30 May Bodo news 2022 ~ Bodoinfo.com

मैया रबिबारखालि सावस्रि बिफान नि 3थि ग्रेद नि साख्रि नि लिरनाय आनजाद आ जानानै थाङो, बे लिरनाय आनजाद आव नो बेले बेजे जानायनि गिदिर अजद होदों सासे आनजाद होगिरि आ। सावस्रि बिफान नि गोसो गैयि खामानि नि थाखाय नो आनजाद होनो मोनासै सासे सुबुं आ। खौरां मोननाय बादिब्ला सावस्रि बिफान नि लेबरेतरि तेकनिशियान मासि नि थाखाय जादोंमोन आनजाद आ, बेनि थाखाय गुबुनफोरनि बादि नो प्रनबज्योति मुंनि सुबुं आ बो थियारि जादोंमोन आनजाद खौ होनो थाखाय, गासैबो थिगानो सोलिदोंमोन, थि समाव एदमित कार्द आ फैबाय, नाथाय एदमित आव आनजाद नि मिरु आ फैदों थिगानो, नाथाय बेनि एद्रेस आ सो फैयासै, जिला नि मुङा बो लिरनाय गैया एदमित आव, जामुगुरि जौसिन फरायसालि ल सो लिरनाय दंमोन, रबिबारखालि जामुगुरि फरायसालि खौ नागिरनानै गोदाव सोराव जानाङो, मानोना आनजाद मिरु खौ नागिरना नो मोनासै, खौरां मोननाय बादिब्ला फरायसा नि आनजाद नि मिरु आ तेजपुर जिला नि मोन, उनाव बेखौ मिथिदोंमोनब्लाबो आनजाद नि सम आ बारलांबायमोन। एसेबां खष्ट खालामनानैबो बेबायदि मोनि नि थाखाय सावस्रि बिफान खौ सोंखारिदों फरायसा या।

बिटिसि नि गाहाय प्रमद बर नि बेरेखा गिदिर गिथावना अजद, मैया खौरांमेल नि गेजेरजों एमसिएलए आरो बिटिसि पारिषद नि बेरेखा दोलो नि गाहाय देरहासाद बसुमतारि बिथाङा अजद होदों, गिदिर जाख्लनायनि अजद होदों। रायजोफोरनि नंखाय बाथ्रा बुंनानै जाख्लनायखौ खालामनायनि अजद। बिथाङा बुंदों जौगानायनि मुङाव नंखाय समाय लादों, कक्लाबारि नि सुबुंफोरजों लोगोसे थागोन बुंना थगायनायनि अजद, बिटिसि आव साबेसे फोरोंगिरि थिसनखो होनना उदां सोंनाय बिथांनि, मोनबेसे फरायसालिखौ सोरखारि खालामखो होनना बो सोङो, बे खौरांमेल आव बिथांजों लोगोसे एमसिएलए जय मुशाहारि, बारग एमएलए थानेस्वर बसुमतारि, मनेश्वर ब्रह्म जों लोगोसे गोबां दैदेनगिरिफोरा।

मैया केबिनेत नि जथुम आव मोननैसो गोनांथार थिरांथाफोर लानाय जादों, थिरांथाफोरा- आसाम साहा श्रमिकफोरनो 142 कौटि 5 लाख रां पिएफ आव जमा होनो थाखाय दिहुनना होबाय। माईनरितिस फोरनो गिबिखेब माईनरितिस नि फोरमान बिलाय होगोन रायजो सोरखार आ, गासै मोन 6 धोरोमनि खौ, मुश्लिम, जैन, सिख, ख्रिस्तियान, प्रासि आरो बुद्धिस्त फोरनो होगोन नि थिरांथा, दिमा हासाव नि थाखाय रांखान्थियारि पेकेज होनो खावलायदों गिबि मन्थ्रि खौ केबिनेत आ बे जथुम आव। सोरखार आ गोदानै 3007 टा फख्रि जावनानै अमृत सरोबर महरै मुं होगोन, बेनि थाखाय 1208 कौटि रां थि खालामदों, गंसे फख्रि जावनायनि मुङाव 24 लाख रां खरसा खालामगोन सोरखार आ।

कक्लाबारि नि उफ्रा बिसायखथि आ जोबनायनि उनाव नो बिपिएफ नि सा 3 एमसिएलए फोरा ईउपिपिएल दोलो आव हाबगोन, बुंदों एमसिएलए निलुत स्वर्गियारि बिथाङा। मैया रौता ब्लक ईउपिपिएल दोलो नि प्राईमारि कमिटिफोरनि मोनसे समायखिरा लानाय हाबाफारि आव बाहागो लानानै बिथाङा बेबायदि बुङो, बिथाङा लोगोसे नो रौता याव बिपिएफ आ बिटिसि आव जिर जानो थांगासिनो होनना बो बुंदों, बे हाबाफारि आव राज्यसभा नि एमपि रोनगोरा नार्जारि बिथाङा बो बाहागो लादोंमोन, बिथाङा बिपिएफ नि सा 3 एमएलए आ लैथो आव हाबहैबाय, लैथोनिफ्राय दैमा याव फैफिना होनना बो बुंदों, बिपिएफ नि एमएलए फोरा बिपिएफ आव थागोन ना थाया हाग्रामा महिलारि बिथाङा मिथिया होनना बो बुंदों। बे हाबाफारि आव बिपिएफ नि दैदेनगिरिफोरा मैया ईउपिपिएल आव हाबदों होनना बो बुंदों।

आईएसएल गेलेनाय दोलो हायदाराबाद एफसि आ गावनि युथ टिम नि थाखाय त्राईल्स लानायखौ बेखेवदों। कक्राझार आव बो जागोन, 20 जुन निफ्राय 22 जुन सिम, बेफोरनि अनगायैबो सिकिम नि नामसि, मिजराम नि आयज्वल आरो मेघालय नि शिलं आव बो जागोन होनना मिथिना मोनदों। खौरां लायोब्ला नो जाबाय।

फैगो जुन दान निफ्राय रायजोनाङै नो जागायगोन हायार सेकन्दारि नि फोरोंनाय हाबाफारि आ। दायो सोलोंथाय बिफान आ कलेज पोरनि फरायसापोरनि थाखाय फ्रि बिजाब होनो थाखाय थियारि होनना खौरां मोनदों, रबिबारखालि गुवाहाति नि नारेंगि नि बोन्दानि आसाम स्तेत तेक्सबुक प्रदाकशन एन्द पाब्लिकेशन कर्परेशन आ चेन्ट्रेल बिजाब बाख्रि खौ बेखेवो, बेयाव बाहागो लानानै बेनि गाहाय देबानन्द हाजरिका या प्लेग अफ खालामनानै बे हाबाफारि खौ बेखेवो। गासै मोन 9 जिला याव 5 लाख सो फ्रि बिजाब राननानै हरो, जुन दान नि गिबि सप्ता याव फोरोंथाय खौ थांखि लानानै गुबुन जिलाफोराव बो थाबैनो रानना होगोन होनना फोसावदों बेनि थाखाय नांगौ जानाय 16 लाख 54 रोजा 327 बिजाब खौ हरनो थियारि जाना दं होनना बो बुंदों।

मिरु एबसु नि लेङाइ आफादगिरि खोरोमदाव औवारी बिथाङा बुंदों "एबसुआ 1967 मायथाइनि 15 फेब्रुवारीआव गायसननायनि उनाव 2022 मायथाइयाव 55 बोसोराव आबुं जाबाय। खौसेथि, थामोन्थाइ आरो दावगाथाइ बे मोनथाम गोनां मोन्थोरखौ लानानै एबसुआ जोनोमनिफ्राय बर' हारिनि फारफ्रोमबो बिथिंखौ जौगाहोनो थाखायनो खामानि मावबोबाय थादों। एबसुआ बर' हारिनि मोनसे vibrant फरायसा आफाद आरो बे आफादआव generation निफ्राय generation थाद'नाय गोयै फरायसाफोरा बिबान लानानै हारिनि थाखाय खामानि मावबोबाय थादों। एबसुआ सम आरो थासारिजों सोमोन्दो लाखिनानै बर' हारिनि जेंनाफोरखौ सुस्रांनो माखासे जारिमिनारि थिरांथाफोरखौ लाबोदों आरो लाबाय थालांगोन ।" गुबुन फारसे एबसु नि आफादगिरि दिपेन बर' बिथाङा बो बुंदों " बर' माहारिबादखौ बर' लाइमोनफोरा फोथांनानै लाखिनांगोन। अब्लासो बर' हारिया थांनानै थागोन आरो दावगागोन। गुनगोनां सोलोंथाइ लानायजों लोगोसे बर' हारिनि राव, थुनलाइ, सोलोंथाइ, हारिमु, समाजारि जेंना, रांखान्थि, समाजखान्थि, राजखान्थि आरो बर' हारिनि माखासे बिथिंफोरनि सायाव नायबिजिनानै बैफोर बिथिंफोरखौ जौगाहोनो थाखाय हारिनि सार्थआव गावखौ बाउसोमनानै खामानि मावनांगोन आरो बर' माहारिबादखौ गोजोर खालामनांगोन। हारिनि खैदां-खैफोदआव बिबान लानानै खामानि मावनो जोंनि लाइमोनफोरा अराय आवगाय बोनांगोन।

पान्जाब नि मंदांखा मेथाय खनगिरि आरो कंग्रेस नि दैदेनगिरि शुभदिप सिद्धु मुशेवाला खौ सोरबा सिनायमोनि दुथांफोरा गुलि गावनानै बुथारना गालांनाय जाथाय आ जादों। मेथाय खनगिरि खौ रायजो नि मानशार जवाहर गामि नि खाथि आव सिनायमोनि सुबुंफोरा गावनानै गालाङो, लोगो लोगो देहाफाहामसालि आव लाना थांदोंमोनब्लाबो देहापाहामसालि आव जिउ गोमायो। बे जाथाय आव सानै सुबुंफोर जोखोम बो जादों, पान्जाब पुलिस आ मुशेवाला जों लोगोसे 424 सुबुंफोरनि रैखाथि खौ बोखारनायनि सानसे उनाव नो जाथाय आ जायो, खौरां मोननाय बादिब्ला गोबाव सान निफ्राय नो मुशेवाला खौ वारनिं होगासिनोमोन सोरबा, सिगिगासिनोमोन, बेबायदि थासारि आव रैखाथि खौ बोखारनाय खौ लानानै गोबां सावरायलायनाय नुनो मोनदों, कंग्रेस नि जानानै बिसायखथि गेलेदोंमोन बियो, नाथाय जेनदोंमोन। जाथाय आ रायजोनाङैनो सोमोनांहोदों बयखौबो।

साख्रि थिसनथाय आव केलेंकारि। बारग सोलोंथाय अफिसार अनोवार हुसेईन आ पुलिस नि जे आव। सिबसागर आव पुलिसफोरा हमो, असम नव निर्मान सेना मुंनि मोनसे संगथन आ होनाय अजद नि सायावनो नायबिजिरनानै पुलिसफोरा हमो, मखजाथावदि 18 बोसोर बैसो नि जायि समाव नो गोबां सुबुंपोरनो साक्रि होनायनि गिदिर अजद, सिबसागर सरायदेउ जिला याव 18 बोसोर नङिफोरा नो साख्रि मावनायनि गुबुन गुबुन अजद फोरा आगोलनिफ्रायनो ओंखारगासिनोमोन। गोजौ बिजिरसालि आव बे संगथन आ होनाय अजद जों लोगोसे गोबां थाना याव नो एजाहार होदोंमोन, दायो पुलिसफोरा जयसागर पुलिस थाना याव लाखिना दोनदों होनना मिथिना मोनदों।

आईपिएल नि जोबथा गेलेनाय एबा फाईनेल आ जाबाय मैया, गिबि गेलेनाय दोलो आ नो देरहानो हादों गेलेनाय बादायलायनायखौ, गुजरात ताईतान्स आ 7 विकेत जों फेजेनो राजस्थान रयेल्स खौ, गिबि आव बेटिं खालामनानै राजस्थान आ 20 अभार आव 131 रान ल सो बुनो हादोंमोन, गुजरात आ बेखौ 18.1 अभार आव नो सा 3 विकेत खोमानानै देरहायो। बे बोसोरनि गेलेनाय आव अरेन्ज केप एबा बांसिन रान बुनो हादों राजस्थान नि जस बात्लार आ, गासै 863 रान बुदों, गुबुनफारसे बयनिख्रुय बांसिन विकेत लानाय आ बो राजस्थान नि आ नो, युजभेन्द्र चाहाल आ गासै 27 विकेत लानो हादों

सनाफुर दख'रा दुलाराय बर' फरायसा आफादनि बानजाइनायाव दिनै सनाफुर दख'रानि बेन्दोंङाव थानाय मोखां आफादफोरखौ लानानै समाजारि सांग्रांथि मेल लादों । बे हाबाफारियावनो गाहाइ बुंथिगिरि महरै बाहागो लायो मिरु एबसुनि गाहाइ नेहाथारि मानगोनां मुस्रि खनिन्द्र बसुमतारीया । गाहाइ बुंथिगिरि महरै बाहागो लानानै बिथाङा बर' बिजोंनि फरायसालिफोरा आगुनिफ्राइ साबसिन अबस्थायाव दंब्लाबो इयुनखौ गोबां साननोगोनां दङ होननानै गासिबो बर' बिजोंनि फरायसालियावनो थोजासे फोरोंगिरि थिसननांगौनि थाखाय एबसुआ सोरकारखौ नारसिनगासिनो होननानै गावनि बिबुंथिनि गेजेरजों फोरमायो । लोगोसे बर' बिजोंखौ सरकारि खालामनाय, बर' बिजोंङाव फोरोंगिरि थिसननायजों लोगोसे सोलोंथाइजों सोमोन्दो थानाय गासिबो जेंनाखौनो सुस्रांनायाव एबसुआ बिबान लागोन होननानै, नाथाय गंफ्रोमबो बर' नखरफोरानो कार्बिआंलंजों लोगोसे गंफ्रोमबो जिल्लानि बर'फोरानो गाव गावनि गथ'फोरखौ बर' बिजोंङाव फोरोंनो बिबान लानांगौ होननानै गावनि बिबुंथियाव दाजाबदेरनानै बुंबावो । बे हाबाफारियावनो मिरु एबसुनि दैदेनगिरिफोरजों लोगोसे कार्बिआंलं जिल्ला एबसुनि आफादगिरि जनास बसुमतारीयाबो बाहागो लायो ।