बे हारसा बुरै आ गाव सानमारनानैनो बर
फोरखौ गुन्दा बुंमारदोंमोन ना, मा जामारदोंमोन जाथाय आ। मैया बाक्सा जिला एबसु आ
बुंनाय बादिब्ला जाय फोरोंगिरि आ बुजादोंमोन बे फोरोंगिरि आ गोबाव सान निफ्राय नो
गाज्रि आखु दिनथिबोगासिनोमोन गावनि फरायसाफोरनि सिगाङाव। फरायसाफोरनो फन हरबाय
थायोमोन, भिदिअ कल खालामबाय थायोमोन, नाम्बारखौ ब्लक खालामोब्लाबो गुबुन नम्बर जों
फन हरबाय थायोमोन नि अजद होदों बाक्सा जिला एबसु आ। बेबायदि गाज्रि आखु
दिन्थिनायनि थाखाय नो बाजार नि सानैसो सुबुंफोरा एबसु अफिस आव लाना थांनानै सोंनाय
आव मोजां खोन्थायिनि बुदों होनना बुङो। बे जाथाय जानायनि उनाव साननै सिगाङाव सासे
बुरै आ आसाम आव बर फोरनि जायगा या नो गैयामोन, जायगा होदोंसो, लोगोसे बरफोरखौ
गुन्दा, एबसु खौ बो गाज्रियै बुंदोंमोन बे सासे बुरै आ, त्राईबेल फोरा नो बे हा नि
गिबि थागिबिमोन, बिसोरसो उनाव फैनायमोन, बिसरनो सो हा होदोंमोन होनना बुंनांगौ,
नाथाय बर फोरखौ सो बेबायदि बुंबावदों। बाक्सा नि सालबारि आव जादोंमोन जाथाय आ,
बाक्सा जिला एबसु आ खौरांमेल नि गेजेरजों बे हारसा बुरि खौ सोरबा फोरोंनानै खोथा
खौ बुंहोदों होनना बुंदों, बेनि नायबिजिरनायखौ खालामगासिनो, सोरनि थिननाय आव बेखौ
खालामदों बेखौ मिथियोब्ला आयेन नि मदद जों उननि समाव खामानि खौ मावगोन होनना
बुंदों।
नबजित नार्जारि नो भट होनाय आ
मैयानिफ्राय जागायबाय, भट होआखैब्ला होदो। 9152915246 नम्बर आव मिस कल हरनानै।
मिसकल हरनाय समाव खनसेब्लाबो रिं जानो नांगोन, रिं जायाब्ला भट महरै साननाय जानाय
नङा, बेखायनो कल खालामब्ला रिं जादों ना जायाखै नायोब्लानो जाबाय।
एबसुआ 800 मिटार खारनानै
सनानि मेडेल आरो 5 किल'मिटार
थाबायनानै रुफानि मेडेल देरहानो हानाय पबन बाग्लारी आरो ल'लित
बसुमतारीखौ बरायदों । मिरु एबसुनि
गाहाइ नेहाथारिनि मानगोनां मुस्रि खनिन्द्र बसुमतारीनि दैदेननायाव दिनै कार्बिआंलं
जिल्लानिफ्राइ 4थि नेशनेल
मास्टार गेमसआव देरहासाद जानानै बर' हारिनि मुंखौ जारिमिनाव लिरबोनो हानाय सानै जोहोलावफोरखौ
बरायदों । मख'जायोदि, बोहैथि डाननि
थांनाय 18 मेनिफ्राइ 22 मेसिम
केरेलानि टिरुवनन्तपुरमाव मास्टार गेम्स फेडेरेसन(इण्डिया)नि बानजायनायाव खुंजानाय
4थि नेशनेल
मास्टार गेम्सयाव 800 मिटार खारनानै
कार्बिआंलं जिल्लानि डेनगाव दख'रा एबसुनि बेन्दोंङाव थानाय खाउरिफोथार गामिनि
थागिबि मुस्रि पबन बाग्लारी (53)आ सनानि मेडेल देरहानो हादों । लोगोसे बे एखे
मास्टार गेम्स फेडेरेसन (इण्डिया)नि बानजायनायाव खुंजानाय 4थि नेशनेल
मास्टार गेम्सयाव 5 किल'मिटार एबा 5000 मिटार
थाबायनानै 3थि मासियाव
कार्बिआंलं जिल्लानि लांहिन दख'रानि बेन्दोंङाव थानाय प्रटिकझान गामिनि थागिबि
मुस्रि ल'लित बसुमतारी(55)याबो देरहासाद
जाबोनो हायो । बेखौनो दिनै मिरु एबसुनि
गाहाइ नेहाथारि मानगोनां मुस्रि खनिन्द्र बसुमतारीनि दैदेननायाव मिरु आरो
कार्बिआंलं जिल्ला एबसु एबसुनि जथायै बरायदों । बे बरायनाय
हाबाफारियाव मिरु एबसुनिफ्राइ फारियै सोलोंथाइ नेहाथारि सोमावसार बसुमतारी, सुबुं
फोनांजाब नेहाथारि अबित नार्जीरीजों लोगोसे कार्बिआंलं जिल्ला एबसुनिफ्राइ फारियै
आफादगिरि जनास बसुमतारी, लेङाइ आफादगिरि कल्यान राभा, नेहाथारि हरिचरन बाग्लारी आरो लांहिन द'खरानि लेङाइ
आफादगिरि निरन बर'आ ।
बागसा
मसुलपुरआव अबर सुरुक्षा समिटिनि खौरांगिरि मेल । अबरनि मुंआव MP नब कुमार
शरनीया आरो माधब राजबंशीआ दालालि खालामदों । बागसा जिलानि
मसुलपुरआव अबर सुरुक्षा समिटिनि खौरांगिरि मेल ।खौरांगिरि मेलआव बाहागो लायो अबर
सुरुक्षा समिटिनि नेहाथारि जगेस्वर कलिता, अबर लिडार जोन दास आरो 22 नं ककलाबारी
बियाबनि उप्रा बिसाइख'थिनि उदां बिजाथि हिरेन सरनियाआ। कम्पिउतार फोरोंगिरि आ बुजानायखौ लाना बो
बुंदों बिसोर, एबसु आ बुजानाय फोरोंगिरि नि नखरखौ नारसिनदों होनना सो अजद होदों,
जुदि एबसु आ सोमोन्दो आ नो गैयाब्ला गुबुन सोमोन्दो थानायखौ मानो बुङाखै होनना
खौरांगिरिफोरनि सिगाङाव बुंदों, नाथाय बिथांमोना बियो मानो बुजादों बेखौ बुङि आ
सोमोनांथाव।
थांनाय मे दाननि 13 खालाराव कक्राझार जिल्लानि सालाकाटिआव सासे उन्दै हिन्जावसाखौ आमिर हामजा
मुंनि सासे दुथांआ जिनाहारी खालामना भिडिअ भाइरेल खालामग्रा गुबै दायनिगिरिखौ
पुलिसआ दासिमबो हमैखौ गोख्रों रावजों सोंखारियो BONSU आ। कक्राझार जिल्लानि जिल्ला बेंगिरि लांगोनायाव कक्राझार जिल्ला बनसुनि
बान्जायनायाव खुंफुंनाय धर्ना हाबाफारिनि गेजेरजों पुलिसआ थाबैनो दायनिगिरिखौ हमना
साजा होनांगौ होन्ना गोख्रों दाबि दैखांदों। जोंनि आय बिब बिनानाव मोना रैखाथि
गैयि बायदि जादों, आयजो माहारि आ नो रैखाथि गैयि बायदि जालांगासिनो दं। दासिमबो बे
जिनाहारि खालामनानै भाईरेल खालामनाय सुबुंखौ मानो हमाखै होनना सोंदों बनसु आ।
जोंनि गासैबो आयजो माहारिफोरा ज जानांगोन, लोगोसे जानानै बेनि सायाव बाथ्रा बुंनो
नांगोन, नङाब्ला बे केस खौ गोरलैयै नो लागोन, जिनाहारि आ गोरलै बायदि सो जागोन
बेबायदि जायोब्ला होनना बु बुंबावो।
गुवाहाति आव
नंखाय कल चेन्टार। गुवाहाति क्राईम ब्रान्स नि मोनसे दोलो आ नागिरनानै मोनदों,
क्राईम ब्रान्स नि मोनसे दोलो आ उलुबारि आव खौरां मोननानै नागिरदोंमोन, बेयावनो
नंखाय कल चेन्टारखौ मोनो, बेनि दाय आव सासे मावथि खौ हमदों क्राईम ब्रान्स नि दोलो
आ, बिखौ बिहार नि समस्तिपुर नि आदित्य कुमार होनना सिनायनाय जादों, मिथिना मोननाय
बादिब्ला क्राईम ब्रान्स नि दोलो आ भेनास बिजनेश सलुशन मुंनि कल चेन्टार आव
नागिरदोंमोन जायखौ हायदाराबाद निफ्राय कनट्रल खालामोमोन, बे कल चेन्टार नि
गेजेरजों गुबुन हादरनि कल फोरखौ लकेल कल आव सोलायनानै भारत सोरखार नि गोबां कौटि
रां नि खहा खालामनायनि अजद नायबिजिरनाय दोलो नि।
बिसायखथि नि
थाखाय नो आसामनि कार्बिआंलं जिला याव 7 आरो 8 जुन आव जानो गोनां हायार सेकन्दारि
गिबि बोसोरनि आनजाद खौ फावसायबाय। गुबुन जिलाफोरनि आ बे खालार आव नो जागोन, नाथाय
कार्बिआंलं नि आ ल सो सोलायगोन। गिबि आव दैबाना नि थाखाय सम खौ सोलायदोंमोन, दायो
बिसायखति नि थाखाय सोलायदों, सोमोनांथाव। फरायसाफोरजों खेला गेलेनायबायदि सो
जादों। 27 मे खालि एहसेक आ गोदानै मोनसे नटिस दिहुनना होदों। 18 मे निप्राय जानो
गोनां सान 3 नि आनजाद खौ 6, 7 आरो 8 जुन आव थि खालादोंमोन। गुबुन जिलाफोरनि आव थि
सम आव नो जागोन आनजाद, कार्बिआंलं आव बो 6 जुन नि आ जागोन, 7 आरो 8 नि आ ल सो
जानाय नङा। मखजाथावदि 8 जुन आव जागोन बिसायखथि आ। कार्बिआंलं अटनमास काउन्सिल नि
बिसायखथि। गोदान नटिस खौ कनट्रलार अफ एग्जाम पंकज बरथाकुर बिथां आ होदों।
अईल आव साख्रि
होगोन होनना बुंना लाख लाख रां लुथिना लांनाय सुबुं खौ रायजोफोरा हमनानै हान्थु
खेरायहोदों। गावखौनो नुनमाटि रिफाईनारि आव खामानि मावो होनना बुंना लानानै थगायनानै
गोबां सुबुंफोरखौ जे आव खोख्लैदोंमोन। अजद नि बादिब्ला बिबेक पाथक मुंनि सुबुं आ 1
निप्राय 5 लाख रां सिम लायोमोन सासे सुबुं निफ्राय, गोबां समाव नंखाय आनजाद बो
खुङोमोन बे दायनिगिरि आ। साख्रि मोनि सुबुंफोरा होनाय रां खौ मोनफिननो थाखाय खौरां
लाहरोब्ला हुमखि सो होयोमोन बे दायनिगिरि आ, नाथाय सनिबारखालि दिन आ गाज्रिमोन
बिनिया। शईमाईल आव सासे बिजाथि नि ईन्टारभिउ लानो थांनाय आव नो रुक्मिनि गाव नि
रायजोफोरनि आखाय आव गोग्लैयो, गोबां थगायजानाय सुबुंफोरा हमनानै आन्थु खेरायहोयो
आरो उनाव पुलिसनो हरो बिखौ। बे दायनिगिरि आ पुलिस नि सिगाङाव रिमा दास आरो बुबुल
दास मुंनि सानै सुबुं नि बिथोन आव नो बेखौ खालामदोंमोन होनना बुंदों, पुलिसफोरा
सोंगासिनो दं।
भारत नि
सावथुन मुलुग आव बोसोरफ्रोमबो गोबां सावथुन बानायनाय जायो, सावथुनफोरा हित जानायनि
उनाव बेनि मोननैसो स्ताईल, दाईलग फोरा मोजां मोनजानानै बाहायजायो नायग्राफोरजों,
दानि समाव भारत आव बलिउदनिख्रुय साउथ नि सावथुनफोरा सो बांसिन रां खामायनानै
रेकर्द खालामो आरो गासै हादर आव नो नायग्राफोरजों मोजांबो मोनजायो। 2022 बोसोर नि
भारत नि मोजांसिन मोनजानाय हित सावथुन आ केजिएफ सेप्तार 2 खौ नायनाय नि उनाव सासे
गथ आ जा खालामबाय बियो सोमोनांथाव। हायदाराबाद नि सासे 15 बोसोरबैसो नि उन्दै गथ आ
केजिएफ सेप्तार 2 नि गाहाय फावगिरि रकि भाई नि स्ताईल खौ खालामनो थांनानै आबुं
सिगारेत पेकेत खौनो सोबदोंमोव, पेकेटसे सोबनायनि उनाव गथ नि गोदना याव सानाय आरो
गुजुनाय जायो, देहा या गाज्रिथार जादोंमोन, बेनि थाखाय नो देहाफाहामसालि आव लाना
थाङो, मोजाङै फाहामथाय लाहोनानै मोजां खालामनो हाफिनो होनना मिथिना मोनदों।
दिनै आईपिएल
नि फाईनेल आ जागोन। गुजरात ताईतान्स आ राजस्थान रयेल्स नि बेरेखा गेलेगोन, गुजरात
आ बे बोसोर आव सो गिबि गेलेदों, एबा दोलो आ गोदानथार, गुबुनफारसे राजस्थान आ 2008
निफ्राय नो गेलेबोगासिनो, 2008 आव गिबिसिन चेम्पियन जानाय आ राजस्थान आ नो मोन।
बेनि उनाव मोनसेबो ट्रफि देरहायाखै, गुजरात आ राजस्थान खौ नो फेजेननानै फाईनेल आव
मोनहैदोंमोन कुवालिफायार 1 नि गेलेनायजों, दायो फाईनेल आव राजस्थान खौ नो
मोनफिनबाय, राजस्थान आ गुजरात जों जेननाय नि उनाव कुवालिफायार 2 आव आरसिबि खौ
फेजेननानै फाईनेल मोनदोंमोन।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon