दिनै आसाम पुलिस नि साख्रि नि जोबथा
मेरित लिस्त एबा आनजाद नि फिथाय खौ दिहुनना होगोन, आसाम पुलिस नि आव एबिईउबि आव
6662, एपिआरअ आव 813 जों लोगोसे पुलिस नि नो गुबुन गुबुन बिफान आव गोबां मासि फोर
दंमोन, बेफोर गासैबोनि रिजाल्ट खौ दिनै होगोन। दिनै फोसावनायनि उनाव 14 मे खालि साख्रि
थिसनलाय नि लाईजाम एबा एपईन्तमेन्त लेटार खौ होगोन होनना बो फोसावदों। बेफोरनि
अनगायैबो सावस्रि बिफान आरो सोलोंथाय बिफान आव बो गोबांनो साख्रि होगोन होनना
खौरां मोनदों, गासै 25 रोजा मासि नि गुबुन गुबुन बिफान नि साख्रि थिसनलाय लायजाम
खौ होगोन होनना आसामनि गिबि मन्थ्रि आ फोसावनानै होदों।
मैया बरपेतारोद आव नुजाथिहैदोंमोन कक्राझार लोकशभा बियाब नि एम पि नब सरनिया बिथाङा। बेयावनो खौरांगिरिफोरनि सिगाङाव गुबुन गुबुन आयदा नि सायाव गोबां बाथ्रा बुंदों, बेफोरनि गेजेराव बिपिएफ आ बिटिसि आव सोरखार दानो हाफिननो हागौ आरो आमआदमिपार्ति नि नि सायाव बुंनायफोरा नो सोमोनांथावमोन। खौरांगिरिफोरनि सिगाङाव बिथाङा बुंदों फैगो सान 1-2 नि गेजेराव नो बिपिएफ नि दोलो आ राज्यपाल खौ लोगो हमनानै बिटिआर आव सोरखार दानायनि दाबि दैखांनो हागौ, दिनैनि दिन आव हाग्रामा जों लोगोसे 27 सो पारिषद थानायनि बाथ्रा बुङो, गुबुनफोरा मोननै नाउ आव आयथें थोंनै होना दं, हाग्रामा या बिटिसि सोरखार दायोब्ला नो बिथांखौ मदद खालामगोन होनना बेरफ्रुसारनाय बाथ्रा बुङो, लोगोसे सोरखार आ एखे थायोब्लाबो चिफ आ सोलायगोन होनना बुंनायजों लोगोसे राज्यसभा याव गोबाङानो हाग्रामा महिलारि खौ जेबो चर्त गैयालासै नो बिजेपि खौ मदद खालामदों होनना सानदोंमोन, नाथाय बेबायदि जायाखै, मानोना बै समाव हाग्रामा नि खाथियाव जेबो अपशन गैयामोन। गुबुनफारसे बिथाङा बिटिआर नि गाहाय प्रमद बर नि सायावबो बुंदों, प्रमद बर खौ लानानै गोबाङानो गोबां आशा खालामदोंमोन, नाथाय बेफोरखौ दासिमबो नुनो मोनाखैनि थाखाय नो हाग्रामा खौ गोबाङानो मदद खालामदों, जुदि बे बार आव हाग्रामा या फेलें जायोब्ला उनाव नायफिननानै लाभ जानाय नङा होनना बुंदों बिथाङा। 2015 मायथाई निफ्राय हाग्रामा या अबर सुरक्सा मन्स जों गोरोबलायनानै खामानि मावोमोनब्ला बेबायदि जानाय नङामोन दिनै। जुदि आगोलनि गोरोन्थिफोरखौ फिन मावफिनाब्ला लाभ जागोन होनना बुंदों।
मैया आसाम पुलिस नो हादरगिरि निशान एबा गाब बान्था होनायनि उनाव नो गावनि बिबुंथि आव मिरु नखर मन्थ्रि अमित शाह आ AFSPA एबा आर्म फर्स स्पेशियेल पावार एक्ट खौ थाबैनो आबुंङै बोखारना होनाय जागोन होनना फोसावनानै होदों। आसाम आ दायो हादोरनि मोजांसिन 10 पुलिस नि फारिलाय नि गेजेराव मोनसे जाबाय, बेनि सिगां मोन 8 रायजो आरो मोन 1 ईउटि आ बे सन्मान खौ मोनदोंमोन। बे हाबाफारि आव आसामनि गिबि मन्थ्रि, दिजिपि, स्पेशियेल दिजिपि बिथांमोनजों लोगोसे गोबां गोजौ थाखो नि सुबुंफोरा बाहागो लादोंमोन। आगोलाव गासै आसाम आव नो AFSPA आयेन आ दंमोन, नाथाय साननैसो सिगाङाव गासै 23 जिला फोरनिफ्राय बेखौ बोखारनाय जादोंमोन, दायो फैगो समाव गासै आसामनिफ्राय नो बेखौ बोखारनाय जागोन होनना फोसावनानै होदों नखर मन्थ्रि आ।
कक्राझार आव मैया आसामनि गिबि मन्थ्रि हिमन्त बिश्व शर्मा नि सोरखार नि 1 बोसोर जानायखौ फालिनाय नुनो मोनदोंमोन, मैया बोसोरसे जाबाय बिजेपि एजिपि आरो ईउपिपिएल नि सोरखार आ, ईउपिपिएल दोलो आ मम सावनानै आरो फटका बम बेरहोनानै रंजा खुसि यै फालियो। बे हाबाफारि आव ईउपिपिएल नि गोबां दैदेनगिरिफोरा बाहागो लादोंमोन।
मध्यप्रदेश आव सोमोनांथाव जाथाय, मोब्लिब नि आंखाल नि थाखाय नो हाबा याव सोलायसोल जानायनि खौरां मोनदों। उज्जैईन जिला नि आसलाना दामि आव जादों, सा 3 बिब बिनानाव नि हाबा जादोंमोन, हाबाफारि सोलिबाय थानाय समाव नो मोब्लिब थांना होयो। बे समाव नो सानै हौवा गोदान नि खैना या सोलाय सोल जायो, न सिङाव मातृ पुजन सोलिबाय थादोंमोन, बे फुजा या सोलाय सोल जालायना नो जोबना थाङो, नाथाय हाबा या जानायनि सिगां नो मोब्लिब फैना होनाय आव सोलाय सोल जानायखौ मिथिना मोनो। रमेशलाल रेलोट मुंनि सुबुं नि नखर आव जादोंमोन, खनसे आव नो सा 3 फिसाजो आरो सासे फिसाज्ला नि हाबा खालामना होदोंमोन। मोब्लिब थांनानै फैफिनना होआमोनब्ला सोलायलायनाय जागौमोन खैना गोदान खौ। सोमोनांथाव।
नगांव नि काथपारा याव गुलि गावनाय जाथाय, एसबिआई नि एसपि नि बिगोमा खौ गुलि गावदों, गाज्रियै जोखैम जायो, बिगोमा नि मुङा हुमायुन कबिर, कलियाबर निफ्राय कावेमारि आव थांबाय थादोंमोन। बे समाव नो गंनै मथर साईखेल आव फैनाय दुथांफोरा गर 4 गुलि गावनानै गोबां लाख रां लाना थाङो, लामा याव थै जों गोग्लैना थानाय हालोद आव गामि नि सुबुंफोरा नुनानै उनाव देहाफाहामसालि आव लाना थाङो। नायबिजिरनाय आ सोलिगासिनो दं।
87 बोसोर बैसो आव स्कुल पास खालामबाय हारियाना नि बारग गिबि मन्थ्रि आ, बैसो आ मोनसे अनजिमा सो, बेखौ नो फोरमान खालामना होबाय हारियाना नि बारग गिबि मन्थ्रि अमप्रकाश चौताला या। फरायनो लिरनो गोसो जानाय आ साधारन आ नो मोन बिथआंनि आ, नाथाय जिउ आव गोजौ गाहाय जों मोगा मोगि आव फरायसालि खौ बारनो हायाखैमोन, दायो 87 बोसोर बैसो आव पास जाबाय। बेल नङा ऊंराजि आव 100 नम्बर नि 88 नम्ब बो मोननो हादों होनना फोरमायो, गुबुन आयदाफोराव बो मोजां नम्बर खौ नो लाखिनो हादों आरो फार्स्त दिभिजन मोनदों होनना फोरमायो।
मैया श्रिलंका याव थासारि आ आरोबाव गाज्रिसिन जादों, गाहाय मन्थ्रि राजपक्से आ गावनि बिबान एंगारनायनि उनाव नो थासारि आ गाज्रि निफ्राय गाज्रिसिन जालांगासिनो। दायो बारग गाहाय मन्थ्रि नि नखर खौ बो गाग्लोबदों बेरेखा जानायफोरा। साननैसो सिगाङावसो गोबां मोजां मोनजायोमोन गाहाय मन्थ्रि आ, नाथाय दायो थासारि आ गाज्रि। गोबां दैदेनगिरिफोरनि न खौ सावना होदों। बारग गाहाय मन्थ्रि नि न खौ बेरेखा खालामनायफोरा बेंखनना लादोंमोन आरो बै समाव बिथाङा बे न आव नो दंमोन। गाबहोनाय गेस आरो उदां अख्रां आव गुलि गावनानै सो बासायनो हादों होनना फोरमायो, उनाव बिथांनि न खौ सावना होजोबदों धर्ना होनायफोरा मखजाथावदि सानसे सिगाङाव सासे एमपि खौ बेरेखा खालामनायफोरा बुथारदोंमोन। श्रिलंका नि बारग क्रिकेटार अर्जुन रानातुंगा या बुंदों धर्ना होनायफोरा सांतियैनो होदोंमोन, नाथाय बिसोरखौ गाग्लोबना लानायनि उनाव सो थासारि आ गाज्रि जादों होनना फोरमायो।
तामिलनादु नि कुद्दालोर आव गोदानै हाबा जानाय बिहामजो आ फिसाय नि नआव टयलेट एबा खिग्रा न गैयि नि थाखाय नो सुईसाईद खालामदों। आयजो नि मुङा राम्या, 27 बोसोर बैसो नि, बियो प्राईभेट कम्पानि आव खामानि मोवोमोन। थांनाय 6 एप्रिल आव हाबा जादोंमोन आयजो आ, हाबा जानायनि उनाव फिसायनि न आव टयलेट गैयि खौ मिथियो आरो गोबां बार बेनि सायाव फिसायजों सावरायलायदोंमोन। नांलायनाय बो जादोंमोन। फेन आव फासि लानाय हालोद आव मोनो, लोगो लोगो देहाफाहामसालि आव लाना थांदोंमोनब्लाबो थैबाय होनना मिथियो। पुलिसफोरा नायबिजिरगासिनो दं।
आशानि मुंनि गिथावना बारहुंखा। बे बारहुंखा या गिथावना महर लागासिनो, अन्ध्रप्रदेश नि बिसाखापत्तनम आरो तामिलनादु नि चेन्नाय आव गाज्रियै गोहोम गोग्लैदों, बेनि थाखाय गोबां बिरखंफोरखौनो बन्ध खालामबाय। बे बारहुंखा नि थाखाय सोनाब बंग उरिश्या बिहार झारखान्द, तेलेंगाना, अन्ध्रप्रदेश आव गोबां अखा हानाय नुनो मोनदों, बोथोर बिगियान आ बुंनाय बादिब्ला बेनि थाखाय तामिलनादु कर्नातक आव बो गोबां अखा हानायनि सम्भावना दं आरो सुक्रबारसिम आसाम मेघालय आव बो अखा हानो हागौ होनना बुंदों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon