बिपिएफ आव हाबनाय खौरां नि सायाव मा बुंखो। ~ Bodoinfo.com

दिनै बिजेपि नि एमसिएलए भबेन्द्र बर बिथाङा ईएम होयोब्ला बिपिएफ खौ मदद खालामगोन होनना बुंनायनि उनाव नो बिटिसि नि ईएम बिजेपि नि गौतम दास बिथाङा खौरांमेल नि गेजेरजों बिपिएफ नि गाहाय हाग्रामा महिलारि बिथांजों जेबो रोखोमनि सावरायलायनाय जायाखै होनना रोखा खालामना होदों। असमिया खौरां बिजों आव बिथांखौबो बिपिएफ जों सावरायलायदों होनना बुंनाय आ नंखाय होनना रोखा खालामना होदों। जेबो रोखोमनि सावरायलायनाय जायाखै, खौरां बिजों आव राजिब ब्रह्म, भबेन बर, बिजितगोरा नार्जारि आरो बिथांखौ बिपिएफ जों सावरायलायदों होनना खौरां फोसावदोंमोन होनना बुङो, बिपिएफ खौ मदद खालामनायनि बाथ्रा या नो गैया, बेखौ रायजोफोरनि गेजेराव दावराव खालामलायनायनि थाखाय सो सोरबा होदों होनना बुंबावो, जुदि हाग्रामा महिलारि जों सावरायलायदोंब्ला फोरमान होनो होनायजों लोगोसे बिटिआर आव बिजेपि ईउपिपिएल आरो जिएसपि नि नो सोरखार थागोन होनना रोखा खालामो। थांनाय 4 मे आव सा 16 एमसिएलए ईएम बिथांमोना गिबि मन्थ्रि जों सोरखारि न आव दोलो नि सोमोन्दै सो सावरायलायदोंमोन, बेयाव बिजेपि नि एमसिएल भबेन बर ल सो गैयामोन, बिथांनि खोथा खौ मिथिया होनना बुंदों। बि बिथाङा दिनै खौरांमेल नि गेजेरजों बेफोर गासैखौबो रोखा खालामना होयो।

आसामनि सावस्रि बिफान नि साख्रि नि थाखाय जानो गोनां लिरनाय आनजाद खौ फावसायबाय, 15 मे आव जानोगोनांमोन आनजाद आ, थि गैयि सम सिम फावसायनाय जादों, सावस्रि आरो नखर जौगाखां बिफान नि सिंनि 3थि ग्रेद नि टेकनिकेल आरो नन टेकनिकेल नि आनजाद जों लोगोसे 4 थि ग्रेद नि लिरनाय आनजाद खौ फावसायो। गासै 2720 मासि नि थाखाय जानो गोनांमोन, गोदान फोसावलाय होनाय सम सिम आनजाद आ जाया, आनजाद नि एदमित आरो आनजाद नि खालारखौ उनाव फोसावनानै होगोन होनना बुंदों।

हिंसा नि लामा खौ गारनानै गावखौनो गथायबाय AANLA एबा अल आदिबासि नेशनेल लिबारेशन आर्मि नि गासै सा 13 केदारफोरा, दिनै कार्बिआंलं जिला नि बोकाजान पुलिस थाना याव हाथियारफोरखौ गथायो, त्वितार नि गेजेरजों स्पेशियेल दिजिपि जिपि सिंह बिथाङा, बिथाङा लिरदों- गिबि मन्थ्रि हिमन्त बिश्व शर्मा नि शांति खावलायनाय नि फारसे मोजां फिननाय होनानै गावखौनो गथायो। आसाम पुलिस आरो सिआरपिएफ नि अफिसारफोरा बे हाबाफारि आव बाहागो लादोंमोन। बेनि सिगां बो बे बोसोरनि नो जानुवारि आव ईउनाईटेद गोर्खा पिपल्स अरगेनाईजेशन आरो टिवा लिबारेशन आर्मि नि 246 सो केदारफोरा गावखौनो गथायदोंमोन।

सासे आ गुबुन सासे खौ बासायनो थांनानै नखरसे नि नो सा 5 सुबुंफोरनि जिउ गोमाबाय, महारास्त्र नि जाथाय, दम्बिबलि नि मोनसे फख्रि आव गोग्लैनानै जिउ गोमायो। रैखाथि बिफान नि सुबुंफोरा मैया हर आव नो गोथै देहा खौ बोखांनो हायो। गामि नि थागिबिफोरा बुंनाय बादिब्ला गामि आव दै नि आंखाल नि थाखाय फख्रि आव जि सुनो थांदोंमोन, सुबाय थानाय समाव नो फख्रि आव लांफानाय उन्दै गथ आ गोग्लैयो, गथ खौ बासायनो सासे नि उनाव सासे बारसोमदोंमोन, जेराव सा 5 नि बो जिउ गोमायो। जाथायसालि आव पुलिसफोरा थांनानै नायबिजिरनायखौ जागायबाय, गामि नि सुबुंफोरखौ सोंगासिनो।