गुवाहाति आव मोनसे सोमोनांथाव जाथाय। अपारेशन नि समाव देहाफाहामगिरि नि गोरोन्थि जानाय आव बेरामि नि गिदिर खहा। फिन रायजो आव देहाफाहामगिरि आरो देहाफआहामसालि नि गोसो गैयि खामानि। गुवाहाति नि बेलतला याव थानाय ESIC देहाफाहामसालि आव सासे आयजो नि जानजि नि अपारेशन नि उनाव नो आगदा आयथे नि बिगुर नि गाब आ गोजा जानो हमो। रिना देबि मुंनि आयजो खौ देहाफाहामसालि आ 9 मे आव सोनाय जादोंमोन। आयजो नि फिसाज्ला या बुंनाय बादिब्ला बे देहाफाहामसालि आव जेबो रोखोमनि सुबिदा गैया, देहाफाहामगिरि आ अपारेश नि समाव स्नायु हाजाबाय होनना सानदों फिसाज्ला या, जेब्ला बेबायदि गोजा जादोंमोन अब्ला देहाफाहामगिरि आ बेयो अपारेशन नि थाखाय जो जादों, गिनांगौ गैया होनना बुंदों, रिना देबि नि आयथें आव ईनफेक्शन नि बायदि नुनायनि उनाव गोबां गिनाय मोनदोंमोन, साननैसो सिगां आव बो गंसे देहाफाहामसालि आव सासे उन्दै गथ नि जिउ गोमादोंमोन देहाफाहामगिरि नि गोरोन्थि नि थाखाय।
मैया दिल्लि आव थांदों आसामनि गिबि मन्थ्रि आ, सनिबार आव रायजो सोरखार आ 23 रोजा रां सेंग्रा सिख्लाफोरनि आखाय आव 23 रोजा सोरखारि साख्रि नि थिसनलाय लाइजाम होबाय। दायो फैगो जुलाई दान नि गेजेराव आरो गोदान 10 रोजा साख्रि होनाय जागोन, फैगो 1 खावसे दान नि गेजेराव नो खालामजोबगोन होनना रोखा खालामना होदों। गुबुनफारसे आसामनि दिजिपि भास्करज्योति महन्त बिथाङा खौरांमेल नि गेजेरजों साख्रि होनायनि सायाव फोरमायदों, 414 बिजाथि फोरा कम्पिउतार नि नांखाय फोरमान बिलाय होदों, दायो बिसोरनि बेरेखा नायबिजिरनाय जागोन, गुबुनफारसे साख्रि आ रेगुलार जानाय आव ईसे सम लागोन, बे समखिनियाव, ईउनिफर्म जन्था बायदि आगोलावनो होनायनि सायाव गोबां दालालि हाबनो हागौ, बेफोरनिफ्राय सांग्रां जाना थानो होदों, बिजाथिफोरा मोजाङैनो आनजाद नि फिथायखौ मोनदों, गासैखौबो मोजाङै खामानि मावनो खावलायदों, आरो खम सम नि गेजेराव नो 5 रोजा नि आनजाद नि फिथआयखौ होगोन होनना फोसावनानै होदों।
अखा हाबाय थानाय समाव हा गिसिखानाय नि थाखाय आसामनि हाजोआरि जिला दिमा हासाव आव गिथावना दुखुनांथाव जाथाय। सासे 6 बोसोर बैसो नि उन्दै गथ जों लोगोसे सा 3 नि जिउ गोमादों। हाफ्लं निफ्राय 7 कि मि गोजान आव थआनाय जायगा याव हा गुगानाय आव जिउ गोमायो। थैनाय सुबुं नि मुंफोरखौ एलपि फरायसालि नि फोरोंगिरि पाउरामसुउलुंबे जेम, कान्सिलि जेम आरो किशेतेउं जेम होनना मिथिना मोनदों।
सानै बिसि थानायनि उनावबो 3 थि हिनजावसा खौ हाबा खालामनो थाखाय हिन्दु धोरोमनिफ्राय मुश्लिम धोरोम खौ लादों दिपु राजा मुंनि सुबुं आ। थांनाय 13 मे खालि बे धोरोमखौ लायो। जाय जाथाय नि उनाव सोमोनांदोंमोन दिपु नि नखर आ। रावनोबो गिबि आवनो खोन्थायाखैमोन, नखर जों लोगोसे समाज आ बो सोमोनांदों, उनाव थार बाथ्रा खौ मिथिनानै गाज्रि मेगन जों नायदों राजा खौ, नखर आ बो बेबायदि गाज्रि सुबुं खौ ईश्लाम धोरोम आव लानो नाङा होनना खावलायदों। आसाम आव नो जादों जाथाय आ, मरिगांव नि लाहरिघात आव, बरसला नि दिपु राजा या सासे ईस्लाम धोरोमनि 17 बोसोर बैसो नि सासे हिनजावसा खौ मोजां मोनदों आरो हिनजावसा खौ हाबा खालामनो थाखाय बे धोरोम खौ लायो, हिनजावसा या धोरोमखौ सोलायाब्ला हाबा जाया होनना बुंदोंमोन, नाथाय सोमोनांथावसिन बाथ्रा या बेसो दि दिपु नि सानै बिसि दंखायो आगोलावनो आरो सासे 12 बोसोर बैसो नि गथ बो दं, दायो सासे हिनजावसा खौ हाबा खालामनो नो बेबायदि धोरोम सोलायदों. सोमोनांथाव।
किम नि हादर आव गिथावना थासारि. 3 दान आव गोबां लाख सुबुंफोरा किद जों गाग्लोबजादों, गोबां नाजानायनि उनाव बो किम जं उन नि उत्तर करिया खौ रैखा खालामनो हायासै, सान 3 नि गेजेर आव नो गोबां लाख सुबुंफोरा गाग्लोबजादों होनना मिथिना मोनदों। आगोलनिख्रुय गोबां सुबुंफोनि जिउ गोमादों होनना बो मिथिदों, सा 42 नि जिउ गोमानायनि खौरां, लोगोसे अनजिमा या 8,20,620 सिम बारा जादों, हादरनि गाहाय किम आ बुंदों गोबां सोलायनाय फैदों, बेयो रांखान्थि याव बेनि गोहोम गोग्लैदों होनना बुङो।
भारत आ गिबि खेबनि थाखाय थमास काप खौ देरहाबाय। बेदमिन्तननि नि जारिमिन आव गोदान रेकर्ड, बे गेलेनाय बादायलायनाय आव फाईनेल आव भारत आ ईन्दोनेशिया खौ फेजेनानै देरहायो। 14 बार चेम्पियन जानाय ईन्देनेशिया खौ 3-0 जौं फेजेनो भारत आ, देरहानाय दोलो आव लक्ष्य सेन, किदाम्बि श्रिकान्त, सिराग चेत्ति, सत्वित सैराज रान्कि रेड्डि दं। मोन 5 मेस नि फाईनेल आव भारत आ 3-0 आव फेजेनो।
कक्राझार आरो धुबुरि आव लाभ जेहाद नि जाथाय। धुबुरि नि आ गावनि सिनायथि खौ एरसोखोमानानै सासे हिनजावसा जों मोजां मोननायनि सोमोन्दो लाखिनाय जों लोगोसे गाज्रि सावगारि दिखांनानै ब्लेकमेईल खालामनायनि अजद। सासे सुबुंनि नाजानाय आव धुबुरि नि बालुरसर ओनसोल आव नंखाय मोजां मोनग्रा नि ननिफ्राय हिनजावसा खौ बासायनो हादों, दायो सानैखौबो धुबुरि सदर थानायाव लांनानै नायबिजिरनायखौ जागायबाय। अजद नि बादिब्ला ईनायत आलि उरफे मुन्नु सेख मुंनि बै सुबुं आ गावनि थार सिनायथि खौ लाखिखोमानानै राज मुं लानानै 2 बोसोरफ्राम सासे हिनजावसा जों सोमोन्दो लाखिदोंमोन।
कक्राझार नि आ सालाकाति आउतपस्त नि सिंनि
माजिदपारा नि 24 बोसोर बैसो नि आमिर हान्जा मुंनि सुबुं आ 16 बोसोर बैसो नि
ट्राईबेल हिनजावसा खौ मोजां मोननायनि जे आव फोनांनानै आथोनारि सोमोन्दो लाखिनानै
बेखौ रेकर्द खालामनानै ससियेल मिदिया याव भाईरेल खालामदों, बेबायदि खालामनायनि
उनाव खालामजानाय नखर आ कक्राझार पुलिस थाना याव एजाहार होनाय जाबाय होनना खौरां
मोनदों, दायनिगिरि आ खारखुमाना दं। गुबुनफारसे कक्राझार नि आ सालाकाति आउतपस्त नि
सिंनि माजिदपारा नि 24 बोसोर बैसो नि आमिर हान्जा मुंनि सुबुं आ 16 बोसोर बैसो नि
ट्राईबेल हिनजावसा खौ मोजां मोननायनि जे आव फोनांनानै आथोनारि सोमोन्दो लाखिनानै
बेखौ रेकर्द खालामनानै ससियेल मिदिया याव भाईरेल खालामदों, बेबायदि खालामनायनि
उनाव खालामजानाय नखर आ कक्राझार पुलिस थाना याव एजाहार होनाय जाबाय होनना खौरां
मोनदों, दायनिगिरि आ खारखुमाना दं।
बर थुनलाइ आफाद नि जानानै गाहाय नेहाथारि प्रसान्त बर बिथाङा फैगो 18 मे बर बिजों सान खौ मोनफ्रोमबो जिला आरो गुदि बर थुनलाइ आफाद नि मावखफोरनि अनगायैबो गंफ्रोमबो बर बिजों आरो मिक्स्द मेदियाम फरायसालि जों लोगोसे बर बिफान थानाय फरायसालिमा आरो मुलुग सोलोंसालि याव खुंनो थाखाय खावलाय हरनाय जादों होनना फोरमायो। गावबा गाव हाबाफारि लानानै बे सान खौ फालिनो खावलायहरदों बिथाङा।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon