श्रिलंका याव अर जोंगासिनो दायो, गिदिर
खहा, हादरनि थागिबिफोरा मोनजायाखै मोनलोङाखै, मुवा बेसाद नि बेसेन आ बो गोबां बारा
जाबाय। रागा जोङोब्ला, हादरनि खहा खालामोब्ला रायजोफोरा मा मा खालामनो हायो नाय। श्रिलंका
नि दानि सोरखार नि सासे एमपि खौ रायजोफोरा रागा जोंनानै बुथारबाय आरो लोगोसे बारग
एमपि नि न खौ सावना बो होबाय। श्रिलंका नि जायगा यारि खौरां बिजों आव फोरमायमाय
बादिब्ला माउन्त लाफिनिया याव हादरनि बारग मन्थ्रि जनशन फार्नान्देज नि न खौ सावना
होदों। आयेन आफाद नि सोऱखार दानाय नि नो सोद्रोमा सनट निशान्त नि न खौ बो
गाग्लोबदों आरो अर लागायना होदों होनना खौरां मोनदों। बेल नङा बे हादर नि गाहाय
मन्थ्रि माहिन्दा राजपक्षा या बो बिबान खौ गारबाय होनना फोसावना होदों ओनसोलारि
खौरां बिजों फोरा, बिबान एंगारनायनि उनाव नो सासे एमपि अमरकिर्ति आतुकोहाला मुंनि
सुबुं नि जिउ गोमादों गाग्लोबजानानै। मखजाथावदि थांनाय दाननैसो निफ्राय
रांखान्थियारि जोंना जों मोगा मोगि जानांदों श्रिलंका या। गावजों गाव बो नांलायनाय
बुलायनाय आ सोलिगासिनो श्रिलंका याव।
मैया मिरु नखर मन्थ्रि अमित शाह आ बिटिआर नि तामुलपुर आव फैनानै बिएसएफ नि चेन्ट्रेल वर्कशप आरो स्तर्स नि अन्थाय खाम्फा खौ गायसनो। बिथाङा बे हाबाफारि आव बाहागो लानानै गावनि बिबुंथि आव भारत नि गाहाय मन्थ्रि आरो आसामनि गिबि मन्थ्रि नि दैदेननाय आव जानाय हाथियार लानाय आफाद फोरजों सावरायलायनानै गोजोन शांति खौ लाबोनो हादों होनना बुङो, 7 बोसोर सिगां आं जेब्ला आसाम आव फैदोंमोन, बे समाव सेंग्रा फोरा आखाय आव हाथियार लानानै नांबोदोंमोन, बै समाव बेयाव हिंसायारि राजखान्थि सोलियोमोन, गोबां सेंग्राफोरखौ बुथारनाय जायोमोन, बेनि उनाव नो आसाम निफ्राय उदखारि खौ बाहेर खालामगोन होनना समाय लादोंमोन आरो आं 7 बोसोर नि उनाव फैदों, दायो आसाम आव शांति फैबाय। आसामनि सिङाव नो 9 रोजा सो सेंग्राफोरा गावनि जायगा याव फैफिननायनि थिरांथा, बेनि गिदिर बिदिन्थि आ बदलेन्द, दायो हदलेन्द आव गुलि बारुद, बमा, हिंसा निफ्राय उदां जाबाय, भारत आरो आसाम सोरखार आ 90 जौखोन्दो समाय लानायफोरखौ आबुं खालामबाय होनना बो बुङो। बेफोरनि अनगायैबो बिटिआर नो गोदान 500 कौटि रां होगोन होनना फोसावदों, बिटिआऱ गोरोबथा नि गेजेरजों सोरखार आ 1500 कौटि रां होगोन होनना समाय लादोंमोन बिटिआर नि जौगानाय नि थाखाय। गुबुनफारसे स्पेशियेल पेकेज महरै 1980 कौटि रां सोरखार आ एप्रभ खालामना होबाय होनना फोसावना होदों। आसामनि गिबि मन्थ्रि आ बो तामुलपुर नि थाखाय मोननैसो गोनांथार फोसावनानै होदों, बाल्टि आरो मतंगा नि दालांखौ बानायनायनि अनअताय खाम्फा खौ 10 सान नि उनाव गायसनगोन, बे हाबाफारि आव बिथाङा गावनो फैगोन आरो लोगोसे पाग्लादिया नि सायाव नैथि दालां खौ साननैसो उनाव बानायनाय जागोन, बेनि थाखाय 350 कौटि रां खरसा खालामगोन होनना फोरमायो बिथाङा।
बारग एनदिएफबि धिरेन बर बिथाङा सानसे सिगाङाव 3000-3500 सो एनदिएफबि नि जायगा याव माबोरै 12000 एनदिएफबि नि मुं आ हाबखो होनना सोरखार खौ सोंनायनि उनाव बिटिआर नि गाहाय प्रमद बर बिथाङा फिननाय खौ होदों, एनदिएफबि नि खामानि खौ एनदिएफबि नि दैदेनगिरिफोरा सो मावदों, एनदिएफबि नि आव मोननै बाहागो दं, मोनसे आ हाथियार लानाय आरो मोनसे आ सिलाय लायालासै नो एनदिएफबि नि खामानि मावनाय। बिसोरखौबो लानानै एनदिएफबि नि रिहेबिलिटेशन नि बेबस्था खालामनायखौ होनायखौ गोजोननाय मोनदों होनना फोरमायो, नाथाय बिथाङा आगोलाव एनदिएफबि नि सारेन्दार आखलामनाय एबा आजिरा मोननायपोरखौबो सोनायमोनब्ला मोजां मोनगौमोन होनना सो बुंबावो। दायो सोरखौ अनसुंथाय मोनजानो लुबैयो आरो सोरखौ लुबैया बिथांखौ रोखा खालामनो बो होदों बिथाङा। बिथाङा लोगोसे मैया मिरु नखर मन्थ्रि आ तामुलपुर आव फैनाय खौ बरायो होनना फोरमायो। बिथाङा लिरदों मानगोनां भारतनि न'खर मन्थ्रि मुस्रि Amit Shah बिथांखौ बिटिआर हालामनि गासै रायजो-राजानि जानानै गोसो गोर्बोनिफ्राय बरायनाय जाबाय ।
सा-सानजा
भारतनि बेन्दोंआव थानाय आसाम रायजोनि बिटिआर हालामाव दिनै भारतनि न'खर मन्थ्रिखौ
बरायनो मोन्नाया जोंनि थाखाय जोबोर खाफाल गोनां, मानोना बिथाङा
बिटिआर ओनसोलखौ गोजोन सान्थि आरो जुनियायै जौगा होनो थाखाय गावनो नोजोर होबोगासिनो
दं । जों दिनै गोग्गानानै लानो हायोदि फैबाय थानाय समाव बिटिआर हालामाबो मोनसे
गोख्रों जौगानाय ओनसोल जानो हागोन आरो थाबैनो जों जोंनि थांखिखौ मोनफुंहैनो हागोन
।
कालसिनियाव
दिनै बेखेवजेन्नाय CAPF आरो साहा
सानजा रायजोनि रायजो पुलिस नि थाखाय CENWOSTO-II नि अन्थाइ
खाम्फा गायसन्नाय आरो बैसोमुथि फुजिनाय फुजाया दिनै तामुलपुर ओनसोलजों लोगोसे गासै
बिटिआर हालामखौ सा-सानजा भारत आरो भारत हादरनि गेजेरावनो गोग्गासार मुं लाबोनो
हागोन ।
4 बोसोर बैसो नि गथ खौ गारनानै थांबाय आलफा याव जरासे बिसि फिसाय आ। आलफा उदां आव थानानै पुलिसफोरनि संगालि नि खामानि मावनाय नि दाय होनानै सानै सुबुंफोरखौ बुथारनायनि उनाव नो आरो मोनसे सोमोनांथाव जाथाय। गावनि असे फिसा खौ नो गारनानै थांबाय। तिनसुकिया नि काकपथार नि बिसि फिसाय आ थांबाय आलफा याव, 1 नं चेलेंगुरि गामि नि अश्युत नेउग आरो ममता नेउग आ थांनाय आ सोराङाव फैदों। दायो बिफा या फिसा आरो बिहामजो खौ न आव थिनहरफिननो खावलायदों।
रायजो नि दिब्यांग एबा देहायारि जेंना थानाय सुबुंफोरनि थाखाय साख्रि आव रिजार्भेशन नि गोनांथार थिरांथा लादों सोरखार आ, गिबि, नैथि, 3थि आरो 4थि ग्रेद नि साख्रि नि थाखाय बिकलांग सुबुंफोरनो 4 जौखोन्दो मासि रिजार्भ खालामगोन होनना फोसावो। बेयो 2016 नि मोनथाय आयेन आरो भारत सोरखार नि 2017 आव दिहुननाय आयेन नि सिङाव जागोन। आगोलाव 3थि आरो 4 थि ग्रेद नि ल दंमोन, दायो गिबि आरो नैथि नि थाखाय बो लाखिनायनि गिदिर थिरांथा लायो।
रायजो आव गिथावना बुथारनाय जाथाय, गोदान बिहामजो खौ नो बुथारदों, जोथोब नि थाखाय नो बुथारनायनि सन्देह खालामनाय जादों, धुबुरि नि जाथाय, बिमा आरो फिसाज्ला लोगो नांनानै बुथारनाय जाथाय धुबुरि नि बिलासिपारा नि रानिगन्ज सोनालिगुरि आव। गोदना सेरथेनानै बुथारदों होनना अजद, जोथोब नि थाखाय नो गोबाव समनिफ्राय नो गाग्लोबबोगासिनोमोन, नखर नि सुबुंफोरा थाना याव एजाहार होनायनि उनाव नो फिसायकौ हमो, मुङा आब्दुल आजिज, बुथारजानायनि मुङा बेगम साहेबा होनना मिथिना मोनदों।
रायजो नि सावस्रि बिफान नि 3 थि आरो 4 थि ग्रेद नि साख्रि नि थाखाय फैगो 15 मे आव जानो गोनां आनजाद खौ फावसायनायनि उनाव आसामनि गिबि मन्थ्रि बिथाङा बेनि सायाव बुंदों. खारंगिरिफोरनि सिगाङाव गिबि मनथ्रि आ बे साख्रि नि थाखाय 10 लाख आ एप्लाई खालामदों होनना फोरमायो, 15 मे आव जानो गोनां आनजाद आ फैगो 21 नङाब्ला 27 मे आव जागोन, सप्तासे नङाब्ला सप्ता नै नि उनाव नो आनजाद आ जागोन होनना फोरमायो। मखजाथावदि साननै सिगाङाव हरखाब नो आनजादखौ थि गैयि सम सिम फावसायदों होनना बिफान आ बुंदोंमोन।
मोननै कुवार्तार लोगोसे नो फोजोबनायनि उनाव बो निशा नाङासै, बेनि थाखाय नो सोरखार नो लायजाम लिरबाय सासे जौ लोंग्रा या, रायजो नि नखर मन्थ्रि आऱो एसपि नो लाईजाम लिरना हरदों ग्राहक आ, जौ लोंग्रा या लाईजाम लिरनानै जौ आव दै मिलायनानै फाननाय नि अजद, लोगोसे बे जौ नि थाखाय रांखान्थियारि खहा जादों होनना बो फोरमायो, जाथाय आ मध्यप्रदेश नि ऊज्जयिनि नि, ऊज्जयिनि नि बाहादुर गन्ज आर्य समाज मार्ग आव थानाय लोकेन्द्र सथिया मुंनि जौ लोंग्रा सुबुं आ नो लिरना हरदोंमोन, थांनाय 2 बोसोर सानफ्रोमबो जौ लोंनाय सुबुं आ अजद होनाय बादिब्ला थांनाय 12 एप्रिल आव जौ बायदोंमोन मोननै कुवार्तार नि बथल। नाथाय बेखौ लोंजोबनायनि उनाव बो ईसेबो निशा नाङाखैमोन, गिबि आव दखान नि बिगोमा नि सिगाङाव बुंग्रोदोंमोनब्लाबो दखानि आ रायना सो हरो, बेनि थाखाय नो बे दखानि नि बेरेखा एक्सन लानो लाईजाम लिरना हरो नखर मन्थ्रि, एसपि आरो लोगोसे अबकारि बिफान नो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon