोर खोनासंगोन बर बिमा नि दुखुजों खावलायनायखौ। दैबाना जो लोगोसे
रायजो आव हा खुरखानाय आ बो गिथावना महर लागासिनो। रायजो नि गोबां जायगा जों लोगोसे
बरपेता नि बाघबर आव बो बुरलुंबुथुर नि हा खुरखानाय आ गिथावना महर लादों। बाघबर नि
दैमा सेराव थानाय बर फोरा न बां, हा हु, मन्दिर गासैखौबो खोमाना लानांबाय। सानसे
समाव 300 सो बर नखर थानाय जायगा याव दायो 10 टा सो नखर आ ल सो दं, नाथाय बेनिबो 6
टा नखर नि हा हु, न बां फोरा दै जों लांजाबाय आरो दायो बिसोरनि ईयुन आ खोमसिफारसे।
बेखायनो गावनि बिमाय एबा मामा होनना साननाय रायजो नि गिबि मन्थ्रि खौ आखाय
खबजबनानै बर आयजोफोरा खावलायदों माबा मोनसो मदद खालाम होनना। गावनि बिफा नि हा
होनना नो गोबां खष्त जोंब्लाबो थागासिनो बर नखरफोरा, नाथाय दायो दुखुनांथावयै
खोमाना लानो गोनां जादों।
बारा जालांनो
हमगासिनो मांकि भाईरास आ, दायो स्पेईन, पर्तुगाल जों लोगोसे आमेरिका आरो गुबुन
गोबां ईउरोप नि हादरफोराव मांकि भाईरास नि बेराम आव गोग्लैनाय बेरामि मोननो हादों,
ब्रितेईन सावस्रि बिफान आ बुंनाय बादिब्ला हर्खाबनो बेरामि नि अनजिमा या 2 गुन
जादों, बेरामि आ बारा जानाय लोगो लोगो नो सांग्रां खालामना होदों आरो बेखौ
होबथानायनि बेबस्था खालामनायनि सायाव खामानि मावगासिनो। खौरां मोननाय बादिब्ला WHO आ गासैखौबो सांग्रा खालामना
होखादोंमोन आगोलावनो। कभिद नि बायदि गोसारोब्ला बेयो कभिदनिख्रुय गिथावना जागोन
होनना। नोंथांमोना सावगारि आव नायनो हायो माबायदि जायो बेराम आ। बुहुमनि गुबुन
गुबुन जायगा याव गोसारनायखौ नुनो मोनगासिनो।
लामा नि खाथि
नि सैमा खौ गाज्रियै लान्जाय आव हमनानै फिदिंखावनानै गारना होनाय जाथायनि भिदिअ
भाईरेल जानायनि उनाव दायो बेबायदि खालामनाय सेंग्रा खौ हमबाय होनना मिथिना मोनदों।
जुनार नि सायाव खालामनाय गाज्रि खामानि नि बेरेखा आयेन आरो साजा थानायनि उनाव बो
गाबं साननो रोङि सुबुंफोरा बेबायदि खालामबाय थानाय आ सोमोनांथाव। उन्दुना थानाय
सैमा नि लानजाय आव हमनानै बेबायदि खालामनाय आ सोमोनांहोदोंमोन बयखौबो, बेयो भाईरेल
जानायनि उनाव नो गासैबो साजा हो दाबि दैखांदोंमोन। दायो बे सेंग्रा खौ हमबाय होनना
मिथिना मोनदों, मुङा राजिब सरकार, आगरतला पुलिस आ हमबाय, बिनि बेरेखा मोनसे एनजिअ
आ पुलिस नो गसर होदोंमोन।
मुवा
बेसादफोरनि बायदि 47 रोजा रां आव फानदोंमोन सासे हिनजावसा खौ, पुलिसफोरा गोबां
नाजानायजों बासायनो हायो। नगरबेरा नि टुपामारि आव बे सोमोनांथाव जाथाय, माबा मुवा
बेसादफोरनि बायदि दाम दर खालामनानै नोगोद 47 रोजा रां आव फानदोंमोन सासे उन्दै
हिनजावसा गथ खौ। खौरां मोननाय बादिब्ला थाखो 9 नि सासे फरायसुलि खौ गवालपारा नि शिमलिटोला
पुलिस सक नि सिंनि जियागुरि गामि नि सासे सुबुं नो फानदोंमोन, बेनि थाखाय नोगोद 47
रोजा रां लादोंमोन, आजाद आरो जाकिर मुंनि सानै हिनजाव फालांगिरि आ बे धोन खौ
लादोंमोन, बेबायदि दालालि खालामनायनि भिदिअ खौ सासे सुबुं आ भिदिअ रेकर्द
खालामजोबना लादोंमोन, बेनि उनाव नो ससियेल मिदिया याव हगारना होदोंमोन, धोन नि
थाखाय बेबायदि फाननाय आ सोमोनांहोदों बयखौबो। दायो पुलिसफोरा हमनानै साजा होनो
दाबि दैखांदों जायगा नि रायजोफोरा।
क'क्राझार जिल्लानि सिङाव थानाय झारबारि दख’रा दुलाराय बर' फरायसा
आफाद आरो पाटगाव आउट फस्ट नि जथायै बानजायनायाव दिनै 21 मे 2022 खालाराव
झारबारि नब्लांआव दुलाराय बर' फरायसा आफादनि बड'फा
गोजोरथियारि सोलायनाय मावथांखिनि (Bodofa Mission for Sustainable Change) आयदाबादियै आयेनारि आरो समाजारि सांग्रांथि मेल (Legal and Social Awareness Programme) खुंफुंनाय जायो। बे मेलखौ झारबारि दख’रा दुलाराय बर' फरायसा
आफादनि मानगोनां आफादगिरि मुस्रि परशुराम बसुमतारीनि मासि आजावनानै दैदेन्नाय
मेलाव मेल बेखेवगिरि आलासि महरै बाहागो लायो क'क्राझार
जिल्ला दुलाराय बर' फरायसा आफादनि मानगोनां गाहाइ नेहाथारि मुस्रि काम्फा बसुमतारि, बुंथिगिरि
आलासि महरै बाहागो लायो क'क्राझार जिल्लानि मानगोनां डिएसबि पुनम पेगु, ए.पि.एस.
लोगोसे आरो गोबां मेलेमजिबि बिथांमोना। रामफलबिल दख'रा
दुलाराय बर' फरायसा आफादा दख'रानि
बेन्दोंआव थानाय गंगार-जावफ्लं दालायसा दुलाराय बर' फरायसा
आफादनि हेफाजाबाव
"आदब आरो गुण गोनां सोलोंथाइनि मावथांखि-2025" खौ
बिथा खालामनानै मैया इंराजि 21 मे, 2022 इं
अक्ट'खालि
बेलासि 01:30 रिंगायाव
सान्जा टेङाइगाव गामिनि दितागिरि, फोरोंगिरि आरो लाइमोनफोरखौ लाफानानै रामफलबिल दख'रा
दुलाराय बर' फरायसा आफादनि गाहाय नेहाथारि, मुस्रि
बिजित कुमार ब्रह्मनि मासि सामलायनायाव 520 नं
टेङाइगाव गुदि फरायसालिआव बो "दितागिरि सांग्रांथि मेल" खुंनाय
जादोंमोन।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon