खोमसि आव बिटिआर नि फरायसाफोरनि ईयुन आ, फोरोंगिरि नागिरनानै थाखो खथा गारना लामा याव आन्दोलन। सानखान्थि नि फोरोंगिरि गैयालासै नो मेट्रिक आनजाद निफ्राय लानानै गासैबो आनजाद खौ होबोगासिनो फरायसाफोरा, जाथाय आ जादों बासुगांव जौसिन गेजेर फरायसालि आव। बेनि सायाव सोलोंथाय बिफान नो खौरां होनायनि उनाव बो बेनि सायाव जेबो रोखोमनि बेबस्था लानायखौ नुनो मोनाखै नि अजद। बेनि थाखाय नो मोखां सिगाङाव गावनि सोलोंथाय ईयुन खौ खोमसि नुनानै जेबो राहा गैयि आव लामा याव ओंखारनांगौ जादों। बर बिजोंनि फरायसाफोरा लामा याव ओंखारदों। बोसोरनै जाबाय सानखान्थि आयदा नि फोरोंगिरि गैयि आ, सानखान्थि आयदा नि फोरोंगिरि गैयि नि थाखाय नो थाखो 9 आरो 10 नि फरायसाफोरा आखाय आखाय प्लेकार्द लानानै आन्दोलन बायदि नि हाबाफारि लादोंमोन। फरायसाफोरा केमेरा नि सिगाङावनो फोरोंगिरि गैयि खौ बुंना लादों, थाखो 8,9 आरो 10 नि आ बेबायदि खालामनांगौ जादों, फोरोंगिरि गैयि नि थाखाय नो फरायसाफोरा 1, 2 नम्बर मोनदों होनना बुंदों, गोदान सानखान्थि नि फोरोंगिरि थिसनि सम सिम क्लास लायि नि वारनिं होयो, थाबैनो बिटिआर नि गाहाय खौ फोरोंगिरि थिसननो खावलायदों, बिटिआर गोरोबथा या 2 बोसोर बारनायनि उनाव बो फोरोंगिरि थिसननाय आ जायाखै, दुखुनांथाव।
रायजो नि बेकारफोरनि थाखाय मोजां खौरां लाबोदों आसामनि गिबि मन्थ्रि हिमन्त बिश्व शर्मा बिथाङा, फैगो 14 मे आव रायजो सोरखार आ होगोन 23 रोजा साख्रि नि थिसनलाय, सावस्रि, सोलोंथाय आरो नखर बिफान आव होगोन बे साख्रिफोरखौ। बिथाङा गावनो बेखौ फोसावनानै होदों। आगोलावनो सोरखार दानायनि सिगां नो 1 लाख नो साख्रि होगोन होनना फोसावनानै होदोंमोन, बेनिनो मोनसे बाहागो हिसाबै 23 रोजा नो होग्रोगोन। मखजाथावदि बिजेपि सोरखार आ फैगो 10 मे आव बोसोर 1 जागोन, रायजो सोरखार आ बोसोरसे नि गेजेरावनो 1 लाख नो होगोन होनना बुंदोंमोन, बेखौ खालामनो हाजोबासैब्लाबो खालामनो नाजानायखौ नुनो मोनदों। गोबां सुबुंफोरा नो साख्रि आनजाद होनायनि उनाव नेगासिनोमोन फिथायखौ मोननो थाखाय।
दानि बिटिआर सोरखार आ जोबस्रांलांनायनि लामा याव नामा, सा 10, 12 सो पारिषद आ बिपिएफ आव हाबनो हागौ, गोजोननाय गैयि पारिषद एबा एमसिएलए फोरा लुबैदों हाग्रामा महिलारि खौ। एमएलए दुर्गा दास बर बिथांनि खौरांगिरिफोरनि सिगाङाव गिदिर बाथ्रा बुंनाय। बर नि राजखान्थि बारहुंखा। गुबुनफारसे 10 मे आव बिजेपि नि सोरखार आ बोसोर 1 जागोन, बिपिएफ नि एमएलए आ बो मोनगोन नामा मन्थ्रि, बेनि सायाव बिथाङा बुंदों दि मन्थ्रि नि बिबान होयोब्ला मोजां मोनगोन होनना, नाथाय होआब्लाबो गाज्रि मोना, आगोलाव गिबि मन्थ्रि आ होगोन नि ईंगित होदोंमोन होनना फोरमायो। प्रमद बर आ सोरखार सालायनो हायाखै, हाग्रामा महिलारि आ बिटिसि आव जौगानायनि गोबां खामानि मावबाय, हाग्रामा नि खामानि मावनायसिम प्रमद बर ल नङा सोरबा गुबुन आ गाहाय जानायमोनब्लाबो मोनहैनो हानाय नङा। गुबुनफारसे एमएलए रबिराम नार्जारि बिथाङा बो बुंदों दानि सोरखार नि सायाव, बिटिआर नि थागिबिफोरा दायो लैथोमा याव सालायग्रा गैयि नाव आव गाखोदों होनना साननो गोनां जादों बुङो, बेखौ बारनो लामा नागिरनानै मोनाखै, बेनि थाखायनो बिपिएफ सोरखार निफ्राय मदद बिदों होनना फोरमायो। मखजाथावदि मैया उदालगुरि जिला बिपिएफ नि राजखान्थि दोलो नि बिबान सोलायनाय हाबाफारि आ जानानै थाङो, बे हाबाफारि आव नो बिथांमोना बाहागो लादोंमोन, उदालगुरि जिला नि रौता रंगमन्स आव दानाय हाबाफारि आव उदालगुरि बिपिएफ दोलो नि आफादगिरि महरै रिहन दैमारि आरो गाहाय नेहाथारि महरै फादाराम बर खौ सायखनाय जायो
