हाग्रामा महिलारि आ बिटिआर नि गाहाय जागोन नामा, राजखान्थियारि बिग ब्रेकिं निउज। सासे बिजेपि नि एमसिएलए अन केमेरा बिपिएफ दोलो खौ मदद एबा सापर्त खालामगोन होनना बुंदों, सोरखार दानो हायोब्ला आंखौ ईएम होयोब्ला आं मदद खालामगोन होनना रोखायै बुंदों। आगोलाव जेबो फोरमान गैयालासै नो बायदिसिना खौरांफोरा ओंखारोमोन, नाथाय बे खनसे नि आ फोरमान बो दं। 31 नं खैराबारि बियाब नि बिजेपि नि एमसिएलए भबेन्द्र बर बिथाङा मदद खालामगोन, मदद खालामनायनि बान्था महरै ईएम होनाय आरो लोगोसे खैराबारि ब्लक खौ 100 जौखोन्दो सालायनो मोननो नांगोन होनना बुंदों। असमिया खौरां बिजों प्रतिदिन ताईम आ बुंनाय बादिब्ला साननैसो सिगाङाव नेपाल आव सानैसो बिजेपि आरो ईउपिपिएल नि एमसिएलए फोरखौ लानानै हाग्रामा महिलारि बिथाङा सावरायलायदोंमोन। बेसेबां सैथो बेफोर गासैखौबो उनाव सो मिथिगोन। नाथाय आगोलनिफ्राय नो हाग्रामा महिलारि बिथाङा बिटिसि नि गाहाय जागोन होनना बुंबोगासिनोमोन, साननैसो सिगाङाव एमएलए दुर्गा दास बर बिथाङा सा 10-12 सो एमसिएलए फोरा बिपिएफ आव फैगोन होनना बुंदोंमोन। बेफोर बुंनायफोरा गासैबो थार जागोन नामा। नाथाय दासिम बिजेपि नि सासे ल एमसिएलए सापर्त होदों, 2020 नि बिसायखथि आव मोन 9 मासि मोनदोंमोन बिजेपि आ, गासैबो एबा साबेसे आ बिपिएफ खौ मदद खालामगोन बेयो रोखा जायाखै। ईउपिपिएल निफ्राय बेबायदि अन केमेरा दासिम रावबो बुङाखै, नाथाय 2020 नि खौ नायोब्ला बिपिएफ आ गासै 17 टा मासि मोनदोंमोन, आरो बिटिसि आव सोरखार दानो थाखाय 21 ल मासि नांगौ। बिपिएफ नि खौ नायोब्ला बे बार नि आसाम सोरखार नि सिगां नि सोरखार जों लोगोसे दंमोन, 2016 नि आव, बिजेपि जों, नाथाय लोगो गारलायदों बे बार नि आव, नाथाय बिपिएफ नि सापर्त खालामनाय दोलो आ देरहायासै, जेननायनि थाखाय बिसोरजोंबो लोगो गारलायबाय, दायो फिन बिजेपि जों लोगो जालायबाय, जायजों ईउपिपिएल आ आगोलावनो लोगो जाना दंखायो। माबायदि मा प्लेन खालामो दैदेनगिरि फोरा सो मिथिगौ। सानसे साननै नि गेजेराव सोमोनांथाव खौरां मोननो हागौ। राजखान्थि आव असम्भब होननाय जेबो गैया।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon