26 may bodo news 2022 ~ Bodoinfo.com

गोरोन्थि आ सोरनि। एबसु नि ना रायजोफोरनि ना सासे फोरोंगिरि नि। असमिया खौरां बिजोंफोरा एबसु खौ दाय होगासिनो। बाक्सा नि सालबारि आव एबसु नि मावथिफोरा गुन्दाराज सालायनायनि गिदिर अजद होदों। कम्पिउतार फोरोंगिरिखौ फसंथान निफ्राय दिखांना लांना बुनायनि अजद, नाथाय थारैनो बेबायदि खालाममारदोंमोन ना, ज्योतिस दास मुंनि फोरोंगिरि आ जोखोम जादों, सासे सिख्ला जों फट लानायनि दाय आव नो बुदों होनना गिदिर अजद होदों, खौरां मोननाय बादिब्ला बे जाथायनि उनाव सालबारि थाना याव एजाहार होनाय जादों। गुबुनफारसे सालबारि आन्सलिक एबसु आ मैया खौरांमेल नि गेजेरजों बे खामानिखौ एबसु आ मावाखै होनना रोखा खालामना होदों, सासेबो एबसु नि सोद्रोमा या बेजों सोमोन्दो गैया, एबसु अफिस आ सालबारि बाजारनि गेजेराव नो दं, बेखायनो जायखिजाया जाथाय आ जायोब्ला एबसु अफिस आव लांनाय नेम आ आगोलनिफ्रायनो दंखायो, मैया बो बेबायदिनो लांदोंमोन अफिस आव, नाथाय बै समाव रावबो बिबानगिरिफोरा गैयामोन एबसु अफिस आव, लांनानै रायजोफोरा सो बुदोंमोन, रावबो एबसु नि आखाय गैया, फुंनिफ्रायनो एबसु नि मुं खौ लानानै खौरां फोसावबाय थानाय आ दुखुनांथाव सोमोनांथाव। जोंनि अफिस आव लांनायनि थाखायनो जोंनि मुङा फैबाय। दायो बिथांमोना खावलायदों बाजार आव माबाफोर जाथाय जायोब्ला अफिस आव लांनायनि सोलाय खाथि नि थाना याव लांनो खावलायदों। नखर जों उनाव सावरायलायनि उनाव दायो एजाहार होनाय खौ लाफिनबाय होनना बो बुंदों एबसु आ।

बर फिसा नबजित नार्जारि खौ बर सुबुंफोरा भट होनानै देरहासाद खालामनायनि थाखाय नबजित नि बिमा या गासै बरफोरनिसिम साबायखर बावहरदों, बेबायदिनो फैगो सनिबार निफ्राय सम्बार सिम फिन खनसेबाव ज जानानै भट होगोन खौ आसा खालामदों, भट होनो खावलायदों बिथाङा। थांनाय खनसे नि आ सप्तासे नि ल सो मोन, आरो गोबां सप्ता बेबायदि नो सोलिबाय थागोन, आसा खालामो गासैबो बर फोरा भट खौ होगोन, सनिबारखालि माबायदि खालामनांगौ बुंना होगोन।

बिटिसि निफ्राय बिजेपि खौ होखारनो थाखाय प्रमद बर आ आंखौ लिंदों होनना बिटिसिनि बारग गाहाय हाग्रामा महिलारि बिथाङा, प्रमद बर आ नो सावरायलायदों होनना बुंबावो बिथाङा, नाथाय बेखौ गनायना लाया होनना बुङो बिथाङा। लोगोसे कक्लाबारि आव बिपिएफ आ देरहागोन आ रोखा खा, आगोलनि दिन आ गैलिया होनना बो बुंदों, गोबां सुबुंफोरा नो सोरखारि न नि मुङाव रां होनो गोनां जादों होनना बुंदों, जब कार्द नि आव बो रांफोरखौ लांजोबदों होनना बो बुङो हाग्रामा बिथाङा, बेफोरबायदिनो गोबां अजद मोनदों, हिसाब खालामनो हायि, बे सोरखार आ 5 बोसोर थाया, 5 बोसोरनि गेजेराव जों सोरखार दागोन आ रोखा होनना बुंदों बिथाङा। सालबारि नि जाथायखौ लानानै एबसु आ सो सोरखार सालायगासिनो होनना बुंदों ईउपिपिएल आ सोलायाखै। गुबुनफारसे ईएम धनन्जय बसुमतारि बिथाङा बिपिएफ आ सोरखार दानायखौ हाजो खर आव खासेव बिदै नागिरनायनि अनगा जेबो नङा होनना बुंदों। उफ्रा बिसायखथि आ सोरखार दागोन दायि नि नङा. जेनोब्लाबो देरहायोब्लाबो बे सोरखार आ नो थागोन होनना रोखा खालामना होदों।

अमा बेदर जानाय बन्ध। सिक्किम आ अमा बेदर फाननायखौबो बन्ध खालामथबाय। सिक्किम प्रसासन आ सुबुंफोरखौ अमा बेदर जानायनिप्राय गोजानाव थानो हदों, गोबां अमाफोरा बेराम नि थाखाय थैदों, बेनि थाखाय नो बेखौ फोसावनानै होदों। दासिम स्वाईन फ्लु नि थाखाय 117 अमा फोरा थैबाय, थांनाय 29 फेब्रुवारि आव नो गिबि खेब बे बेराम खौ मोनदोंमोन, बै समाव अमा थैनायनि सम्भावना या 20 जौखोन्दो मोन. नाथाय दायो बेराम आव गोग्लैयोब्ला थैनायनि सम्भावना या बारा, रायजो सोरखार आ बेनिफ्राय उदां खालामनो खामानि मावगासिनो दं होनना खौरां मोनदों।

काश्मिर आव उदखारिफोरनि गुलि आव जिउ गोमाबाय सासे फावखुंग्रि नि। मैया मोनाबिलि समाव जादोंमोन जाथाय आ बागदाम जिला नि सादुरा नि हिसरु ओनसोल आव सासे टेलिभिषन नि फावखुंग्रि खौ गावथारो आरो नखर नि सासे खौ जोखोम खालामो। मोनाबिलि नि 7.55 सो आव न नि बाहेराव आमरिन भाट मुंनि फावखुंग्रि खौ बुथारना गालांदों। नखरनि सासे 10 बोसोर बैसो नि गथ नि आव बो गुलि नांदोंब्लाबो देहा या दायो मोजां अबस्था याव दं होनना मिथिना मोनदों, बे गाग्लोबनाय आव लस्कर-ई-टाईबा नि आखाय दं होनना जम्मुकाश्मिर पुलिस आ बुंदों। लोगो लोगो देहाफाहामसालि आ लांदोंमोनब्लाबो जिउ गोमायो होनना मिथिना मोनदों। श्रिनगर नि आन्सार ओनसोल आव सासे पुलिस कन्सतेबल नि न आव गुलि गावना बुथारनायनि सानसे उनाव नो एके जाथाय जाफिनबाय। दायो नायबिजिरनाय आ सोलिगासिनो दं।

जागिरोद नि बरगांव आव बानायनाय जादों सा सानजा भारत नि गिबि आरो गिदिरसिन मुलि बानायनाय फसंथान जे आर एन फार्मा एन्द लेबरेतरिस एल एल पि। बुधबारखालि बे गोदान बानायबाय थानाय फसंथानखौ नायदिंहोयो मन्थ्रि पियुश हाजरिका बिथाङा, बे कम्पानि आव गुबुन गुबुन रोखोमनि टेबलेट, केपशुल, भेकसिन, सेलाईन, बेजि फोरखौ बानायनायजों लोगोसे थागोन गोदान लेबरेतरि। दायो वर्ल्द हेल्थ अरगेनाईजेशन जों लोगोसे गुबुन गुबुन फसंथाननि गेजेरजों गनायथि मोनो।

28 बोसोरनि उनाव फिसाज्लाजों लोगोसे थाखो 10 नि आनजाद खौ उथ्रिसार जानो हाबाय सासे बिफा या।कर्नातक नि सासे 42 बोसोर बैसो नि रहमतुल्ला मुंनि सुबुं आ पास जायो। गासै 333 नम्बर मोनदों होनना मिथिना मोनदों, पास जाखांनायनि उनाव बियो बुंदों- आं खामानि मावना फैनायनि उनाव आंनि फिसाज्ला या आंखौ फोरोङोमोन जायनि थाखाय दिनै आं पास जानो हादों, मखजाथावदि फिसाज्ला या बो 98 जौखोन्दो जों पास जानो हादों, आंनि थाखाय स्पेसियेल सम, आं थारैनो गोजोननाय मोनदों होनना बो फोरमायो।

आमेरिका नि टेक्सास आव गुलि गावग्लुंनाय जाथाय। गंसे फरायसालि नि मोखां आव गुलि गावनाय आव सा 21 सुबुंफोरनि जिउ गोमादों, बे सा 21 नि गेजेराव सा 19 आ उन्दै फरायसाफोरमोन, आरो गुबुन सानै आ फोरोंगिरिफोर, थैनाय फरायसाफोरा 7 निफ्राय 10 बोसोर बैसो नि मोन, बिसोर ग्रेद 2,3,4 नि फरायसा मोन। 18 बोसोर बैसो नि हाथियार लानाय गाज्रि सुबुं आ बे खामानि खौ मावदोंमोन, गाग्लोबग्रा खौ सलभादोर रामस होनना सिनायनाय जादों, उनाव बे उदखारि नि बो जिउ गोमायो, गावथारो बिखौ। आमेरिका नि हादरगिरि जो बाईदेन आ बे जाथायनि उनाव गोथौ दुखु मोननाय फोरमायदों, बे जाथाय आव सानै पुलिस आ बो जोखोम जादों होनना मिथिना मोनदों।

आदब आरो गुण गोनां सोलोंथाइ मावथांखि बादियै आसाम नाङै बर' बिजोंनि गं 1000 गुदि फरायसालियाव बेसेन नाङै फोरोंथाइ होनाय थांखिजों मिरु एबसुआ दिनै बिस्वनात जिल्लानि बेसेन नाङै फोरोंथाइ बादाखौ बिस्वनात जिल्ला एबसुनि मददाव न'दुवार दख'रा एबसुनि बेन्दोंङाव थानाय देलाइस्रिनि रोमै रोमै गुदि फरायसालियाव बेखेवना होयो ।

बेसेन नाङै फोरोंथाय बादाजों लोब्बा लाखिनानै खुंनाय सावराय मेलनि थांखि आरो नोजोरखौ बेखेवनानै होयो मिरु एबसुनि गाहाइ नेहाथारि मानगोनां मुस्रि खनिन्द्र बसुमतारीया आरो सावराय मेलाव गाहाइ आलासि महरै बाहागो लायो मिरु एबसुनि गाहाइ नेहाथारि मानगोनां मुस्रि दिपेन बर'आ ।

गाहाइ आलासि महरै बाहागो लानानै मिरु एबसुनि आफादगिरि मानाव गेदेद मुस्रि दिपेन बर'या दिनैसिम थांनानै थानाय फरायसालिफोराव फरायसाफोरखौ इसेबो खमायहोनाङा होननानै बर' बिजोंखौ फोजोबस्रांनो थाखायनो गुबुन बिजोंनि फोरोंगिरिफोरखौ बर' बिजोंङाव सोरकारा गोदोनिफ्राइनो थिसनबोबाय थानो नाजाबोदों होननानै गावनि बिबुंथियाव बुंङो ।

लोगोसे आथिखालाव गुनुउत्सबनि दारै फरायसालिफोरखौ नायगिदिंनानै फरायसाफोरखौ आनजाद लानाया मोजां जादों होननानै नाथाय फोरोंगिरि गैयै बर' बिजोंनि फरायसालिफोराव गुनुउत्सब खुंनाया मा फोरमायनो नाजादों होननानै सोरकारनिसिम सोंथि दैखाङो । लोगोसे जेब्लासिम बर' बिजोंनि फरायसालिफोराव थोजासे फोरोंगिरि मोना अब्लासिम सोरकारखौ नारसिनबाय थागोन होननानैबो दाजाबदेरनानै बुंबावो ।

मख'जायोदि, 1963 इं मायथाइयाव गुदि फरायसालियाव गाइसनजेनजानाय बर' बिजोंङा देग्लाइ थांनाय 18 मे खालाराव 59 बोसोराव आगान होबाय । जोनोमनि उननिफ्राइनो बर' बिजोंङा गोबां जेंना जेंसिजों सौसिबोनानै दिनैनि थासारिसिम सफैदोंब्लाबो बर' बिजोङा दिनैसिम रैखाथि गोनां थासारियाव गैया । आसाम नाङैनो दासिमबो गोबां गुदि फरायसालिया सासे फोरोंगिरि आरो जायगा लायै जायगा लाथिख' फोरोंगिरिजों फरायसालिया सोलिबाय थाबोदों ।

बेखायनो मिरु एबसुआ थांनाय 11 मेयाव चिरां, 17 मेयाव बागसा 18 मेयाव अदालगुरि, 20 मेयाव क'क्राझार आरो मैया 24 मेयाव सनितपुर जिल्लायाव बर' बिजोंनि फरायसालिफोरखौ फोथांनाय, बर' रावखौ फोथांनाय, बर' हारिखौ फोथांनाय आरो बर' बिजोंङाव गुणगोनां सोलोंथाइखौ जौगाहोनाय थांखिजों आदब आरो गुण गोनां सोलोंथाइ मावथांखि बादियै आसाम नाङै गं 1000 निबो बांसिन गुदि फरायसालिफोराव बेसेन नाङै फोरोंथाइ होनायखौ जिल्ला जिल्ला बेखेवगासिनो ।

दिनै नदुवारनि रोमै रोमै गुदि फरायसालियाव बेसेन नाङै फोरोंथाइ बादाखौ बेखेवनानै होनाय हाबाफारियावनो मिरु एबसुनिफ्राइ फारियै नेहाथारि निजोम बसुमतारी, आनान्द दैमारी, सोलोंथाइ नेहाथारि सोमावसार बसुमतारी, सुबुं फोनांजाब नेहाथारि मुस्रि अबित नार्जारीजों लोगोसे सनितपुर जिल्सा एबसुनि आफादगिरि मुस्रि राजेस बसुमतारीयाबो बाहागो लायो ।

बे हाबाफारियावनो बिस्वनात जिला बर' थुनलाइ आफाद आरो न'दुवार गुदि बर' थुनलाइ आफादनि दैदेनगिरिफोरजों लोगोसे राइजो राजाफोर, फोरोंगिरि आरो फरायसा फरायसुलिफोरनि बाहागो लानायजों बेखेवनाय हाबाफारिया मोजाङैनो जाफुंसारो ।