CAA एबा सितिजेनशिप एमेन्दमेन्द एक्ट खौ कभिद जोबनायनि उनाव नो लाबोफिगोन मिरु सोरखार आ। बुंदों भारत नि नखर मन्थ्रि अमित शाह बिथाङा। मैया बिथाङा बेखौ रोखा खालामना होदों। साननै नि हाबाफारि लानानै सोनाब बंग दावबायहैनानै बिथाङा बुङो बेखौ लोगोसे ट्रिनोमोल कंग्रेस आ का खौ बाहायनाय जाया होनना नंखाय खौरां फोसावगासिनो होनना बुङो, का खौ कभिद जोबोब्लानो लाबोथारगोन, सोनाब बंग नि गिबि मन्थअरि ममता बेनार्जि खौ बांगाल का कंगाल होनना बो बुंदों थांनाय 2021 नि बिधानसभा बिसायखथि आव जानाय हिंसायारि जाथाय नि थाखाय। मखजाथावदि बिथाङा मैया सिलिगुरि आव मोनसे रेलि आव बाहागो लादोंमोन, जायखिजाया बेसेन आव नो का खौ लाबोफिनगोन होनना बो बुंबावो।
फोरोंगिरिफोरनि थाखाय गोनांथार खौरां, साख्रि आव जईन जानायनि उनाव बोसोर 3 साख्रि मावाब्ला साख्रि गारनो हाया गोजौ फरायसालि नि फोरोंगिरि आ। सोलोंथाय बिफान नि बिथोन, फोरोंगिरि फोरा ल नङा, गुबुन मावथि फोरा बो 3 बोसोर सिम साख्रि मावनो नांथारगोन, जईन जानाय समाव नो सुक्टि आव साईन होनो नांगोन, बोसोर 3 मि गेजेराव नो साख्रि गारोब्ला गुबुन बिफान नि मासि आव साख्रि नि थाखाय एनअसि मोननाय नङा।
मुस्लिम हिनजावसा हाबा खालामनायनि थाखाय नो सासे दलिट हारि नि सेंग्रा खौ बुयै बुयै बुथारदों। मोनसे गिथावना जाथाय आ सोराङाव फैदों। हायदाराबाद नि जाथाय बेयो, राजा लामा याव नो बेबायदि बुथारदों। गासैबो केमेरा याव रेकर्ड जाजोबदों, थांनाय 31 जानुवारि आव नो जादोंमोन हाबा या। जागायनाय समाव गासैबो मोजाङानो मोन, नाथाय सानसे सिगां नि हर आव बाईक जों थांबाय थानाय समाव हरखाब नो सानै सुबुंफोरा लाखिनानै लहा नि रद आरो सिखा जों गाग्लोबनानै बुथारो, सानै बुथारग्राखौ मुस्लिम हिनजावसा नि बिदा जानो हागौ होनना सन्देह खालामनाय जादों, सानैखौबो हमदों पुलिसफोरा, मखजाथावदि थाखो 10 निफ्राय नो मोजां मोनलायोमोन हाबा जानायफोरा, उनाव नखर आ मानियाखैमोनब्लाबो हाबा जायो सानैबो, बेनि थाखाय नो बुथारनायनि सन्देह खालामनाय जायो।
बिमा बिफा नि थाखाय स्पेशियेल अफार। गथ जोनोम होयोब्ला 11 लाख रां आरो 1 बोसोर नि सुटि मोनगोन। भारत नि नांजाबनाय हदर चिन नि अफार बेयो। सुबुंअनजिमा खौ बारा खालामनो थाखाय नो बेबायदि अफार होदों. सोरखारि नङि फसंथान नि मावथिफोरनि थाखाय अफार, मखजाथावदि चिन आव सुबुं अनजिमा या गाज्रियै खम जालांनो हमगासिनो दं, बेनि थाखाय नो बैआजिं दाबिनां टेकनलजि ग्रुप आ बे अफार खौ लाबोदों होनना मिथिना मोनदों। सा 1, 2, 3 गथ जायोब्ला नो मावथिफोरनो कम्पानि आ बान्था होगोन होनना फोसावदों, नोगोद धोन जों लोगोसे सुटि बो होगोन। मोजांसिन अफार होनना बुंब्ला सा 3 गथ जोनोम होनायनि आ नो जागोन, मानोना बेयाव भारत रां खौ नायोब्ला 11 लाख 50 रोजा रां मोनगोन आरो बोसोर 1 नि सुटि बो होगोन होनना बुंदों। आगोलाव चिन आव सुबुं अनजिमा बारा जानायखाय सा 1 ल गथ नि नेम दंमोन, थांनाय 2016 आव बेखौ बोखारदोंमोन, थेवब्लाबो सुबुं अनजिमा बारा जायाखै।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon